Western Cree Bible
(Syllabics version)
About Western Cree
In reality, there is no such language as “Western Cree.” However, the western varieties of Cree, currently known as Plains Cree, Alberta Cree, Swampy Cree, and Woods Cree, have at times been lumped together under the term “Western Cree.”
About This Translation
A Bible was published in “Western Cree” in 1862 by the British and Foreign Bible Society. It had been translated by William Mason (a missionary ministering in Norway House) and particularly by his wife Sophia Thomas Mason (from Red River, whose mother was Cree), with substantial contributions by indigenous co-workers John Sinclair and the Reverend Henry Bird Steinhauer. This was the second Bible printed in a North American indigenous language. It was printed entirely in syllabics. This Bible was later revised by Archdeacon MacKay and Richard Faries. This Bible has remained in use in Cree communities up to the present day. It has been out of print for several years, and there are frequent requests for copies. The text has now been digitized, and corrections are being done to the typos that crept into the text.
If you are interested in obtaining a printed copy of this Bible, please contact the Canadian Bible Society at http://www.biblescanada.com.
Copyright Information
The Holy Bible in Western Cree © 2018 Canadian Bible Society.
The text of the Holy Bible in Western Cree that appears in this electronic format or website is for personal use only.
Up to five hundred (500) verses of the Bible text in any form (written, visual, electronic or audio) may be quoted without permission. The quoted verses may not be more than 50% of a complete book of the Bible, or more than 25% of the total text of the work in which they are quoted. Prior written permission must be obtained for any other use of the text. Copyright acknowledgement must in all cases appear on the title or copyright page.
For more information on copyright conditions or to apply, visit http://www.biblesociety.ca/copyright

Kanāci Kihci Masinahikan

This Bible text is a corrected edition of the 1908 Western Cree Bible; it is in the public domain.

ᑭ ᐊᔮᐤ ᒫᑲ ᐸᕒᐊᓯ ᓂᑯᑎᒪᐢ ᐁ ᐃᓯᔨᐦᑳᓱᐟ, ᐅᔭᓱᐁᐧᐃᐧᔨᓂᒥᐋᐧᐊᐧ ᒍᐊᐧᐠ: ᐁᐊᐧᑯ ᐊᐊᐧ ᑭ ᐯ ᓈᑌᐤ ᒋᓴᓴ ᓂᐹᑎᐱᐢᐠ, ᐅᒥᓯ ᐁ ᐃᑖᐟ, ᕒᐊᐸᐩ, ᑭ ᑭᐢᑫᔨᒥᑎᓈᐣ ᐁ ᐅᑭᐢᑭᓄᐦᐊᒫᑫᐃᐧᔭᐣ ᑭᓭᒪᓂᑐᕽ ᐁ ᐯ ᐅᐦᒋᔭᐣ; ᒋᑫᒫ ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭ ᑐᑕᒼ ᐅᐦᐃ ᒪᒫᑖᐃᐧ ᐃᓯᐦᒋᑫᐃᐧᓇ ᑭᔭ ᑳ ᑐᑕᒪᐣ, ᐱᑯ ᑭᓭᒪᓂᑐᐊᐧ ᐃᐧᒉᐃᐧᑯᒋ. ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᐯᐧ, ᑖᐯᐧ, ᑭᐟ ᐃᑎᐣ, ᑭᐢᐱᐣ ᐁᑳ ᐊᔨᓯᔨᓂᐤ ᑭᐦᑕᐧᒼ ᓂᐦᑖᐃᐧᑭᒋ, ᓇᒪᐃᐧᔭ ᑭᑕ ᐋᐧᐸᐦᑕᒼ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ.
ᓂᑯᑎᒪᐢ ᐃᑌᐤ, ᑖᓂᓯ ᑫ ᑭ ᐃᓯ ᓂᐦᑖᐃᐧᑭᐟ ᐊᔨᓯᔨᓂᐤ ᐁ ᐊᑎ ᑭᓭᔨᓂᐃᐧᐟ? ᑭᑖᐧᒼ ᒋ ᑭᑕ ᑭ ᑭᑭᐢᑳᐠ ᐅᑳᐃᐧᔭ, ᒥᓇ ᑭᑕ ᓂᐦᑖᐃᐧᑭᐟ? ᒋᓴᐢ ᑭ ᓇᐢᑫᐧᐊᐧᓯᒣᐤ, ᑖᐯᐧ, ᑖᐯᐧ, ᑭᐟ ᐃᑎᐣ, ᑭᐢᐱᐣ ᐁᑳ ᐊᔨᓯᔨᓂᐤ ᓂᐱ ᒥᓇ ᐊᐦᒑᐦᑲᐧ ᐅᐦᒋ ᓂᐦᑖᐃᐧᑭᒋ, ᓇᒪᐃᐧᔭ ᑭᑕ ᐱᐦᑐᑫᐤ ᑭᓭᒪᓂᑐᐊᐧ ᐅᐟ ᐅᑌᓇᐃᐧᐃᐧᓂᔨᕽ. ᐊᓂᒪ ᐃᐧᔮᓯᕽ ᑳ ᐅᐦᒋ ᓂᐦᑖᐃᐧᑭᕽ ᐃᐧᔮᓯᐊᐧᐣ ᐁᐊᐧᑯ; ᒥᓇ ᐊᓂᒪ ᐊᐦᒑᐦᑯᕽ ᑳ ᐅᐦᒋ ᓂᐦᑖᐃᐧᑭᕽ ᐊᐦᒑᐦᑯᐊᐧᐣ ᐁᐊᐧᑯ. ᐁᑳᐃᐧᔭ ᒫᒪᐢᑲᑌᔨᑕ ᐁ ᑭ ᐃᑎᑖᐣ, ᐱᑯ ᑭᑕ ᑭᐦᑕᐧᒼ ᓂᐦᑖᐃᐧᑭᔦᐠ. ᐊᐧ ᐊᔨᓯᔪᐁᐧᑭ ᔪᑎᐣ ᐊᔨᓯᔪᐁᐧᐤ, ᑭ ᐯᑌᐣ ᒫᑲ ᐁ ᒪᑌᐧᔪᐁᐧᐠ, ᒫᑲ ᓇᒪᐃᐧᔭ ᑭ ᑳ ᑭ ᐃᐧᐦᑌᐣ ᑖᓂᑌ ᐁᐧᒋᐸᔨᐠ, ᒥᓇ ᑖᓂᑌ ᐁᐢᐸᔨᐠ; ᐁᑯᓯ ᐃᓯ ᐊᔮᐤ ᑲᐦᑭᔭᐤ ᐊᐃᐧᔭᐠ ᐊᐦᒑᐦᑯᕽ ᑳ ᐅᐦᒋ ᓂᐦᑖᐃᐧᑭᐟ.
ᓂᑯᑎᒪᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑖᓂᓯ ᐃᐧᔭ ᐅᐦᐃ ᑫ ᑭ ᐃᓯ ᐃᑭᑭ? ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑭ ᑭᐢᑭᓄᐦᐊᒪᐋᐧᐊᐧᐠ ᒋ ᐃᐢᕒᐁᐃᓬ, ᐁᑳ ᒫᑲ ᐁ ᑭᐢᑫᔨᑕᒪᐣ ᐅᐦᐃ? ᑖᐯᐧ, ᑖᐯᐧ, ᑭᐟ ᐃᑎᐣ, ᓂ ᑕᓯᑌᓈᐣ ᐊᓂᒪ ᑳ ᑭᐢᑫᔨᑕᒫᕽ, ᒥᓇ ᓂᐟ ᐋᑐᑌᓈᐣ ᐊᓂᒪ ᑳ ᑭ ᐋᐧᐸᐦᑕᒫᕽ; ᒫᑲ ᓇᒪᐃᐧᔭ ᑯᑎᓇᒪᐃᐧᓈᐣ ᓂᐟ ᐋᒋᒧᐃᐧᓂᓈᐣ. ᑭᐢᐱᐣ ᐃᐧᐦᑕᒫᑕᑯᐠ ᐊᐢᑭᐃᐧ ᑫᑲᐧᔭ, ᐁᑯᓯ ᓇᒪᐃᐧᔭ ᑭ ᑖᐯᐧᑌᓈᐋᐧᐤ, ᑖᓂᓯ ᑫ ᑭ ᐃᓯ ᑖᐯᐧᑕᒣᐠ, ᑭᐢᐱᐣ ᐃᐧᑖᒫᑕᑲᐧᐃ ᑭᐦᒋ ᑭᓯᑯᐃᐧ ᑫᑲᐧᔭ? ᓇᒪ ᐊᐃᐧᔭᐠ ᐊᔨᓯᔨᓂᐤ ᑭᐦᒋ ᑭᓯᑯᕽ ᑭ ᐃᓯ ᐅᐱᐢᑳᐤ, ᐱᑯ ᐊᓇ ᑭᐦᒋ ᑭᓯᑯᕽ ᑳ ᑭ ᐯ ᐅᐦᒋ ᔮᓯᐟ, ᐁᐊᐧᑯ ᐊᓇ ᐃᔨᓂᐃᐧᑯᓯᓵᐣ ᑭᐦᒋ ᑭᓯᑯᕽ ᑳ ᐊᔭᐟ.
ᑳ ᑭ ᐃᓯ ᐅᐦᐹᐢᑲᐧᐋᐧᐟ ᒧᓯᐢ ᑭᓀᐱᑲᐧ ᐱᑲᐧᑕᐢᑭᕽ, ᐁᑯᓯ ᒣᐧᐦᒋ ᑫ ᐃᓯ ᐅᐦᐹᐢᑲᐧᐅᐦᐟ ᐃᔨᓂᐃᐧᑯᓯᓵᐣ: ᐱᑯ ᐊᐃᐧᔭᐠ ᐁ ᑖᐯᐧᔦᔨᒪᐟ ᐁᑳ ᑭᑕ ᓂᓯᐊᐧᓈᑎᓯᐟ, ᒫᑲ ᑭᑕ ᐊᔮᐟ ᑳᑭᑫ ᐱᒫᑎᓯᐃᐧᐣ.
ᐃᐧᔭ ᑭᓭᒪᓂᑐ ᐁᐢᐱᒋ ᓵᑭᐦᑖᐟ ᐊᐢᑭ, ᑭ ᒣᑭᐤ ᐅ ᐯᔭᑯ ᑯᓯᓵᓇ, ᐱᑯ ᐊᐃᐧᔭᐠ ᐁ ᑖᐯᐧᔦᔨᒫᐟ ᐁᑳ ᑭᑕ ᓂᓯᐊᐧᓈᑎᓯᐟ, ᒫᑲ ᑭᑕ ᐊᔮᐟ ᑳᑭᑫ ᐱᒫᑎᓯᐃᐧᐣ. ᐃᐧᔭ ᑭᓭᒪᓂᑐ ᑭ ᐯ ᐃᓯᑎᓴᐁᐧᐤ ᐅᑯᓯᓴ ᐅᑕ ᐊᐢᑭᕽ ᓇᒪᐃᐧᔭ ᑭᑕ ᐅᔭᓱᐋᐧᑕᒥᔨᐟ; ᒫᑲ ᐃᐧᔭ ᑭᑕ ᐅᐦᒋ ᐱᒫᑕᓂᔨᐠ ᐊᐢᑭ. ᐊᓇ ᑳ ᑖᐯᐧᔦᔨᒫᐟ ᓇᒪᐃᐧᔭ ᐅᔭᓱᐋᐧᑖᐤ: ᒫᑲ ᐊᓇ ᐁᑳ ᑳ ᑖᐯᐧᔦᔨᒫᐟ ᐁᐊᐧᑯ ᓵᓴᐩ ᐅᔭᓱᐋᐧᑖᐤ, ᒋᑫᒫ ᐁᑳ ᐁ ᑖᐯᐧᑕᕽ ᐅ ᐃᐧᔪᐃᐧᓂᔨᐤ ᑳ ᐅ ᐯᔭᑯ ᑯᓯᓵᓂᒥᑯᔨᐟ ᑭᓭᒪᓂᑐᐊᐧ. ᐁᐊᐧᑯ ᐅᒪ ᐅᔭᓱᐋᐧᑎᑯᐃᐧᐣ, ᐋᐧᐢᑌᐤ ᐁ ᑭ ᐯ ᑕᑯᓯᓄᒪᑲᕽ ᐅᑕ ᐊᐢᑭᕽ, ᐊᔨᓯᔨᓂᐊᐧᐠ ᒫᑲ ᑭ ᓵᑭᐦᑖᐊᐧᐠ ᐊᐧᓂᑎᐱᐢᑳᐤ ᐃᐢᐱᐨ ᐋᐧᐢᑌᐤ, ᒋᑫᒫ ᐅᐟ ᐃᓯᐦᒋᑫᐃᐧᓂᐊᐧᐊᐧ ᐁ ᒪᒐᔨᐊᐧᓂᔨᑭ. ᒋᑫᒫ ᑕᐦᑐ ᐊᐃᐧᔭᐠ ᑳ ᒪᒋ ᑐᑕᕽ ᐸᑳᐧᑕᒼ ᐋᐧᐢᑌᐤ, ᓇᒪᐃᐧᔭ ᒥᓇ ᐯ ᓈᑕᒼ ᐋᐧᐢᑌᐤ, ᐁᑳ ᑭᑕ ᓄᑲᐧᓂᔨᑭ ᐅᐟ ᐃᓯᐦᒋᑫᐃᐧᓇ. ᒫᑲ ᐃᐧᔭ ᑲᐧᔭᐢᐠ ᑳ ᑐᑕᕽ ᐯ ᓈᑕᒼ ᐊᐧᐢᑌᐤ, ᑭᑕ ᓄᑲᐧᓂᔨᑭ ᐅᐟ ᐃᓯᐦᒋᑫᐃᐧᓇ ᑭᓭᒪᓂᑐᕽ ᐁ ᐅᐦᒋ ᑭᓯᒋᑳᑌᔨᑭ.
ᐃᐢᐱ ᒫᑲ ᐅᐦᐃ ᑳ ᐳᓂᐸᔨᑭ ᒋᓴᐢ ᑭ ᐯ ᑕᑯᓯᐣ ᒥᓇ ᐅ ᑭᐢᑭᓄᐦᐊᒪᐋᐧᑲᓇ ᒍᑎᔭ ᐊᐢᑭᕽ; ᐁᑯᑕ ᒫᑲ ᑭ ᐊᔨᑕᓯ ᐊᐧᐃᐧᒉᐁᐧᐤ, ᐁ ᑭ ᐹᑊᑕᐃᓯᐃᐧᐃᐁᐧᐟ. ᒐᐣ ᒫᑲ ᐃᐧᐢᑕ ᑭ ᐸᑊᑖᓯᐃᐧᐃᐁᐧᐤ ᐃᓇᓂᕽ ᒋᑭ ᓭᓬᐊᒥᕽ, ᒋᑫᒫ ᑭ ᓂᐱᐢᑳᐤ ᐁᑯᑕ; ᑭ ᐯ ᐃᑐᐦᑌᐊᐧᐠ ᒫᑲ, ᐁ ᑭ ᐸᑊᑕᐃᓯᐃᐧᐃᒋᐠ. ᒋᑫᒫ ᓇᒣᐢᑲᐧ ᑭᐸᐋᐧᐤ ᒑᐣ.
ᐁᑯᐢᐱ ᒫᑲ ᑭ ᓯᐯᐧ ᑲᑫᐧᒋᑐᐊᐧᐠ ᐊᑎᐟ ᒐᐣ ᐅ ᑭᐢᑭᓄᐦᐊᒪᐋᐧᑲᓇ ᒥᓇ ᒍᐊᐧ ᐁ ᑕᓯᑕᑭᐠ ᐯᑭᐃᓱᐃᐧᐣ. ᑭ ᐯ ᓈᑌᐊᐧᐠ ᒫᑲ ᒑᓇ, ᐅᒥᓯ ᐁ ᑭ ᐃᑖᒋᐠ, ᕒᐋᐸᐩ, ᐊᓇ ᑳ ᑭ ᐃᐧᒉᐃᐧᐢᐠ ᐊᑳᒥᕽ ᒑᕒᑕᓂᕽ, ᐊᓇ ᑳ ᐊᒋᒪᐟ, ᒋᐢᐟ, ᐁᐊᐧᑯ ᐹᑊᑕᐃᓯᐃᐧᐃᐁᐧᐤ, ᑲᐦᑭᔭᐤ ᒫᑲ ᐊᔨᓯᔨᓂᐊᐧ ᐯ ᓈᑎᐠ. ᒑᐣ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᐊᔨᓯᔨᓂᐤ ᑫᑲᐧᐩ ᑭᑕ ᑭ ᐅᑎᓇᒼ ᑭᐢᐱᐣ ᐁᑳ ᑭᐦᒋ ᑭᓯᑯᕽ ᐅᐦᒋ ᒥᔨᐦᒋ. ᑭᔭᐋᐧᐤ ᑫᐦᒋᐋᐧᐠ ᑭ ᑲ ᑭ ᐋᒋᒥᓈᐋᐧᐤ, ᒥᓇ ᐁ ᑭ ᐃᑌᐧᔮᐣ, ᓇᒪᔦᐤ ᓂᔭ ᙭, ᒫᑲ ᓂ ᐯ ᐃᓯᑌᓴᐅᑲᐃᐧᐣ ᓂᑳᐣ. ᐊᓇ ᑳ ᐊᔮᐊᐧᐟ ᐅᐢᑭᐢᑫᐧᐋᐧᓇ, ᐁᐊᐧᑯ ᐅᐢᑭᐢᑫᐧᐁᐧᐤ: ᒫᑲ ᐊᓇ ᐁᐧᑐᑌᒥᐟ ᐅᐢᑭᐢᑫᐧᐁᐧᐊᐧ ᑳ ᓂᐸᐃᐧᐟ ᒥᓇ ᑳ ᓇᑐᑕᐋᐧᐟ, ᑭᐦᒋ ᒥᔭᐋᐧᑕᒼ ᒋᑫᒫ ᐁ ᐯᑕᐋᐧᐟ ᐅᐢᑭᐢᑫᐧᐁᐧᐊᐧ; ᐁᐊᐧᑯ ᒫᑲ ᐅᒪ ᓂ ᒥᔭᐊᐧᑕᒧᐃᐧᐣ ᑎᐱᐸᔨᐤ. ᐊᔨᐊᐧᐠ ᐃᐧᔭ ᑭᑕ ᐊᑎ ᑭᐢᑌᔨᑖᑯᓯᐤ, ᓂᔭ ᒫᑲ ᓄᑕᐤ ᓂ ᑳ ᐊᑎ ᐃᑌᔨᑖᑯᓯᐣ.
ᐃᐢᐱᒥᕽ ᑳ ᐅᐦᒋᐟ ᒪᒪᐁᐧᔦᐢ ᐁᐊᐧᑯ ᑭᐢᑌᔨᑖᑯᓯᐤ: ᐊᓇ ᒫᑲ ᐊᐢᑭᕽ ᐁᐧᐦᒋᐟ ᐊᐢᑭᐃᐧᐤ, ᒥᓇ ᐊᐢᑭ ᑕᓯᑕᒼ; ᐊᓇ ᒫᑲ ᑭᐦᒋ ᑭᓯᑯᕽ ᑳ ᐅᐦᒋᐟ, ᒫᒪᐁᐧᔦᐢ ᐁᐊᐧᑯ ᑭᐢᑌᔨᑖᑯᓯᐤ. ᐊᓂᒪ ᑳ ᑭ ᐋᐧᐸᐦᑕᕽ ᒥᓇ ᑳ ᑭ ᐯᐦᑕᕽ, ᐁᐊᐧᑫᐧᔨᐤ ᐃᔮᑐᑕᕽ; ᒫᑲ ᓇᒪ ᐊᐃᐧᔭ ᑭ ᐅᑎᓇᒫᐠ ᐅᐟ ᐋᒋᒧᐃᐧᐣ. ᐊᓇ ᒫᑲ ᑳ ᑭ ᐅᑎᓇᒪᐊᐧᐟ ᐅᐟ ᐋᒋᒧᐃᐧᓂᔨᐤ ᑭ ᐋᔮᑕᐢᑖᐤ ᐅᒪ ᐁ ᑖᐯᐧᐟ ᑭᓭᒪᓂᑐ. ᒋᑫᒫ ᐊᓇ ᑭᓭᒪᓂᑐᐊᐧ ᑳ ᑭ ᐯ ᐃᓯᑎᓴᐦᐅᑯᐟ ᑕᓯᑕᒼ ᑭᓭᒪᓂᑐᐊᐧ ᐅᐟ ᐊᔭᒥᐃᐧᓂᔨᐊᐧ; ᒋᑫᒫ ᑭᓭᒪᓂᑐ ᓇᒪᐃᐧᔭ ᑎᐸᐋᐧᐣ ᐃᔨᑯᕽ ᒥᔦᐤ ᐊᐦᒑᐦᑲᐧ. ᐁᐧᔪᑖᐃᐧᕽ ᓵᑭᐦᐁᐤ ᐅᑯᓯᓴ, ᑲᐦᑭᔭᐤ ᒫᑲ ᑫᑲᐧᐩ ᑭ ᒥᔦᐤ ᐅᒋᐦᒋᔨᕽ. ᐊᓇ ᑎᔭᐯᐧᔦᔨᒫᐟ ᐊᔮᐤ ᑲᑭᑫ ᐱᒫᑎᓯᐃᐧᐣ: ᐊᓇ ᒫᑲ ᐁᑳ ᑳ ᑖᐯᐧᔦᔨᒫᐟ ᐅᑯᓯᓯᒫᐊᐧ ᓇᒪᐃᐧᔭ ᑭᑕ ᐋᐧᐸᐦᑕᒼ ᐱᒫᑎᓯᐃᐧᐣ; ᒫᑲ ᑭᓭᒪᓂᑐᐊᐧ ᐅ ᑭᓯᐋᐧᓯᐃᐧᓂᔨᐤ ᐹᑕᑯᐢᑳᐠ.

Escolta ᓭᐣᐟ ᒑᐣ 3