ЛУКАША 20:20-26 - Compare All Versions

Падзяліцца

І сочачы за Ім, падаслалі падступных людзей, якія прыкінуўшыся пабожнымі, падлавілі б Яго на якім-небудзь слове, каб перадаць Яго начальству і ўладзе правіцеля. І яны спыталіся ў Яго: Настаўнік! мы ведаем, што Ты праўдзіва гаворыш і вучыш, і не зважаеш на аблічча, а праўдзіва шляху Божаму вучыш; ці дазваляецца нам даваць падатак кесару, ці не? А Ён, разгадаўшы злахітрасьць іхную, сказаў ім: што вы Мяне спакушаеце? пакажэце Мне дынар: чыя на ім выява і надпіс? Яны адказвалі: кесаравыя. Ён ім сказаў: дык аддайце кесару кесаравае, а Божае Богу. І не маглі падлавіць Яго ў слове перад людзьмі і, зьдзівіўшыся з адказу Ягонага, замоўклі.

І, сочачы за Ім, паслалі шпегаў, якія ўдавалі сябе за праведнікаў, каб яны падлавілі Яго на слове, каб выдаць Яго начальству і ўладзе ваяводы. І тыя спыталіся ў Яго, кажучы: «Настаўнік! Мы ведаем, што Ты слушна гаворыш і навучаеш, і не глядзіш на аблічча, але паводле праўды шляху Божаму навучаеш. Ці належыцца плаціць падатак цэзару, ці не?» А Ён, бачачы подступ іхні, сказаў ім: «Чаму вы Мяне спакушаеце? Пакажыце Мне дынар. Чый на ім вобраз і надпіс?» Яны, адказваючы, сказалі: «Цэзараў». Ён жа сказаў ім: «Дык аддавайце тое, што цэзарава, цэзару, а што Божае, — Богу». І не маглі падлавіць Яго на слове перад народам, і, зьдзівіўшыся адказу Ягонаму, замоўклі.