Mateu 22
22
Nguli ya mukiti wa linyalo
(Luk 14.15-24)
1Jesu a sebelisa hape linguli h'a bulela kwa batu. 2A li, “Mubuso wa Lihalimu u ka swaniswa ni mulena yo muñwi ya n'a lukiselize mwan'a hae mukiti wa linyalo. 3A luma batanga ba hae ku y'o biza ba ba ne ba memilwe kwa mukiti kuli ba tahe, kono ha ba si ka lata ku taha. 4Kiha s'a luma batanga ba bañwi, a li, ‘Mu bulelele ba ba memilwe, mu li, Mukiti u lukile cwale. Mapulu ni mankomwana a nunisizwe a tabilwe, mi lika kaufela li lukile. Mu tahe kwa mukiti wa linyalo!’ 5Kono ba ba ne ba memilwe ne ba si ka isa kwateñi pilu, mi ba ikezeza za bona. Yo muñwi a ya kwa simu ya hae, yo muñwi kwa sintolo sa hae. 6Haili ba bañwi, ba swala batanga, ba ba nata ni ku ba bulaya. 7Mulena a nyema hahulu, mi a luma masole ba hae kuli ba y'o bulaya babulai bao ni ku cisa munzi wa bona. 8Cwale a biza batanga ba hae, mi a li ku bona, ‘Mukiti wa linyalo u lukile, kono batu be ne ni memile ha ba u swaneli. 9Cwale mu ye mwa mikwakwa ye mituna mi mu memele kwa mukiti be mu ta fumana kaufela!’ 10Cwale batanga ba ya mwa mikwakwa, mi ba kubukanya batu kaufela be ne ba fumana, ba bande hamoho ni ba ba maswe, mi ndu mo ne ku ezezwa mukiti ya tala batu.
11“Mulena kih'a kena mwa ndu mo, ku t'o bona batu ba ba ne ba memilwe, mi a bona mutu ya n'a si ka apala siapalo sa mukiti wa linyalo. 12A li ku yena, ‘Mulikani, u keni cwañi mo, u si na liapalo za mukiti?’ 13#Mat 8.12; 25.30; Luk 13.28 Cwale mulena a bulelela batanga, a li, ‘Mu mu tame kwa mahutu ni kwa mazoho, mi mu mu kasheze kwande mwa lififi, kw'a ka y'o lilela ni ku kweca meeno.’ ”
14Mi Jesu a feleleza, a li, “Ba ba memiwa ki ba bañata, kono ba ba ketwa ki ba banyinyani.”
Puzo bakeñisa mutelo
(Mar 12.13-17; Luk 20.20-26)
15Bafalisi ba ikela, mi ba y'o lelisana ka mo ba ta swaseza Jesu ka lipuzo. 16Kiha ba lumela ku Jesu balutiwa ba bona ni batu ba Heroda. Ba li ku yena, “Muluti, lu ziba kuli u mutu ya na ni niti. U luta niti ka mukwa wo Mulimu a bata kuli batu ba pile ka ona. U sa bilaeli ka ze ba nahana batu, kakuli ha u na taba kuli yo u cwañi kamba cwañi. 17A ku lu bulelele s'o hupula wena ka taba ye. Kana kwa lukela kuli lu zwiseze Mulena wa Baroma mutelo, kamba a ku lukeli?”
18 #
Mul 4.2; 12.32 Kono Jesu n'a s'a lemuhile mulelo wa bona o maswe. Kih'a li ku bona, “Mina baipi, kiñi ha mu ni lika? 19A mu ni bonise mali a muwaya-waya, e mu zwisanga ha mu tela!”
Ba mu tiseza ona. 20Jesu a ba buza, a li, “Siswaniso se, ni libizo le li ñozwi fateñi, ki za mañi?”
21Ba alaba, ba li, “Ki za Sesare.”
Cwale Jesu a li ku bona, “Ki hande, mu kutiseze ku Sesare ze li za Sesare, ni ku Mulimu ze li za Mulimu!”
22Ha ba utwa cwalo, ba komoka hahulu. Kiha ba mu siya, ba ikela.
