БЫЦЦЁ 8:1-4
БЫЦЦЁ 8:1-4 Біблія (пераклад В. Сёмухі) (ББЛ)
І ўспомніў Бог пра Ноя, і пра ўсю жывёлу, і пра ўсё быдла, якія былі зь ім у каўчэзе; і навёў Бог вецер на зямлю, і воды спыніліся. І зачыніліся крыніцы бездані і вокны нябесныя, і перастаў дождж зь неба. А вада спакваля вярталася зь зямлі, і пачала ўбываць вада праз сто пяцьдзясят дзён. І спыніўся каўчэг на сёмым месяцы, на сямнаццаты дзень месяца, на гарах Арарацкіх.
БЫЦЦЁ 8:1-4 Біблія (пераклад А.Бокуна) (БББ)
І ўзгадаў Бог пра Ноя і пра ўсіх зьвяроў, і пра ўсю скаціну, што былі з ім у каўчэгу, і прывёў Бог вецер на зямлю, і супакоіліся воды. І зачыніліся жаролы бездані і вокны нябесныя, і спыніўся дождж з неба. І вярталіся воды з зямлі, сьцякаючы і вяртаючыся, і паменшалі воды па заканчэньні ста пяцідзесяці дзён. І спыніўся каўчэг у сёмы месяц, у сямнаццаты дзень месяца, на гарах Арарат.