Mateu 16
16
Kupo ya makazo
(Mar 8.11-13; Luk 12.54-56)
1 #
Mat 12.38; Luk 11.16 Bafalisi ni Basaduki ba taha ku Jesu. Ne ba bata ku mu swasa. Kiha ba mu kupa kuli a ba ezeze makazo ye bonisa kuli maata a hae a zwa ku Mulimu luli. 2Kono Jesu a ba alaba, a li, “Lizazi ha li likela, mina mu li, ‘Lu ka ba ni lizazi le linde, kakuli lihalimu ki le lifubelu.’ 3Mi kakusasana mu li, ‘Kacenu pula i ka nela kakuli lihalimu li bonahala bufubelu bo bunsu.’ Mu kona ku bulela mo li ka bela lizazi ka ku talima feela kwahalimu, kono ha mu koni ku talusa lisupo ze ama linako ze! 4#Mat 12.39; Luk 11.29 Batu ba kacenu, ba ba na ni lunya ni ba ba sa lumeli, ba kupa makazo, kono ha ba na ku i fiwa haisi ya Jonasi.”
Kih'a ba siya, mi a ikela.
Mumela wa Bafalisi ni Basaduki
(Mar 8.14-21)
5Balutiwa ha ba silela mwabuse bwa lisa, ba libala ku ikungela buhobe. 6#Luk 12.1 Jesu a li ku bona, “Mu tokomele, mu ambuke mumela wa Bafalisi ni Basaduki.”
7Balutiwa ba kala ku ambolisana mwahal'a bona ka taba yeo, ba li, “U bulela cwalo kakuli ha lu si ka lwala buhobe.”
8Jesu n'a zibile ze ne ba ambola, mi a ba buza, a li, “Mu bulelelañi ka za ku tokwa buhobe, mina ba tumelo ye nyinyani! 9#Mat 14.17-21 Kanti ni ka nako ye ha mu utwisisi? Kana ha mu hupuli fani, ha ni komaunena batu ba likiti li ketalizoho mahobe a ketalizoho? Ne mu talize lizuma ze kai za bungululwa bo bu ne bu siyezi? 10#Mat 15.34-38 Kamba fani bo, ha ni fepa batu ba likiti ze ne, ka mahobe a supile? Ne mu talize lizuma ze kai za bungululwa? 11Cwalehe, kiñi ha mu sa utwisisi kuli ne ni sa mi buleleli ka za buhobe? Mu tokomele mumela wa Bafalisi ni wa Basaduki!”
12Balutiwa kih'a ba utwisisa kuli n'a sa ba buleleli ka ku tokomela mumela o sebeliswa mwa buhobe kono ka lituto za Bafalisi ni Basaduki.
Pitrosi u paka kuli Jesu ki Mesia
(Mar 8.27-30; Luk 9.18-21)
13Cwale Jesu a ya mwa naha ye bapani ni munzi wa Sisarea wa Filipi. A buza balutiwa ba hae, a li, “Kanti batu ba li na, Mwan'a Mutu, ki na mañi?”
14 #
Mat 14.1-2; Mar 6.14-15; Luk 9.7-8 Ba alaba, ba li, “Ba bañwi ba li u Joani Mukolobezi. Ba bañwi ba li u Elia. Haili ba bañwi ba li u Jeremia kapa mupolofita yo muñwi.”
15Jesu a ba buza, a li, “Mina bo, mu li ki na mañi?”
16 #
Joa 6.68-69
Simoni Pitrosi a alaba, a li, “Ki wena Mesia, Mwan'a Mulimu ya pila.”
17Jesu kih'a li ku yena, “Simoni, mwan'a Jona, u na ni litohonolo luli, kakuli ha si mutu ya ku sinulezi niti ye, kono ki Ndate ya kwa lihalimu. 18Mi na, ni ku bulelela, ni li, ‘U licwe, wena Pitrosi, mi ku lona licwe leo ni ka yaha fateñi Keleke ya ka. Nihaili maata a lihele h'a na ku kona ku i felisa. 19#Mat 18.18; Joa 20.23 Ni ta ku fa likiululiso za Mubuso wa Lihalimu. S'o ta hanisa kaufela fafasi si ta haniswa cwalo ni mwa lihalimu, mi s'o ta lumelela fafasi si ta lumelelwa cwalo ni mwa lihalimu.’ ”
20Cwale Jesu a laela balutiwa ba hae kuli ba si ke ba bulelela mutu ufi kamba ufi kuli ki yena Mesia.
Jesu u talusa za lifu ni zuho ya hae
(Mar 8.31—9.1; Luk 9.22-27)
21Ku zwa yona nako yeo, Jesu a kala ku bulelela balutiwa ba hae patalaza, a li, “Ni swanezi ku ya kwa Jerusalema, ni y'o nyandiswa hahulu ki ba bahulu ba sicaba, ni baprisita ba bahulu, hamohocwalo ni Baluti ba Mulao. Ni ta bulaiwa, mi ka lizazi la bulalu ni ta zuha kwa bafu.”
22Cwale Pitrosi a mu bizeza kwatuko, mi a kala ku mu kalimela, a li, “Mulen'a ka, Mulimu a si ke a lumela cwalo! Nto yeo i si ke ya ezahala ku wena!”
23Kono Jesu a itemuna, mi a li ku Pitrosi, “Zwa ku na, Satani! U sitataliso mwa nzila ya ka, kakuli mihupulo ya hao ki ya butu, isiñi ya Mulimu!”
24 #
Mat 10.38; Luk 14.27 Cwale Jesu a li kwa balutiwa ba hae, “Haiba mutu a lata ku ni latelela, u swanezi ku itoboha, a lwale sifapahano sa hae, mi a ni latelele. 25#Mat 10.39; Luk 17.33; Joa 12.25 Kakuli mutu ufi ni ufi ya lakaza ku babalela bupilo bwa hae u ta sinyehelwa ki bona, kono ya ta sinyehelwa ki bupilo bwa hae kabakala ka, u ta bu fumana hape. 26Kana ku ka tusañi kuli mutu a sinyehelwe ki bupilo bwa hae? Ha ku na tuso, kakuli bupilo ha bu sinyehile, ha ku na s'a ka zwisa mutu kuli a kone ku bu fumana hape! 27#Mat 25.31; Lipi 62.12; Baro 2.6 Kakuli na, Mwan'a Mutu, ni tuha ni taha mwa kanya ya Ndate ni mangeloi a hae, mi ni ta kutiseza mañi ni mañi ka ku likana ni s'a ezize. 28Kaniti na mi bulelela, ni li, ‘Ku na ni ba bañwi, hona mo, ba ba si ke ba shwa, ba si ka ni bona pili, na, Mwan'a Mutu, ni taha ka bulena.’ ”
Цяпер абрана:
Mateu 16: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.