Puzo bakeñisa zuho ya bafu
(Mar 12.18-27; Luk 20.27-40)
23 #
Lik 23.8
Ka lona lizazi leo, Basaduki ba bañwi ba taha ku Jesu, ili bona ba ba bulela kuli batu ha ba na ku zuha kwa bafu. 24#Mul 25.5 Ba t'o mu buza, ba li, “Muluti, Mushe u lutile kuli, ‘Haiba munna a shwa a si na mwana, mwanahabo mufu u swanela ku nyala mbelwa kuli ba zuseze nyandi lusika.’ 25Cwale, ku luna ne ku na ni micaha ba supile, ili bana ba mutu a li muñwi. Yo muhulu a nyala musali, mi a shwa a si na mwana ni yena. Cwale, a siyela munyan'a hae mbelwa yo. 26Kwa ezahala cwalo ku ya mu tatama, ni ku wa bulalu mane ku isa ku wa busupa. 27Kwa mafelelezo, musali a shwa ni yena. 28Cwale ka lizazi la zuho ya bafu, musali yo u ta ba musal'a mañi ku bona ba supile? Kakuli kaufel'a bona ba mu nyezi!”
29Jesu a ba alaba, a li, “Fo, mwa fosa, kakuli ha mu zibi ze ñozwi. Ha mu zibi ni maata a Mulimu. 30#But 5.5 Kakuli bafu ha ba ta zuha, ba ta swana sina mangeloi a mwa lihalimu. Banna ni basali ha ba sa na ku nyala ni ku nyaliwa. 31Cwale, haili ka zuho ya bafu, kana kikuli ha mu si ka bala se mu bulelezwi ki Mulimu, ha n'a ize, 32#Mut 3.6 ‘Ki na Mulimu wa Abrahama, Mulimu wa Isaka ni Mulimu wa Jakobo.’ Taba ye i talusa kuli ki Mulimu wa ba ba pila isiñi wa ba ba shwile.”
33Batu ba bañata ha ba utwa cwalo ba komokiswa ki tuto ya hae.
Taelo ye Tuna
(Mar 12.28-34; Luk 10.25-28)
34Bafalisi ha ba utwa kuli Jesu n'a kuzisize Basaduki, ba putehela mwa sibaka si li siñwi. 35#Luk 10.25-28 Mi yo muñwi wa bona, ili muluti wa Mulao, a lika ku mu swasa ka puzo, a li, 36“Muluti, taelo ye tuna ku fita ze ñwi kaufela mwa Mulao ki ifi?”
37 #
Mul 6.5
Jesu a mu alaba, a li, “U swanezi ku lata Mulena Mulimu wa hao, ka pilu ya hao kaufela, ni ka moya wa hao kaufela, ni ka ngana ya hao kaufela. 38Ye, ki yona taelo ye tuna ni ya pili. 39#Malivi 19.18 Mi ya bubeli, ye swana ni yona, ki ye, ‘U swanezi ku lata wahenu sina m'o itatela.’ 40Mulao wa Mushe ni lituto za bapolofita kaufela li yemi fa litaelo zeo ze peli.”
Puzo bakeñisa Mesia
(Mar 12.35-37; Luk 20.41-44)
41Bafalisi ha ne ba kopani, Jesu a ba buza, a li, 42“Mina mu hupula cwañi ka Mesia? Ki wa lusika lufi?”
Ba alaba, ba li, “Ki wa lusika lwa Davida.”
43Jesu a li ku bona, “Kikabakalañi, Moya ha n'o susuelize Davida ku mu biza Mulen'a hae? Kakuli Davida u ize,
44 #
Lipi 110.1
‘Mulena a li ku Mulen'a ka,
Ina ku la bulyo la ka,
ku fitela ha ni ta beya lila za hao
kwatas'a mahutu a hao.’
45Haiba Davida a mu biza Mulena, cwale Mesia n'a ka ba cwañi wa lusika lwa Davida?”
46Ha ku na ya n'a konile ku alaba Jesu nihaili ka linzwi li li liñwi feela, mi ku zwa lizazi leo ha ku na ya likile ku itiisa pilu ku mu buza lipuzo hape.
Цяпер абрана:
Mateu 22: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.
