Mateu 24
24
Jesu u bulela ka za ku shandauka kwa Tempele
(Mar 13.1-2; Luk 21.5-6)
1Jesu a siya Tempele, mi h'a funduka, balutiwa ba hae ba taha ku yena, ba mu supeza miyaho ya Tempele. 2Jesu kih'a li ku bona, “Ee, mwa li bona zeo kaufela? Ni mi bulelela niti. Ha ku na licwe nihaiba li li liñwi feela le li ta siyala fahalimw'a le liñwi. A ta shandaulwa kaufel'a ona.”
Manyando a' sa taha
(Mar 13.3-13; Luk 21.7-19)
3Jesu ha n'a inzi fa Lilundu la Likota za Olive, balutiwa ba hae ba taha ku yena kwa mukunda, ba li, “A ku lu bulelele nako ye li ta ezahala z'o bulela kaufela, mi hape ku ta bonahala sika mañi se si ta supa kuli u tuha u taha, ni kuli mafelelezo a nako s'a fitile?”
4Jesu a ba alaba, a li, “Mu tokomele kuli mu si ke mwa yembululwa ki mutu. 5Kakuli batu ba bañata ba ka taha ka libizo la ka, ba nze ba li, ‘Ki na Mesia!’ Mi ba ta yembulula batu ba bañata. 6Mu ka tuha mu utwa mabulatwi a lindwa fakaufi ni kwahule, kono mu si ke mwa ikalelwa. Ze cwalo li swanela ku ezahala, kono ha ku talusi kuli ki ona mafelelezo a lifasi, batili. 7Naha i ta lwanisa naha ye ñwi, mi mubuso u ta lwanisa mubuso o muñwi. Mwa libaka ze ñwi tala i ta ba teñi ni lizikinyeho za lifasi cwalo. 8Lika zeo kaufela li ta ba feela sina makalelo a butuku bwa mba ha i zuha.
9 #
Mat 10.22
“Batu ba ta mi swala, ba mi ise kuli mu y'o nyandiswa mi ba ta mi bulaya. Macaba kaufela a ta mi toya kabakala ka. 10Ka nako yeo, batu ba bañata ba ta tuhela tumelo ya bona. Ba ta tamisa ba bañwi ni ku toyana. 11Bapolofita ba buhata ba ka taha, mi ba ta puma batu ba bañata. 12Bumaswe bu ta ekezeha hahulu, mi lilato la batu li ta fukuzeha. 13#Mat 10.22 Kono ya ka tundamena, mane ku isa kwa mafelelezo, yo u ta piliswa. 14Litaba zeo ze Nde za Mubuso li ta lutiwa mwa lifasi kaufela, kuli i be bupaki kwa batu ba mishobo kaufela. Mi kihona mafelelezo a ka taha.
Sisupo sa bukaufi bwa manyando
(Mar 13.14-23; Luk 21.20-24)
15 #
Dan 9.27; 11.31; 12.11;
1 Mak 1.54; 6.7 “Mu ta bona Bumaswe bo bu Sabisa, bw'a n'a bulezi mupolofita Daniele, bu inzi mwa sibaka se si kenile. Ya bala a utwisise hande! 16Fohe, ba ba mwa Judea ba sabele kwa malundu. 17#Luk 17.31 Mutu ya li fa situwa sa ndu ya hae, a si ke a sinya nako ya ku tuluka, ku t'o kena mwa ndu ni ku nga mwateñi se siñwi. 18Ya li mwa simu, a si ke a kutela kubo kwa hae. 19I ta ba bumai bo bu cwañi ku ba ba itwezi ni bo mambututu ka mazazi ao! 20Mu lapele, mu kupe Mulimu kuli zeo kaufela li si ke za ezahala ka nako ya maliha kamba ka Lizazi la Pumulo! 21#Dan 12.1; Sin 7.14 Kakuli ñalelwa ya nako yeo i ta ba ye tuna ku fita ye bile teñi kaufela, ku zwa kwa simuluho ya lifasi mane ku fita kacenu, mi ha ku sa na ku ba ni ye cwalo kuya kuile. 22Kabe Mulimu n'a si ka hupula ku fukuza palo ya mazazi ao a manyando, ne ku si ke kwa ba ni mutu ya n'a ta banduka, kono kabakala batu b'a iketezi Mulimu u ta a fukuza.
23“Cwale, haiba mutu a li ku mina, ‘A mu bone, Mesia ki yo!’ kamba ‘Mesia ki yani,’ mu si ke mwa kolwa. 24Kakuli ba ba ta ipiza bo Mesia ni bapolofita, ka buhata, ba ta ba teñi. Mi ba ta eza limakazo ze komokisa ka muhupulo wa ku puma batu ba ba ketilwe ki Mulimu, haiba kwa konahala. 25Mu teeleze! Ni mi lemusize lika li si ka ezahala kale.
26 #
Luk 17.23-24
“Cwale, haiba batu ba li ku mina, ‘A mu bone, ki yo! U mwa naheñi!’ mu si ke mwa ya kwateñi. Kamba ha ba li, ‘A mu bone, ki yo! U ipatile kwanu!’ mu si ke mwa lumela. 27Kakuli na, Mwan'a Mutu, ni ka taha sina lumonyi lwa pula lo lu benya kwahalimu ku zwa kwa upa ku y'o fita kwa wiko.
28 #
Luk 17.37
“Ko ku inzi situpu, manoñu a ta kubukana kwateñi.
Ku taha kwa Mwan'a Mutu
(Mar 13.24-27; Luk 21.25-28)
29 #
Isa 13.10; 34.4; Ezek 32.7; Joel 2.10, 31; 3.15; Sin 6.12-13 “Honafo, manyando a mazazi ao a man'o fela, lizazi li ta unsufala, kweli ha i na ku benya, linaleli li ta wa kwa halimu, mi ze maata ze mwa mbyumbyulu li ta zikinyeha. 30#Dan 7.13; Sin 1.7 Sisupo sa ku taha kwa ka, na, Mwan'a Mutu, si ta bonahala mwa lihalimu. Mishobo kaufela ya lifasi i ta lila, mi i ta iponela na, Mwan'a Mutu, ni nze ni taha fa malu a lihalimu ka maata ni ka bulena bo butuna. 31Ku ta lila tolombita ye tuna, mi ni ta luma mangeloi a ka ku kubukanya ba ba ketilwe mwa maneku kaufela ku kalela kwa makalelo a lihalimu mane ku y'o fita kwa mafelelezo a lona.
Tuto ya kota ya feiga
(Mar 13.28-31; Luk 21.29-33)
32“Mu itute se siñwi ka kota ya feiga. Mitai ya yona ha i shoshela, mu ziba kuli matabula s'a li fakaufi. 33Kamukwaocwalo, ha mu ta bona zeo kaufela li ezahala, mu zibe kuli na, Mwan'a Mutu, ni fakaufi mane ni fa munyako. 34Luli na mi bulelela, ni li, ‘Batu ba ba pila ka nako ye ha ba na ku shwa kaufela, lika zeo li si ka ezahala kale. 35Lihalimu ni lifasi li ta fela kono manzwi a ka, ona, h'a na ku fela!’
Mulimu ki yena feela ya ziba nako ya mafelelezo
(Mar 13.32-37; Luk 17.26-30, 34-36)
36“Kono, haili ka za lizazi leo ni nako ya teñi, ha ku na ya li ziba, nihaiba ona mangeloi a kwa lihalimu, nihaiba Mwana, konji Ndate feela a nosi, ki yena ya li ziba. 37#Sim 6.5-8 Ku taha kwa ka, na, Mwan'a Mutu, ku ta swana sina mo ne ku ezahalezi ka linako za Nuwe. 38Kaniti muunda u si ka taha kale, batu ne ba ca, ba nwa, ba nyala, ba nyalisa, ku fitela lizazi leo Nuwe a kena mwa Aleka. 39#Sim 7.6-24 Ne ba sa zibi se si ka ezahala ku fitela muunda u fita, mi wa ba kukisa kaufel'a bona. Ku taha kwa ka, na, Mwan'a Mutu, ku ta ba cwalo. 40Ka nako yeo, kwa banna ba babeli ba ba ta ba mwa simu, yo muñwi u ta ngiwa mi yo muñwi a siiwe. 41Kwa basali ba babeli ba ba ta sita mwa cika, yo muñwi u ta ngiwa mi yo muñwi a siiwe.
42“Mu tokomele, kakuli ha mu zibi lizazi l'a ka taha Mulen'a mina. 43#Luk 12.39-40 Mu zibe kuli kambe muñ'a ndu n'a ka ziba nako yeo lisholi li ka taha ka yona, n'a ka tona ku libelela kuli ndu ya hae i si ke ya punyiwa. 44Kabakaleo, ni mina, mu ine mu nze mu itukisize nako kaufela, kakuli na, Mwan'a Mutu, ni ka taha ka nako ye mu sa zibi.
Nguli ya mutanga ya sepahala ni ya sa sepahali
(Luk 12.41-48)
45“Cwale mutanga ya sepahala, ya butali, ki ufi? Ki yena ya beilwe ki mulen'a hae kuli a zamaise batanga ba bañwi, ni ku ba fa lico ka nako ye swanela. 46U na ni litohonolo mutanga yo, haiba mulen'a hae a ka mu fumana a nz'a eza cwalo h'a fita! 47Ni mi bulelela niti, ni li, ‘Mulen'a hae u ta mu eza muzamaisi wa liluwo la hae kaufela.’ 48Kono haiba mutanga yo ki ya maswe, u ta bulela ka pilu, a li, ‘Mulen'a ka h'a na ku kuta kapili.’ 49Kih'a ta kala ku nata batanga ba bañwi, mi u ta ca ni ku nwa ni matahwa. 50Cwale mulen'a hae u ta kuta zazi l'a si ka libelela, ni ka nako y'a sa zibi. 51U ta mu utwisa hahulu butuku, ni ku mu fa kabelo ye swanela baipi, kw'a ka y'o lila ni ku kweca meeno.
Цяпер абрана:
Mateu 24: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.
Mateu 24
24
Jesu u bulela ka za ku shandauka kwa Tempele
(Mar 13.1-2; Luk 21.5-6)
1Jesu a siya Tempele, mi h'a funduka, balutiwa ba hae ba taha ku yena, ba mu supeza miyaho ya Tempele. 2Jesu kih'a li ku bona, “Ee, mwa li bona zeo kaufela? Ni mi bulelela niti. Ha ku na licwe nihaiba li li liñwi feela le li ta siyala fahalimw'a le liñwi. A ta shandaulwa kaufel'a ona.”
Manyando a' sa taha
(Mar 13.3-13; Luk 21.7-19)
3Jesu ha n'a inzi fa Lilundu la Likota za Olive, balutiwa ba hae ba taha ku yena kwa mukunda, ba li, “A ku lu bulelele nako ye li ta ezahala z'o bulela kaufela, mi hape ku ta bonahala sika mañi se si ta supa kuli u tuha u taha, ni kuli mafelelezo a nako s'a fitile?”
4Jesu a ba alaba, a li, “Mu tokomele kuli mu si ke mwa yembululwa ki mutu. 5Kakuli batu ba bañata ba ka taha ka libizo la ka, ba nze ba li, ‘Ki na Mesia!’ Mi ba ta yembulula batu ba bañata. 6Mu ka tuha mu utwa mabulatwi a lindwa fakaufi ni kwahule, kono mu si ke mwa ikalelwa. Ze cwalo li swanela ku ezahala, kono ha ku talusi kuli ki ona mafelelezo a lifasi, batili. 7Naha i ta lwanisa naha ye ñwi, mi mubuso u ta lwanisa mubuso o muñwi. Mwa libaka ze ñwi tala i ta ba teñi ni lizikinyeho za lifasi cwalo. 8Lika zeo kaufela li ta ba feela sina makalelo a butuku bwa mba ha i zuha.
