Nzyeté Metwónò
Metwónò
Áa tsɛ̀ɛ Ŋwàʼne Ssé, lezíŋ ndùŋmvfò ŋwàʼne gwɔ́ lê «Nzyeté.» Púʼu ńtí nò gie áa tsoló, mé gɔɔn nò na nzyète njÿó, ńgɔɔn nò na nzyète nyìŋ mesoŋ, ńgíŋ ńgɔɔn nò na nzyète Ésàlayɛ.
Kèm 1–11: Áa tsɛ̀ɛ wɔɔn ndùŋmvfò tsěm, mé ne ńzɛ́te ngie: Ngwɔ́ pege júʼ yɔɔn njÿó gie pege ée tsoló lɔɔn lêkɔ́? Nyìŋ mesoŋ la fó na kɔ́? Ayé jʉʼ áa tsɛ̀ɛ njÿó ńgwɔ́ yɛ̌? Ńtí kɔ́ áa tsetsɛ̀ɛ pʉ̀a mesoŋ, lenéŋè mbòŋo ké ńgwá ńzág zág? Tà tsɔ́ mmó áa wó gie ńgwɔ́ pɔ́ gÿo, ńdɔg ńnéŋe mbòŋo? Wɔɔn ndùŋmvfò tsěm tsɛ̀ɛ Ŋwàʼne Nzyeté, à tsɔ́ʼɔ nò ńnáa na mɔɔn menò mie mé zɛ́te lɔɔn, é piŋ ńgwɔ́ menò mie mé ée ńzɔ́gɔ ńzɛ́te zɛté, mé gɔɔn nò páʼ: Anò lépwóon mámbàŋa pɔ́ manzwě (1–2); anò na lefege nyìŋ mesoŋ lâ Keleto (3); anò Kayiŋ pɔ́ Ábè (4); anò Nowa na fʉ̀ʼ gie ntse la pú ńkwɔ́ʼ ńjÿó jʉʼ (6–9); anò shʉ̀shʉ̀a ndá ndêg Mbabɛɛ (11). Mɔɔn menò ée páʼɔɔn, ngwɔ́ mé le lɔg fʉ̀ʼnjÿó pʉ̀a mesoŋ ńgɔɔn ngie, é lɔ́ɔn ńkwaʼa ńcʉate lyɛʼɛ́ kíkyè wɔ́.
Atsěm léfó na 12–50 laʼte páʼ e Ssé la cʉ́ʼʉ lénáa letsẅɛ́ mbwó pʉ̀a mesoŋ, ńtóŋ mendùŋmvfò pʉ̀a, é pamángʉanjʉʼ pʉ̀a Ésàlayɛ, ńdɔgɔ wɔ́b ńgÿo megàŋafàʼ pé. Mé gɔɔn pʉ̀a páʼ: Ábalam (kèm 12:1–25:18) mé fó na zẅíŋentʉ́m yé, pɔ́ we lejǔʼ ncwò Ssé, ńgyá á gwɔ́ nyìŋ gẅie mé gẅiin lépí fʉ̀ʼ na yé. Ésàg à laa míŋ we. Míŋ míŋ Ábalam lezíŋ sé ée lê Yakwɔ̂b (kèm 25:19–36:43), etsɔ́ lezíŋ sé la tó ńgíŋ ńgwɔ́ lê Ésàlayɛ. Yesyɛ̂b (kèm 37:1–50:26) aa tsɔ̌ tàʼ na penkʉ́ Yakwɔ̂b, ńgwɔ́ mángʉanjʉʼ mengẅɛ̀te mémbʉ́a, yé zɔɔ nyìŋ gẅie à la cʉate na yé tá Yakwɔ̂b pâ yetsɔ́ gubé yé, pâ metsìŋendá mɔ́b pú ńgʉa ńtsẅé ngwòŋ Egíbtò.
Aŋwàʼne nzyeté áa gie á vɔg mvfò, éshwóŋ pʉ̀a mmó gie Ssé la gÿo. Á gwaa zyete, ńnyɛ ngie Ssé la gÿo njÿó, á lɔgɔ púʼu ńdaʼte legúʼ we, á legúʼ gẅie mé ké ḿbú ńná pɔ́ né yé Ssé. Yɔɔn ŋwàʼne cʉ́ʼʉ lécʉ́me, ńgɔɔn nò na páʼ Ssé la kaʼ páʼ à ge ké ne líe pʉ̀a pé lǐe. Mé fó nzyète yɔɔn ŋwàʼne, ńgʉa ńkúu nzsoté, lelÿò menò ké ńtswéʼe pɔ́ na Ssé: à gÿo mé zsé yé, ńŋag pʉ̀a, ńtsyeen pʉ̀a pé ḿbiŋ ńkẅéte wɔ́b, ńgÿo mé gyá páʼ njÿó ne ńtɔ́gɔ, yé zɔ̌ ne ńtáŋte lenéŋè we pʉ̀a pé.
Ammó gie Ssé ne ńzẅíʼte mbwó nyìŋ mesoŋ, aa ndàʼ lézáb ntʉ́m na yé, ńkúʼte nò gie à la kaʼ, ńgiŋ páʼ à ne ńkwoŋo, á gwɔ́ létÿɔ́gɔ kwò na membʉ̌ mé.
Yɔɔn ŋwàʼne laʼte ntí gie pʉ̀a Ésàlayɛ lɔ́ɔn ńdɔgɔ ńnéŋe tàa fʉ̀ʼʉmvfò púʼu. Mé tóŋ ńjúʼ páʼ á la cʉa na páʼ pɔ́ záb ntʉ́m na Ssé, pɔ́ néŋe púʼu. Mé gíŋ ńjúʼ fʉ̀ʼ gie ńgwɔ́ mé pí tà pʉ̀a ké ńdáʼa síŋe wɔ́ɔ, ńzába ntʉ́m na Ssé zǎb páʼ pɔ́b.
Цяпер абрана:
Nzyeté Metwónò: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté Metwónò
Metwónò
Áa tsɛ̀ɛ Ŋwàʼne Ssé, lezíŋ ndùŋmvfò ŋwàʼne gwɔ́ lê «Nzyeté.» Púʼu ńtí nò gie áa tsoló, mé gɔɔn nò na nzyète njÿó, ńgɔɔn nò na nzyète nyìŋ mesoŋ, ńgíŋ ńgɔɔn nò na nzyète Ésàlayɛ.
Kèm 1–11: Áa tsɛ̀ɛ wɔɔn ndùŋmvfò tsěm, mé ne ńzɛ́te ngie: Ngwɔ́ pege júʼ yɔɔn njÿó gie pege ée tsoló lɔɔn lêkɔ́? Nyìŋ mesoŋ la fó na kɔ́? Ayé jʉʼ áa tsɛ̀ɛ njÿó ńgwɔ́ yɛ̌? Ńtí kɔ́ áa tsetsɛ̀ɛ pʉ̀a mesoŋ, lenéŋè mbòŋo ké ńgwá ńzág zág? Tà tsɔ́ mmó áa wó gie ńgwɔ́ pɔ́ gÿo, ńdɔg ńnéŋe mbòŋo? Wɔɔn ndùŋmvfò tsěm tsɛ̀ɛ Ŋwàʼne Nzyeté, à tsɔ́ʼɔ nò ńnáa na mɔɔn menò mie mé zɛ́te lɔɔn, é piŋ ńgwɔ́ menò mie mé ée ńzɔ́gɔ ńzɛ́te zɛté, mé gɔɔn nò páʼ: Anò lépwóon mámbàŋa pɔ́ manzwě (1–2); anò na lefege nyìŋ mesoŋ lâ Keleto (3); anò Kayiŋ pɔ́ Ábè (4); anò Nowa na fʉ̀ʼ gie ntse la pú ńkwɔ́ʼ ńjÿó jʉʼ (6–9); anò shʉ̀shʉ̀a ndá ndêg Mbabɛɛ (11). Mɔɔn menò ée páʼɔɔn, ngwɔ́ mé le lɔg fʉ̀ʼnjÿó pʉ̀a mesoŋ ńgɔɔn ngie, é lɔ́ɔn ńkwaʼa ńcʉate lyɛʼɛ́ kíkyè wɔ́.
Atsěm léfó na 12–50 laʼte páʼ e Ssé la cʉ́ʼʉ lénáa letsẅɛ́ mbwó pʉ̀a mesoŋ, ńtóŋ mendùŋmvfò pʉ̀a, é pamángʉanjʉʼ pʉ̀a Ésàlayɛ, ńdɔgɔ wɔ́b ńgÿo megàŋafàʼ pé. Mé gɔɔn pʉ̀a páʼ: Ábalam (kèm 12:1–25:18) mé fó na zẅíŋentʉ́m yé, pɔ́ we lejǔʼ ncwò Ssé, ńgyá á gwɔ́ nyìŋ gẅie mé gẅiin lépí fʉ̀ʼ na yé. Ésàg à laa míŋ we. Míŋ míŋ Ábalam lezíŋ sé ée lê Yakwɔ̂b (kèm 25:19–36:43), etsɔ́ lezíŋ sé la tó ńgíŋ ńgwɔ́ lê Ésàlayɛ. Yesyɛ̂b (kèm 37:1–50:26) aa tsɔ̌ tàʼ na penkʉ́ Yakwɔ̂b, ńgwɔ́ mángʉanjʉʼ mengẅɛ̀te mémbʉ́a, yé zɔɔ nyìŋ gẅie à la cʉate na yé tá Yakwɔ̂b pâ yetsɔ́ gubé yé, pâ metsìŋendá mɔ́b pú ńgʉa ńtsẅé ngwòŋ Egíbtò.
Aŋwàʼne nzyeté áa gie á vɔg mvfò, éshwóŋ pʉ̀a mmó gie Ssé la gÿo. Á gwaa zyete, ńnyɛ ngie Ssé la gÿo njÿó, á lɔgɔ púʼu ńdaʼte legúʼ we, á legúʼ gẅie mé ké ḿbú ńná pɔ́ né yé Ssé. Yɔɔn ŋwàʼne cʉ́ʼʉ lécʉ́me, ńgɔɔn nò na páʼ Ssé la kaʼ páʼ à ge ké ne líe pʉ̀a pé lǐe. Mé fó nzyète yɔɔn ŋwàʼne, ńgʉa ńkúu nzsoté, lelÿò menò ké ńtswéʼe pɔ́ na Ssé: à gÿo mé zsé yé, ńŋag pʉ̀a, ńtsyeen pʉ̀a pé ḿbiŋ ńkẅéte wɔ́b, ńgÿo mé gyá páʼ njÿó ne ńtɔ́gɔ, yé zɔ̌ ne ńtáŋte lenéŋè we pʉ̀a pé.
Ammó gie Ssé ne ńzẅíʼte mbwó nyìŋ mesoŋ, aa ndàʼ lézáb ntʉ́m na yé, ńkúʼte nò gie à la kaʼ, ńgiŋ páʼ à ne ńkwoŋo, á gwɔ́ létÿɔ́gɔ kwò na membʉ̌ mé.
Yɔɔn ŋwàʼne laʼte ntí gie pʉ̀a Ésàlayɛ lɔ́ɔn ńdɔgɔ ńnéŋe tàa fʉ̀ʼʉmvfò púʼu. Mé tóŋ ńjúʼ páʼ á la cʉa na páʼ pɔ́ záb ntʉ́m na Ssé, pɔ́ néŋe púʼu. Mé gíŋ ńjúʼ fʉ̀ʼ gie ńgwɔ́ mé pí tà pʉ̀a ké ńdáʼa síŋe wɔ́ɔ, ńzába ntʉ́m na Ssé zǎb páʼ pɔ́b.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL