Вынікі пошуку для: genesis 1:27

1 ЦАРСТВАЎ 27:1 (ББЛ)

І сказаў Давід у сэрцы сваім: калі-небудзь траплю я ў рукі Саўлу, і няма мне нічога лепшага, як уцячы ў зямлю Філістымскую; і адчэпіцца ад мяне Саўл і ня будзе шукаць мяне болей па ўсіх межах Ізраільскіх, і я выратуюся ад рукі ягонай.

1 ЦАРСТВАЎ 27:2 (ББЛ)

І ўстаў Давід, і выправіўся сам і шэсьцьсот мужчын, якія былі зь ім, да Анхуса, сына Маоха, цара Гэцкага.

1 ЦАРСТВАЎ 27:3 (ББЛ)

І жыў Давід у Анхуса ў Гэце, сам і людзі ягоныя, кожны зь сямэёю сваёю, Давід і абедзьве жонкі ягоныя - Ахінаама Ізрэеліцянка і Авігея, былая жонка Навала, Кармэліцянка.

1 ЦАРСТВАЎ 27:4 (ББЛ)

І данесьлі Саўлу, што Давід уцёк у Гэт, і перастаў ён болей шукаць яго.

1 ЦАРСТВАЎ 27:5 (ББЛ)

І сказаў Давід Анхусу: калі я здабыў упадабаньне ў вачах тваіх, дык няхай дадзена будзе мне месца ў адным з малых гарадоў, і я буду жыць там; навошта рабу твайму жыць у царскім горадзе разам з табою?

1 ЦАРСТВАЎ 27:6 (ББЛ)

Тады даў яму Анхус Сэкелаг; Таму Сэкелаг і застаўся за царамі Юдэйскімі да сёньня.

1 ЦАРСТВАЎ 27:7 (ББЛ)

Усяго часу, які пражыў Давід у краіне Філістымскай, было год і чатыры месяцы.

1 ЦАРСТВАЎ 27:8 (ББЛ)

І выходзіў Давід зь людзьмі сваімі і нападаў на Гесуранаў і Гірзэянаў і Амілікіцянаў, якія здаўна насялялі гэтую краіну да Сура і да зямлі Егіпецкай.

1 ЦАРСТВАЎ 27:9 (ББЛ)

І спусташаў Давід тую краіну, і не пакідаў жывых ні мужчыны, ні жанчыны, і забіраў авечак і валоў, і аслоў і вярблюдаў і вопратку, і вяртаўся і прыходзіў да Анхуса.

1 ЦАРСТВАЎ 27:10 (ББЛ)

І сказаў Анхус Давіду: на каго нападалі сёньня? Давід сказаў: на паўднёвую краіну Юдэі і на паўднёвую краіну Ерахмээла і на паўднёвую краіну Кенэі.

1 ЦАРСТВАЎ 27:11 (ББЛ)

І не пакідаў Давід жывых ні мужчыны, ні жанчыны і ня прыводзіў у Гэт, кажучы: яны могуць данесьці на нас і сказаць: так зрабіў Давід, і такі лад дзеяў ягоных праз увесь час, пакуль ён жыве ў краіне Філістымскай.

1 ЦАРСТВАЎ 27:12 (ББЛ)

І даверыўся Анхус Давіду, кажучы: ён збрыдзеў народу свайму Ізраілю і будзе слугою маім вечна.

1 ЛЕТАПІСАЎ 27:1 (ББЛ)

Вось сыны Ізраілевыя па ліку іх, узначальцы сямействаў, тысячнікі і сотнікі і кіроўцы, якія па аддзяленьнях служылі цару ва ўсіх справах, прыходзячы і адыходзячы кожнага месяца, ва ўсе месяцы года. У кожным аддзяленьні было іх па дваццаць чатыры тысячы.

1 ЛЕТАПІСАЎ 27:2 (ББЛ)

Над першым аддзяленьнем, для першага месяца, начальнічаў Яшавам, сын Заўдыіла; у ягоным аддзяленьні было дваццаць чатыры тысячы;

1 ЛЕТАПІСАЎ 27:3 (ББЛ)

ён быў з сыноў Фарэса, галоўны над усімі ваеначальнікамі ў першы месяц.

1 ЛЕТАПІСАЎ 27:4 (ББЛ)

Над аддзяленьнем другога месяца быў Дадай Ахахіянін; у аддзяленьні ягоным быў і князь Міклот, і ў ягоным аддзяленьні было дваццаць чатыры тысячы.

1 ЛЕТАПІСАЎ 27:5 (ББЛ)

Трэці галоўны ваеначальнік, для трэцяга месяца, Ванэя, сын Ёдая, сьвятара, і ў ягоным аддзяленьні было дваццаць чатыры тысячы:

1 ЛЕТАПІСАЎ 27:6 (ББЛ)

гэты Ванэя - адзін з трыццаці адважных і начальнік над імі, і ў ягоным аддзеле быў Амізавад, сын ягоны.

1 ЛЕТАПІСАЎ 27:7 (ББЛ)

Чацьвёрты, для чацьвёртага месяца, быў Асаіл, брат Ёава, і пасьля яго Завадыя, сын ягоны, і ў ягоным аддзяленьні дваццаць чатыры тысячы.

1 ЛЕТАПІСАЎ 27:8 (ББЛ)

Пяты, для пятага месяца, князь Шамгут Ізрахіцянін, і ў ягоным аддзяленьні дваццаць чатыры тысячы.

1 ЛЕТАПІСАЎ 27:9 (ББЛ)

Шосты, для шостага месяца, Іра, сын Ікеша, Тэкаянін, і ў ягоным аддзяленьні дваццаць чатыры тысячы.

1 ЛЕТАПІСАЎ 27:10 (ББЛ)

Сёмы, для сёмага месяца, Хэлец Пэланіцянін, з сыноў Яфрэмавых, і ў ягоным аддзяленьні дваццаць чатыры тысячы.

1 ЛЕТАПІСАЎ 27:11 (ББЛ)

Восьмы, для восьмага месяца, Савахай Хушацянін з племя Зары, і ў ягоным аддзяленьні дваццаць чатыры тысячы.

1 ЛЕТАПІСАЎ 27:12 (ББЛ)

Дзявяты, для дзявятага месяца, Авіезэр Анатацянін, з сыноў Веньямінавых, і ў ягоным аддзяленьні дваццаць чатыры тысячы.

1 ЛЕТАПІСАЎ 27:13 (ББЛ)

Дзясяты, для дзясятага месяца, Магарай Нэтафацянін, з племя Зары, і ў ягоным аддзяленьні дваццаць чатыры тысячы.