Популярни библейски стихове от Matayo 13

Dia rile vo tani mi di, akodi tai ni yilepi di, dre tai ni yizo geagea: akodi dre ’azo ’a’a, dre ’azo, aruka dre lezozo ñadinji, aruka ñabana, aruka ñadingi‐dri‐mudri.

Dia rile kucina di, akodi e, tai ni yilepi di; ta vo adea olepi diaki togona kuku di e, ta nga dre dia litizo di be, adreki ta nidi fu, dre’azo ko.

Dia angodi ya koyi ta mataya adea di, dre tai ni yizo geagea ko, dra teri konji anda are lile dre tai i dre rile akodia togona dre, lawazo. Dia rile lati laga di, dia nidi e.

Dia rile vo kiraro dii mi di, akodi e tai ni yilepi di, drañano tai ni dolepi arise di; adi anduna da yokodo, adini togo tro ca; dra tiza kaca tai nidise di, ta diaki mi fozo fofo di be, drañano adi o dele.

Mataya bu adea nga lagi murungu zule amvuna di tini; ago dre kusule di dre zuzoa adini arise, adi lidre, nga o̱ei i dreka adi gizo, dre amvu anda gizo.

Arukuna dre dezo vo tani di mi, dre mbazo ale, arukana ñadinji, arukana ñabana, arukana ñadinji‐dri‐mudri.

Mi koka’i kombaro tumani lokia laña dre kazo di kaca tolo: lokia laña dre kazo dise, ma kota dia laña lolepi dii dre, ki di, Dridri mi kaku tirile, dre lambezo tumani zazo: mi dreki mondu dozo bale ama kerona.