Популярни библейски стихове от Matthew 13

မလေဩဇာကောဝို မလေဆီလွှာပေါ်မှာ ကလဝိုမျိုးဇေ့ဒွေဟ သာသနာတော်ကြောဝို ကြားနိုင်၊သိနိုင်၊နားလည်နိုင်ပြီး အဲမိုသီးပွမ့်ဒွေဝို ဆပေါတစ်ရာ၊ ခြော့ဆယ်၊ သုံးဆယ်မက ပွားနိုင်သူဒွေနတူရယ်။

ဆူးခြုံပံဒွေဂျားထဲဝိုကလဝို မျိုးဇေ့ဒွေရဲ့ဓိပ္ပာယ်ဟ ဟယ်သူမဆို ဘုရားရှင်သာသနာတော်ကြော ကြားသိဂေ့ရဘေမဲ့ နေ့စဉ်ဘဝနေထိုင်ရေးတွက် စိုးရီပူပန်ခြင်းန လောကီစည်းစိမ်ဒွေဝို လိုရှင်တပ်မက်ဝို လောဘဒွေဟ ကြားသိရားဝိုကြောရာဒွေဝို ပိဆို့လိုက်ရိတွက် သီးမသီး နိုင်ဘဲဝိုပံမျိုး ဖြစ်သွားဂေ့ဇာဝို ဆိုလိုဇာဖြစ်ရယ်။

ဟယ်သူမဆို ဘုရားရှင်ရဲ့သာသနာတော်ကြောဝို ကြားသိရဘေမဲ့လည်း အဲမိုရာဒွေဝို နားမလည်နိုင်ဖြစ်နေဂေ့ပြီး မာရ်နတ်ဟလဲ လာရော့ပီး သူ့နို့ရဲ့စိနှလုံးထဲမှာ ကြားသိရားဝိုဇာဒွေဝို လုယူဝါးလေရယ်။ လူသွားလမ်းပေါ်ဝို ကလဝိုမျိုးဇေ့ဒွေရဲ့ ဓိပ္ပာယ်ဟ အဲမိုဇာဝို ဆိုလိုဇာဖြစ်ရယ်။

ကလော့ခံမလေပေါ်ဝို ကလရော့ပီး ပေါ့လာဝို ပံဆိုဇာဟ ရားတော်ဝိုကြားနာရရိ ဝမ်းမြော့စွာန ချင့်ခြင်းလက်ခံဝိုလူဝို ဆိုလိုရယ်။ အယ်ဘေမဲ့ မလစ်ဒွေစွဲကပ်နိုင်ဘဲရိတွက်ဂျော့ ရှစ်သားဘဲ့ ရှင်သန်နိုင်ပြီး သူ့နို့ဟ နှိစစ်ညှင်းပန်းမှုဒွေန ကြုံတွီ့လာရဝိုခါမှာ စိပျစ်ပြီး သူ့နို့ရဲ့ယုံကြည်မှုဒွေဝို ချင့်ချင်းစွန့်လွှတ်လိုက်ဂေ့လေရယ်။

ရွှေဗြို့တော်ရဲ့သာသနာတော်ဟ လယ်မှာ မလှုပ်ရားဝို ဖိုးတန်ရတနာဒွေနတူရယ်။ လူတစ်ယော့ဟ အဲမိုဇာဝိုဗြင်ခါမှာ ပလန်ဝှက်ရားပီး သူဟ ဝမ်းမြော့စွာန ထွက်ရားပီး သူပိုင်ဆိုင်သမျှဝို ရောခလပြီး အဲမိုလယ်ဝို ဝယ်လေရယ်။

ချို့မျိုးဇေ့ဒွေဟ မလေဆီလွှာကောဝိုနေရာဝို ကလရော့ရိတွက် ပံပေါ့လာပီး ချို့ဟ ဆတရာ၊ ချို့ဟ ဆခြော့ဆယ်၊ ချို့ဟ ဆသုံးဆယ်သီးဒွေ ဖြစ်ထွန်းလာလေရယ်။

ရိသီးခီမတိုင်ခံထိ သူ့နို့တူတူကြီးထွားဂေ့ပါစေ။ ရိသီးခီရော့မှ ရိသီးဝို့သူဒွေဝို ဗြစ်ပံဒွေဝိုရင်ဆုံး စုပီးမီးရှို့ဝို့ ဆဲခယ်ခိုင်းရားပြီး ဂျုံပံဒွေဝိုလော ငါ့ကျီထဲဝို စုပီးသီးခိုင်းလိုက်မယ်' ဆိုပီး ပြောလေရယ်" ဆိုပီး မိတော်မူလေရယ်။