ПСАЛТЫР 125:1-5

Падзяліцца

ПСАЛТЫР 125:1-5 Біблія (пераклад В. Сёмухі) (ББЛ)

Песьня ўзыходжаньня. Калі вяртаў Гасподзь палон Сіёна, мы былі быццам у сьне. Тады вусны нашы былі поўныя весялосьці, і язык наш - сьпяваў; тады між народамі казалі: «вялікае стварыў Гасподзь над імі!». Вялікае стварыў Гасподзь над намі: мы радаваліся. Вярні, Госпадзе, паланёных нашых, як патокі на поўдзень. Хто са сьлязьмі сеяў, пажынацьме з радасьцю.

ПСАЛТЫР 125:1-5 Біблія (пераклад А.Бокуна) (БББ)

Сьпеў узыходжаньня. Тыя, што спадзяюцца на ГОСПАДА, [яны] як гара Сыён, якая не пахісьнецца і будзе на вякі. Горы вакол Ерусаліму, а ГОС­ПАД — вакол народу Свайго ад сёньня і на вякі. Бо кій бязбожнікаў не застанецца над лёсам праведнікаў, каб не цягнулі праведнікі рук сваіх да беззаконьня. Рабі, ГОСПАДЗЕ, добрае добрым і тым, хто шчыры ў сэрцы сваім. Але тых, што зыходзяць на сьцежкі крывыя свае, няхай выганіць ГОСПАД разам са злачынцамі. Супакой над Ізраілем!