Buka ya Bubeli ya Makabaeusi 5
5
Menelausi ni Jasoni
1Ka yona nako yeo Antiokusi a puma ndwa ya ku lwanisa Maegepita hape. 2Mi cwale kwa bonahala lipono mwa moya fahalimw'a muleneñi wa Jerusalema kaufela ka mazazi a bata ku ba a mashumi a mane. Lipono zeo ne li li cwana. Ne ku na ni masole ba lipizi ze lika mwa mbyumbyulu, ba ba apezi liapalo za gauda, ni ba malumo ba ba itukiselize ku lwana. 3Ne ku na ni makuta a lipizi a n'a itukiselize ndwa. Kwa lwanwa kafa ni kafa, litebe za zukuzwa, malumo n'a atile, mikwale ya zenga, masho a poswa, mi lilwaniso za gauda za mifuta-futa za benya. 4Cwale batu kamukana ba lapela kuli mwendi pono ye cwalo ne i ka ba ye tisa bunde.
5Cwale kabakala buhata bo bu ne bu utwahlile kuli Antiokusi u shwile, Jasoni a nga balwani ba ba fitelela sikiti mi a lwanisa muleneñi ka sipundumukela. Makuta a n'a sileleza muleneñi a tulwa, mi muleneñi ha n'o s'o bata ku hapiwa, Menelausi a sabela mwa Lukwakwa. 6Nihakulicwalo Jasoni a zwelapili ku bulaya banabahabo yena ka lunya. N'a sa lemuhi bumaswe bwa ku tula banabahabo cwalo, kono n'a hupula feela mupuzo wa ku tula lila ze ñwi inge ne si banabahabo. 7Nihakulicwalo n'a si ka kona ku ba ni maata a ku busa. Kwa mafelelezo, lunya lwa hae lwa mu tiseza maswabi feela, mane a sabela mwa naha ya Maamoni hape. 8Musebezi wa hae wa bumaswe cwale wa fela. Kasamulaho a ku tamiwa ki Aretasi, mubusi ya maswe wa Maarabe, a saba ni ku yambaela, a ya mwa munzi ni munzi. A zumwa ki batu kamukana, a toilwe sina mulwanisi wa milao ni ku haniwa sina mubeteki wa naha ya habo ni banabahabo, mi kwa mafelelezo a balehela kwa Egepita. 9Cwale mutu yo ya zwisisize banabahabo ba bañata cwalo mwa naha ya habo bona, ni yena a y'o shwela kwahule mwa naha i sili kasamulaho a ku yembana, mane ku y'o fita ni kwa Sipata ka sepo ya kuli mwendi ne ba ku amuhela kakuli ki wa habo bona. 10Kabakala litupu ze ñata z'a n'a tanamekile mwa naha li sa pumbekwi, ni yena cwalo a tokwa ya mu lila ni ku mu ezeza kepelo, mane a tokwa sibaka sa ku bulukwa mwa mabita a bo kukw'a hae.
Antiokusi u tukuta Tempele
11Mulena ha s'a utwile ze ezahalile, a hupula feela kuli naha ya Judea i n'e li mwa petuhelo. Kabakaleo a zwa mwa Egepita a halifile sina sibatana feela, mi a kala ku lwanisa ona muleneñi wa Jerusalema ka maata a matuna. 12Cwale a laela masole ba hae ku bulaya ka lunya mañi ni mañi ya ba fumana kaufela ni ku bulaya ba ba sabezi mwa mandu a bona kamukana. 13Ne li lifu le li maswe la ba bahulu ni ba banca, pulao ya basali ni bana. Kwa bulaiwa balyanjo ni limbututu. 14Kwa sinyeha batu ba likiti ze mashumi a supile ni li li liñwi mwa mazazi a malalu ao. Ba shwa mwa ndwa yeo palo ye likana ni yona ya lekiswa kwa butanga.
15Ka ku ekeza bumaswe bwa hae, Mulena Antiokusi a ba ni bundume bwa ku kena mwa Tempele ye kenile ka ku fitisisa mwa lifasi kaufela a nz'a etelelwa ki yena Menelausi, mubeteki wa milao hamoho ni naha cwalo. 16A nga linkwana za mwa Tempele ka mazoho a hae a silafezi. A huhula linto kamukana ze n'e beilwe ki malena ba bañwi ku zwiseza sibaka seo pili, ni ku si fa kanya ni likute. 17Antiokusi ka buikuhumuso bwa hae n'a si ka lemuha kuli Mulimu n'a halifile ka yona nako yeo, bakeñisa libi za batu ba Jerusalema, mi kikabakaleo n'a tuhezi Tempele i ezwa cwalo. 18Kambe n'e si kuli batu ba ne ba li mwahal'a libi ze ñata, kambe Antiokusi ni yena n'a ka be a shapilwe sina mw'a kile a ezezwa Heliodorusi, muta a lumiwa ki Mulena Selukusi ku t'o batisisa za mwa Tempele ka yona nako ya n'a keni mwateñi, mi n'a ka be a mu palelisizwe ku eza bumaswe bw'a n'a tezi. 19Nihakulicwalo Mulimu n'a si ka keta batu bakeñisa sibaka, kono u ketile sibaka bakeñisa batu. 20Cwalehe, kikabakaleo sona sibaka kasibili si ngile kabelo ya sona kwa bumai bo bu tahezi batu, mi hape kasamulaho, ni sona si fumani kwa bunde bo ba fumani. Sibaka se ne si tuhezwi ku tuswa ki Mulena ya Maata Kaufela ka nako y'a n'a nyemile, si kutiselizwe mwa kanya ya sona kaufela, ya Pahami Hahulu ha s'a kutisize pilu.
Babusisi ba bahulu ba mwa Judea
21Antiokusi a nga litalenta ze sikiti ka mianda ye supile ni u li muñwi z'a n'a uzwize mwa Tempele, mi a kutela kapili kwa Antioke. Ka buikuhumuso bwa hae a ikeza inge ya konisa lisepe ku zamaya mwa litongo mi batu ba zamaya fa mezi a liwate ka mahutu. Zeo kaufela ne li za buikuhumuso. 22Kono nihakulicwalo a siya babusisi ba bahulu ku nyandisa sicaba. Mwa Jerusalema a siya Filipi, Mufrigia ka sipepo, ya n'a na ni mikwa ye maswe ya situhu mane ku fita ni ya mutu y'a n'a mu ketile. 23Fa Lilundu la Gerizimi a beya Andronikusi. Kwande a bao, hape a siya ni Menelausi, ya nyandisize banabahabo hahulu ku fita ba bañwi kaufela. Mulena n'a toile Majuda hahulu. 24Kabakaleo mulena a luma Apoloniusi, muzamaisi wa mpi ya masole ba likiti ze mashumi a mabeli ni ze peli, mi a mu laela ku bulaya banna ni micaha kamukana, ni ku lekisa basali ni bana. 25H'a fita mwa Jerusalema a pumula ku ikatulusa sina mutu ya lukile ni ku litela ku fitela mane haisi la Pumulo ili la pumulo ya Majuda. Cwale kihona ka muhupulo wa ku tuswa ki la Pumulo, a laela batu ba hae ku caula ba nze ba lwezi lilwaniso za bona kamukana. 26A bulaya batu kamukana ba ba ne ba zwelanga kwande kuli ba t'o bona. Cwale a kena muleneñi fahali a nz'a mata ni makuta a hae a sweli lilwaniso, a bulaya palo ye tuna hahulu ya batu.
27Nihakulicwalo Judeasi, ya bizwa Makabaeusi, ni banna ba bañwi ba supile ka ba babeli ba zwa, ba sabela mwa naheñi. Yena ni balikani ba hae bao ba y'o pila mwa malundu sina lifolofolo za mwa naheñi ba sa ci se siñwi, haisi ku pila miselo ni limela za mwa naheñi. Ne ba eza cwalo kuli ba si ke ba isilafaza.
Цяпер абрана:
Buka ya Bubeli ya Makabaeusi 5: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.
