Вынікі пошуку для: Rev. 22:8-9
АДКРЫЦЦЁ 22:1 (ББЛ)
І паказаў мне чыстую раку вады жыцьця, сьветлую, як крышталь, якая выплывала ад трона Бога і Ягняці.
АДКРЫЦЦЁ 22:2 (ББЛ)
Пасярод вуліцы яго, і па той бок ракі і па гэты, дрэва жыцьця, якое дванаццаць разоў родзіць плады, дае на кожны месяц плод свой; і лісьце дрэва - на ацаленьне народаў.
АДКРЫЦЦЁ 22:3 (ББЛ)
І нічога ўжо ня будзе праклятага; а трон Бога і Ягняці будзе ў ім, і рабы Ягоныя будуць служыць Яму.
АДКРЫЦЦЁ 22:4 (ББЛ)
І ўгледзяць аблічча Ягонае, і імя Ягонае будзе на лобе ў іх.
АДКРЫЦЦЁ 22:5 (ББЛ)
І ночы ня будзе там, і ня будуць мець патрэбы ні ў сьветачы, ні ў сьвятле сонечным, бо Гасподзь Бог асьвятляе іх; і будуць валадарыць ва векі вечныя.
АДКРЫЦЦЁ 22:6 (ББЛ)
І сказаў мне: гэтыя словы слушныя і праўдзівыя; і Гасподзь Бог сьвятых прарокаў паслаў анёла Свайго паказаць рабам Сваім тое, што мае быць неўзабаве.
АДКРЫЦЦЁ 22:7 (ББЛ)
Вось, прыйду неўзабаве: дабрашчасны той, хто трымаецца словаў прароцтва кнігі гэтае.
АДКРЫЦЦЁ 22:8 (ББЛ)
Я, Ян, бачыў і чуў гэта. Калі ж пачуў і ўбачыў, прыпаў да ног анёла, які мне паказваў гэта, каб пакланіцца яму;
АДКРЫЦЦЁ 22:9 (ББЛ)
але ён мне сказаў: глядзі, не рабі гэтага; бо я - саслужнік табе і братам тваім прарокам і тым, хто трымаецца прароцтва кнігі гэтае: Богу пакланіся.
АДКРЫЦЦЁ 22:10 (ББЛ)
І сказаў мне: не запячатвай слова прароцтва кнігі гэтай; бо час блізкі.
АДКРЫЦЦЁ 22:11 (ББЛ)
Няправеднік хай яшчэ робіць няпраўду; нячысты хай яшчэ апаганьваецца; праведнік хай творыць праўду яшчэ, і сьвяты хай асьвячаецца яшчэ.
АДКРЫЦЦЁ 22:12 (ББЛ)
Вось, прыйду неўзабаве, і адпомста Мая са Мною, каб аддаць кожнаму паводле ўчынкаў ягоных.
АДКРЫЦЦЁ 22:13 (ББЛ)
Я ёсьць Альфа і Амэга, пачатак і канец, першы і апошні.
АДКРЫЦЦЁ 22:14 (ББЛ)
Дабрашчасныя тыя, якія захоўваюць запаведзі Ягоныя, каб мець ім права на дрэва жыцьця і ўвайсьці ў горад брамаю.
АДКРЫЦЦЁ 22:15 (ББЛ)
А звонку - сабакі і чарадзеі, і любадзейнікі - забойцы, і ідаласлужнікі і кожны, хто любіць і ўчыняе няпраўду.
АДКРЫЦЦЁ 22:16 (ББЛ)
Я, Ісус, паслаў анёла Майго засьведчыць вам гэта ў цэрквах. Я ёсьць корань і нашчадак Давідаў, зорка сьветлая і золкавая.
АДКРЫЦЦЁ 22:17 (ББЛ)
І Дух і нявеста кажуць: прыйдзі! Спрагнены хай прыходзіць, і, хто жадае, няхай бярэ ваду жыцьця задарам.
АДКРЫЦЦЁ 22:18 (ББЛ)
І я таксама сьведчу кожнаму, хто чуе словы прароцтва кнігі гэтай: калі хто дадасьць што да іх, на таго накладзе Бог пошасьці, пра якія напісана ў кнізе гэтай:
АДКРЫЦЦЁ 22:19 (ББЛ)
і калі хто адыме што ад словаў кнігі прароцтва гэтага, у таго адбярэ Бог удзел у кнізе жыцьця і ў сьвятым горадзе і ў тым, што напісана ў кнізе гэтай.
АДКРЫЦЦЁ 22:20 (ББЛ)
Той, Хто сьведчыць гэта, кажа: вось, прыйду неўзабаве! Амін. Так, прыйдзі, Госпадзе Ісусе,
АДКРЫЦЦЁ 22:21 (ББЛ)
Мілата Госпада нашага Ісуса Хрыста з усімі вамі. Амін.
АДКРЫЦЦЁ 2:22 (ББЛ)
Вось, Я кідаю яе на ложак і тых, што ў распусьце зь ёю, у вялікую скруху, калі не пакаюцца ў дзеях сваіх.
АДКРЫЦЦЁ 3:22 (ББЛ)
Хто мае вуха, хай чуе, што Дух кажа цэрквам.
АДКРЫЦЦЁ 18:22 (ББЛ)
і галасы гусьляроў і песьняроў, і жалейнікаў і тых, што трубяць у трубы, у табе больш чутныя ня будуць; ня будзе ўжо ў табе ніякага мастака, ніякага мастацтва, і шуму ад жорнаў ня будзе ўжо чутно ў табе;
АДКРЫЦЦЁ 21:22 (ББЛ)
А храма я ня бачыў у ім, бо Гасподзь Бог Усеўладны - храм Ягоны, і Ягняці.