Arabic, North Levantine Spoken: العامية اللبنانية بالقافية (Portions)

العامية اللبنانية بالقافية

بعدين أوحى الله سبحانه وقال للنبي موسى (عليه السلام):
"رجاع لعند فرعون مرّة تانية وقلُّه: "الله ربّ بني يعقوب بقلَّك هيدا الكلام:
"أطلِق قومي من مصر،
ليعبدوني، وإذا ضلّيت حاجِزهُن ورفضِت هيدا الأمر،
فالله القدير رح يضرب مواشيك يلّي بالحقول بِوباء، والخيل والحمير والجمال والغنم والبقر.
ويميَّز بينُن وبين مواشي بني يعقوب يلّي راس منُن ما رح يندَقَر."
وحدّد الله تاريخ لهالوباء وقال: "بكرة رح يتمّ هيدا الأمر."
وتاني يوم، ماتت كل مواشي المصريين،
أمّا بني يعقوب فمواشيهن بقيوا صحاح وسليمين.
وقام بعت فرعون ناس تيتحقّق شو صار، وعرِف إنّه مواشي بني يعقوب بعدُن عايشين.
وبالرغم من هالشّي، كفّى فرعون بعنادُه،
وما أطلق بني يعقوب من بلادُه.

بعدين أوحى سبحانه للنبي موسى وهارون (عليهم السلام) وقال: "عبّوا إيديكُن من رماد الكانون،
وخلّي موسى يرشُّن بالهوا، عمرأى من فرعون.
وهيك الرماد بصير غبرة عأرض مصر وبكلّ المحلّات،
وبتسبِّب دمامِل بتطلِّع عَمَل لكلّ النّاس والحيوانات."
فنفَّذوا موسى وهارون (عليهم السلام)، هيدا الكلام.
وعجز السحرة والمنجّمين،
إنّن يواجهوا النبي موسى لأنّه الدمامل صابتُن متل ما صابت كلّ المصريين.
هالمرّة، سبحانُه خلّى فرعون يتمادى بعنادُه،
وما أطلق بني يعقوب من بلادُه،
ورفض فرعون يتسمَّع لموسى وهارون (عليهم السّلام)،
متل ما سبق وذكر ربّ العالمين هيدا الكلام.

Escolta قصة النبي موسى - الخروج 9