ПСАЛТЫР 139:1-6
ПСАЛТЫР 139:1-6 Біблія (пераклад В. Сёмухі) (ББЛ)
Кіроўцу хору. Псальма Давідава. Збаві мяне, Госпадзе, ад чалавека ліхога; ахавай мяне ад прыгнятальніка: яны ліхое думаюць у сэрцы, кожны дзень на бойку ладзяцца, яны востраць свой язык, як зьмей, яд асьпіда пад вуснамі іхнімі. Упільнуй мяне, Госпадзе, ад рук бязбожнага, ахавай мяне ад прыгнятальнікаў, якія намысьлілі пахіснуць ногі мае. Гардзеі паставілі на мяне пасткі і петлі, раскінулі сетку на дарозе, цянёты раскінулі на мяне.
ПСАЛТЫР 139:1-6 Біблія (пераклад А.Бокуна) (БББ)
Кіраўніку хору. Давіда. Псальм. ГОСПАДЗЕ, Ты дасьледаваў мяне і ведаеш [мяне]. Ты ведаеш, калі я сядаю і калі я ўстаю; разумееш думку маю здалёк. Сьцежку маю і ляжаньне маё Ты спазнаў, і ўсе шляхі мае Табе вядомыя. Бо няма яшчэ словаў на языку маім, а Ты, ГОСПАДЗЕ, ведаеш усё. Ззаду і сьпераду Ты абняў мяне і паклаў на мяне руку Тваю. Надзвычай дзівоснае веданьне, перавышае мяне, не магу яго сьцяміць!