Ovaroma 7
7
Oveta ouhunga nolukupo
1Vakwetu, ame me popi kovantu mbave i oveta, kamu tji i okutya oveta i na odhonkono vala komuntu nguu na omwenyo? 2Omukadhintu ngwaa kupwa, oveta mai mu kutile kumo nomulumentu we, tainkolo omulumentu ae na omwenyo. Iya omulumentu andaa wa t̯i, okutya omukadhintu hengu wa kutuluka koveta yolukupo. 3Iya andaa wa kupwa komulumentu umo, tainkolo omulumentu we ae na omwenyo, okutya omukadhintu hengu ma talwa okutya u li movihulo. Iya andaa omulumentu we wa t̯i, okutya omukadhintu ha kupwa komulumentu umo nguu lili, wa kutuluka, ke li movihulo. 4Vakwetu, nan̯e wo moveta mwa dha mo, mena lyokutya muun̯ipo wolutu lwaKristus. Napano tuvahengu ngwaa imunwa kout̯e, opo tu undapele Kalunga otjilinga otjiwa. 5Hitwa li monkalo yountu, oulundhi wa tukululwa koveta, wa kala amau undapa munt̯e. Onkalo ndjii li nyahoka mai twala met̯o. 6Iya napano moveta mutwa t̯ililile, ndjee tu kambulile, twa kutuluka mo, opo tu undapele Kalunga monkalo ompe yopaMbepo, hamonkalo onkulu yoveta ndjaa sonekwa.
Oveta noulundhi
7Atjaa napano ngatu tye vi? Oveta oulundhi? Hátjo nokanunu. Iya ngaile haveta, ngai hí ivilwe oulundhi. Oveta ngai kaai tyaa: “Hó kema otjipuka tjomukwen̯i,” ngai hí ivilwe okutya okukema otjitji.#Eks. 20:17; Deut. 5:21 8Oulundhi wa mona oluvedhe okupitila motjitumino, wa tukulula mwaame omahalo aehe omavi. Mpahape na oveta, oulundhi wa t̯a. 9Lukulu ame mba li ahe na oveta, iya otjitumino hitje ya, oulundhi tjau hau imuka po, 10ame he t̯i. Mba mono okutya otjitumino hitja thele okundjetela omwenyo, tja ndjetela et̯o. 11Oulundhi wa mona oluvedhe okupitila motjitumino, wa mpukitha, hau ndhipaetha kotjitumino.#Gen. 3:13
12Iya oveta ondhilikwa, notjitumino otjidhilikwa, otjivyuuki, tjo otjiwa. 13Iya otjipuka otjiwa tja ndjetela et̯o? Hátjo nokanunu. Et̯o lya etwa koulundhi, oulundhi wa undapa okupitila muhitji li nawa, hau ndjetele et̯o, opo u hololoke poluhandja okutya wo oulundhi. Iya oulundhi hiwa pitila motjitumino, wa yulika okutya wo oulundhi tjatjilitjili.
Onkalo yopavali momuntu
14Iya tu tji i okutya oveta i li pambepo, ame ndjimuntu, ndji li kohi youlundhi, ndji ngala omupika. 15Hime undapa hítji i, mena lyokutya ndji undapa hihamba thele okuundapa. Iya ndji undapa hindji yele.#Gal. 5:17 16Andaa nan̯i ndji undapa híhe hala, me itavele okutya oveta i li mondjila. 17Iya napano haame uke ndji undapa hinyahi, iya oulundhi hembu mbuu li mwaame. 18Ndji tji i okutya mwaame, mountu wandje kamu na tja ouwa nokanunu. Ehalo lyokuundapa ouwa ndji na lyo, atjaa odhonkono dhoku tji ninga, hí na dho. 19Ouwa mbundji hala okuundapa, hí u undapa, iya ouvi mbuhe hala, owo ndji undapa. 20Andaa me undapa híhame hala okutya oulundhi mbuu li mwaame owo mau ndjundapetha.
21Otjipuka hehi ndji tji mona ngoveta, ame hala okuundapa ouwa, ndji undapa vala ouvi, 22iya momutima wandje mba hopa oveta yaKalunga. 23Iya ame ndji mona oveta imo ndji li molutu lwandje, ndjimai kondjetha, ndjimba itavela momutima wandje, ya nkambula, ndji kale omupika woveta youlundhi ndjii li molutu lwandje. 24Ame ndjimuntu omulundhi omuvi! Aan̯i nguma nkutulula molutu hendu ndumalu t̯i? 25Iya Kalunga nga tumbalekwe mena lyaJesus Kristus Muhona wetu!
Iya ame omwene nehalo lyandje me hala okuundapela oveta yaKalunga, atjaa olutu lwandje lu undapela oveta youlundhi.
Цяпер абрана:
Ovaroma 7: DBNT
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.
Ovaroma 7
7
Oveta ouhunga nolukupo
1Vakwetu, ame me popi kovantu mbave i oveta, kamu tji i okutya oveta i na odhonkono vala komuntu nguu na omwenyo? 2Omukadhintu ngwaa kupwa, oveta mai mu kutile kumo nomulumentu we, tainkolo omulumentu ae na omwenyo. Iya omulumentu andaa wa t̯i, okutya omukadhintu hengu wa kutuluka koveta yolukupo. 3Iya andaa wa kupwa komulumentu umo, tainkolo omulumentu we ae na omwenyo, okutya omukadhintu hengu ma talwa okutya u li movihulo. Iya andaa omulumentu we wa t̯i, okutya omukadhintu ha kupwa komulumentu umo nguu lili, wa kutuluka, ke li movihulo. 4Vakwetu, nan̯e wo moveta mwa dha mo, mena lyokutya muun̯ipo wolutu lwaKristus. Napano tuvahengu ngwaa imunwa kout̯e, opo tu undapele Kalunga otjilinga otjiwa. 5Hitwa li monkalo yountu, oulundhi wa tukululwa koveta, wa kala amau undapa munt̯e. Onkalo ndjii li nyahoka mai twala met̯o. 6Iya napano moveta mutwa t̯ililile, ndjee tu kambulile, twa kutuluka mo, opo tu undapele Kalunga monkalo ompe yopaMbepo, hamonkalo onkulu yoveta ndjaa sonekwa.
Oveta noulundhi
7Atjaa napano ngatu tye vi? Oveta oulundhi? Hátjo nokanunu. Iya ngaile haveta, ngai hí ivilwe oulundhi. Oveta ngai kaai tyaa: “Hó kema otjipuka tjomukwen̯i,” ngai hí ivilwe okutya okukema otjitji.#Eks. 20:17; Deut. 5:21 8Oulundhi wa mona oluvedhe okupitila motjitumino, wa tukulula mwaame omahalo aehe omavi. Mpahape na oveta, oulundhi wa t̯a. 9Lukulu ame mba li ahe na oveta, iya otjitumino hitje ya, oulundhi tjau hau imuka po, 10ame he t̯i. Mba mono okutya otjitumino hitja thele okundjetela omwenyo, tja ndjetela et̯o. 11Oulundhi wa mona oluvedhe okupitila motjitumino, wa mpukitha, hau ndhipaetha kotjitumino.#Gen. 3:13
12Iya oveta ondhilikwa, notjitumino otjidhilikwa, otjivyuuki, tjo otjiwa. 13Iya otjipuka otjiwa tja ndjetela et̯o? Hátjo nokanunu. Et̯o lya etwa koulundhi, oulundhi wa undapa okupitila muhitji li nawa, hau ndjetele et̯o, opo u hololoke poluhandja okutya wo oulundhi. Iya oulundhi hiwa pitila motjitumino, wa yulika okutya wo oulundhi tjatjilitjili.
Onkalo yopavali momuntu
14Iya tu tji i okutya oveta i li pambepo, ame ndjimuntu, ndji li kohi youlundhi, ndji ngala omupika. 15Hime undapa hítji i, mena lyokutya ndji undapa hihamba thele okuundapa. Iya ndji undapa hindji yele.#Gal. 5:17 16Andaa nan̯i ndji undapa híhe hala, me itavele okutya oveta i li mondjila. 17Iya napano haame uke ndji undapa hinyahi, iya oulundhi hembu mbuu li mwaame. 18Ndji tji i okutya mwaame, mountu wandje kamu na tja ouwa nokanunu. Ehalo lyokuundapa ouwa ndji na lyo, atjaa odhonkono dhoku tji ninga, hí na dho. 19Ouwa mbundji hala okuundapa, hí u undapa, iya ouvi mbuhe hala, owo ndji undapa. 20Andaa me undapa híhame hala okutya oulundhi mbuu li mwaame owo mau ndjundapetha.
21Otjipuka hehi ndji tji mona ngoveta, ame hala okuundapa ouwa, ndji undapa vala ouvi, 22iya momutima wandje mba hopa oveta yaKalunga. 23Iya ame ndji mona oveta imo ndji li molutu lwandje, ndjimai kondjetha, ndjimba itavela momutima wandje, ya nkambula, ndji kale omupika woveta youlundhi ndjii li molutu lwandje. 24Ame ndjimuntu omulundhi omuvi! Aan̯i nguma nkutulula molutu hendu ndumalu t̯i? 25Iya Kalunga nga tumbalekwe mena lyaJesus Kristus Muhona wetu!
Iya ame omwene nehalo lyandje me hala okuundapela oveta yaKalunga, atjaa olutu lwandje lu undapela oveta youlundhi.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.