Mateu 12
12
Puzo bakeñisa Lizazi la Pumulo
(Mar 2.23-28; Luk 6.1-5)
1 #
Mul 23.25
Ha ku si ka fita nako ye telele Jesu n'a zamaya mwahal'a masimu a mabele, ili ka Lizazi la Pumulo. Balutiwa ba hae ne ba shwile tala. Cwale ba kala ku loba makunka ni ku ca bubeke. 2Bafalisi h'a ba bona cwalo, ba li ku Jesu, “A ku bone, balutiwa ba hao ba eza se si sa lumelelwi ki Mulao wa luna ka Lizazi la Pumulo!”
3 #
1 Sam 21.1-6
Jesu a ba alaba, a li, “Kana ha mu si ka bala s'a n'a ezize Davida ni batu ba hae zazi le liñwi ha ne ba shwile tala? 4#Malivi 24.9 A kena mwa ndu ya Mulimu, mi yena ni batu ba hae ba ca linkwa ze ne bulukezwi Mulimu, nihaike ne ku sa lumelezwi kuli ba ce kwa linkwa zeo. Linkwa zeo ne li swanela ku ciwa ki baprisita feela. 5#Lipa 28.9-10 Kamba ha mu si ka bala mwa Mulao wa Mushe kuli, ka la Pumulo, baprisita ba mwa Tempele ba tulanga milao ya Lizazi la Pumulo, kono nihakulicwalo ha ba na mulatu? 6Cwale, na mi bulela niti, ni li, ‘Hona mo ku na ni nto ye tuna ku fita Tempele!’ 7#Mat 9.13; Hos 6.6 Kambe mu zibile hande-nde se si taluswa ka ze ñozwi, ze li, ‘Ni bata musa. Ha ni bati litabelo za lifolofolo,’ ne mu si ke mwa atula ba ba si na mulatu. 8Kakuli na, Mwan'a Mutu, ni Mulena wa Lizazi la Pumulo.”
Jesu u folisa wa lizoho le li omelezi luñañali
(Mar 3.1-6; Luk 6.6-11)
9Jesu a zwa mwa sibaka seo, mi a y'o kena mwa sinagoge ye ñwi ya bona. 10Mwateñi ne ku na ni mutu wa lizoho le li omelezi luñañali. Ba ba ne ba li teñi mo, ne ba bata ku tama Jesu litaba. Cwale ba mu buza, ba li, “Kana ki mulatu, ka Mulao wa luna, ku folisa mutu ka la Pumulo, nji?”
11 #
Luk 14.5
Jesu a ba alaba, a li, “Haiba wa ku mina u na ni ngu i liñwi feela, mi ngu yeo ya wela mwa musima ka la Pumulo, kana a si ke a y'o i swala ni ku i zwisa mwateñi? 12Mi kanti mutu u fita ngu hahulu! Hakulicwalo, Mulao wa luna wa lu lumelela ku tusa batu la Pumulo.” 13Cwale Jesu a li ku mutu yo, “Otolola lizoho la hao.”
A li otolola, mi la fola. La swana ni le liñwi. 14Bafalisi ba zwa, mi ba y'o lelisana ka mo ba ka bulaela Jesu.
Mutanga ya ketilwe ki Mulimu
15Jesu ha s'a utwile cwalo, a zwa mwa sibaka seo. Batu ba bañata ba mu latelela mi a folisa bakuli kaufela. 16Kono a ba laela kuli ba si ke ba kandekela ba bañwi ka za hae. 17A eza cwalo kuli ze ne bulezwi ki mupolofita Isaya li petahale, ha n'a ize,
18 #
Isa 42.1-4
“Ki yo mutanga wa ka ye ni ketile,
ye ni lata, ya ni tabisa hahulu.
Ni ka beya Moya wa ka fahalimw'a hae,
mi u ta zibisa macaba kamukana ka za katulo ya ka.
19H'a na ku kanana ni mutu, kamba ku huwa,
mi linzwi la hae ha li na ku utwahala mwa mapatelo.
20H'a na ku lobelela lutaka lo lu funyukile,
nihaili ku timelela lampi ye sa monya-monya.
U ka tundamena cwalo ku fitela ku luka ku koma.
21Mi batu kamukana ba ta beya sepo ya bona ku yena.”
Jesu u alaba ba ba mu tama litaba
(Mar 3.20-30; Luk 11.14-23)
22Cwale batu ba tisa ku Jesu mutu wa sibofu, ya n'a sa koni ku bulela kakuli n'a na ni mioya ye maswe. Jesu a folisa mutu yo, mane a kona ku bulela ni ku bona. 23Nyangela kaufela ya komoka, mi ya buza, ya li, “Kana yo, i ka ba yena luli Mwan'a Davida?”
24 #
Mat 9.34; 10.25 Kono Bafalisi h'a ba utwa cwalo, ba li, “Mutu yo u leleka mioya ye maswe kakuli Beelzebule, mulen'a yona, ki yena ya mu fa maata a ku eza cwalo!”
25Jesu n'a zibile ze ne ba nahana, mi a li ku bona, “Naha ifi kamba ifi, mo ku na ni batu ba ba kauhana mi ba lwanisana, ha i na ku tiya. Mi ba munzi kamba bana ba mba ha ba lwanisana, ni teñi ndu kapa mba yeo ha i na ku tiya. 26Cwalehe, haiba sitopa se siñwi si lwanisa se siñwi mwa mubuso wa Satani, ku talusa kuli mubuso wo u s'o kauhani ka litopa mi u ta shandauka kapili! 27Mina mu li ni leleka mioya ye maswe ka maata a ni filwe ki Beelzebule. Cwale, ya fa balateleli ba mina maata a ku i leleka ki mañi? Bona ba be baatuli ba mina! 28Ki Moya wa Mulimu o' ni fanga maata a ku leleka mioya ye maswe. Cwalehe, ki niti kuli Mubuso wa Mulimu s'o tile ku mina.
29 #
Tob 8.3
“Ha ku na mutu ya ka kona ku kena mwa ndu ya muhali kuli a nge libyana za hae, konji h'a ka kala pili ku tama muhali yo. Kihona a ka kona ku ikungela zona.
30 #
Mar 9.40
“Mutu kaufela ya sa ni yemeli wa ni lwanisa. Ya sa ni tusi ku kubukanya wa hasanya. 31Kabakaleo na mi bulelela, ni li, ‘Batu ba kona ku swalelwa libi ni lika ze maswe ze ba bulela kaufela, kono ya nyefula Moya o Kenile h'a na ku swalelwa. 32#Luk 12.10 Mutu kaufela ya bulela maswe ka na, Mwan'a Mutu, u ka swalelwa, kono ya nyefula Moya o Kenile h'a na ku swalelwa, i be mwa bupilo bo kamba mwa bupilo bo bu sa taha.’
Kota ni miselo ya yona
(Luk 6.43-45)
33 #
Litu 27.6;
Mat 7.20; Luk 6.44 “Haiba kota i pila hande, miselo ya yona i ta ba ye minde. Haiba i sa pili hande, miselo ya yona i ta ba ye maswe. Kota i zibiwa ka miselo ya yona. 34#Mat 3.7; 23.33; 15.18; Luk 3.7; 6.45 Mina, bana ba linoha, mu ka bulela cwañi lika ze nde mu li batu ba ba maswe? Kakuli mulomo u bulela se si tezi mwa pilu. 35Mutu yo munde u zwisa lika ze nde mwa sibulukelo sa hae sa lika ze nde. Mutu ya maswe u zwisa lika ze maswe mwa sibulukelo sa hae sa lika ze maswe.
36“Ni li ku mina, ‘Ka Lizazi la Katulo, batu kamukana ba ta ikalabela fa linzwi le liñwi ni le liñwi le li si na tuso le ba bulezi. 37Kakuli u ka atulwa ka manzwi a hao, ku bonwe kamba u fosize kamba ha u si ka fosa.’ ”
Batu ba kupa makazo
(Mar 8.11-12; Luk 11.29-32)
38 #
Mat 16.1; Mar 8.11; Luk 11.16 Cwale Baluti ba Mulao ni Bafalisi ba bañwi ba li ku Jesu, “Muluti, lu bata ku bona ha u eza makazo.
39 #
Mat 16.4; Mar 8.12 Jesu a ba alaba, a li, “Batu ba kacenu, ili batu ba ba maswe ni ba ba sa lumeli ku Mulimu, ba kupa makazo, kono ha ba na ku fiwa makazo haisi ya mupolofita Jonasi. 40#Jona 1.17 Kakuli, sina Jonasi ha n'a inzi mazazi ni masihu a malalu mwa mba ya tapi ye tuna, kamukwaocwalo ni na, Mwan'a Mutu, ni ta ina mazazi ni masihu a malalu mwa mubu. 41#Jona 3.5 Ka Lizazi la Katulo, ba Ninive ba ka yema ku mi atula kakuli bona ne ba bakezi libi za bona, Jonasi ha n'a ba kutaza, mi na mi bulelela kuli ku na ni yo mutuna mona mo, ya fita Jonasi! 42#1 Male 10.1-10; 2 Lita 9.1-12 Ka Lizazi la Katulo, Mufumahali wa kwa Mboela u ka yema ku mi atula ni yena, kakuli n'a tile ku zwa kwa mafelelezo a lifasi ku t'o utwa manzwi a butali a Salumoni, mi na mi bulelela kuli ku na ni yo mutuna mo, ya fita Salumoni!
