रोमीकु 13

राईज चलावकु आला हुकूम मनाअपे

1जामे होड़ राईज चलाव कु हाकिम रेनअः कबजा रे ताहिन कु, एता लःअय ची जाहान हक नोकान कनोआँ ची जे परमेसर पखी तरअः नलागे, आउर जे हक एदनाआ, होना के परमेसर ठहराव तदाय। 2हिना लःअय जे हक रेनअः बिरोधेआय, हुनी परमेसर आला हुकूम रअः बिरोधेआय, आउर बि-बिरोध कु डांड़ नाम केआकु। 3एता लःअय ची हाकिम बेस काम ककमी कु रे कोवान बकिर गादुस काम ककमी कु रे भय सिरजायाय। आपे हाकिमकु आला बोर तरअः लंका ताहिनोअ नामापे एतान? दो बेस काम कामी एकायपे आउर हुंकू आपे आला बड़ाई केआकु।

4एता लःअय ची हुंकू आपे आला भलाई लःअय परमेसर आलकु सेवक हेके। बकिर आपे गादुस काम कामीयापे, दो बोरपे, एता लःअय ची हुंकू सिथया रे तलवाईर काकु सःब तअः। हुंकू परमेसर आलकु सेवक हेके आउर परमेसर आला खीस रेनअः मोताबिक गादुस काम कामी वाला के डांड़ एमा कुआय। 5हिना लःअय हाकिमकु आला कबजा रे ताहिन दरकार एदनाआ। नोःआँ खीस तरअः भाईर बंचाअ लःअय कोवान, बकिर भितरी रेनअः मन होः निआँ गवाही एमेआय। 6#सं.मत्‍ती 22:21; सं.मर 12:17; सं.लुका 20:25हिना लःअय आपे मालगुजारी होः एमा कुपे, एता लःअय ची राईज चलाव कु परमेसर आलकु से-सेवाई हेके, आउर निआँ काम रे लगाव ताही नोआकु। 7हिना लःअय जेके चुचुकाव एदनाआ हुंकू के चुकाव उकुपे, जेके मालगुजारी एमोअ एदनाआ हुंकू के मालगुजारी एमा कुपे आउर जेके तसील एमोअ एदनाआ हुंकू के तसील एमा कुपे, जेकर तरअः बोर चाही हुंकू तरअः बोरपे, जेके माईन एमोअ चाही हुंकू के माईन एमा कुपे।

पेरेम गी कनहुन हेके

8अपास रेनअः पेरेम के बाई केते आउर जहान बात रे ओके आलकु होः रिंड़दार आलपे पड़ी कोअ, एता लःअय ची जे एटाअकु के दुलार कुआय, हुनी कनहुन रेनअः सही तरिका से पुराव तदाय। 9#उइठ 20:14; कन 5:18; उइठ 20:13; कन 5:17; उइठ 20:15; कन 5:19; उइठ 20:17; कन 5:21; लेवी 19:18एता लःअय ची नोःआँ हुकूम, “ब्यबिचार आलपे कामी के, होड़ आलपे गोएःग कु, आलपे चोर के, आलपे लोभी के,” आउर नोःआँ हुकूम के बाई केते आउर जहान हुकूम एदनाआ दो जामा रेनअः निचोड़ नोःआँ बात रे भेटाआ ची अपन खुड़-खिरकी रिनकु के अपन लकान दुलार कुपे। 10पेरेम अपन खुड़-खिरकी रिनकु आला एतान होः काय बुराईया, हिना लःअय पेरेम दोदोहो कनहुन के पुपुरा हेके।

11आउर बेरा के चिनहा केते नेकानेपे, निआँ लःअय ची नहाअः दो आपे लःअय नींद तरअः फाटिगोअ रेनअः बेरा हीःग ना, एता लःअय ची जे बेरा आबु बिसवास थिलाअबु, होना बेरा रेनअः विचार तरअः नहाअः दो आबु आला उधार हेनाःड एदनाआ। 12“निदा” ढेर बिताव चुकाव ना, आउर निदवायोः वाला एदनाआ, हिना लःअय आबु अंधार रेनअः काम के बाई केते मरसाल रेनअः हांथेयार तोलेबु। 13दिने रेनअः मरसाल रे जिवीडोअ कु लकान बेस चाईल चलाअबु, ना ची रिझ-रंग, आउर पियांकड़, ना बेलाज काम, आउर ना लुचा, झगड़ा आउर हिसंगा तरअः लंका ताहिनबु। 14आपे परभु ईसु ख्रीस्त के सोलोंगीपे आउर होड़ो रेनअः पाप धाचाईर रअः मरजी पुपुरा रेनअः आलपे उपाय के।

Цяпер абрана:

रोमीकु 13: ASR

Пазнака

Капіяваць

Параўнаць

Падзяліцца