Mako 8
8
OYesu akwikutisya abantu enkumi einai
(Mat 15:32-39)
1Awo omu biro ebyo, abantu baingi ni bairamu okukumbaana. Nibaali batacaalina mere, oYesu nʼayeta abeegesebwa baamwe, ni baiza waali, nʼabakoba ati, 2“Nkukwatirwa abantu bani ekisa, kubba babbaire nanje ebiro bisatu, ate tibacaalina kyakulya. 3Ninabakoba okwirayo ewaabwe enzala nekubaluma, bakwiza okugwa oku muwanda, kubba abamwei baaligire alai.” 4Abeegesebwa baamwe ni bairamu bati, “Omwirungu rini omuntu yaakwiya ayi emere eyinza okubaikutisya?” 5Ye nʼabairamu ati, “Mulinawo emigaati gingai?” Ni bairamu bati, “Musanju.” 6Awo nʼalagira abantu baikaare ansi. Nʼarola emigaati omusanju, ni yeebalya oKanca, nʼagiyendayenda, nʼagikwatisya abeegesebwa baamwe leke bagigabire abantu era ni bakola batyo. 7Baali nibalinawo nʼobucwi budooli; niyamaare okwebalya oKanca, nʼalagira bwona babubagabire. 8Abantu ni balya ni baikuta. Abeegesebwa baamwe ni bakumbaania ebitundutundu ebyalemeirewo, ni biizulya ebiibbo musanju. 9Abantu abaaliire baali bakwika nkʼenkumi inai. Niyamaare okubalaga, 10amangu ago nʼatemba obwato amwei nʼabeegesebwa baamwe, nʼarola omu kitundu ekya Dalumanuta.
ABafarisaayo bakusaba oYesu akabonero
(Mat 12:38-42; 16:1-4)
11ABafarisaayo abamwei ni baaba egiri oYesu, ni batandika okumuwakanisya; ni bamusaba nibakumugezesya, abakoore akabonero akakulanga nti obuyinza bwamwe bwaligire wa Kanca. 12Awo nʼawumula ekinkoowe, nʼakoba ati, “Abantu ba mulembe guni lwaki bakusaba akabonero? Kambakobere amananu; aba mulembe guni ndoowo kabonero akaabakoorwa.” 13Awo nʼabaleka nʼaira omu bwato, nʼayaba nʼabeegesebwa baamwe oku rubaju lwa nyanja olundi.
Ekitumbisya kyʼaBafarisaayo nʼekya Kerode
(Mat 16:5-12)
14Awo abeegesebwa nibaali bakwaba enseeri, beebereire okutwalana emigaati, okutoolaku gumwei gwebaalina omu bwato. 15OYesu nʼabakoba ati, “Mwerinde ekitumbisya kyʼaBafarisaayo nʼekitumbisya kya Kerode.” 16Bo ni bakobangana bati, “Abazire atyo kubba titulina migaati!” 17OYesu niyeetejerye kyebakukoba, nʼababuulya ati, “Lwaki mukukobangana nti, ‘Titulina migaati?’ Okwica nʼati mucaali kumanya na kweteja? Emitima gyanywe gicaali gikakanyali? 18Mulina amaiso, baitu timukusobola kubona, era mulina amatwi baitu timukusobola kuwura nʼokwizukira timukusobola kwizukira. 19Ninagabiire abantu enkumi eitaanu emigaati etaanu, mwakumbanie ebiibo bingai ebiizwire ebitundutundu ebyalemeirewo?” Ni bairamu bati, “Ikumi na bibiri.” 20“Yete ninagabiire abantu enkumi einai emigaati omusanju, mwakumbainie ebiibo bingai ebiizwire ebitundutundu ebyalemeirewo?” Ni bairamu bati, “Ebiibbo musanju.” 21Awo oYesu nʼababuulya ati, “Okwica nʼati mucaali kweteja?”
OYesu akutamba omwigali wa maiso e Bbesusaida
22Awo oYesu nʼabeegesebwa baamwe ni baika e Bbesusaida. Abantu abamwei ni baleeta omwigali wa maiso awali oYesu, ni bamwesengeerya amukwateku. 23OYesu nʼakwata omwigali wa maiso oku mukono, nʼamwiya omu kabuga ako. Niyamaare okucwa ebicwantai oku maiso ga mwigali wʼamaiso, nʼokugakwataku, nʼamubuulya ati, “Waliwo kyokubona?” 24Omwigali wʼamaiso nʼaboniamu kadooli, nʼakoba ati, “Nkubona abantu abakutambula, baitu bakumbonekera nkʼemisaale.” 25OYesu nʼayongera okumukwata oku maiso, ni gaigukira kimwei, buli kintu nʼakibona kusai. 26OYesu nʼakoba eyaali omwigali wa maiso, “Yaba e waanywe, nʼedi omu kabuga otairayo.”
