Matáyoso 10
10
Buól bá bát na bándɛ
(Mál 3.16-19; Lúk 6.14-16)
1Yésu uwabɛ́lɛ́gɛn bafɔ́nɔfɔ́n bág bát na bándɛ, uwéŋeen bɔ́ bugaga bá gúkɔ́ŋa biád bá bíliíndié bónd béŋúgenyi gunúma gidigid, na bióŋ gidigid. 2Ɛfɛ́n sá bedúmeb bát na bándɛ esie: Símune mɔnd wobusió bábɛ́laná sɔ́n ká Piéle na endimen wág Andelé, Sáka na endimen wág Sáŋa, bɔ́bɔ́ bem baan bá Sebedé; 3Fílibe ná Batelemí, Tomasia ná Matáyoso eduús tás, Sáka mɔɔn wá Alafé na Tadé, 4Símune umáabá unuanan gág gá gɛdɔŋ, na Yúdasa Isikaliot mɔnd ugenúdú Yésu.
(Mál 6.7-11; Lúk 9.2-5; 10.3-12)
5Yésu uwadɔ́m bát na bándɛ abaány uwasásɛ́d bɔ́ ká: «Nudɛɛ́bɛ agá bɛdɔŋ bá ebe bádiábáná Beyúdɛn, nudɛɛ́b sɔ́n ta agá tísɔn omoom wá Samalí. 6Ánɔb kɔɔ́kɔ aga band Bísalayɛ́la bányá anyɛ bɛdɔ́mbá binyímen. 7Agá nŋili nuúl nuɔ́yɔ́n band gidigid ká: Bufuŋ bá muana ganyɛ egúy. 8Nuéŋúgenyi band, bánɔ́maná. Nuenyugenyi ebeguén, nuéŋúgenyi beŋúnúŋun, nuond nukɔ́ŋa biád bá bíliíndié. Bámanúfá gá gilé, énuéŋénín sɔ́n gá gilé.
9«Nudɛgɔ́l ta gól, ta muonyi ta kiás wa guág agá bɛgad; 10nudɛgɔ́l ta gɛgad gá ɔŋɛnd, nuadɔg gɔɔ́gɔ na bɛla bínyá agán gá nuɔ́l, ta mfaŋáŋá ɔ́gɔ ká gidímbe. Búnyɛ nɔ́, eŋél buol gúsɛgɛmanan ká béŋin wɔ́ manyán. 11Agá tísɔn ɔ́gɔ ká gidɔŋ gidigid nugenúbíŋín kɔ́, nuakɛn guambɛd mɔnd wa binɔ́g bá bielínyélínyé ká úgɔ́l gɛsɛgɛl nanɔ; úmánúgɛ́ndɛ́gɛn, ánugɛ́gá kɔ́ guám anyɛ́ nuganúdɔ́mb. 12Nuganyɛ ká núbíŋín agá gians, nuɔyɛd ká: Nsɛ́ Gɔdányá núfá bumben; 13Band bá nuyá unuány mónúgóli bese, mbígélíd yanɔ yá bumben gabá nɔbɔ. Bémeén gunúgóli gɔg bese, nuond na mbígélíd yanɔ yá bumben. 14Mɔnd mén gunúgóli bese, wond ween gunúbɛ́dɔ́lɛ́gɛn agá gians ta agá tisɔn, nugidid bibú bá bɛgɔnd bán, nudɔ́mb. 15Ngúnuɔ́yɔɔn agá meliŋí tas ká, budug ubú Gɔdányá ganúsɔ́mba bɛsana, nugényigény ná band bá tísɔn uwaány gadɔ́mb ná band bá tísɔn wa Sɔ́dɔm na Gɔmɔɔ́l.
Nugényígény ná bafɔ́nɔfɔ́n
(Mál 13.9-13; Lúk 12.11-12; 21.12-19)
16«Ánulɛ́ns ká mmánɔ́dɔ́m anyɛ bɛdɔ́mbá agá gadágadá wa banyaŋɛma, nubídédénenyi anyɛ inyɔ́k, nubá kand gɛbɔ́liɔ́ anyɛ dúkɔlɔ́mbɔ.
17«Ánubɛ́nyáŋanyáŋ band, bágabaan nanɔ agá bians bɔ́b bá nɛgál, bánúsuála insualál agá bians bɔ́b bá mbísógól. 18Bábaan nanɔ gá guenúgélényí agá bɛngɔ́mɔnɔ na aga befuŋ gám gá busió. Kɔ́ nuganúbá bél bɛ́laluá bám agá busió bɔ́b na ebe bádiábáná Beyúdɛn. 19Anyɛ́ báganúbaan nanɔ kɔ́ gá nɛgál, nudiágɛ́nán gá buanda nuganúbianan ká nuɔ́yɔ́, gúmén nɛnama ɛnɛ́ nuganúgála, nugabia gugál nuganúbianan ká núgála agá gɛsɛgɛl igiány. 20Gágual ká, gugál nuganúgála digabá gugál gán gá bɛ́muát, búgabá gugál gá Mefúny má sié wanɔ. 21Endimen gedú endimen waga ká bɔɔ́n wɔ́, buanda búmoom sié ganuál gá mɔɔn, baábayɔ gebígébélidinyi besié ká band ɔ́nɔ bɔ́. 22Band gidigid gabianan mbɛlɛ nanɔ gám gá busió, ewe gɔg ugɔnuɔ́d guám agá nɛmanɛ́n, gɔsɔ́d. 23Bémédúm gunuóbígonyi gá ewe tísɔn, nubínɔ gá ewúné. Ngúnuɔ́yɔɔn agá meliŋítas, mɔɔn wá mɔnd gól anyɛ́ nuganúbá numányɛ nudɛmaná gɔbaan agá bɔtísɔn gidigid Bísalayɛ́la. 24Ɔfɔ́nɔ́fɔ́n dɛgɔ́dɔ́mbaan ofúnyifúnyi, kɔɔ́kɔ anyɛ́ eŋél buol diádɔ́mbáná ɔgɔn waga. 25Ɔfɔ́nɔ́fɔ́n gúbianan ká úbá anyɛ ofúnyifúny waga, anaány sɔ́n eŋél buol biananá ká wála. Anyɛ́ bányá gubɛ́lɛ́gɛn muát gians ká Bɛlɛsebúl#10.25 Bɛlɛsebúl nyɛ ɔfɛ́n bábɛ́laná ɔmbɛlɛ́mbɛ́l, ɔgɔn wa biád bá bíliíndié., nanyá báganúbɛ́lɛ́gɛn band bányá naga e?
Nudidíné buanda
(Mál 8.38; Lúk 9.26; 12.2-9)
26«Kányɛ búdiófónó ká núdíne band. Buanda gidigid búnyá buɔsɛ́gɔ́n gadambɔg, ebue búnyá agá niɔs gebídíye. 27Buanda inuɔ́yɔnɔ́ agá mbíne, ɔ́nuɔyɔ́ bú na buɔ́s dambɔ́ dambɔ, ebue sɔ́n bɔ́gɔnúnuɔ́yɔɔn nsúmb nsúmbe, nudógonyi bɔ́ ugumuana wa nsaga. 28Nudidíné gɔg band bányá bɔ́guɔ́n mɔnd, bádɛ́biá bugaga bɔ́guɔ́n ɛdany. Énudíné kɔɔ́kɔ ewe unyá bégúfúfi mɔnd na ɛdany agá yoóg ídiéfuénéné. 29Saá bégúduénen músunye muándɛ gá yenyény e? Nánié ta ímoom yá mú dɛbá bágúgua egegus Sié wánɔ maál udiádáb. 30Banuá gɔg, ta iŋíde sán gidigid nyɛ sɛbanan. 31Nudɛbiánán gɔg buwa, banuá nugúdúmbaan músunye. 32Mɔnd gidigid ugɔnuɔ́yɛd agá eŋís yá band ká unyɛ wam, yaŋuá sɔ́n ngɔyɛd agá eŋís yá Babá unyá ugumuana ká mɔnd uwaány nyɛ wam; 33ewe gɔg uganúmbɛ́sáŋɔ́n agá eŋís yá band, yaŋuá sɔ́n ngabɛ́sáŋɔ́n wɔ́ agá eŋís yá Babá unyá ugumuana.
Sáa bumbén, ɛnuanuá
(Lúk 12.51-53)
34«Nudɛbɛ́dágá ká inyɛ oŋólónó gá gúsiág bumbén egegus; ndígúul gá gúsiág bumben, bide inyá guúl ká nsaág. 35Ɛɛ́ŋ, inyɛ oŋólón ká yádúna, na sié na mɔɔn waga wa anɔ́mandɔ, ɔmbúlɔ na inyódió, giombi na inyén yaga. 36Bambɛ́lɛmbɛ́l bá mɔnd gabá band bág bámuat.
Ené gusɔ́d gɔ́w, álád Yésu
(Mál 8.34-35; Lúk 14.26-27; 9.23-24)
37«Mɔnd mébíléne sié, ɔ́gɔ ká inyódió gɔŋdɔ́mb udɛgɔ́sɛgɛmanan ká úbá wam; ewe ubílénené mɔɔn waga wa anɔ́mandɔ ɔ́gɔ ká ɔmbúlɔ wág gɔŋdɔ́mb, udɛgɔ́sɛgɛmanan ká úbá wam. 38Mɔnd meén udiádáb ká wúŋlád, wond úgú gám gá busió, udɛgɔ́sɛgɛmanan ká úbá wám#10.38 Búnyɛ buɔyɛ́dɔ́n ká, úbɛ́dɔ́gɛn ɛgɔnɔ yág. . 39Mɔnd uganuámba guansɛg gusɔ́d gág, genyími gú, ewe ugenúnyími gusɔ́d gág gám gá busió gand gubia gú.
Bɛnama
(Mál 9.37,41; Lúk 9.48; 10.16; Sáŋ 13.20)
40«Mɔnd uganúnúgɛ́ndɛ́gɛn bese, yaŋuá muát umánuŋgɛ́ndɛ́gɛ́n, ewe sɔ́n wuŋgɛ́ndɛ́ganá gúgɛ́ndɛ́gan ewe umáandɔ́m. 41Ewe ugólónyó ibús yá Gɔdányá, anyɛ ibús, gabia bɛnama bɛ́sɛ́gɛmananá na ibús yá Gɔdányá, ewe sɔ́n uganúgɛ́ndɛ́gɛn mɔnd unyá ndényé anyɛ mɔnd wa ndényé, gabia bɛnama bɛ́sɛ́gɛmananá na mɔnd wa ndényé. 42Mɔnd ugenuéŋin ɛdɔ́ga yá madɛ́ga má gubúwá gá omoom wa gusúgúdenyi gá ebe báŋádábaná gágual ká unyɛ ɔfɔ́nɔfɔ́n wam, ngúnuɔ́yɔn agá meliŋítas ká mɔnd uwaány dɛgáyɛ́n bɛnama bág.»
Цяпер абрана:
Matáyoso 10: MMU2
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Matáyoso 10
10
Buól bá bát na bándɛ
(Mál 3.16-19; Lúk 6.14-16)
1Yésu uwabɛ́lɛ́gɛn bafɔ́nɔfɔ́n bág bát na bándɛ, uwéŋeen bɔ́ bugaga bá gúkɔ́ŋa biád bá bíliíndié bónd béŋúgenyi gunúma gidigid, na bióŋ gidigid. 2Ɛfɛ́n sá bedúmeb bát na bándɛ esie: Símune mɔnd wobusió bábɛ́laná sɔ́n ká Piéle na endimen wág Andelé, Sáka na endimen wág Sáŋa, bɔ́bɔ́ bem baan bá Sebedé; 3Fílibe ná Batelemí, Tomasia ná Matáyoso eduús tás, Sáka mɔɔn wá Alafé na Tadé, 4Símune umáabá unuanan gág gá gɛdɔŋ, na Yúdasa Isikaliot mɔnd ugenúdú Yésu.
(Mál 6.7-11; Lúk 9.2-5; 10.3-12)
5Yésu uwadɔ́m bát na bándɛ abaány uwasásɛ́d bɔ́ ká: «Nudɛɛ́bɛ agá bɛdɔŋ bá ebe bádiábáná Beyúdɛn, nudɛɛ́b sɔ́n ta agá tísɔn omoom wá Samalí. 6Ánɔb kɔɔ́kɔ aga band Bísalayɛ́la bányá anyɛ bɛdɔ́mbá binyímen. 7Agá nŋili nuúl nuɔ́yɔ́n band gidigid ká: Bufuŋ bá muana ganyɛ egúy. 8Nuéŋúgenyi band, bánɔ́maná. Nuenyugenyi ebeguén, nuéŋúgenyi beŋúnúŋun, nuond nukɔ́ŋa biád bá bíliíndié. Bámanúfá gá gilé, énuéŋénín sɔ́n gá gilé.
9«Nudɛgɔ́l ta gól, ta muonyi ta kiás wa guág agá bɛgad; 10nudɛgɔ́l ta gɛgad gá ɔŋɛnd, nuadɔg gɔɔ́gɔ na bɛla bínyá agán gá nuɔ́l, ta mfaŋáŋá ɔ́gɔ ká gidímbe. Búnyɛ nɔ́, eŋél buol gúsɛgɛmanan ká béŋin wɔ́ manyán. 11Agá tísɔn ɔ́gɔ ká gidɔŋ gidigid nugenúbíŋín kɔ́, nuakɛn guambɛd mɔnd wa binɔ́g bá bielínyélínyé ká úgɔ́l gɛsɛgɛl nanɔ; úmánúgɛ́ndɛ́gɛn, ánugɛ́gá kɔ́ guám anyɛ́ nuganúdɔ́mb. 12Nuganyɛ ká núbíŋín agá gians, nuɔyɛd ká: Nsɛ́ Gɔdányá núfá bumben; 13Band bá nuyá unuány mónúgóli bese, mbígélíd yanɔ yá bumben gabá nɔbɔ. Bémeén gunúgóli gɔg bese, nuond na mbígélíd yanɔ yá bumben. 14Mɔnd mén gunúgóli bese, wond ween gunúbɛ́dɔ́lɛ́gɛn agá gians ta agá tisɔn, nugidid bibú bá bɛgɔnd bán, nudɔ́mb. 15Ngúnuɔ́yɔɔn agá meliŋí tas ká, budug ubú Gɔdányá ganúsɔ́mba bɛsana, nugényigény ná band bá tísɔn uwaány gadɔ́mb ná band bá tísɔn wa Sɔ́dɔm na Gɔmɔɔ́l.
Nugényígény ná bafɔ́nɔfɔ́n
(Mál 13.9-13; Lúk 12.11-12; 21.12-19)
16«Ánulɛ́ns ká mmánɔ́dɔ́m anyɛ bɛdɔ́mbá agá gadágadá wa banyaŋɛma, nubídédénenyi anyɛ inyɔ́k, nubá kand gɛbɔ́liɔ́ anyɛ dúkɔlɔ́mbɔ.
17«Ánubɛ́nyáŋanyáŋ band, bágabaan nanɔ agá bians bɔ́b bá nɛgál, bánúsuála insualál agá bians bɔ́b bá mbísógól. 18Bábaan nanɔ gá guenúgélényí agá bɛngɔ́mɔnɔ na aga befuŋ gám gá busió. Kɔ́ nuganúbá bél bɛ́laluá bám agá busió bɔ́b na ebe bádiábáná Beyúdɛn. 19Anyɛ́ báganúbaan nanɔ kɔ́ gá nɛgál, nudiágɛ́nán gá buanda nuganúbianan ká nuɔ́yɔ́, gúmén nɛnama ɛnɛ́ nuganúgála, nugabia gugál nuganúbianan ká núgála agá gɛsɛgɛl igiány. 20Gágual ká, gugál nuganúgála digabá gugál gán gá bɛ́muát, búgabá gugál gá Mefúny má sié wanɔ. 21Endimen gedú endimen waga ká bɔɔ́n wɔ́, buanda búmoom sié ganuál gá mɔɔn, baábayɔ gebígébélidinyi besié ká band ɔ́nɔ bɔ́. 22Band gidigid gabianan mbɛlɛ nanɔ gám gá busió, ewe gɔg ugɔnuɔ́d guám agá nɛmanɛ́n, gɔsɔ́d. 23Bémédúm gunuóbígonyi gá ewe tísɔn, nubínɔ gá ewúné. Ngúnuɔ́yɔɔn agá meliŋítas, mɔɔn wá mɔnd gól anyɛ́ nuganúbá numányɛ nudɛmaná gɔbaan agá bɔtísɔn gidigid Bísalayɛ́la. 24Ɔfɔ́nɔ́fɔ́n dɛgɔ́dɔ́mbaan ofúnyifúnyi, kɔɔ́kɔ anyɛ́ eŋél buol diádɔ́mbáná ɔgɔn waga. 25Ɔfɔ́nɔ́fɔ́n gúbianan ká úbá anyɛ ofúnyifúny waga, anaány sɔ́n eŋél buol biananá ká wála. Anyɛ́ bányá gubɛ́lɛ́gɛn muát gians ká Bɛlɛsebúl#10.25 Bɛlɛsebúl nyɛ ɔfɛ́n bábɛ́laná ɔmbɛlɛ́mbɛ́l, ɔgɔn wa biád bá bíliíndié., nanyá báganúbɛ́lɛ́gɛn band bányá naga e?
Nudidíné buanda
(Mál 8.38; Lúk 9.26; 12.2-9)
26«Kányɛ búdiófónó ká núdíne band. Buanda gidigid búnyá buɔsɛ́gɔ́n gadambɔg, ebue búnyá agá niɔs gebídíye. 27Buanda inuɔ́yɔnɔ́ agá mbíne, ɔ́nuɔyɔ́ bú na buɔ́s dambɔ́ dambɔ, ebue sɔ́n bɔ́gɔnúnuɔ́yɔɔn nsúmb nsúmbe, nudógonyi bɔ́ ugumuana wa nsaga. 28Nudidíné gɔg band bányá bɔ́guɔ́n mɔnd, bádɛ́biá bugaga bɔ́guɔ́n ɛdany. Énudíné kɔɔ́kɔ ewe unyá bégúfúfi mɔnd na ɛdany agá yoóg ídiéfuénéné. 29Saá bégúduénen músunye muándɛ gá yenyény e? Nánié ta ímoom yá mú dɛbá bágúgua egegus Sié wánɔ maál udiádáb. 30Banuá gɔg, ta iŋíde sán gidigid nyɛ sɛbanan. 31Nudɛbiánán gɔg buwa, banuá nugúdúmbaan músunye. 32Mɔnd gidigid ugɔnuɔ́yɛd agá eŋís yá band ká unyɛ wam, yaŋuá sɔ́n ngɔyɛd agá eŋís yá Babá unyá ugumuana ká mɔnd uwaány nyɛ wam; 33ewe gɔg uganúmbɛ́sáŋɔ́n agá eŋís yá band, yaŋuá sɔ́n ngabɛ́sáŋɔ́n wɔ́ agá eŋís yá Babá unyá ugumuana.
Sáa bumbén, ɛnuanuá
(Lúk 12.51-53)
34«Nudɛbɛ́dágá ká inyɛ oŋólónó gá gúsiág bumbén egegus; ndígúul gá gúsiág bumben, bide inyá guúl ká nsaág. 35Ɛɛ́ŋ, inyɛ oŋólón ká yádúna, na sié na mɔɔn waga wa anɔ́mandɔ, ɔmbúlɔ na inyódió, giombi na inyén yaga. 36Bambɛ́lɛmbɛ́l bá mɔnd gabá band bág bámuat.
Ené gusɔ́d gɔ́w, álád Yésu
(Mál 8.34-35; Lúk 14.26-27; 9.23-24)
37«Mɔnd mébíléne sié, ɔ́gɔ ká inyódió gɔŋdɔ́mb udɛgɔ́sɛgɛmanan ká úbá wam; ewe ubílénené mɔɔn waga wa anɔ́mandɔ ɔ́gɔ ká ɔmbúlɔ wág gɔŋdɔ́mb, udɛgɔ́sɛgɛmanan ká úbá wam. 38Mɔnd meén udiádáb ká wúŋlád, wond úgú gám gá busió, udɛgɔ́sɛgɛmanan ká úbá wám#10.38 Búnyɛ buɔyɛ́dɔ́n ká, úbɛ́dɔ́gɛn ɛgɔnɔ yág. . 39Mɔnd uganuámba guansɛg gusɔ́d gág, genyími gú, ewe ugenúnyími gusɔ́d gág gám gá busió gand gubia gú.
Bɛnama
(Mál 9.37,41; Lúk 9.48; 10.16; Sáŋ 13.20)
40«Mɔnd uganúnúgɛ́ndɛ́gɛn bese, yaŋuá muát umánuŋgɛ́ndɛ́gɛ́n, ewe sɔ́n wuŋgɛ́ndɛ́ganá gúgɛ́ndɛ́gan ewe umáandɔ́m. 41Ewe ugólónyó ibús yá Gɔdányá, anyɛ ibús, gabia bɛnama bɛ́sɛ́gɛmananá na ibús yá Gɔdányá, ewe sɔ́n uganúgɛ́ndɛ́gɛn mɔnd unyá ndényé anyɛ mɔnd wa ndényé, gabia bɛnama bɛ́sɛ́gɛmananá na mɔnd wa ndényé. 42Mɔnd ugenuéŋin ɛdɔ́ga yá madɛ́ga má gubúwá gá omoom wa gusúgúdenyi gá ebe báŋádábaná gágual ká unyɛ ɔfɔ́nɔfɔ́n wam, ngúnuɔ́yɔn agá meliŋítas ká mɔnd uwaány dɛgáyɛ́n bɛnama bág.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце