Популярни библейски стихове от Matthew 27

မွန်းလွှဲသုံးနာရီလော့မှာ ကိုယ်တော်ယေရှုဟ ကလယ်လော်ဝိုသံန "ဧလိ၊ ဧလိ လာမာရှာဗ ခသာနိ။" ဆိုပီး အော်ဟစ်တော်မူလေရယ်။ အဲမိုဓိပ္ပာယ်ဟ "ကျော်ရဲ့ဘုရား၊ ကျော်ရဲ့ဘုရား၊ ကျော်ဝိုဟဲဂျော့စွန့်ပစ်တော်မူနူး။" ဆိုပီး ဖြစ်ရယ်။

အဲခီမှာ ဗိမာန်တော်ရှေ့ကန့်လန့်ကာကီးဟ ထက်မှအော့ဝို နှေ့ခြမ်းကွဲသွားပြီး မလေကီးဟလည်း တူခါပီး ကလော့ဆော်ဒွေဟလည်း အက်ကွဲသွားလေတော့ရယ်။ အဲမိုပြင် သန်းခလိုင်းဂူဒွေဟလည်း ပွမ့်သွားပြီး သေဆုံးနေဝို သူတော်စင်ဒွေဟလည်း သန်ပလန်ရှင်လာဂေ့လေရယ်။

အဲနော့ ကိုယ်တော်ယေရှုဟ နော့ထပ်တခါ ကလယ်လော်ဝိုသံန အော်ပြီး သူ့သက်ဝို စွန့်တော်မူလေရယ်။

တပ်မှူးနကိုယ်တော်ယေရှုဝို ကေ့ရှုနေဝိုသူဒွေဟ မြေငလျင်လှုပ်ဇာနဖြစ်ပျစ် သမျှကြောရာဒွေဝို ဗြင်တွီ့ဂေ့ရခါမှာ သူ့နို့ဟ ရားဒိုင်းကြော့ရွံ့သွားဂေ့ပြီး "အယ်မိုလူဟ မှန်တဂယ်ဘဲ့ ဘုရားရှင်ရဲ့သားတော်ဖြစ်လေရယ်။" ဆိုပီး ပြောဆိုဂေ့လေရယ်။

မွန်းတည့်ခီဟနေစပီး မွန်းလွှဲသုံးနာရီထိ မှော်ထုဟ မလေပလန်ခုလုံးဝို ဖုံးလွှမ်းသွားလေတော့ရယ်။

ပိလတ်ဘုရင်ခံဟ သူ့နို့ဝို "ခရစ်တော်ဆိုပီးခေါ်ဝိုယေရှုဝို ငါဟဲရာလုပ်ရမယ်နူး။" ဟုမေးလေရာသူ့နို့ဂူလုံးဟ"လက်ဝါးကပ်တိုင်ပေါ်ဝို တံပီး သတ်လိုက်ပါ။" ဆိုပီး ပြောဂေ့လေရယ်။ အဲခါ ပိလတ်ဘုရင်ခံဟ "ဟဲဂျော့နူး။ သူဟ ဟဲမျိုးပြစ်မှုဝိုကျူးလွန်ခဲ့ ပါနူး။" ဆိုပီး မေးလေရယ်။ အယ်ဘေမဲ့ သူဟ "သူ့ဝိုလက်ဝါးကပ်တိုင်ပေါ်တံပီး သတ်လိုက်ပါ။" ဆိုပီး ကလယ်လော်စွာအော်ဟစ်ပြောဆိုဂေ့လေရယ်။