OPeetero akwatula oYesu nali Kurisito
(Mat 16:13-20; Luk 9:18-21)
27Awo oYesu nʼayaba nʼabeegesebwa baamwe omu byalo bya mu kitundu ekyetebwa Kaisaaliya ekya Firipi. Nibaali bakutambula nʼabuulya abeegesebwa baamwe ati, “Abantu bannyeta naani?” 28Ni bamwiramu bati, “Abamwei bakweta Yokaana Omubatiza. Abandi bakoba nambu niiwe Eriya, abandite ni bakoba nambu oli omwei oku balangi.” 29Awo nʼababuulya, “Nywete munnyeta naani?” OPeetero nʼamwiramu ati, “Niiwe Kurisito.” 30OYesu nʼabakunkuniza, ebikumufaaku obutabikobera muntu wondi.
OYesu akubaza oku kufa kwamwe nʼokuyimbooka kwamwe
(Mat 16:21-28; Luk 9:22-27)
31Awo oYesu nʼatandika okubeegesya ati, “OMwana wa Muntu ateekerwe okubonaabona omuno, nʼokwegaanibwa abantu abakulu omwiyanga, nʼabakabona abakulu nʼabeegesya bʼamateeka gʼaBayudaaya. Era aliitibwa, baitu niwaakaire ebiro bisatu, aliyimbooka.” 32Bini yabibazire mu lwatu, oPeetero nʼamwirya oku ntando nʼamunenya. 33Baitu oYesu niyayindukire nʼarola ennyuma, nʼabona abeegesebwa baamwe abandi, nʼakayukira oPeetero ati, “Ndiga omu maiso, Setaani we! Ebya Kanca tinibyo okufaaku; okufa ku byʼabantu!” 34Awo oYesu nʼayeta ekibiina kyʼabantu nʼabeegesebwa baamwe. Nibaabire waali nʼabakoba ati, “Buli muntu ayendya okubba omusengeerya wange, ateekerwe okwerekesya, ni yeetiika omusaalaba gwamwe, ale nʼansengeerya. 35Buli ataatira obwomi bwamwe, alibufeerwa, baitu buli alibufeerwa oku lwange nʼolwʼAmawuro Agasai, alibulamya#Mat 10:39. 36Omuntu agasirwa ki okufuna eitungo ryona ryona erya ku nsi, baitu nʼafeerwa obwomi bwamwe? 37Ndoowo kintu gonze ekimwei, omuntu kyayinza okuyingisyamu obwomi bwamwe. 38Buli akwatirwa nje nʼebigambo byange ensoni omu bantu ba mulembe guni abaliga oku Kanca era ababbi, nʼoMwana wa Muntu alimukwatirwa ensoni naliizira omu kitiinisya kya Ite waamwe, nali nʼabamalaika abakwera”
Цяпер абрана:
Mako 8: RUULI-NYALA
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Mako 8
8
OYesu akwikutisya abantu enkumi einai
(Mat 15:32-39)
1Awo omu biro ebyo, abantu baingi ni bairamu okukumbaana. Nibaali batacaalina mere, oYesu nʼayeta abeegesebwa baamwe, ni baiza waali, nʼabakoba ati, 2“Nkukwatirwa abantu bani ekisa, kubba babbaire nanje ebiro bisatu, ate tibacaalina kyakulya. 3Ninabakoba okwirayo ewaabwe enzala nekubaluma, bakwiza okugwa oku muwanda, kubba abamwei baaligire alai.” 4Abeegesebwa baamwe ni bairamu bati, “Omwirungu rini omuntu yaakwiya ayi emere eyinza okubaikutisya?” 5Ye nʼabairamu ati, “Mulinawo emigaati gingai?” Ni bairamu bati, “Musanju.” 6Awo nʼalagira abantu baikaare ansi. Nʼarola emigaati omusanju, ni yeebalya oKanca, nʼagiyendayenda, nʼagikwatisya abeegesebwa baamwe leke bagigabire abantu era ni bakola batyo. 7Baali nibalinawo nʼobucwi budooli; niyamaare okwebalya oKanca, nʼalagira bwona babubagabire. 8Abantu ni balya ni baikuta. Abeegesebwa baamwe ni bakumbaania ebitundutundu ebyalemeirewo, ni biizulya ebiibbo musanju. 9Abantu abaaliire baali bakwika nkʼenkumi inai. Niyamaare okubalaga, 10amangu ago nʼatemba obwato amwei nʼabeegesebwa baamwe, nʼarola omu kitundu ekya Dalumanuta.
ABafarisaayo bakusaba oYesu akabonero
(Mat 12:38-42; 16:1-4)
11ABafarisaayo abamwei ni baaba egiri oYesu, ni batandika okumuwakanisya; ni bamusaba nibakumugezesya, abakoore akabonero akakulanga nti obuyinza bwamwe bwaligire wa Kanca. 12Awo nʼawumula ekinkoowe, nʼakoba ati, “Abantu ba mulembe guni lwaki bakusaba akabonero? Kambakobere amananu; aba mulembe guni ndoowo kabonero akaabakoorwa.” 13Awo nʼabaleka nʼaira omu bwato, nʼayaba nʼabeegesebwa baamwe oku rubaju lwa nyanja olundi.
Ekitumbisya kyʼaBafarisaayo nʼekya Kerode
(Mat 16:5-12)
14Awo abeegesebwa nibaali bakwaba enseeri, beebereire okutwalana emigaati, okutoolaku gumwei gwebaalina omu bwato. 15OYesu nʼabakoba ati, “Mwerinde ekitumbisya kyʼaBafarisaayo nʼekitumbisya kya Kerode.” 16Bo ni bakobangana bati, “Abazire atyo kubba titulina migaati!” 17OYesu niyeetejerye kyebakukoba, nʼababuulya ati, “Lwaki mukukobangana nti, ‘Titulina migaati?’ Okwica nʼati mucaali kumanya na kweteja? Emitima gyanywe gicaali gikakanyali? 18Mulina amaiso, baitu timukusobola kubona, era mulina amatwi baitu timukusobola kuwura nʼokwizukira timukusobola kwizukira. 19Ninagabiire abantu enkumi eitaanu emigaati etaanu, mwakumbanie ebiibo bingai ebiizwire ebitundutundu ebyalemeirewo?” Ni bairamu bati, “Ikumi na bibiri.” 20“Yete ninagabiire abantu enkumi einai emigaati omusanju, mwakumbainie ebiibo bingai ebiizwire ebitundutundu ebyalemeirewo?” Ni bairamu bati, “Ebiibbo musanju.” 21Awo oYesu nʼababuulya ati, “Okwica nʼati mucaali kweteja?”
OYesu akutamba omwigali wa maiso e Bbesusaida
22Awo oYesu nʼabeegesebwa baamwe ni baika e Bbesusaida. Abantu abamwei ni baleeta omwigali wa maiso awali oYesu, ni bamwesengeerya amukwateku. 23OYesu nʼakwata omwigali wa maiso oku mukono, nʼamwiya omu kabuga ako. Niyamaare okucwa ebicwantai oku maiso ga mwigali wʼamaiso, nʼokugakwataku, nʼamubuulya ati, “Waliwo kyokubona?” 24Omwigali wʼamaiso nʼaboniamu kadooli, nʼakoba ati, “Nkubona abantu abakutambula, baitu bakumbonekera nkʼemisaale.” 25OYesu nʼayongera okumukwata oku maiso, ni gaigukira kimwei, buli kintu nʼakibona kusai. 26OYesu nʼakoba eyaali omwigali wa maiso, “Yaba e waanywe, nʼedi omu kabuga otairayo.”
OPeetero akwatula oYesu nali Kurisito
(Mat 16:13-20; Luk 9:18-21)
27Awo oYesu nʼayaba nʼabeegesebwa baamwe omu byalo bya mu kitundu ekyetebwa Kaisaaliya ekya Firipi. Nibaali bakutambula nʼabuulya abeegesebwa baamwe ati, “Abantu bannyeta naani?” 28Ni bamwiramu bati, “Abamwei bakweta Yokaana Omubatiza. Abandi bakoba nambu niiwe Eriya, abandite ni bakoba nambu oli omwei oku balangi.” 29Awo nʼababuulya, “Nywete munnyeta naani?” OPeetero nʼamwiramu ati, “Niiwe Kurisito.” 30OYesu nʼabakunkuniza, ebikumufaaku obutabikobera muntu wondi.
OYesu akubaza oku kufa kwamwe nʼokuyimbooka kwamwe
(Mat 16:21-28; Luk 9:22-27)
31Awo oYesu nʼatandika okubeegesya ati, “OMwana wa Muntu ateekerwe okubonaabona omuno, nʼokwegaanibwa abantu abakulu omwiyanga, nʼabakabona abakulu nʼabeegesya bʼamateeka gʼaBayudaaya. Era aliitibwa, baitu niwaakaire ebiro bisatu, aliyimbooka.” 32Bini yabibazire mu lwatu, oPeetero nʼamwirya oku ntando nʼamunenya. 33Baitu oYesu niyayindukire nʼarola ennyuma, nʼabona abeegesebwa baamwe abandi, nʼakayukira oPeetero ati, “Ndiga omu maiso, Setaani we! Ebya Kanca tinibyo okufaaku; okufa ku byʼabantu!” 34Awo oYesu nʼayeta ekibiina kyʼabantu nʼabeegesebwa baamwe. Nibaabire waali nʼabakoba ati, “Buli muntu ayendya okubba omusengeerya wange, ateekerwe okwerekesya, ni yeetiika omusaalaba gwamwe, ale nʼansengeerya. 35Buli ataatira obwomi bwamwe, alibufeerwa, baitu buli alibufeerwa oku lwange nʼolwʼAmawuro Agasai, alibulamya#Mat 10:39. 36Omuntu agasirwa ki okufuna eitungo ryona ryona erya ku nsi, baitu nʼafeerwa obwomi bwamwe? 37Ndoowo kintu gonze ekimwei, omuntu kyayinza okuyingisyamu obwomi bwamwe. 38Buli akwatirwa nje nʼebigambo byange ensoni omu bantu ba mulembe guni abaliga oku Kanca era ababbi, nʼoMwana wa Muntu alimukwatirwa ensoni naliizira omu kitiinisya kya Ite waamwe, nali nʼabamalaika abakwera”
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце