Ovaroma 4
4
Abraham wa ila omuvyuuki mena lyeitavelo
1Iya tateombwale Abraham ngatu tye wa mona tji? 2Iya Abraham ngaile ovilinga vye mu ninga omuvyuuki, ngai me tjiiwa okulitanga, atjaa hakotjipala tjaKalunga. 3Iya Omusonekwa mau tya vi? Mau tyaa: “Abraham wa itavela muKalunga. Iya mena lyokutya wa itavela, Kalunga we mu tala okutya omuvyuuki.”#Gen. 15:6; Gal. 3:6 4Nguma undapa, ondjambi ye kai talwa ngotjipuka hima pewa otjali, iya i hawa ngothuto. 5Nguhama undapa, atjaa ha itavele muKalunga, nguu vyuukitha ovalundhi, mena lyeitavelo lye ma talwa okutya omuvyuuki. 6NaDavid wo otjo ma popi hima tya omunalao omuntu ngoka nguma talwa okutya omuvyuuki kuKalunga ahape na tja ovilinga.
7“Ovanalao ovantu mboka
Kalunga mbaa ithila po hiva lundha,
nodhonkali dhawo hadhi t̯imikwa.#Eps. 32:1-2
8Omunalao omuntu ngoka
Muhona nguhama havele odhonkali dhe.”
9Iya elao hendi olyambava pita vala etanda ne nambahava pitile etanda? Tu popya okutyaa: “Abraham wa itavela muKalunga. Iya mena lyokutya wa itavela, Kalunga we mu tala okutya omuvyuuki.” 10Tja ningwa nalun̯i? Aa pita etanda ne aheya pita etanda? Iya hahiaa pita etanda, ohiheya pita etanda. 11Wa pewa etangan̯eko lyokupita etanda, li ninge otjilimbo tjouvyuuki weitavelo ndyaa li nalyo tainkolo aheya pita etanda, opo a ninge ihe yovantu avehe mbava itavela háveya pita etanda, opo va talwe okutya ovavyuuki.#Gen. 17:10 12Ye oye e li wo ihe yambava pita etanda, hakupita vala etanda, iya okweenda wo meitavelo ndyoka tate Abraham ndyaa li nalyo tainkolo aheya pita etanda.
Eudhiko lyaKalunga neitavelo
13Iya Kalunga ka udhikilile Abraham ne oluyumuko lwe okutya ma pingana ouye mena lyahiaa tyaa oveta, iya omena lyahiaa itavela, Kalunga he mu tala okutya omuvyuuki.#Gen. 17:4-6; 22:17-18; Gal. 3:29 14Iya andaa omaudhiko aKalunga maa pewa mbava tyaa oveta, okutya eitavelo lyomuntu kali na himali popile, nomaudhiko aKalunga kae na otjilinga.#Gal. 3:18 15Iya oveta i eta oluyuma lwaKalunga. Andaa kape na tja oveta, kape na tja nguma lundha oveta.
16Eudhiko lya yandjwa mena lyeitavelo, iya nyahoka lya yandjwa ket̯ilonkenda, tji kale otjatjili okutya eudhiko ndyoka lya yandjwa koluyumuko lwaAbraham aluhe, hakumboka vala mbava tyaa oveta, iya namboka wo mbava itavela ngaAbraham. Abraham, nt̯e atuhe oye e li tate,#Gal. 3:7 17ngahi kwa sonekwa okutyaa: “Ame me ku ningi ihe yoviwan̯a ovingi.” Abraham ngwaa itavela muKalunga, oye e li tate kotjipala tjaKalunga, Kalunga nguu imuna ovat̯e kout̯e, ha eta ovipuka mbihavi ko, havi ngala oko vya li.#Gen. 17:5 18Abraham wa itavela, he liun̯ike, tainkolo po hápa li himatji liun̯ikwa. Iya wa ila ihe yoviwan̯a ovingi, omusonekwa ngahi mau popi himau tyaa: “Oluyumuko lwoye malu ka ninga olun̯ingi.”#Gen. 15:5 19Odhombula dhaAbraham ambala dha li pethele, atjaa ka nengenene meitavelo lye, nandaku tiwa wa li ae lwete okutya olutu lwe kalu na uke odhonkono dhokuyumuka, naSara kaa yumuka uke.#Gen. 17:17 20Abraham wa itavela, ka limbilililwe soka hiaa udhikilwa kuKalunga. Iya wa kola meitavelo lye, ha tumbaleke Kalunga. 21Ye wa li ae tji i nawa okutya soka Kalunga hiaa udhika, ma ulu oku tji hwithila po. 22Iya Kalunga wa tala okutya Abraham omuvyuuki. 23Odhondaka ndhimadhi tyaa: “Kalunga we mu tala okutya omuvyuuki,” kadhi sonekelelwe vala Abraham aika, 24iya dha sonekelwa wo nomena lyetu, mbamatu talwa okutya tuvavyuuki hitwa itavela muKalunga, ngwaa imuna Muhona wetu Jesus kout̯e. 25Kalunga wa yandja Jesus a t̯e mena lyodhonkali dhetu, ye he mu imuna kout̯e, e tu ninge ovavyuuki.#Jes. 53:4-5
Цяпер абрана:
Ovaroma 4: DBNT
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.