Ku kuta kwa moya o maswe
(Luk 11.24-26)
43“Moya o maswe ha u zwile ku mutu, u zamaya-zamaya mwa naheñi u nz'o bata pumulo, kono u palelwa ku i fumana. 44Kiha u li, ‘Ni ta kutela mwa ndu ya ka mo ne ni zwile.’ Cwale wa kuta, mi u t'o i fumana mukungulu, i kenile, i bakanyizwe hande. 45Cwale u y'o nga mioya ye miñwi, ye supile, ye u fita kwa bumaswe. Ya taha hamoho, mi i t'o pila mwateñi. Kamukwaocwalo, mutu yo, kwa mafelelezo, u ta ba ya maswe ku fita pili. Ku ka ba cwalo ni kwa lusika lo lu maswe lo.”
Jesu, ni m'ahe ni bahabo
(Mar 3.31-35; Luk 8.19-21)
46Jesu n'a sa bulela ni batu, m'ahe ni bahabo ha ba fita. Ba yema kwande, mi ba kupa ku bulela ni yena. 47Cwale yo muñwi wa batu bao a li ku yena, “Bona, m'aho ni banabahenu ki ba, fande, mi ba bata ku bulela ni wena.”
48Jesu a mu alaba, a li, “Me, ki mañi? Ni bahesu, ki bo mañi?” 49Cwale kiha supa kwa balutiwa ba hae, mi a li, “A mu bone, bona ba, ki bona bo ma ni banabahesu! 50Kakuli mutu kaufela ya eza se si latwa ki Ndate ya kwa lihalimu, ki yena munyan'a ka, ni kaizel'a ka, ni me.”
Цяпер абрана:
Mateu 12: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.
Mateu 12
12
Puzo bakeñisa Lizazi la Pumulo
(Mar 2.23-28; Luk 6.1-5)
1 #
Mul 23.25
Ha ku si ka fita nako ye telele Jesu n'a zamaya mwahal'a masimu a mabele, ili ka Lizazi la Pumulo. Balutiwa ba hae ne ba shwile tala. Cwale ba kala ku loba makunka ni ku ca bubeke. 2Bafalisi h'a ba bona cwalo, ba li ku Jesu, “A ku bone, balutiwa ba hao ba eza se si sa lumelelwi ki Mulao wa luna ka Lizazi la Pumulo!”
3 #
1 Sam 21.1-6
Jesu a ba alaba, a li, “Kana ha mu si ka bala s'a n'a ezize Davida ni batu ba hae zazi le liñwi ha ne ba shwile tala? 4#Malivi 24.9 A kena mwa ndu ya Mulimu, mi yena ni batu ba hae ba ca linkwa ze ne bulukezwi Mulimu, nihaike ne ku sa lumelezwi kuli ba ce kwa linkwa zeo. Linkwa zeo ne li swanela ku ciwa ki baprisita feela. 5#Lipa 28.9-10 Kamba ha mu si ka bala mwa Mulao wa Mushe kuli, ka la Pumulo, baprisita ba mwa Tempele ba tulanga milao ya Lizazi la Pumulo, kono nihakulicwalo ha ba na mulatu? 6Cwale, na mi bulela niti, ni li, ‘Hona mo ku na ni nto ye tuna ku fita Tempele!’ 7#Mat 9.13; Hos 6.6 Kambe mu zibile hande-nde se si taluswa ka ze ñozwi, ze li, ‘Ni bata musa. Ha ni bati litabelo za lifolofolo,’ ne mu si ke mwa atula ba ba si na mulatu. 8Kakuli na, Mwan'a Mutu, ni Mulena wa Lizazi la Pumulo.”
Jesu u folisa wa lizoho le li omelezi luñañali
(Mar 3.1-6; Luk 6.6-11)
9Jesu a zwa mwa sibaka seo, mi a y'o kena mwa sinagoge ye ñwi ya bona. 10Mwateñi ne ku na ni mutu wa lizoho le li omelezi luñañali. Ba ba ne ba li teñi mo, ne ba bata ku tama Jesu litaba. Cwale ba mu buza, ba li, “Kana ki mulatu, ka Mulao wa luna, ku folisa mutu ka la Pumulo, nji?”
11 #
Luk 14.5
Jesu a ba alaba, a li, “Haiba wa ku mina u na ni ngu i liñwi feela, mi ngu yeo ya wela mwa musima ka la Pumulo, kana a si ke a y'o i swala ni ku i zwisa mwateñi? 12Mi kanti mutu u fita ngu hahulu! Hakulicwalo, Mulao wa luna wa lu lumelela ku tusa batu la Pumulo.” 13Cwale Jesu a li ku mutu yo, “Otolola lizoho la hao.”
A li otolola, mi la fola. La swana ni le liñwi. 14Bafalisi ba zwa, mi ba y'o lelisana ka mo ba ka bulaela Jesu.
Mutanga ya ketilwe ki Mulimu
15Jesu ha s'a utwile cwalo, a zwa mwa sibaka seo. Batu ba bañata ba mu latelela mi a folisa bakuli kaufela. 16Kono a ba laela kuli ba si ke ba kandekela ba bañwi ka za hae. 17A eza cwalo kuli ze ne bulezwi ki mupolofita Isaya li petahale, ha n'a ize,
18 #
Isa 42.1-4
“Ki yo mutanga wa ka ye ni ketile,
ye ni lata, ya ni tabisa hahulu.
Ni ka beya Moya wa ka fahalimw'a hae,
mi u ta zibisa macaba kamukana ka za katulo ya ka.
19H'a na ku kanana ni mutu, kamba ku huwa,
mi linzwi la hae ha li na ku utwahala mwa mapatelo.
20H'a na ku lobelela lutaka lo lu funyukile,
nihaili ku timelela lampi ye sa monya-monya.
U ka tundamena cwalo ku fitela ku luka ku koma.
21Mi batu kamukana ba ta beya sepo ya bona ku yena.”
Jesu u alaba ba ba mu tama litaba
(Mar 3.20-30; Luk 11.14-23)
22Cwale batu ba tisa ku Jesu mutu wa sibofu, ya n'a sa koni ku bulela kakuli n'a na ni mioya ye maswe. Jesu a folisa mutu yo, mane a kona ku bulela ni ku bona. 23Nyangela kaufela ya komoka, mi ya buza, ya li, “Kana yo, i ka ba yena luli Mwan'a Davida?”
24 #
Mat 9.34; 10.25 Kono Bafalisi h'a ba utwa cwalo, ba li, “Mutu yo u leleka mioya ye maswe kakuli Beelzebule, mulen'a yona, ki yena ya mu fa maata a ku eza cwalo!”
25Jesu n'a zibile ze ne ba nahana, mi a li ku bona, “Naha ifi kamba ifi, mo ku na ni batu ba ba kauhana mi ba lwanisana, ha i na ku tiya. Mi ba munzi kamba bana ba mba ha ba lwanisana, ni teñi ndu kapa mba yeo ha i na ku tiya. 26Cwalehe, haiba sitopa se siñwi si lwanisa se siñwi mwa mubuso wa Satani, ku talusa kuli mubuso wo u s'o kauhani ka litopa mi u ta shandauka kapili! 27Mina mu li ni leleka mioya ye maswe ka maata a ni filwe ki Beelzebule. Cwale, ya fa balateleli ba mina maata a ku i leleka ki mañi? Bona ba be baatuli ba mina! 28Ki Moya wa Mulimu o' ni fanga maata a ku leleka mioya ye maswe. Cwalehe, ki niti kuli Mubuso wa Mulimu s'o tile ku mina.
29 #
Tob 8.3
“Ha ku na mutu ya ka kona ku kena mwa ndu ya muhali kuli a nge libyana za hae, konji h'a ka kala pili ku tama muhali yo. Kihona a ka kona ku ikungela zona.
30 #
Mar 9.40
“Mutu kaufela ya sa ni yemeli wa ni lwanisa. Ya sa ni tusi ku kubukanya wa hasanya. 31Kabakaleo na mi bulelela, ni li, ‘Batu ba kona ku swalelwa libi ni lika ze maswe ze ba bulela kaufela, kono ya nyefula Moya o Kenile h'a na ku swalelwa. 32#Luk 12.10 Mutu kaufela ya bulela maswe ka na, Mwan'a Mutu, u ka swalelwa, kono ya nyefula Moya o Kenile h'a na ku swalelwa, i be mwa bupilo bo kamba mwa bupilo bo bu sa taha.’
Kota ni miselo ya yona
(Luk 6.43-45)
33 #
Litu 27.6;
Mat 7.20; Luk 6.44 “Haiba kota i pila hande, miselo ya yona i ta ba ye minde. Haiba i sa pili hande, miselo ya yona i ta ba ye maswe. Kota i zibiwa ka miselo ya yona. 34#Mat 3.7; 23.33; 15.18; Luk 3.7; 6.45 Mina, bana ba linoha, mu ka bulela cwañi lika ze nde mu li batu ba ba maswe? Kakuli mulomo u bulela se si tezi mwa pilu. 35Mutu yo munde u zwisa lika ze nde mwa sibulukelo sa hae sa lika ze nde. Mutu ya maswe u zwisa lika ze maswe mwa sibulukelo sa hae sa lika ze maswe.
36“Ni li ku mina, ‘Ka Lizazi la Katulo, batu kamukana ba ta ikalabela fa linzwi le liñwi ni le liñwi le li si na tuso le ba bulezi. 37Kakuli u ka atulwa ka manzwi a hao, ku bonwe kamba u fosize kamba ha u si ka fosa.’ ”
Batu ba kupa makazo
(Mar 8.11-12; Luk 11.29-32)
38 #
Mat 16.1; Mar 8.11; Luk 11.16 Cwale Baluti ba Mulao ni Bafalisi ba bañwi ba li ku Jesu, “Muluti, lu bata ku bona ha u eza makazo.
39 #
Mat 16.4; Mar 8.12 Jesu a ba alaba, a li, “Batu ba kacenu, ili batu ba ba maswe ni ba ba sa lumeli ku Mulimu, ba kupa makazo, kono ha ba na ku fiwa makazo haisi ya mupolofita Jonasi. 40#Jona 1.17 Kakuli, sina Jonasi ha n'a inzi mazazi ni masihu a malalu mwa mba ya tapi ye tuna, kamukwaocwalo ni na, Mwan'a Mutu, ni ta ina mazazi ni masihu a malalu mwa mubu. 41#Jona 3.5 Ka Lizazi la Katulo, ba Ninive ba ka yema ku mi atula kakuli bona ne ba bakezi libi za bona, Jonasi ha n'a ba kutaza, mi na mi bulelela kuli ku na ni yo mutuna mona mo, ya fita Jonasi! 42#1 Male 10.1-10; 2 Lita 9.1-12 Ka Lizazi la Katulo, Mufumahali wa kwa Mboela u ka yema ku mi atula ni yena, kakuli n'a tile ku zwa kwa mafelelezo a lifasi ku t'o utwa manzwi a butali a Salumoni, mi na mi bulelela kuli ku na ni yo mutuna mo, ya fita Salumoni!
Ku kuta kwa moya o maswe
(Luk 11.24-26)
43“Moya o maswe ha u zwile ku mutu, u zamaya-zamaya mwa naheñi u nz'o bata pumulo, kono u palelwa ku i fumana. 44Kiha u li, ‘Ni ta kutela mwa ndu ya ka mo ne ni zwile.’ Cwale wa kuta, mi u t'o i fumana mukungulu, i kenile, i bakanyizwe hande. 45Cwale u y'o nga mioya ye miñwi, ye supile, ye u fita kwa bumaswe. Ya taha hamoho, mi i t'o pila mwateñi. Kamukwaocwalo, mutu yo, kwa mafelelezo, u ta ba ya maswe ku fita pili. Ku ka ba cwalo ni kwa lusika lo lu maswe lo.”
Jesu, ni m'ahe ni bahabo
(Mar 3.31-35; Luk 8.19-21)
46Jesu n'a sa bulela ni batu, m'ahe ni bahabo ha ba fita. Ba yema kwande, mi ba kupa ku bulela ni yena. 47Cwale yo muñwi wa batu bao a li ku yena, “Bona, m'aho ni banabahenu ki ba, fande, mi ba bata ku bulela ni wena.”
48Jesu a mu alaba, a li, “Me, ki mañi? Ni bahesu, ki bo mañi?” 49Cwale kiha supa kwa balutiwa ba hae, mi a li, “A mu bone, bona ba, ki bona bo ma ni banabahesu! 50Kakuli mutu kaufela ya eza se si latwa ki Ndate ya kwa lihalimu, ki yena munyan'a ka, ni kaizel'a ka, ni me.”
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.