Mateu 22
22
Nguli ya mukiti wa linyalo
(Luk 14.15-24)
1Jesu a sebelisa hape linguli h'a bulela kwa batu. 2A li, “Mubuso wa Lihalimu u ka swaniswa ni mulena yo muñwi ya n'a lukiselize mwan'a hae mukiti wa linyalo. 3A luma batanga ba hae ku y'o biza ba ba ne ba memilwe kwa mukiti kuli ba tahe, kono ha ba si ka lata ku taha. 4Kiha s'a luma batanga ba bañwi, a li, ‘Mu bulelele ba ba memilwe, mu li, Mukiti u lukile cwale. Mapulu ni mankomwana a nunisizwe a tabilwe, mi lika kaufela li lukile. Mu tahe kwa mukiti wa linyalo!’ 5Kono ba ba ne ba memilwe ne ba si ka isa kwateñi pilu, mi ba ikezeza za bona. Yo muñwi a ya kwa simu ya hae, yo muñwi kwa sintolo sa hae. 6Haili ba bañwi, ba swala batanga, ba ba nata ni ku ba bulaya. 7Mulena a nyema hahulu, mi a luma masole ba hae kuli ba y'o bulaya babulai bao ni ku cisa munzi wa bona. 8Cwale a biza batanga ba hae, mi a li ku bona, ‘Mukiti wa linyalo u lukile, kono batu be ne ni memile ha ba u swaneli. 9Cwale mu ye mwa mikwakwa ye mituna mi mu memele kwa mukiti be mu ta fumana kaufela!’ 10Cwale batanga ba ya mwa mikwakwa, mi ba kubukanya batu kaufela be ne ba fumana, ba bande hamoho ni ba ba maswe, mi ndu mo ne ku ezezwa mukiti ya tala batu.
11“Mulena kih'a kena mwa ndu mo, ku t'o bona batu ba ba ne ba memilwe, mi a bona mutu ya n'a si ka apala siapalo sa mukiti wa linyalo. 12A li ku yena, ‘Mulikani, u keni cwañi mo, u si na liapalo za mukiti?’ 13#Mat 8.12; 25.30; Luk 13.28 Cwale mulena a bulelela batanga, a li, ‘Mu mu tame kwa mahutu ni kwa mazoho, mi mu mu kasheze kwande mwa lififi, kw'a ka y'o lilela ni ku kweca meeno.’ ”
14Mi Jesu a feleleza, a li, “Ba ba memiwa ki ba bañata, kono ba ba ketwa ki ba banyinyani.”
Puzo bakeñisa mutelo
(Mar 12.13-17; Luk 20.20-26)
15Bafalisi ba ikela, mi ba y'o lelisana ka mo ba ta swaseza Jesu ka lipuzo. 16Kiha ba lumela ku Jesu balutiwa ba bona ni batu ba Heroda. Ba li ku yena, “Muluti, lu ziba kuli u mutu ya na ni niti. U luta niti ka mukwa wo Mulimu a bata kuli batu ba pile ka ona. U sa bilaeli ka ze ba nahana batu, kakuli ha u na taba kuli yo u cwañi kamba cwañi. 17A ku lu bulelele s'o hupula wena ka taba ye. Kana kwa lukela kuli lu zwiseze Mulena wa Baroma mutelo, kamba a ku lukeli?”
18 #
Mul 4.2; 12.32 Kono Jesu n'a s'a lemuhile mulelo wa bona o maswe. Kih'a li ku bona, “Mina baipi, kiñi ha mu ni lika? 19A mu ni bonise mali a muwaya-waya, e mu zwisanga ha mu tela!”
Ba mu tiseza ona. 20Jesu a ba buza, a li, “Siswaniso se, ni libizo le li ñozwi fateñi, ki za mañi?”
21Ba alaba, ba li, “Ki za Sesare.”
Cwale Jesu a li ku bona, “Ki hande, mu kutiseze ku Sesare ze li za Sesare, ni ku Mulimu ze li za Mulimu!”
22Ha ba utwa cwalo, ba komoka hahulu. Kiha ba mu siya, ba ikela.
