Ester 7
7
Amán warkusqa kasqanmanta
1Reymi Amanwan kuska rirqa reina Esterpa convido ruwasqanman. 2Chay iskay kaq punchaw convidopi vinota tomachkaptinkum Esterta rey nirqa:
Reina Ester ¿imatataq munanki? ¿Imataq mañakuyniki? Mañawaptikiqa munaychakusqay naciontapas partentam qoykusqayki, nispa.
3Chaymi reina Ester nirqa:
Reynilláy, kuyapayariwaspaykiqa chaynataq allinpaq rikchakapusuptikiqa kay mañakuyniyta uyariykullaway: Vidaytawan llaqtaypa vidanta salvaykuy. 4Llaqtamasiykunawan kuskam rantikusqa, ñakarichisqa, wañuchisqa, chinkachisqa kanaykupaqña citasqa kachkaniku. Sichum esclavo kanaykupaq rantikusqa kaspaqa upallakuykuymanmi, manam umayki nanachiq hamuymanchu karqa, nispa.
5Hinaptinmi reina Esterta rey Asuero tapurqa:
¿Pitaq chayqa? ¿Maypitaq kachkan chayta ruway munaq runaqa? nispa.
6Chaymi reina Ester nirqa:
¡Contraykupi sayariq enemigoyku mana allin runaqa kay Amanmi! nispa.
Amanñataqmi chayta uyariruspan reypa chaynataq reinapa qayllanpi mancharikurqa. 7Hinaptinmi reyqa piñakuruspa convidomanta hatarispa palaciopa huertanman pasakurqa. Amanñataqmi reypa wañuchinanta musyakuruspan hinapi qeparurqa, reina Esterta vidanta salvaykunanpaq ruegakuspan. 8Huertamanta convido wasiman rey kutiramuspanmi Amanta tarirurqa reina Esterpa waqtanpi pakcharayachkaqta, chaymi qaparispan nirqa:
¿Palacioypipunichu reina Estertapas abusayta munanki? nispa.
Chaynata rey niruptinmi Amanpa uyanta taparurqaku. 9Chaymi reyta Harbona sutiyuq eunucon nirqa:
Amanpa wasinpim iskay chunka iskayniyuq metro sayayniyuq warkuna kachkan, chaytam Amán ruwachirqa reypa favorninpi rimariq Mardoqueota warkuchinanpaq, nispa.
Reyñataqmi nirqa:
Chaynaqa, Amanta chaypi warkuramuychik, nispa.
10Hinaptinmi Amanta warkururqaku Mardoqueopaq ruwachisqan warkunapi, chayñam reypa piñakuynin tanirurqa.
Цяпер абрана:
Ester 7: RCHQ2
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chuya Qellqa Revisión @ Sociedad Bíblica Peruana, 2012