Вынікі пошуку для: Philippians 4:6
4 ЦАРСТВАЎ 6:1 (ББЛ)
І сказалі сыны прарокавыя Елісею: вось, месца, дзе мы жывём пры табе, цесна нам;
4 ЦАРСТВАЎ 6:2 (ББЛ)
пойдзем да Ярдана і возьмем адтуль кожны па адным бервяне і зробім сабе там месца жыхарства. Ён сказаў: ідзеце.
4 ЦАРСТВАЎ 6:3 (ББЛ)
І сказаў адзін: зрабі ласку, ідзі і ты з рабамі тваімі. І сказаў ён: пайду.
4 ЦАРСТВАЎ 6:4 (ББЛ)
І пайшоў зь імі, і прыйшлі да Ярдана і пачалі сячы дрэвы.
4 ЦАРСТВАЎ 6:5 (ББЛ)
І калі адзін валіў бервяно, сякера ягоная ўпала ў ваду. І закрычаў ён і сказаў: ах, гаспадару мой! а ён узяў быў на патрыманьне!
4 ЦАРСТВАЎ 6:6 (ББЛ)
І сказаў чалавек Божы: дзе яна ўпала? Ён паказаў яму месца. І адсек ён кавалак дрэва і кінуў туды, і выплыла сякера.
4 ЦАРСТВАЎ 6:7 (ББЛ)
І сказаў ён: вазьмі сабе. Ён працягнуў руку сваю і ўзяў яе.
4 ЦАРСТВАЎ 6:8 (ББЛ)
Цар Сірыйскі пайшоў вайною на Ізраільцян і раіўся са слугамі сваімі, кажучы: там-та і ў такім-та месцы я раскіну свой табар.
4 ЦАРСТВАЎ 6:9 (ББЛ)
І пасылаў чалавек Божы да цара Ізраільскага сказаць: сьцеражэцеся праходзіць гэтым месцам, бо там Сірыйцы залеглі.
4 ЦАРСТВАЎ 6:10 (ББЛ)
І пасылаў цар Ізраільскі на тое месца, пра якое казаў яму чалавек Божы і перасьцерагаў яго; і зьбярог сябе там ня раз і ня два.
4 ЦАРСТВАЎ 6:11 (ББЛ)
І ўстрывожылася сэрца цара Сірыйскага з гэтай нагоды, і паклікаў ён рабоў сваіх і сказаў ім: скажэце мне, хто з вашых мае зносіны з царом Ізраільскім?
4 ЦАРСТВАЎ 6:12 (ББЛ)
І сказаў адзін слуга ягоны: ніхто, гаспадару мой цар; а Елісей прарок, які ў Ізраіля, пераказвае цару Ізраільскаму і тыя словы, якія ты кажаш у спальні тваёй.
4 ЦАРСТВАЎ 6:13 (ББЛ)
І сказаў ён: ідзеце, даведайцеся, дзе ён; я пашлю і вазьму яго. І данесьлі яму і сказалі: вось, ён у Датаіме.
4 ЦАРСТВАЎ 6:14 (ББЛ)
І паслаў туды коні і калясьніцы і шмат войска. І прыйшлі ноччу і акружылі горад.
4 ЦАРСТВАЎ 6:15 (ББЛ)
Раніцай служка чалавека Божага ўстаў і выйшаў; і вось, войска вакол горада і коні і калясьніцы. І сказаў яму слуга ягоны: шкада, гаспадару мой! што нам рабіць?
4 ЦАРСТВАЎ 6:16 (ББЛ)
І сказаў ён: ня бойся, бо тых, якія з намі, больш, чым тых, якія зь імі.
4 ЦАРСТВАЎ 6:17 (ББЛ)
І маліўся Елісей і казаў: Госпадзе! разамкні яму вочы, каб ён убачыў. І разамкнуў Гасподзь вочы слузе, і ён убачыў, і вось, уся гара напоўнена конямі і калясьніцамі вогненнымі вакол Елісея.
4 ЦАРСТВАЎ 6:18 (ББЛ)
Калі пайшлі да яго Сірыйцы, Елісей памаліўся Госпаду і сказаў: спадобі іх сьлепатою. І Ён спадобіў іх сьлепатою па слове Елісея.
4 ЦАРСТВАЎ 6:19 (ББЛ)
І сказаў ім Елісей: гэта ня тая дарога і ня той горад; ідзеце за мною, я правяду вас да таго чалавека, якога вы шукаеце. І прывёў іх у Самарыю.
4 ЦАРСТВАЎ 6:20 (ББЛ)
Калі яны прыйшлі ў Самарыю, Елісей сказаў: Госпадзе! разамкні вочы ім, каб яны бачылі. І разамкнуў Гасподзь вочы ім, і ўбачылі, што яны ўсярэдзіне Самарыі.
4 ЦАРСТВАЎ 6:21 (ББЛ)
І сказаў цар Ізраільскі Елісею, убачыўшы іх: ці не пабіць іх, бацька мой?
4 ЦАРСТВАЎ 6:22 (ББЛ)
І сказаў ён: не забівай. Хіба мечам тваім і лукам тваім ты паланіў іх, каб забіваць іх? Прапануй ім хлеба і вады; няхай ядуць і п'юць, і пойдуць да гаспадара свайго.
4 ЦАРСТВАЎ 6:23 (ББЛ)
І прыгатаваў ім вялікі абед, і яны елі і пілі. І адпусьціў іх, і пайшлі да гаспадара свайго. І не хадзілі больш тыя полчышчы Сірыйскія ў зямлю Ізраілеву.
4 ЦАРСТВАЎ 6:24 (ББЛ)
Пасьля таго сабраў Вэенадад, цар Сірыйскі, усё войска сваё і выступіў, і аблажыў Самарыю.
4 ЦАРСТВАЎ 6:25 (ББЛ)
І быў вялікі голад у Самарыі, калі яны аблажылі яе, так што асьліная галава прадавалася па восемдзесят сікляў срэбра, і чацьвёртая частка каба галубінага памёту - па пяць сікляў срэбра.