Buka ya Bubeli ya Makabaeusi 5
5
Menelausi ni Jasoni
1Ka yona nako yeo Antiokusi a puma ndwa ya ku lwanisa Maegepita hape. 2Mi cwale kwa bonahala lipono mwa moya fahalimw'a muleneñi wa Jerusalema kaufela ka mazazi a bata ku ba a mashumi a mane. Lipono zeo ne li li cwana. Ne ku na ni masole ba lipizi ze lika mwa mbyumbyulu, ba ba apezi liapalo za gauda, ni ba malumo ba ba itukiselize ku lwana. 3Ne ku na ni makuta a lipizi a n'a itukiselize ndwa. Kwa lwanwa kafa ni kafa, litebe za zukuzwa, malumo n'a atile, mikwale ya zenga, masho a poswa, mi lilwaniso za gauda za mifuta-futa za benya. 4Cwale batu kamukana ba lapela kuli mwendi pono ye cwalo ne i ka ba ye tisa bunde.
5Cwale kabakala buhata bo bu ne bu utwahlile kuli Antiokusi u shwile, Jasoni a nga balwani ba ba fitelela sikiti mi a lwanisa muleneñi ka sipundumukela. Makuta a n'a sileleza muleneñi a tulwa, mi muleneñi ha n'o s'o bata ku hapiwa, Menelausi a sabela mwa Lukwakwa. 6Nihakulicwalo Jasoni a zwelapili ku bulaya banabahabo yena ka lunya. N'a sa lemuhi bumaswe bwa ku tula banabahabo cwalo, kono n'a hupula feela mupuzo wa ku tula lila ze ñwi inge ne si banabahabo. 7Nihakulicwalo n'a si ka kona ku ba ni maata a ku busa. Kwa mafelelezo, lunya lwa hae lwa mu tiseza maswabi feela, mane a sabela mwa naha ya Maamoni hape. 8Musebezi wa hae wa bumaswe cwale wa fela. Kasamulaho a ku tamiwa ki Aretasi, mubusi ya maswe wa Maarabe, a saba ni ku yambaela, a ya mwa munzi ni munzi. A zumwa ki batu kamukana, a toilwe sina mulwanisi wa milao ni ku haniwa sina mubeteki wa naha ya habo ni banabahabo, mi kwa mafelelezo a balehela kwa Egepita. 9Cwale mutu yo ya zwisisize banabahabo ba bañata cwalo mwa naha ya habo bona, ni yena a y'o shwela kwahule mwa naha i sili kasamulaho a ku yembana, mane ku y'o fita ni kwa Sipata ka sepo ya kuli mwendi ne ba ku amuhela kakuli ki wa habo bona. 10Kabakala litupu ze ñata z'a n'a tanamekile mwa naha li sa pumbekwi, ni yena cwalo a tokwa ya mu lila ni ku mu ezeza kepelo, mane a tokwa sibaka sa ku bulukwa mwa mabita a bo kukw'a hae.
Antiokusi u tukuta Tempele
11Mulena ha s'a utwile ze ezahalile, a hupula feela kuli naha ya Judea i n'e li mwa petuhelo. Kabakaleo a zwa mwa Egepita a halifile sina sibatana feela, mi a kala ku lwanisa ona muleneñi wa Jerusalema ka maata a matuna. 12Cwale a laela masole ba hae ku bulaya ka lunya mañi ni mañi ya ba fumana kaufela ni ku bulaya ba ba sabezi mwa mandu a bona kamukana. 13Ne li lifu le li maswe la ba bahulu ni ba banca, pulao ya basali ni bana. Kwa bulaiwa balyanjo ni limbututu. 14Kwa sinyeha batu ba likiti ze mashumi a supile ni li li liñwi mwa mazazi a malalu ao. Ba shwa mwa ndwa yeo palo ye likana ni yona ya lekiswa kwa butanga.
15Ka ku ekeza bumaswe bwa hae, Mulena Antiokusi a ba ni bundume bwa ku kena mwa Tempele ye kenile ka ku fitisisa mwa lifasi kaufela a nz'a etelelwa ki yena Menelausi, mubeteki wa milao hamoho ni naha cwalo. 16A nga linkwana za mwa Tempele ka mazoho a hae a silafezi. A huhula linto kamukana ze n'e beilwe ki malena ba bañwi ku zwiseza sibaka seo pili, ni ku si fa kanya ni likute. 17Antiokusi ka buikuhumuso bwa hae n'a si ka lemuha kuli Mulimu n'a halifile ka yona nako yeo, bakeñisa libi za batu ba Jerusalema, mi kikabakaleo n'a tuhezi Tempele i ezwa cwalo. 18Kambe n'e si kuli batu ba ne ba li mwahal'a libi ze ñata, kambe Antiokusi ni yena n'a ka be a shapilwe sina mw'a kile a ezezwa Heliodorusi, muta a lumiwa ki Mulena Selukusi ku t'o batisisa za mwa Tempele ka yona nako ya n'a keni mwateñi, mi n'a ka be a mu palelisizwe ku eza bumaswe bw'a n'a tezi. 19Nihakulicwalo Mulimu n'a si ka keta batu bakeñisa sibaka, kono u ketile sibaka bakeñisa batu. 20Cwalehe, kikabakaleo sona sibaka kasibili si ngile kabelo ya sona kwa bumai bo bu tahezi batu, mi hape kasamulaho, ni sona si fumani kwa bunde bo ba fumani. Sibaka se ne si tuhezwi ku tuswa ki Mulena ya Maata Kaufela ka nako y'a n'a nyemile, si kutiselizwe mwa kanya ya sona kaufela, ya Pahami Hahulu ha s'a kutisize pilu.
Babusisi ba bahulu ba mwa Judea
21Antiokusi a nga litalenta ze sikiti ka mianda ye supile ni u li muñwi z'a n'a uzwize mwa Tempele, mi a kutela kapili kwa Antioke. Ka buikuhumuso bwa hae a ikeza inge ya konisa lisepe ku zamaya mwa litongo mi batu ba zamaya fa mezi a liwate ka mahutu. Zeo kaufela ne li za buikuhumuso. 22Kono nihakulicwalo a siya babusisi ba bahulu ku nyandisa sicaba. Mwa Jerusalema a siya Filipi, Mufrigia ka sipepo, ya n'a na ni mikwa ye maswe ya situhu mane ku fita ni ya mutu y'a n'a mu ketile. 23Fa Lilundu la Gerizimi a beya Andronikusi. Kwande a bao, hape a siya ni Menelausi, ya nyandisize banabahabo hahulu ku fita ba bañwi kaufela. Mulena n'a toile Majuda hahulu. 24Kabakaleo mulena a luma Apoloniusi, muzamaisi wa mpi ya masole ba likiti ze mashumi a mabeli ni ze peli, mi a mu laela ku bulaya banna ni micaha kamukana, ni ku lekisa basali ni bana. 25H'a fita mwa Jerusalema a pumula ku ikatulusa sina mutu ya lukile ni ku litela ku fitela mane haisi la Pumulo ili la pumulo ya Majuda. Cwale kihona ka muhupulo wa ku tuswa ki la Pumulo, a laela batu ba hae ku caula ba nze ba lwezi lilwaniso za bona kamukana. 26A bulaya batu kamukana ba ba ne ba zwelanga kwande kuli ba t'o bona. Cwale a kena muleneñi fahali a nz'a mata ni makuta a hae a sweli lilwaniso, a bulaya palo ye tuna hahulu ya batu.
27Nihakulicwalo Judeasi, ya bizwa Makabaeusi, ni banna ba bañwi ba supile ka ba babeli ba zwa, ba sabela mwa naheñi. Yena ni balikani ba hae bao ba y'o pila mwa malundu sina lifolofolo za mwa naheñi ba sa ci se siñwi, haisi ku pila miselo ni limela za mwa naheñi. Ne ba eza cwalo kuli ba si ke ba isilafaza.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.