9 #
Mat 10.22
“Batu ba ta mi swala, ba mi ise kuli mu y'o nyandiswa mi ba ta mi bulaya. Macaba kaufela a ta mi toya kabakala ka. 10Ka nako yeo, batu ba bañata ba ta tuhela tumelo ya bona. Ba ta tamisa ba bañwi ni ku toyana. 11Bapolofita ba buhata ba ka taha, mi ba ta puma batu ba bañata. 12Bumaswe bu ta ekezeha hahulu, mi lilato la batu li ta fukuzeha. 13#Mat 10.22 Kono ya ka tundamena, mane ku isa kwa mafelelezo, yo u ta piliswa. 14Litaba zeo ze Nde za Mubuso li ta lutiwa mwa lifasi kaufela, kuli i be bupaki kwa batu ba mishobo kaufela. Mi kihona mafelelezo a ka taha.
Sisupo sa bukaufi bwa manyando
(Mar 13.14-23; Luk 21.20-24)
15 #
Dan 9.27; 11.31; 12.11;
1 Mak 1.54; 6.7 “Mu ta bona Bumaswe bo bu Sabisa, bw'a n'a bulezi mupolofita Daniele, bu inzi mwa sibaka se si kenile. Ya bala a utwisise hande! 16Fohe, ba ba mwa Judea ba sabele kwa malundu. 17#Luk 17.31 Mutu ya li fa situwa sa ndu ya hae, a si ke a sinya nako ya ku tuluka, ku t'o kena mwa ndu ni ku nga mwateñi se siñwi. 18Ya li mwa simu, a si ke a kutela kubo kwa hae. 19I ta ba bumai bo bu cwañi ku ba ba itwezi ni bo mambututu ka mazazi ao! 20Mu lapele, mu kupe Mulimu kuli zeo kaufela li si ke za ezahala ka nako ya maliha kamba ka Lizazi la Pumulo! 21#Dan 12.1; Sin 7.14 Kakuli ñalelwa ya nako yeo i ta ba ye tuna ku fita ye bile teñi kaufela, ku zwa kwa simuluho ya lifasi mane ku fita kacenu, mi ha ku sa na ku ba ni ye cwalo kuya kuile. 22Kabe Mulimu n'a si ka hupula ku fukuza palo ya mazazi ao a manyando, ne ku si ke kwa ba ni mutu ya n'a ta banduka, kono kabakala batu b'a iketezi Mulimu u ta a fukuza.
23“Cwale, haiba mutu a li ku mina, ‘A mu bone, Mesia ki yo!’ kamba ‘Mesia ki yani,’ mu si ke mwa kolwa. 24Kakuli ba ba ta ipiza bo Mesia ni bapolofita, ka buhata, ba ta ba teñi. Mi ba ta eza limakazo ze komokisa ka muhupulo wa ku puma batu ba ba ketilwe ki Mulimu, haiba kwa konahala. 25Mu teeleze! Ni mi lemusize lika li si ka ezahala kale.
26 #
Luk 17.23-24
“Cwale, haiba batu ba li ku mina, ‘A mu bone, ki yo! U mwa naheñi!’ mu si ke mwa ya kwateñi. Kamba ha ba li, ‘A mu bone, ki yo! U ipatile kwanu!’ mu si ke mwa lumela. 27Kakuli na, Mwan'a Mutu, ni ka taha sina lumonyi lwa pula lo lu benya kwahalimu ku zwa kwa upa ku y'o fita kwa wiko.
28 #
Luk 17.37
“Ko ku inzi situpu, manoñu a ta kubukana kwateñi.
Ku taha kwa Mwan'a Mutu
(Mar 13.24-27; Luk 21.25-28)
29 #
Isa 13.10; 34.4; Ezek 32.7; Joel 2.10, 31; 3.15; Sin 6.12-13 “Honafo, manyando a mazazi ao a man'o fela, lizazi li ta unsufala, kweli ha i na ku benya, linaleli li ta wa kwa halimu, mi ze maata ze mwa mbyumbyulu li ta zikinyeha. 30#Dan 7.13; Sin 1.7 Sisupo sa ku taha kwa ka, na, Mwan'a Mutu, si ta bonahala mwa lihalimu. Mishobo kaufela ya lifasi i ta lila, mi i ta iponela na, Mwan'a Mutu, ni nze ni taha fa malu a lihalimu ka maata ni ka bulena bo butuna. 31Ku ta lila tolombita ye tuna, mi ni ta luma mangeloi a ka ku kubukanya ba ba ketilwe mwa maneku kaufela ku kalela kwa makalelo a lihalimu mane ku y'o fita kwa mafelelezo a lona.
Tuto ya kota ya feiga
(Mar 13.28-31; Luk 21.29-33)
32“Mu itute se siñwi ka kota ya feiga. Mitai ya yona ha i shoshela, mu ziba kuli matabula s'a li fakaufi. 33Kamukwaocwalo, ha mu ta bona zeo kaufela li ezahala, mu zibe kuli na, Mwan'a Mutu, ni fakaufi mane ni fa munyako. 34Luli na mi bulelela, ni li, ‘Batu ba ba pila ka nako ye ha ba na ku shwa kaufela, lika zeo li si ka ezahala kale. 35Lihalimu ni lifasi li ta fela kono manzwi a ka, ona, h'a na ku fela!’
Mulimu ki yena feela ya ziba nako ya mafelelezo
(Mar 13.32-37; Luk 17.26-30, 34-36)
36“Kono, haili ka za lizazi leo ni nako ya teñi, ha ku na ya li ziba, nihaiba ona mangeloi a kwa lihalimu, nihaiba Mwana, konji Ndate feela a nosi, ki yena ya li ziba. 37#Sim 6.5-8 Ku taha kwa ka, na, Mwan'a Mutu, ku ta swana sina mo ne ku ezahalezi ka linako za Nuwe. 38Kaniti muunda u si ka taha kale, batu ne ba ca, ba nwa, ba nyala, ba nyalisa, ku fitela lizazi leo Nuwe a kena mwa Aleka. 39#Sim 7.6-24 Ne ba sa zibi se si ka ezahala ku fitela muunda u fita, mi wa ba kukisa kaufel'a bona. Ku taha kwa ka, na, Mwan'a Mutu, ku ta ba cwalo. 40Ka nako yeo, kwa banna ba babeli ba ba ta ba mwa simu, yo muñwi u ta ngiwa mi yo muñwi a siiwe. 41Kwa basali ba babeli ba ba ta sita mwa cika, yo muñwi u ta ngiwa mi yo muñwi a siiwe.
42“Mu tokomele, kakuli ha mu zibi lizazi l'a ka taha Mulen'a mina. 43#Luk 12.39-40 Mu zibe kuli kambe muñ'a ndu n'a ka ziba nako yeo lisholi li ka taha ka yona, n'a ka tona ku libelela kuli ndu ya hae i si ke ya punyiwa. 44Kabakaleo, ni mina, mu ine mu nze mu itukisize nako kaufela, kakuli na, Mwan'a Mutu, ni ka taha ka nako ye mu sa zibi.
Nguli ya mutanga ya sepahala ni ya sa sepahali
(Luk 12.41-48)
45“Cwale mutanga ya sepahala, ya butali, ki ufi? Ki yena ya beilwe ki mulen'a hae kuli a zamaise batanga ba bañwi, ni ku ba fa lico ka nako ye swanela. 46U na ni litohonolo mutanga yo, haiba mulen'a hae a ka mu fumana a nz'a eza cwalo h'a fita! 47Ni mi bulelela niti, ni li, ‘Mulen'a hae u ta mu eza muzamaisi wa liluwo la hae kaufela.’ 48Kono haiba mutanga yo ki ya maswe, u ta bulela ka pilu, a li, ‘Mulen'a ka h'a na ku kuta kapili.’ 49Kih'a ta kala ku nata batanga ba bañwi, mi u ta ca ni ku nwa ni matahwa. 50Cwale mulen'a hae u ta kuta zazi l'a si ka libelela, ni ka nako y'a sa zibi. 51U ta mu utwisa hahulu butuku, ni ku mu fa kabelo ye swanela baipi, kw'a ka y'o lila ni ku kweca meeno.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.