Buka ya Bubeli ya Makabaeusi 7
7
Pulao ya bana ba mba ba supile
1 #
Maheb 11.35-36
Hape ne ku na ni bana ba mba ba supile be ne ba swelwi hamoho ni m'a bona. Mulena a lika ku ba hapeleza ku ca nama ya kulube, ye sa lumelelwi ki Mulao kuli i ciwe. A ba utwisa hahulu butuku ka ku ba nataka ka lipafa ni ka milamu. 2Yo muñwi wa ku bona, ya n'a bulela bakeñisa ba bañwi, a li, “Kanti wena s'o batisisa ku luna ki sika mañi? Lu itukiselize ku shwa ku fita kuli lu lobe milao ya bo kukw'a luna.”
3Cwale ka bunyemi, mulena a laela kuli lipani ni lipoto ze tuna li beiwe fa mulilo li cise. 4Kapili-pili lipani ni lipoto ha se li cisize mane ku ba telee, a laela kuli yena yo ya n'a bulela hahulu ku bona a pumiwe lulimi, toho ya hae i zwiswe litalo, mi a pumiwe mahutu ni mazoho, bo m'ahe ni banabahabo ba nze ba talimezi. 5Ha s'a felezwi ki maata, mulena a laela kuli a tiswe kwa mulilo mi a halikwe fa pani a sa pila. Cwale musi o zwa fa pani ha u se u nanuha, bo m'ahe ni banabahabo ba tiisana lipilu kuli ba shwele ku luka. Ba bulela manzwi a swana ni a, 6#Mul 32.36 “Mulena Mulimu wa bona, mi kaniti luli u lu shwela makeke, sina Mushe mw'a n'a bulelezi batu mwa pina ya hae ye ne ba nyaza, h'a li, ‘Kaniti u ta shwela batu ba hae makeke.’ ”
7Wa makalo ha s'a shwile ka mukwa wo, ba isa fateñi wa bubeli ka lunya lwa bona. Ha ba se ba mu zwisize litalo la kwa toho kaufela ba mu buza, ba li, “Na u ta ca kwa nama ya kulube, kuli lu si ke lwa ku utwisa butuku ka ku ku pumaka lilama za mubili wa hao kaufela?”
8Kono yena a alaba ka puo ya habo, a li, “Ha ni na ku eza cwalo ni kamuta.” Cwale ni yena ba mu bulaya ka ku mu nyandisa sina mwanahabo yena ye ne ba kalezi ku bulaya. 9Ka muzuzu wa mafelelezo a bupilo bwa hae a huweleza, a li, “Wena munna-tuwe, ya lunya cwalo, niha u ka lu zwisa mwa bupilo bo bwa ka nako ye, Mulena wa lifasi kamukana u ta lu zusa hape mi lu ta pila kuya kuile, kakuli lu shwela milao ya hae.”
10Mwamulaho wa hae, ba itabisa ka wa bulalu. Yena a sa buzwa feela, kapili a zwiseza lulimi lwa hae fande, mi ka bundume a otolola mazoho a hae. 11Mi ka manzwi a, a kutekeha, a li, “Lilama ze, ni li filwe ki Mulimu. Cwale kabakala milao ya hae na itoboha zona, mi ni sepa kuli u ta ni fa zona hape.” 12Mulena ni batu ba hae ba komokiswa ki bundume bwa mucaha yo ni ka ku sa saba manyando a lifu kwa hae.
13Yo ha s'a shwile, ba eza wa bune ka lunya lo lu swana. 14Ha s'a li fakaufi ni ku shwa a huweleza, a li, “Ku luna ki hande ku bulaiwa ki batu lu nze lu tiile mwa sepiso ya Mulimu kuli u ta lu zusa hape. Kono mina ha mu na ku zuha hape mi ha mu na ku ba ni bupilo bo bunca.”
15Ku tuha foo ba tisa wa butanu, mi ba kala ku mu utwisa hahulu butuku. 16Kono yena a talima ku mulena, mi a li, “U na ni maata kwa batu ba ba shwa sina wena, mi u kona ku eza m'o latela. Kono u si ke wa hupula kuli mwendi lusika lwa luna Mulimu u lu fulalezi. 17U litele feela, mi u ta bona Mulimu mw'a ta ku utwiseza butuku, wena ni lusika lwa hao.”
18Mwahulaho wa hae ba tisa wa busilela, mi manzwi a hae a n'a bulezi h'a shwa ki a, “U si ke wa ipuma ili wena. Luna lu nyandela milatu ya luna, mi kikabakaleo lu fiwa manyando a matuna cwana. 19Kono wena, u si ke wa hupula kuli ha u na ku fiwa mulatu ha u nze u lwanisa Mulimu cwalo.”
20M'a bona, yena, ki yena ya n'a komokisize hahulu, mane u swanelwa ku hupulwa ka likute le lituna hahulu, kakuli niha n'a boni mafu a bana ba hae ba supile, be ne ba bulailwe ka lizazi li li liñwi, a ba ni bundume kabakala ku sepa Mulena Mulimu. 21Kaniti a ba tiisa lipilu ka ku bulelelanga yo muñwi ni yo muñwi wa bona ka puo ya bo kukw'a bona. H'a tezi moya o munde, ni pilu ya mushemi ha i tiisizwe ki bundume luli, a ba tiisa lipilu mi a li ku bona, 22“Ha ni zibi mo mu tahezi mwa mba ya ka. Ne si na, ya n'a lukisize lilama za mibili ya mina, ni ku mi fa moya ni bupilo bwa mina. 23Ki yena Muezi wa lifasi kamukana, ya lukisize mukwa wo mutu a pepwa ka ona, mi ili yena ya tomile simuluho ya lika kaufela, ya ta mi kutiseza moya ni bupilo ka bunde bwa hae, kakuli wa bona hande kuli mane cwale se mu itumelela ku shwela milao ya hae.”
24Cwale Antiokusi a ikutwa kuli n'a sa sabwi ni kuli mwendi musali n'a ka swana a zwisa manzwi a ku mu nyefula. Mi hape kakuli mwana yo muñwi yo munyinyani ku bona kaufela n'a sa pila, a bulela ni yena isiñi ka manzwi feela kono a mu sepisa kuli u ta mu fumisa ni ku mu tabisa, haiba n'a ka tuhela mikwa ya sizo sa habo. N'a ta mu eza Mulikan'a hae ni ku mu hulisa kuli a be yena yo muhulu ya talima za litaba za batu kaufela. 25Mucaha a hana, mi cwale mulena a kupa m'ahe ku mu eleza kuli a punyuse bupilo bwa hae. 26Mwamulaho a ku mu susueza hahulu cwalo, musali a lumela kuli u ta lika ku eleza mwan'a hae kuli a lumele. 27Musali h'a inamela ku mwan'a hae, a puma Antiokusi ya lunya yo inge ya mamela taelo ya hae. Kono yena a bulelela mwan'a hae ka puo ya habo bona, a li, “Mwan'a ka, u ni shwele makeke. Ne ni itwezi wena ka likweli ze supile ka ze peli u li mwa mba ya ka, ni ku ku anyisa ka lilimo ze talu. Na ku uta ni ku ku hulisa ku fitela u kuma fa lilimo z'o na ni zona ka nako ye. 28Na ku kupa, mwan'a ka, kuli u lemuhe za lihalimu ni za lifasi ni ze ku zona kaufela, mi u zibe kuli Mulimu u li ezize feela ku si na se siñwi, ni kuli batu ni bona ba ezizwe ka mukwa o swana. 29U si ke wa saba mubulai yo, kono u ikupule kuli u swana ni banabahenu, mi u lumele ku shwa ili kuli ka musa wa Mulimu ni te ni ku amuhele hamoho ni banabahenu.”
30Pili m'ahe a si ka feza kale ku bulela, mucaha a li, “Mu sa liteziñi? Ha ni na ku latelela litaelo za mulena. Ni buluka feela litaelo za Mulao o n'o filwe bo kukw'a luna ka Mushe. 31Ha n'e li ka wena, muñ'a ka, wena ya ezize milelo ye maswe kamukana ya ku nyandisa Maheberu, kaniti ha u na ku picuka maata a Mulimu. 32Luna lu nyandela libi za luna. 33Haiba ki ku lu fa mulatu, ni ku lu luta ku ba ni mikwa ye minde, Mulena Mulimu wa luna ya pila u lu halifela ka nakonyana, mi hape nihakulicwalo u ta kutisa kutwano ni batanga ba hae. 34Kono wena, munna-tuwe wa lipulao ze ñata, u si ke wa pumwa ki tabo ya bukuba ni buikuhumuso bwa buhata, ha u nze u bulaya batanga ba Mulimu. 35Ha u si ka punyuha kale kwa katulo ya Mulimu ya Maata Kaufela, ya bona linto kaufela. 36Banabahabo luna mwamulaho a ku utwiswa butuku ka nakonyana, ka nako ye ba se ba ikola bupilo bo bu sa feli kuya kuile, kabakala buitamo bwa bulikani bwa Mulimu. Kono wena ka katulo ya Mulimu, u ta kutisezwa bumaswe bakeñisa lunya lwa hao. 37Ni na cwalo, ka ku swana ni banabahesu, ni neela mubili ni bupilo bwa ka bakeñisa milao ya bo kuku. Ni kupa Mulimu kuli a be ni musa kwa sicaba sa luna kapili. A mi hapeleze ka miliko ni manyando ku lumela kuli ki yena feela Mulimu. 38Lifu la banabahesu ni la ka li felise bunyemi bwa Mulimu ya Maata Kaufela, bw'a ezize kwa sicaba sa luna kamukana ka swanelo.”
39Cwale mulena a nyema, mi a nyandisa hahulu mucaha yo ku fita ba bañwi, kakuli n'a utwisizwe hahulu butuku ki lishwau la mucaha yo. 40Cwale mwana wa mafelelezo a shwa a si ka silafala, mi u shwile a nz'a sepile hahulu Mulimu.
41M'a bona, yena a ba wa mafelelezo kwa ku shwa mwamulaho wa bana ba hae. 42Cwale ki mona mo ne ku inezi taba ya ku ca litabelo, ni manyando a n'a bile teñi.
Цяпер абрана:
Buka ya Bubeli ya Makabaeusi 7: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.
Buka ya Bubeli ya Makabaeusi 7
7
Pulao ya bana ba mba ba supile
1 #
Maheb 11.35-36
Hape ne ku na ni bana ba mba ba supile be ne ba swelwi hamoho ni m'a bona. Mulena a lika ku ba hapeleza ku ca nama ya kulube, ye sa lumelelwi ki Mulao kuli i ciwe. A ba utwisa hahulu butuku ka ku ba nataka ka lipafa ni ka milamu. 2Yo muñwi wa ku bona, ya n'a bulela bakeñisa ba bañwi, a li, “Kanti wena s'o batisisa ku luna ki sika mañi? Lu itukiselize ku shwa ku fita kuli lu lobe milao ya bo kukw'a luna.”
3Cwale ka bunyemi, mulena a laela kuli lipani ni lipoto ze tuna li beiwe fa mulilo li cise. 4Kapili-pili lipani ni lipoto ha se li cisize mane ku ba telee, a laela kuli yena yo ya n'a bulela hahulu ku bona a pumiwe lulimi, toho ya hae i zwiswe litalo, mi a pumiwe mahutu ni mazoho, bo m'ahe ni banabahabo ba nze ba talimezi. 5Ha s'a felezwi ki maata, mulena a laela kuli a tiswe kwa mulilo mi a halikwe fa pani a sa pila. Cwale musi o zwa fa pani ha u se u nanuha, bo m'ahe ni banabahabo ba tiisana lipilu kuli ba shwele ku luka. Ba bulela manzwi a swana ni a, 6#Mul 32.36 “Mulena Mulimu wa bona, mi kaniti luli u lu shwela makeke, sina Mushe mw'a n'a bulelezi batu mwa pina ya hae ye ne ba nyaza, h'a li, ‘Kaniti u ta shwela batu ba hae makeke.’ ”
7Wa makalo ha s'a shwile ka mukwa wo, ba isa fateñi wa bubeli ka lunya lwa bona. Ha ba se ba mu zwisize litalo la kwa toho kaufela ba mu buza, ba li, “Na u ta ca kwa nama ya kulube, kuli lu si ke lwa ku utwisa butuku ka ku ku pumaka lilama za mubili wa hao kaufela?”
8Kono yena a alaba ka puo ya habo, a li, “Ha ni na ku eza cwalo ni kamuta.” Cwale ni yena ba mu bulaya ka ku mu nyandisa sina mwanahabo yena ye ne ba kalezi ku bulaya. 9Ka muzuzu wa mafelelezo a bupilo bwa hae a huweleza, a li, “Wena munna-tuwe, ya lunya cwalo, niha u ka lu zwisa mwa bupilo bo bwa ka nako ye, Mulena wa lifasi kamukana u ta lu zusa hape mi lu ta pila kuya kuile, kakuli lu shwela milao ya hae.”
10Mwamulaho wa hae, ba itabisa ka wa bulalu. Yena a sa buzwa feela, kapili a zwiseza lulimi lwa hae fande, mi ka bundume a otolola mazoho a hae. 11Mi ka manzwi a, a kutekeha, a li, “Lilama ze, ni li filwe ki Mulimu. Cwale kabakala milao ya hae na itoboha zona, mi ni sepa kuli u ta ni fa zona hape.” 12Mulena ni batu ba hae ba komokiswa ki bundume bwa mucaha yo ni ka ku sa saba manyando a lifu kwa hae.
13Yo ha s'a shwile, ba eza wa bune ka lunya lo lu swana. 14Ha s'a li fakaufi ni ku shwa a huweleza, a li, “Ku luna ki hande ku bulaiwa ki batu lu nze lu tiile mwa sepiso ya Mulimu kuli u ta lu zusa hape. Kono mina ha mu na ku zuha hape mi ha mu na ku ba ni bupilo bo bunca.”
15Ku tuha foo ba tisa wa butanu, mi ba kala ku mu utwisa hahulu butuku. 16Kono yena a talima ku mulena, mi a li, “U na ni maata kwa batu ba ba shwa sina wena, mi u kona ku eza m'o latela. Kono u si ke wa hupula kuli mwendi lusika lwa luna Mulimu u lu fulalezi. 17U litele feela, mi u ta bona Mulimu mw'a ta ku utwiseza butuku, wena ni lusika lwa hao.”
18Mwahulaho wa hae ba tisa wa busilela, mi manzwi a hae a n'a bulezi h'a shwa ki a, “U si ke wa ipuma ili wena. Luna lu nyandela milatu ya luna, mi kikabakaleo lu fiwa manyando a matuna cwana. 19Kono wena, u si ke wa hupula kuli ha u na ku fiwa mulatu ha u nze u lwanisa Mulimu cwalo.”
20M'a bona, yena, ki yena ya n'a komokisize hahulu, mane u swanelwa ku hupulwa ka likute le lituna hahulu, kakuli niha n'a boni mafu a bana ba hae ba supile, be ne ba bulailwe ka lizazi li li liñwi, a ba ni bundume kabakala ku sepa Mulena Mulimu. 21Kaniti a ba tiisa lipilu ka ku bulelelanga yo muñwi ni yo muñwi wa bona ka puo ya bo kukw'a bona. H'a tezi moya o munde, ni pilu ya mushemi ha i tiisizwe ki bundume luli, a ba tiisa lipilu mi a li ku bona, 22“Ha ni zibi mo mu tahezi mwa mba ya ka. Ne si na, ya n'a lukisize lilama za mibili ya mina, ni ku mi fa moya ni bupilo bwa mina. 23Ki yena Muezi wa lifasi kamukana, ya lukisize mukwa wo mutu a pepwa ka ona, mi ili yena ya tomile simuluho ya lika kaufela, ya ta mi kutiseza moya ni bupilo ka bunde bwa hae, kakuli wa bona hande kuli mane cwale se mu itumelela ku shwela milao ya hae.”
24Cwale Antiokusi a ikutwa kuli n'a sa sabwi ni kuli mwendi musali n'a ka swana a zwisa manzwi a ku mu nyefula. Mi hape kakuli mwana yo muñwi yo munyinyani ku bona kaufela n'a sa pila, a bulela ni yena isiñi ka manzwi feela kono a mu sepisa kuli u ta mu fumisa ni ku mu tabisa, haiba n'a ka tuhela mikwa ya sizo sa habo. N'a ta mu eza Mulikan'a hae ni ku mu hulisa kuli a be yena yo muhulu ya talima za litaba za batu kaufela. 25Mucaha a hana, mi cwale mulena a kupa m'ahe ku mu eleza kuli a punyuse bupilo bwa hae. 26Mwamulaho a ku mu susueza hahulu cwalo, musali a lumela kuli u ta lika ku eleza mwan'a hae kuli a lumele. 27Musali h'a inamela ku mwan'a hae, a puma Antiokusi ya lunya yo inge ya mamela taelo ya hae. Kono yena a bulelela mwan'a hae ka puo ya habo bona, a li, “Mwan'a ka, u ni shwele makeke. Ne ni itwezi wena ka likweli ze supile ka ze peli u li mwa mba ya ka, ni ku ku anyisa ka lilimo ze talu. Na ku uta ni ku ku hulisa ku fitela u kuma fa lilimo z'o na ni zona ka nako ye. 28Na ku kupa, mwan'a ka, kuli u lemuhe za lihalimu ni za lifasi ni ze ku zona kaufela, mi u zibe kuli Mulimu u li ezize feela ku si na se siñwi, ni kuli batu ni bona ba ezizwe ka mukwa o swana. 29U si ke wa saba mubulai yo, kono u ikupule kuli u swana ni banabahenu, mi u lumele ku shwa ili kuli ka musa wa Mulimu ni te ni ku amuhele hamoho ni banabahenu.”
30Pili m'ahe a si ka feza kale ku bulela, mucaha a li, “Mu sa liteziñi? Ha ni na ku latelela litaelo za mulena. Ni buluka feela litaelo za Mulao o n'o filwe bo kukw'a luna ka Mushe. 31Ha n'e li ka wena, muñ'a ka, wena ya ezize milelo ye maswe kamukana ya ku nyandisa Maheberu, kaniti ha u na ku picuka maata a Mulimu. 32Luna lu nyandela libi za luna. 33Haiba ki ku lu fa mulatu, ni ku lu luta ku ba ni mikwa ye minde, Mulena Mulimu wa luna ya pila u lu halifela ka nakonyana, mi hape nihakulicwalo u ta kutisa kutwano ni batanga ba hae. 34Kono wena, munna-tuwe wa lipulao ze ñata, u si ke wa pumwa ki tabo ya bukuba ni buikuhumuso bwa buhata, ha u nze u bulaya batanga ba Mulimu. 35Ha u si ka punyuha kale kwa katulo ya Mulimu ya Maata Kaufela, ya bona linto kaufela. 36Banabahabo luna mwamulaho a ku utwiswa butuku ka nakonyana, ka nako ye ba se ba ikola bupilo bo bu sa feli kuya kuile, kabakala buitamo bwa bulikani bwa Mulimu. Kono wena ka katulo ya Mulimu, u ta kutisezwa bumaswe bakeñisa lunya lwa hao. 37Ni na cwalo, ka ku swana ni banabahesu, ni neela mubili ni bupilo bwa ka bakeñisa milao ya bo kuku. Ni kupa Mulimu kuli a be ni musa kwa sicaba sa luna kapili. A mi hapeleze ka miliko ni manyando ku lumela kuli ki yena feela Mulimu. 38Lifu la banabahesu ni la ka li felise bunyemi bwa Mulimu ya Maata Kaufela, bw'a ezize kwa sicaba sa luna kamukana ka swanelo.”
39Cwale mulena a nyema, mi a nyandisa hahulu mucaha yo ku fita ba bañwi, kakuli n'a utwisizwe hahulu butuku ki lishwau la mucaha yo. 40Cwale mwana wa mafelelezo a shwa a si ka silafala, mi u shwile a nz'a sepile hahulu Mulimu.
41M'a bona, yena a ba wa mafelelezo kwa ku shwa mwamulaho wa bana ba hae. 42Cwale ki mona mo ne ku inezi taba ya ku ca litabelo, ni manyando a n'a bile teñi.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.