МАЦЬВЕЯ 3:1-4

Падзяліцца

МАЦЬВЕЯ 3:1-4 Біблія (пераклад В. Сёмухі) (ББЛ)

У тыя дні прыходзіць Ян Хрысьціцель і прапаведуе ў пустыні Юдэйскай і кажа: пакайцеся, бо наблізілася Царства Нябеснае. Бо Ён Той, пра Каго сказаў прарок Ісая: «голас таго, хто кліча ў пустыні, падрыхтуйце шлях Госпаду, простымі зрабеце сьцежкі Яму». А ў самога Яна была вопратка зь вярблюджага воласу і скураны пояс на паясьніцы ягонай; а ежай яму былі акрыды і дзікі мёд.

МАЦЬВЕЯ 3:1-4 Біблія (пераклад А.Бокуна) (БББ)

У тыя дні прыходзіць Ян Хрысьціцель, абвяшчаючы ў пустыні Юдэйскай і кажучы: «Навярніцеся, бо наблізілася Валадарства Нябеснае». Бо ён той, пра якога сказаў прарок Ісая: «Голас таго, хто кліча ў пустыні: Падрыхтуйце шлях Госпаду, простымі рабіце сьцежкі Яму». Сам жа Ян меў адзеньне з вярблюдавага воласу і скураны пояс на паясьніцы сваёй, а ежаю яго была саранча і дзікі мёд.