Ovaroma 4
4
Abraham wa ila omuvyuuki mena lyeitavelo
1Iya tateombwale Abraham ngatu tye wa mona tji? 2Iya Abraham ngaile ovilinga vye mu ninga omuvyuuki, ngai me tjiiwa okulitanga, atjaa hakotjipala tjaKalunga. 3Iya Omusonekwa mau tya vi? Mau tyaa: “Abraham wa itavela muKalunga. Iya mena lyokutya wa itavela, Kalunga we mu tala okutya omuvyuuki.”#Gen. 15:6; Gal. 3:6 4Nguma undapa, ondjambi ye kai talwa ngotjipuka hima pewa otjali, iya i hawa ngothuto. 5Nguhama undapa, atjaa ha itavele muKalunga, nguu vyuukitha ovalundhi, mena lyeitavelo lye ma talwa okutya omuvyuuki. 6NaDavid wo otjo ma popi hima tya omunalao omuntu ngoka nguma talwa okutya omuvyuuki kuKalunga ahape na tja ovilinga.
7“Ovanalao ovantu mboka
Kalunga mbaa ithila po hiva lundha,
nodhonkali dhawo hadhi t̯imikwa.#Eps. 32:1-2
8Omunalao omuntu ngoka
Muhona nguhama havele odhonkali dhe.”
9Iya elao hendi olyambava pita vala etanda ne nambahava pitile etanda? Tu popya okutyaa: “Abraham wa itavela muKalunga. Iya mena lyokutya wa itavela, Kalunga we mu tala okutya omuvyuuki.” 10Tja ningwa nalun̯i? Aa pita etanda ne aheya pita etanda? Iya hahiaa pita etanda, ohiheya pita etanda. 11Wa pewa etangan̯eko lyokupita etanda, li ninge otjilimbo tjouvyuuki weitavelo ndyaa li nalyo tainkolo aheya pita etanda, opo a ninge ihe yovantu avehe mbava itavela háveya pita etanda, opo va talwe okutya ovavyuuki.#Gen. 17:10 12Ye oye e li wo ihe yambava pita etanda, hakupita vala etanda, iya okweenda wo meitavelo ndyoka tate Abraham ndyaa li nalyo tainkolo aheya pita etanda.
Eudhiko lyaKalunga neitavelo
13Iya Kalunga ka udhikilile Abraham ne oluyumuko lwe okutya ma pingana ouye mena lyahiaa tyaa oveta, iya omena lyahiaa itavela, Kalunga he mu tala okutya omuvyuuki.#Gen. 17:4-6; 22:17-18; Gal. 3:29 14Iya andaa omaudhiko aKalunga maa pewa mbava tyaa oveta, okutya eitavelo lyomuntu kali na himali popile, nomaudhiko aKalunga kae na otjilinga.#Gal. 3:18 15Iya oveta i eta oluyuma lwaKalunga. Andaa kape na tja oveta, kape na tja nguma lundha oveta.
16Eudhiko lya yandjwa mena lyeitavelo, iya nyahoka lya yandjwa ket̯ilonkenda, tji kale otjatjili okutya eudhiko ndyoka lya yandjwa koluyumuko lwaAbraham aluhe, hakumboka vala mbava tyaa oveta, iya namboka wo mbava itavela ngaAbraham. Abraham, nt̯e atuhe oye e li tate,#Gal. 3:7 17ngahi kwa sonekwa okutyaa: “Ame me ku ningi ihe yoviwan̯a ovingi.” Abraham ngwaa itavela muKalunga, oye e li tate kotjipala tjaKalunga, Kalunga nguu imuna ovat̯e kout̯e, ha eta ovipuka mbihavi ko, havi ngala oko vya li.#Gen. 17:5 18Abraham wa itavela, he liun̯ike, tainkolo po hápa li himatji liun̯ikwa. Iya wa ila ihe yoviwan̯a ovingi, omusonekwa ngahi mau popi himau tyaa: “Oluyumuko lwoye malu ka ninga olun̯ingi.”#Gen. 15:5 19Odhombula dhaAbraham ambala dha li pethele, atjaa ka nengenene meitavelo lye, nandaku tiwa wa li ae lwete okutya olutu lwe kalu na uke odhonkono dhokuyumuka, naSara kaa yumuka uke.#Gen. 17:17 20Abraham wa itavela, ka limbilililwe soka hiaa udhikilwa kuKalunga. Iya wa kola meitavelo lye, ha tumbaleke Kalunga. 21Ye wa li ae tji i nawa okutya soka Kalunga hiaa udhika, ma ulu oku tji hwithila po. 22Iya Kalunga wa tala okutya Abraham omuvyuuki. 23Odhondaka ndhimadhi tyaa: “Kalunga we mu tala okutya omuvyuuki,” kadhi sonekelelwe vala Abraham aika, 24iya dha sonekelwa wo nomena lyetu, mbamatu talwa okutya tuvavyuuki hitwa itavela muKalunga, ngwaa imuna Muhona wetu Jesus kout̯e. 25Kalunga wa yandja Jesus a t̯e mena lyodhonkali dhetu, ye he mu imuna kout̯e, e tu ninge ovavyuuki.#Jes. 53:4-5
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Dhimba New Testament © Bible Society in Namibia, 2010.