Puzo bakeñisa zuho ya bafu
(Mar 12.18-27; Luk 20.27-40)
23 #
Lik 23.8
Ka lona lizazi leo, Basaduki ba bañwi ba taha ku Jesu, ili bona ba ba bulela kuli batu ha ba na ku zuha kwa bafu. 24#Mul 25.5 Ba t'o mu buza, ba li, “Muluti, Mushe u lutile kuli, ‘Haiba munna a shwa a si na mwana, mwanahabo mufu u swanela ku nyala mbelwa kuli ba zuseze nyandi lusika.’ 25Cwale, ku luna ne ku na ni micaha ba supile, ili bana ba mutu a li muñwi. Yo muhulu a nyala musali, mi a shwa a si na mwana ni yena. Cwale, a siyela munyan'a hae mbelwa yo. 26Kwa ezahala cwalo ku ya mu tatama, ni ku wa bulalu mane ku isa ku wa busupa. 27Kwa mafelelezo, musali a shwa ni yena. 28Cwale ka lizazi la zuho ya bafu, musali yo u ta ba musal'a mañi ku bona ba supile? Kakuli kaufel'a bona ba mu nyezi!”
29Jesu a ba alaba, a li, “Fo, mwa fosa, kakuli ha mu zibi ze ñozwi. Ha mu zibi ni maata a Mulimu. 30#But 5.5 Kakuli bafu ha ba ta zuha, ba ta swana sina mangeloi a mwa lihalimu. Banna ni basali ha ba sa na ku nyala ni ku nyaliwa. 31Cwale, haili ka zuho ya bafu, kana kikuli ha mu si ka bala se mu bulelezwi ki Mulimu, ha n'a ize, 32#Mut 3.6 ‘Ki na Mulimu wa Abrahama, Mulimu wa Isaka ni Mulimu wa Jakobo.’ Taba ye i talusa kuli ki Mulimu wa ba ba pila isiñi wa ba ba shwile.”
33Batu ba bañata ha ba utwa cwalo ba komokiswa ki tuto ya hae.
Taelo ye Tuna
(Mar 12.28-34; Luk 10.25-28)
34Bafalisi ha ba utwa kuli Jesu n'a kuzisize Basaduki, ba putehela mwa sibaka si li siñwi. 35#Luk 10.25-28 Mi yo muñwi wa bona, ili muluti wa Mulao, a lika ku mu swasa ka puzo, a li, 36“Muluti, taelo ye tuna ku fita ze ñwi kaufela mwa Mulao ki ifi?”
37 #
Mul 6.5
Jesu a mu alaba, a li, “U swanezi ku lata Mulena Mulimu wa hao, ka pilu ya hao kaufela, ni ka moya wa hao kaufela, ni ka ngana ya hao kaufela. 38Ye, ki yona taelo ye tuna ni ya pili. 39#Malivi 19.18 Mi ya bubeli, ye swana ni yona, ki ye, ‘U swanezi ku lata wahenu sina m'o itatela.’ 40Mulao wa Mushe ni lituto za bapolofita kaufela li yemi fa litaelo zeo ze peli.”
Puzo bakeñisa Mesia
(Mar 12.35-37; Luk 20.41-44)
41Bafalisi ha ne ba kopani, Jesu a ba buza, a li, 42“Mina mu hupula cwañi ka Mesia? Ki wa lusika lufi?”
Ba alaba, ba li, “Ki wa lusika lwa Davida.”
43Jesu a li ku bona, “Kikabakalañi, Moya ha n'o susuelize Davida ku mu biza Mulen'a hae? Kakuli Davida u ize,
44 #
Lipi 110.1
‘Mulena a li ku Mulen'a ka,
Ina ku la bulyo la ka,
ku fitela ha ni ta beya lila za hao
kwatas'a mahutu a hao.’
45Haiba Davida a mu biza Mulena, cwale Mesia n'a ka ba cwañi wa lusika lwa Davida?”
46Ha ku na ya n'a konile ku alaba Jesu nihaili ka linzwi li li liñwi feela, mi ku zwa lizazi leo ha ku na ya likile ku itiisa pilu ku mu buza lipuzo hape.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.