ВЫСЛОЎІ 22:17-23
ВЫСЛОЎІ 22:17-23 Біблія (пераклад В. Сёмухі) (ББЛ)
Прыхілі вуха тваё, і слухай словы мудрых, і сэрца тваё павярні да маіх ведаў; бо добра будзе, калі ты будзеш хаваць іх у сэрцы тваім, і яны будуць таксама на вуснах тваіх. Каб надзея твая была на Госпада, я вучу цябе і сёньня, і ты памятай. Ці ж ня пісаў я табе тройчы ў парадах і ў настаўленьні, каб навучыць цябе дакладным словам ісьціны, каб ты мог сказаць словы ісьціны тым, хто папытае ў цябе? Не абірай беднага, бо ён бедны; і не заціскай няшчаснага ў браме; бо Гасподзь заступіцца за справу іхнюю і забярэ душу ў рабаўнікоў іхніх.
ВЫСЛОЎІ 22:17-23 Біблія (пераклад А.Бокуна) (БББ)
Прыхілі вуха тваё, і слухай словы мудрых, і сэрца тваё зьвярні да ведаў маіх, бо цудоўна будзе, калі захаваеш іх у нутры тваім, і будуць яны таксама на вуснах тваіх, каб пэўнасьць твая была ў ГОСПАДЗЕ, я вучу цябе сёньня. Ці ж не пісаў я табе тройчы парады і навучаньні, каб паведаміць табе дакладныя словы праўды, каб ты мог перадаць словы праўды тым, што паслалі цябе? Не абдзірай убогага, таму што ён убогі, і не ўціскай прыгнечанага каля брамы, бо ГОСПАД будзе бараніць у справе іхняй і адбярэ душу ў тых, якія іх абіраюць.