Matáyoso 7
7
Na gifumbu na ɛ́mfɛna
(Lúk 6.37-38,41-42)
1«Nudidélímén anyɛ besúmb bɛsan bá bɔsɔ́gɔ́, ány bádɛgasɔ́mba bán. 2Gá guán, nɛnama ɛnɛ́ núsɔ́mbaná bɛsan bá bɔsɔ́gɔ́, anaány sɔ́n báganúsɔ́mba bán bɛsan. Nuged unú nugedenyinyé na nɔ́, nɔ́nɔ́ sɔ́n bégenúnúgédi na nɔ́. 3Góbúsió bá giág alɛ́ŋaná ɛ́mfɛna sínyá agá niís ná endimen wɔ́w, adián gianta gá gifumbu gɛ́nyá gá inɔ́w e? 4Ɔ́gɔ ká nanyá ányá bágual gá endimen wɔ́w ká “Ál guɔ́b ana nŋuéli ɛ́mfɛna isiány ɔgɔ́w gá niís”, Aŋuá ee, anyɛ na gianta gá gifumbu gá inɔ́w. 5Aŋuá adiáláná ubú agɔ́daná bɔsɔ́gɔ́ ká bála, ál guéli gianta gá gifumbu gínyá ɔgɔ́w gá niís ká ánaan bese, abád guéli ɛ́mfɛna sínyá agá niís ná endimen wɔ́w.
6«Nudiéŋeén imbuá buanda búnyá bá Gɔdányá, emény sínuóndin, sɛ́b gá gúnúláfa, nudiétínyi ɛŋɔnaf malaŋ má mfí, emény sɛ́madan mɔ́.
Ónubísógólónyí Gɔdányá sié wanɔ
(Lúk 11.9-13)
7«Ónuófoón báganúfa; ánuambá, nugɔfuɔg, énukilídín, bégenúfunin. 8Gá guán ewe wófonó gúdáŋábá, ewe wambaná gɔfuɔgɛn, ewe ukilené, bégúfunen wɔ́. 9Ányá agán gá ɔlɔŋ unyá wagual wéŋin mɔɔn waga nɛdany búbué usófún wɔ́ gɛnyɔka e? 10Ɔ́gɔ ká, úmófún yɔbɔ, wéŋin wɔ́ ímoós bábaŋa e? 11Búmábá gɔg ká banuá nunyá babɛ, nugɔ́lɛnsan guéŋin baan bán bɛnɔg bá manda, bigúl bíníg Sié wanɔ unyá ugumuana diábáná bágual wéŋeen bɛnɔg bá manda gá ebe bófonó wɔ́ e?
Buanda buófonó guala na bɔsɔ́gɔ́
(Lúk 6.31)
12«Ánualá bɔsɔ́gɔ́ manda gidigid ɔmɔ́ banuá nubílénené ká bánuála. Anaány bisele na imbɔbɔnɔ sá mubús má Gɔdányá ɔ́yɔnɔ́.
Iŋili íyandɛ
(Lúk 13.23-24)
13«Énubíŋínín agá niíd nínyá nisɔ́ndíŋɔ́nɔn gaguál ká niíd nɛnyá gianta nyɛ ná bunyím, nŋili yɛbaná kɔ́ dɛbá múyú. Giod gá band guándaan gá yɛ́. 14Ɛnɛ́ nínyá nisɔ́ndíŋɔ́nɔ́n nyɛ́ na gusɔ́d, nŋili yɛbaná kɔ́ nyɛ sɔ́n isɔ́ndíŋɔ́nɔn, band bádɔ́mbanɛná kɔ́ dɛbá nsɔ́b.
Budɛ́d na bɛsamɔ bág
(Mat 12.33; Lúk 6.43-44)
15«Ánɔbɛ́nyáŋanyáŋ mubús má bɛsɔbɔ múnúleniné anɛ bɛdɔ́mbá bɛ́diásáamáná, nányé agá ɛdɛm sɔ́b nágadá bányɛ́ mbál sɛ́nyá fiaŋ gá gúnúláfa. 16Nugalɛnsan mú gɔ́b gá bielínyélínyé. Bágúgása moliómilióm agá dulendu e? Ɔ́gɔ ká magál gál agá akál e? 17Buand búmoóm sɔ́n, bɔdɛ́d gidigid búnyá bese guómo bɛsamɔ bá bese, ubúnúmaná guómo biád bá bɛsamɔ. 18Bɔdɛ́d bá bese dɛbá bóguóm bɛsamɔ binyá bɔbɛ, anaány sɔ́n bɔdɛ́d búnúmaná diábáná bóguóm bɛnɔg bá bɛsamɔ. 19Bɔdɛ́d gidigid búdiómónó bɛnɔg bá bɛsamɔ, bágasɔ́mb bɔ́, bóŋig agá yoóg. 20Anaány nuganúlɛ́nsan mubús má bɛsɔbɔ gɔ́b gá bielínyélínyé.
Mbanda bafɔ́nɔfɔ́n
(Lúk 6.46; 13.27)
21«Saá ebe gidigid bɔ́ŋɔyɔnɔ́ ká: “Ɔgúnɔ́, Ɔgúnɔ́” bégenúbíŋín agá Bufuŋ bá muana. Gɔɔ́gɔ́ ebe bálaná ubú Babá wam unyá ugumuana bílénené. 22Giod gá band gɔŋɔyɔɔn buɔ́s bá gúsɔ́mba bɛsan ká: “Ɔgúnɔ́! Ɔgúnɔ́! ɔgɔ́w gá ɔfɛ́n dinyá guémenyi moóny ma Gɔdányá e? Saá ɔgɔ́w gá ɔfɛ́n dinyá gukɔ́ŋa biád bá bíliíndie e? Saá ɔgɔ́w gá ɔfɛ́n dinyá guala mesey giod e?” 23Ány nŋenuémínyi bɔ́ tas tas ká: “Mmabása ndɛnɔ́lɛ́ns; énuŋélíkínyí agá eŋís, banuá nualaná bɔbɛ.”
Gufuág agá nɛdany
(Lúk 6.47-49)
24«Kányɛ gɔ́g gunyá ká, mɔnd umɔ́nuɔ́b gugál ugú mmánumán gúgála, wala gɔɔ́gɔ nɔ́; Ugabá anɛ mɔnd wa nsiŋi umáafuág gians giág agá nɛdany. 25Gianta gá nɔbɔl igiágua, madɛ́ga amánɔns, ifufuny isiéfuŋe na bugaga, manda amaány mem eméyidin gians igiány, gɛ́gɛ́ ta gugua gágual ká gímabá gidágɛnan agá nɛdany. 26Mɔnd gidigid wɔ́bɔnɔ́ gugál ugú mmánumán gúgála, udifuógí gú nyɛ anɛ mɔnd wa kand nsiŋi umáafuág gians gág agá ensénseny. 27Gianta gá nɔbɔl igiágua, madɛ́ga amánɔns, ifufuny isiéfuŋe na bugaga, manda amaány mem eméyidin gians igiány, igiágadɛg, igiébulugud, gidigid.»
Bumalamand bá Yésu
(Mál 1.22; Lúk 4.32)
28Yésu máal úmáman gufúnyifunyi, biŋi bá band ibiɔ́lɔbɛn ány, bímeméŋéméŋ gufúnyifunyi gág, 29gágual ká umefúnyifúnyi anɛ mɔnd udióbiófónó gá mɔnd, gufúnyifunyi gág dɛmabá sɔ́n anɛ gá bóŋ bisele.
Цяпер абрана:
Matáyoso 7: MMU2
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Matáyoso 7
7
Na gifumbu na ɛ́mfɛna
(Lúk 6.37-38,41-42)
1«Nudidélímén anyɛ besúmb bɛsan bá bɔsɔ́gɔ́, ány bádɛgasɔ́mba bán. 2Gá guán, nɛnama ɛnɛ́ núsɔ́mbaná bɛsan bá bɔsɔ́gɔ́, anaány sɔ́n báganúsɔ́mba bán bɛsan. Nuged unú nugedenyinyé na nɔ́, nɔ́nɔ́ sɔ́n bégenúnúgédi na nɔ́. 3Góbúsió bá giág alɛ́ŋaná ɛ́mfɛna sínyá agá niís ná endimen wɔ́w, adián gianta gá gifumbu gɛ́nyá gá inɔ́w e? 4Ɔ́gɔ ká nanyá ányá bágual gá endimen wɔ́w ká “Ál guɔ́b ana nŋuéli ɛ́mfɛna isiány ɔgɔ́w gá niís”, Aŋuá ee, anyɛ na gianta gá gifumbu gá inɔ́w. 5Aŋuá adiáláná ubú agɔ́daná bɔsɔ́gɔ́ ká bála, ál guéli gianta gá gifumbu gínyá ɔgɔ́w gá niís ká ánaan bese, abád guéli ɛ́mfɛna sínyá agá niís ná endimen wɔ́w.
6«Nudiéŋeén imbuá buanda búnyá bá Gɔdányá, emény sínuóndin, sɛ́b gá gúnúláfa, nudiétínyi ɛŋɔnaf malaŋ má mfí, emény sɛ́madan mɔ́.
Ónubísógólónyí Gɔdányá sié wanɔ
(Lúk 11.9-13)
7«Ónuófoón báganúfa; ánuambá, nugɔfuɔg, énukilídín, bégenúfunin. 8Gá guán ewe wófonó gúdáŋábá, ewe wambaná gɔfuɔgɛn, ewe ukilené, bégúfunen wɔ́. 9Ányá agán gá ɔlɔŋ unyá wagual wéŋin mɔɔn waga nɛdany búbué usófún wɔ́ gɛnyɔka e? 10Ɔ́gɔ ká, úmófún yɔbɔ, wéŋin wɔ́ ímoós bábaŋa e? 11Búmábá gɔg ká banuá nunyá babɛ, nugɔ́lɛnsan guéŋin baan bán bɛnɔg bá manda, bigúl bíníg Sié wanɔ unyá ugumuana diábáná bágual wéŋeen bɛnɔg bá manda gá ebe bófonó wɔ́ e?
Buanda buófonó guala na bɔsɔ́gɔ́
(Lúk 6.31)
12«Ánualá bɔsɔ́gɔ́ manda gidigid ɔmɔ́ banuá nubílénené ká bánuála. Anaány bisele na imbɔbɔnɔ sá mubús má Gɔdányá ɔ́yɔnɔ́.
Iŋili íyandɛ
(Lúk 13.23-24)
13«Énubíŋínín agá niíd nínyá nisɔ́ndíŋɔ́nɔn gaguál ká niíd nɛnyá gianta nyɛ ná bunyím, nŋili yɛbaná kɔ́ dɛbá múyú. Giod gá band guándaan gá yɛ́. 14Ɛnɛ́ nínyá nisɔ́ndíŋɔ́nɔ́n nyɛ́ na gusɔ́d, nŋili yɛbaná kɔ́ nyɛ sɔ́n isɔ́ndíŋɔ́nɔn, band bádɔ́mbanɛná kɔ́ dɛbá nsɔ́b.
Budɛ́d na bɛsamɔ bág
(Mat 12.33; Lúk 6.43-44)
15«Ánɔbɛ́nyáŋanyáŋ mubús má bɛsɔbɔ múnúleniné anɛ bɛdɔ́mbá bɛ́diásáamáná, nányé agá ɛdɛm sɔ́b nágadá bányɛ́ mbál sɛ́nyá fiaŋ gá gúnúláfa. 16Nugalɛnsan mú gɔ́b gá bielínyélínyé. Bágúgása moliómilióm agá dulendu e? Ɔ́gɔ ká magál gál agá akál e? 17Buand búmoóm sɔ́n, bɔdɛ́d gidigid búnyá bese guómo bɛsamɔ bá bese, ubúnúmaná guómo biád bá bɛsamɔ. 18Bɔdɛ́d bá bese dɛbá bóguóm bɛsamɔ binyá bɔbɛ, anaány sɔ́n bɔdɛ́d búnúmaná diábáná bóguóm bɛnɔg bá bɛsamɔ. 19Bɔdɛ́d gidigid búdiómónó bɛnɔg bá bɛsamɔ, bágasɔ́mb bɔ́, bóŋig agá yoóg. 20Anaány nuganúlɛ́nsan mubús má bɛsɔbɔ gɔ́b gá bielínyélínyé.
Mbanda bafɔ́nɔfɔ́n
(Lúk 6.46; 13.27)
21«Saá ebe gidigid bɔ́ŋɔyɔnɔ́ ká: “Ɔgúnɔ́, Ɔgúnɔ́” bégenúbíŋín agá Bufuŋ bá muana. Gɔɔ́gɔ́ ebe bálaná ubú Babá wam unyá ugumuana bílénené. 22Giod gá band gɔŋɔyɔɔn buɔ́s bá gúsɔ́mba bɛsan ká: “Ɔgúnɔ́! Ɔgúnɔ́! ɔgɔ́w gá ɔfɛ́n dinyá guémenyi moóny ma Gɔdányá e? Saá ɔgɔ́w gá ɔfɛ́n dinyá gukɔ́ŋa biád bá bíliíndie e? Saá ɔgɔ́w gá ɔfɛ́n dinyá guala mesey giod e?” 23Ány nŋenuémínyi bɔ́ tas tas ká: “Mmabása ndɛnɔ́lɛ́ns; énuŋélíkínyí agá eŋís, banuá nualaná bɔbɛ.”
Gufuág agá nɛdany
(Lúk 6.47-49)
24«Kányɛ gɔ́g gunyá ká, mɔnd umɔ́nuɔ́b gugál ugú mmánumán gúgála, wala gɔɔ́gɔ nɔ́; Ugabá anɛ mɔnd wa nsiŋi umáafuág gians giág agá nɛdany. 25Gianta gá nɔbɔl igiágua, madɛ́ga amánɔns, ifufuny isiéfuŋe na bugaga, manda amaány mem eméyidin gians igiány, gɛ́gɛ́ ta gugua gágual ká gímabá gidágɛnan agá nɛdany. 26Mɔnd gidigid wɔ́bɔnɔ́ gugál ugú mmánumán gúgála, udifuógí gú nyɛ anɛ mɔnd wa kand nsiŋi umáafuág gians gág agá ensénseny. 27Gianta gá nɔbɔl igiágua, madɛ́ga amánɔns, ifufuny isiéfuŋe na bugaga, manda amaány mem eméyidin gians igiány, igiágadɛg, igiébulugud, gidigid.»
Bumalamand bá Yésu
(Mál 1.22; Lúk 4.32)
28Yésu máal úmáman gufúnyifunyi, biŋi bá band ibiɔ́lɔbɛn ány, bímeméŋéméŋ gufúnyifunyi gág, 29gágual ká umefúnyifúnyi anɛ mɔnd udióbiófónó gá mɔnd, gufúnyifunyi gág dɛmabá sɔ́n anɛ gá bóŋ bisele.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце