ရှင်လုကာ 13
13
အခန်း (၁၃)
နောင်တသံဝေဂရကတ်ပါ
1ယင်းအချိန်မာ တချို့လူတိဟာ ကိုယ်တော်ယေရှုပါးကိုလာပနာ ကောင်းမကြာရေအချိန်က ပိလတ်ဘုရင်ခံဟာ ဘုရားရှင်ကို ပူဇော်ပသမှုတိလုပ်နီရေ ဂါလိလဲပြည်သားတချို့ကို စစ်သည်တိစီလွှတ်ပနာ သတ်စီခကြောင်း လျှောက်တင်ကတ်တေ။ 2ယေခါ ကိုယ်တော်က “ယင်းလူတိဟာ အရာဂါလိလဲပြည်သားတိထက် ပိုလို့ အပြစ်ဒုစရိုက်ကြီးတဲ့အတွက် ဒေပိုင်မျိုး ဖြိုက်တေလို့ မတ်ရို့ထင်လား။ 3ယင်းပိုင်ကားမဟုတ်။ မတ်ရို့ကိုငါပြောမေ။ မတ်ရို့အားလုံး အပြစ်ဒုစရိုက်ကနီ နောင်တသံဝေဂမရကတ်ဆိုကေ ယင်းပိုင်ပျက်စီးကတ်ရလိမ့်မယ်။ 4ရှိလောင်မျှော်စင်#13:4 ရှိလောင်မျှော်စင် ရှိလောင်မျှော်စင်ဟာ ဂျေရုဆလင်မြို့ပြင်မှာ ဟိရေ ရီကန်အနားမှာ တည်ဆောက်ထားရေ မျှော်စင်။ ပြိုကျရေခါ လူဆယ့်ရှစ်ယောက်ဟာ ပိမိပနာ သီလားကတ်တေ။ ယင်းလူတိဟာ အရာဂျေရုဆလင်မြို့သူမြို့သားတိထက် ပိုလို့ အပြစ်ဒုစရိုက်ကျူးလွန်ရေလူတိလို့ အသင်ရို့ ထင်နီကတ်လား။ 5ယင်းပိုင် မဟုတ်။ ယေတာလဲ မတ်ရို့ အားလုံးကို ငါပြောမေ။ မတ်ရို့ ဟာ အပြစ်ဒုစရိုက်တိကနီ နောင်တသံဝေဂ မရကေ ယင်းလူတိပိုင်မျိုး သီကတ်ပျက်စီးကတ်ရလိမ့်မယ်” လို့ မိန့်တော်မူလိုက်တေ။
အသီးမသီးရေသဖန်းပင်
6ယပြီးကေ ကိုယ်တော်က တပည့်တော်တိကို ပုံဥပမာနဲ့ မိန့်တော်မူခဟာက “လူတစ်ယောက်ဟာ သူ့ရဲ့စပျိုက်ခြံမာ သဖန်းပင်တစ်ပင်ကို စိုက်ထားရေ။ ယပြီးကေ သူဟာ သဖန်းသီးလိုချင်လို့လာကေ့ခါ အသီးတိကိုမတွိ့ခ။ 7ယင်းဟာကြောင့် သူက ဥယျာဉ်မှူးကိုခေါ်ပနာ ‘ဒေသဖန်းပင်မာ သဖန်းသီးသီးဖို့ထင်လို့စောင့်နီခဟာ သုံးနှစ်တောင်ဟိယာ။ တစ်ခုသဖန်းသီးလဲ မတွိ့ရ။ ဒေအပင်ဟာ အကျိုးမဟိဘဲမြီနီရာ ယူထားရေအတွက် ခွတ်ပလိုက်ဖိ’ လို့ ပြောခရေ။ 8ယေတာလဲ ဥယျာဉ်မှူးက ‘ဒေအပင်ကို အရာတစ်နှစ်လောက် ထားအုံးပလတ်။ ဒေအပင် တဝိုက်က မြီကြီးကို ငါတူးပနာ မြီဩဇာ ထည့်ကေ့လိုက်အုံးမေ။ 9ယင်းပိုင်ဆိုကေ နောက်တစ်နှစ်ခါ အသီး သီးချင်သီးဖို့။ အမှန်လို့ အသီးသီးမလာကေ ခွတ်ပစ်လိုက်ပါမေ’ လို့ ပြန်ပြောလိုက်တေ” လို့မိန့်ဆိုခရေ။
မမါ့တစ်ယောက်ကို ဥပုသ်နိန့်မာ ကုသပီးခြင်း
10ဥပုသ်နိန့်တစ်ရက်မာ ကိုယ်တော်ဟာ ဓမ္မာရုံတစ်ခုမာ ဟောပြောသွန်သင်လို့ဟိနီခရေ။ 11ယင်းနီရာမာ မကောင်းဆိုးဝါး အပြုခံရလို့ ဆယ့်ရှစ်နှစ်လောက် မကျန်းမာတဲ့မမါ့တစ်ယောက်ဟိနီခရေ။ ယင်းမမါ့ဟာ ခါးကုန်းနီပနာ တတည့်မရပ်နိုင်ပါ။ 12ကိုယ်တော်ဟာ ယင်းမမါ့ကိုတွိ့ရေခါ သူမကို လှမ်းခေါ်လိုက်ပနာ “အမကြီး၊ အသင်အခုကစလို့ အကောင်းပကတိ ဖြိုက်ယာ” လို့မိန့်တော်မူပြီးကေ 13ယင်းမမါ့ကို သူ့လက်တော်နဲ့ ထိတော်မူလိုက်တေအခါ သူမရဲ့ခါးဟာ ချက်ချင်းစန့်လားဟာကြောင့် ဘုရားရှင်ကို ချီးမွမ်းခရေ။ 14ယေတာလဲသို့ ဥပုသ်နိန့်မာ ကိုယ်တော်ယေရှုက အနာရာဂါကို ပျောက်ကင်းစီဟာကြောင့် ဓမ္မာရုံတာဝန်ခံယောက်ျားဟာ ဒေါသထွက်နီရေ။ ယင်းဟာကြောင့် သူက လူတိကို “အလုပ်လုပ်ခွင့်ဟိရေရက် ခြောက်ရက်ဟိရေ။ ယင်းနိန့်မာရာ အနာရောဂါပျောက်ကင်းစီဖို့ လာလို့ ကုသခံကတ်ပါ။ ဥပုသ်နိန့်မာ မလာကတ်ကေ့” လို့ပြောလိုက်တေ။ 15ယင်းခါ ကိုယ်တော်က “သူတော်ကောင်းယောင်ဆောင်ရေလူတိ၊ ဥပုသ်နိန့်မာ မတ်ရို့ရဲ့ မြည်းတိ၊ နွားတိကို တင်းဂုတ်ထဲက လွှတ်ပနာ ရီတိုက်ဖို့ခေါ်ကတ်တေမဟုတ်လား။ 16ယင်းပိုင်ဆိုကေ ဆယ့်ရှစ်နှစ်လုံးလုံး မကောင်းဆိုးဝါးပြုစားခံရရေ အာဗြဟံရဲ့ သမီးဖြိုက်တေ ဒေမမါ့ကို ဥပုသ်နိန့်မာ လွှတ်ပီးသင့်ရေမဟုတ်လား” လို့မိန့်တော်မူခရေ။ 17ကိုယ်တော်မိန့်ဆိုခဟာတိက ကိုယ်တော်ကိုရန်ရှာနီရေလူတိကို အရှက်ရစီခရေ။ ယေတာလဲ အရာလူထုပရိတ်သတ်တိအားလုံးကကျကေ ကိုယ်တော်ပြုတော်မူခရေ အံ့ဖွယ်အမှုကိစ္စတိကို ဝမ်းသာကတ်တေ။
မုန်ညင်းစိနဲ့တဆီးပုံဥပမာ
(ရှင်မဿဲ ၁၃:၃၁-၃၂။ ရှင်မာကု ၄:၃၀-၃၂)
18ယင်းနောက် ကိုယ်တော်က “ဘုရားရှင်ရဲ့သာသနာဟာ အဇာနဲ့တူရောင်။ ယင်းဟာကို အဇာနဲ့ နှိုင်းပြရဖို့ရောင်ဆိုကေ 19ယင်းဟာက မုန်ညင်းစိနဲ့တူရေ#13:19 ဂျူးလူမျိုးတိအတွက် မုန်ညင်းစိဆိုဟာက ကောင်းငယ်တဲ့ အရာတစ်ခုခုကို ရည်ညွှန်းပါရေ။ ယကေလဲ ဂျူးလူမျိုးတိရဲ့နိုင်ငံမာ မုန်ညင်းစိ အပင်ပေါက်လာတဲ့အခါ ၉ ပေလောက် ကြီးကတ်ပါရေ။။ လူတစ်ယောက်ဟာ အစိကို ယူလာပနာ ဥယျာဉ်ထဲမာ စိုက်ထားရေ။ ယင်းအစိဟာ အကိုင်းအလက်တိနဲ့ ပြည့်စုံရေအပင် ဖြိုက်လာပနာ ငှက်တိ အသိုက်ဆောက်လို့ နီနိုင်ရေ”#13:19 ဒေစာပိုဒ်က ကိုယ်တော်ကို ယုံကြည်ပြီးကေ နှိမ့်ချတဲ့စိတ်နှလုံးဟိတဲ့လူက တပည့်တော်တိအများကြီး တိုးပွားအောင်လုပ်နိုင်ဟာကို ဆိုလိုပါရေ။ လို့မိန့်တော်မူရေ။
20နောက်ထပ် ကိုယ်တော်က “ဘုရားရှင်ရဲ့သာသနာတော်ကို အရာအဇာနဲ့ ထပ်ပနာနှိုင်းပြရဖို့ရောင်ဆိုကေ 21ယင်းဟာဟာ တဆီးနဲ့ တူရေ။ မမါ့တစ်ယောက်ဟာ တဆီးစကေချေကို ယူလာပနာ ဂျုံမှုန့် သုံးပုံစာထဲမာ ရောထည့်လိုက်ခါ မုန့်တိကိုဖောင်းပွလားစီရေ” လို့မိန့်တော်မူရေ။
ကျဉ်းမြောင်းရေတံခါး
(ရှင်မဿဲ ၇:၁၃-၁၄၊ ၂၁-၂၃)
22ယပြီးဟာနဲ့ ကိုယ်တော်ဟာ လမ်းခရီး တစ်လျှောက်မာဟိရေ မြို့ရွာတိက လူပရိတ်သတ်တိကို ဟောပြောသွန်သင်ပနာ ဂျေရုဆလင်မြို့ကိုကြွတော်မူရေ။ 23လူတစ်ယောက်က ကိုယ်တော်ကို “အရှင်၊ လူအနည်းချေရာ ကယ်တင်ခံရဖို့လား” လို့မီးလျှောက်လိုက်တေ။ 24ယင်းခါ ကိုယ်တော်က “မတ်ရို့ဟာ တံခါးပေါက် အကျဉ်းချေကို ဝင်လို့ရအောင် အစွမ်းကုန် ကြိုးစားကတ်။ မတ်ရို့ကိုငါပြောမေ။ ယင်းတံခါးပေါက်ကို လူတိအများကြီး ဝင်ဖို့ကြိုးစားကတ်ကေလည်း ဝင်လို့ရကတ်ဖို့မဟုတ်။ 25အိမ်ရှင်က ထလာပနာတံခါး ပိတ်လိုက်ကေ မတ်ရို့ ဟာ အပြင်မာမတ်တပ်ရပ်ပနာ ‘အရှင်၊ တံခါး ဖွင့်ပီးပါ’ လို့ပြောကတ်ရလိမ့်မယ်။ ယေတာလဲ အိမ်ရှင်က ‘မတ်ရို့ အဇာအရပ်ကလာမှန်းတောင် ငါမသိ’ လို့ပြန်ပြောလိမ့်မယ်။ 26ယင်းခါ အသင်ရို့က ‘ကျွန်နော်ရို့ဟာ အရှင်နဲ့တတူတူ စားသောက်ဖူးပါရေ။ အရှင်ဟာ ကျွန်နော်ရို့နီထိုင်ရေ မြို့တိရွာတိရဲ့လမ်းတိမာလည်း ကျွန်တော်ရို့ကို ဟောပြောသွန်သင်ဖူးခပါရေ’ လို့ပြောပြကေလည်း 27သူက ‘မတ်ရို့ကို ငါပြောမေ။ မတ်ရို့ အဇာအရပ်ကလာရေလို့တောင်ငါမသိ။ ဆိုးမိုက်ရေလူတိ၊ ငါ့ပါးကထွက်လားကတ်’ လို့ပြောလိမ့်မယ်။ 28ယင်းအခါမာ အာဗြဟံ#13:28 အာဗြဟံ အာဗြဟံရဲ့ မူရင်းနာမေက အာဗြံဖြိုက်ပနာ လူမျိုးအပေါင်းတိရဲ့ အဖိုးအဖီးဖြိုက်တေ။၊ ဣဇက်၊ ယာကုပ်နဲ့ အရာပရောဖက်တိကို ဘုရားရှင်ရဲ့သာသနာတော်ထဲမာ တွိ့ရပြီးကေ မတ်ရို့ကျကေ အပြင်ကို နှင်ထုတ်ခံရဟာကြောင့် မတ်ရို့ဟာ ဝမ်းနည်းပနာ အံကြိတ်ပြီးကေငိုကတ်ရလိမ့်မယ်။ 29အရှေ့၊ အနောက်၊ တောင်၊ မြောက် အရပ်တိုင်းက လူတိဟာ ဘုရားရှင်ရဲ့သာသနာတော်ထဲမာ အတူတူထိုင်ပနာ အကောင်းဆုံးအရာတိကို စားသောက်ကတ်ရလိမ့်မယ်။ 30အဂုချိန်မာ နောက်ဆုံးကိုရောက်နီရေ လူတိဟာ ရှေ့ဆုံးကိုရောက်ကတ်ပနာ အဂုအချိန်မာ ရှေ့ဆုံးကိုရောက်နီတဲ့လူတိဟာ နောက်ဆုံးကို ရောက်ကတ်လိမ့်မယ်” လို့မိန့်တော်မူရေ။
ကိုယ်တော်ယေရှုနဲ့ဟေရုဒ်
(ရှင်မဿဲ ၂၃:၃၇-၃၉)
31ယင်းအချိန်ခါ ကိုယ်တော်ယေရှုပါးကို ဖာရိရှဲတချို့ ရောက်လာကတ်ပနာ “အုပ်ချုပ်သူဟေရုဒ်ဟာ အသင့်ကို သတ်ဖို့လိုက်ရှာနီဟာကြောင့် ဒေအရပ်ကနီ အဝီးတနီရာကို ထွက်လားပါ” လို့လျှောက်ကတ်တေ။ 32ယင်းခါ ကိုယ်တော်က သူရို့ကို “ယင်းကောက်ကျစ်ယုတ်ညံ့ရေ မြီခွီးနဲ့တူတဲ့အကောင်ကို လားပြောလိုက်။ ငါဟာ ဒေနိန့် နဲ့ နက်ဖန်ခါ မကောင်းဆိုးဝါးတိကို နှင်ထုတ်ပနာ နီမကောင်းရေလူတိကို ကျန်းမာအောင်လုပ်ဖို့သိမ်း။ သုံးရက်မြောက်တေနိန့်မာ ငါ့တာဝန်တိကို ပြီးမြောက်စီဖို့။ 33ယေတာလဲ ပရောဖက်တိဟာ ဂျေရုဆလင်မြို့ကလွဲပနာ အရာအရပ်မာ မသီရဟာကြောင့် ငါဟာ ဒေနိန့်၊ နက်ဖန် ပြီးကေ သန်ဘက်နိန့်အထိ ဂျေရုဆလင်မြို့ထဲမာ ငါဆက်လားနီရဖို့သိမ်း” လို့မိန့်တော်မူရေ။
ဂျေရုဆလင်မြို့အတွက် ကြီကွဲငိုကြွီးတော်မူခြင်း
34ယပြီးကေ ကိုယ်တော်က “အို ဂျေရုဆလင်မြို့သားတိ၊ ဂျေရုဆလင်မြို့သားတိ၊ ငါဟာ အသင်ရို့အတွက် အလွန်တရာဝမ်းနည်းပူဆွေးရရေ။ အသင်ရို့မြို့သူမြို့သားတိဟာ ပရောဖက်တိကို အကြိမ်ကြိမ်သတ်ခကတ်တေ။ အသင်ရို့ပါးကို ဘုရားရှင်ကစီလွှတ်တေ စေတမန်တိကို ကျောက်ခဲနဲ့ပေါက်ခရေ။ ကြက်မဟာ သူ့ကြက်ချေတိကို အတောင်အောက်မာ အုပ်ပနာ စောင့်ရှောက်ထားဟာပိုင်မျိုး ငါဟာလည်း အသင့်ရဲ့ မြို့သူမြို့သားတိကို ရင်အုပ်မကွာစောင့်ရှောက်ချင်လို့ အကြိမ်ကြိမ်ကြိုးစားခတာလဲ အသင်ရို့ဟာ ခွင့်မပြုကတ်။ 35ယင်းကြောင့် အသင်ရို့ရဲ့ ဗိမာန်တော်ဟာ စွန့်ပစ်ခြင်းကို ခံရလိမ့်မယ်။ အသင်ရို့ဟာ ‘ဘုရားရှင်ရဲ့အခွင့်အာဏာနဲ့ ကြွလာရေလူဟာ မင်္ဂလာဟိပါရေ’ လို့မပြောမချင်း အဂုကစပနာ မတ်ရို့ငါ့ကို နောက်တစ်ခေါက် မြင်တွိ့ကတ်ရဖို့မဟုတ်ရာ” လို့မိန့်တော်မူလိုက်တေ။
Цяпер абрана:
ရှင်လုကာ 13: RKI
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Yangbye (တောင်ပိုင်းရခိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 13
13
အခန်း (၁၃)
နောင်တသံဝေဂရကတ်ပါ
1ယင်းအချိန်မာ တချို့လူတိဟာ ကိုယ်တော်ယေရှုပါးကိုလာပနာ ကောင်းမကြာရေအချိန်က ပိလတ်ဘုရင်ခံဟာ ဘုရားရှင်ကို ပူဇော်ပသမှုတိလုပ်နီရေ ဂါလိလဲပြည်သားတချို့ကို စစ်သည်တိစီလွှတ်ပနာ သတ်စီခကြောင်း လျှောက်တင်ကတ်တေ။ 2ယေခါ ကိုယ်တော်က “ယင်းလူတိဟာ အရာဂါလိလဲပြည်သားတိထက် ပိုလို့ အပြစ်ဒုစရိုက်ကြီးတဲ့အတွက် ဒေပိုင်မျိုး ဖြိုက်တေလို့ မတ်ရို့ထင်လား။ 3ယင်းပိုင်ကားမဟုတ်။ မတ်ရို့ကိုငါပြောမေ။ မတ်ရို့အားလုံး အပြစ်ဒုစရိုက်ကနီ နောင်တသံဝေဂမရကတ်ဆိုကေ ယင်းပိုင်ပျက်စီးကတ်ရလိမ့်မယ်။ 4ရှိလောင်မျှော်စင်#13:4 ရှိလောင်မျှော်စင် ရှိလောင်မျှော်စင်ဟာ ဂျေရုဆလင်မြို့ပြင်မှာ ဟိရေ ရီကန်အနားမှာ တည်ဆောက်ထားရေ မျှော်စင်။ ပြိုကျရေခါ လူဆယ့်ရှစ်ယောက်ဟာ ပိမိပနာ သီလားကတ်တေ။ ယင်းလူတိဟာ အရာဂျေရုဆလင်မြို့သူမြို့သားတိထက် ပိုလို့ အပြစ်ဒုစရိုက်ကျူးလွန်ရေလူတိလို့ အသင်ရို့ ထင်နီကတ်လား။ 5ယင်းပိုင် မဟုတ်။ ယေတာလဲ မတ်ရို့ အားလုံးကို ငါပြောမေ။ မတ်ရို့ ဟာ အပြစ်ဒုစရိုက်တိကနီ နောင်တသံဝေဂ မရကေ ယင်းလူတိပိုင်မျိုး သီကတ်ပျက်စီးကတ်ရလိမ့်မယ်” လို့ မိန့်တော်မူလိုက်တေ။
အသီးမသီးရေသဖန်းပင်
6ယပြီးကေ ကိုယ်တော်က တပည့်တော်တိကို ပုံဥပမာနဲ့ မိန့်တော်မူခဟာက “လူတစ်ယောက်ဟာ သူ့ရဲ့စပျိုက်ခြံမာ သဖန်းပင်တစ်ပင်ကို စိုက်ထားရေ။ ယပြီးကေ သူဟာ သဖန်းသီးလိုချင်လို့လာကေ့ခါ အသီးတိကိုမတွိ့ခ။ 7ယင်းဟာကြောင့် သူက ဥယျာဉ်မှူးကိုခေါ်ပနာ ‘ဒေသဖန်းပင်မာ သဖန်းသီးသီးဖို့ထင်လို့စောင့်နီခဟာ သုံးနှစ်တောင်ဟိယာ။ တစ်ခုသဖန်းသီးလဲ မတွိ့ရ။ ဒေအပင်ဟာ အကျိုးမဟိဘဲမြီနီရာ ယူထားရေအတွက် ခွတ်ပလိုက်ဖိ’ လို့ ပြောခရေ။ 8ယေတာလဲ ဥယျာဉ်မှူးက ‘ဒေအပင်ကို အရာတစ်နှစ်လောက် ထားအုံးပလတ်။ ဒေအပင် တဝိုက်က မြီကြီးကို ငါတူးပနာ မြီဩဇာ ထည့်ကေ့လိုက်အုံးမေ။ 9ယင်းပိုင်ဆိုကေ နောက်တစ်နှစ်ခါ အသီး သီးချင်သီးဖို့။ အမှန်လို့ အသီးသီးမလာကေ ခွတ်ပစ်လိုက်ပါမေ’ လို့ ပြန်ပြောလိုက်တေ” လို့မိန့်ဆိုခရေ။
မမါ့တစ်ယောက်ကို ဥပုသ်နိန့်မာ ကုသပီးခြင်း
10ဥပုသ်နိန့်တစ်ရက်မာ ကိုယ်တော်ဟာ ဓမ္မာရုံတစ်ခုမာ ဟောပြောသွန်သင်လို့ဟိနီခရေ။ 11ယင်းနီရာမာ မကောင်းဆိုးဝါး အပြုခံရလို့ ဆယ့်ရှစ်နှစ်လောက် မကျန်းမာတဲ့မမါ့တစ်ယောက်ဟိနီခရေ။ ယင်းမမါ့ဟာ ခါးကုန်းနီပနာ တတည့်မရပ်နိုင်ပါ။ 12ကိုယ်တော်ဟာ ယင်းမမါ့ကိုတွိ့ရေခါ သူမကို လှမ်းခေါ်လိုက်ပနာ “အမကြီး၊ အသင်အခုကစလို့ အကောင်းပကတိ ဖြိုက်ယာ” လို့မိန့်တော်မူပြီးကေ 13ယင်းမမါ့ကို သူ့လက်တော်နဲ့ ထိတော်မူလိုက်တေအခါ သူမရဲ့ခါးဟာ ချက်ချင်းစန့်လားဟာကြောင့် ဘုရားရှင်ကို ချီးမွမ်းခရေ။ 14ယေတာလဲသို့ ဥပုသ်နိန့်မာ ကိုယ်တော်ယေရှုက အနာရာဂါကို ပျောက်ကင်းစီဟာကြောင့် ဓမ္မာရုံတာဝန်ခံယောက်ျားဟာ ဒေါသထွက်နီရေ။ ယင်းဟာကြောင့် သူက လူတိကို “အလုပ်လုပ်ခွင့်ဟိရေရက် ခြောက်ရက်ဟိရေ။ ယင်းနိန့်မာရာ အနာရောဂါပျောက်ကင်းစီဖို့ လာလို့ ကုသခံကတ်ပါ။ ဥပုသ်နိန့်မာ မလာကတ်ကေ့” လို့ပြောလိုက်တေ။ 15ယင်းခါ ကိုယ်တော်က “သူတော်ကောင်းယောင်ဆောင်ရေလူတိ၊ ဥပုသ်နိန့်မာ မတ်ရို့ရဲ့ မြည်းတိ၊ နွားတိကို တင်းဂုတ်ထဲက လွှတ်ပနာ ရီတိုက်ဖို့ခေါ်ကတ်တေမဟုတ်လား။ 16ယင်းပိုင်ဆိုကေ ဆယ့်ရှစ်နှစ်လုံးလုံး မကောင်းဆိုးဝါးပြုစားခံရရေ အာဗြဟံရဲ့ သမီးဖြိုက်တေ ဒေမမါ့ကို ဥပုသ်နိန့်မာ လွှတ်ပီးသင့်ရေမဟုတ်လား” လို့မိန့်တော်မူခရေ။ 17ကိုယ်တော်မိန့်ဆိုခဟာတိက ကိုယ်တော်ကိုရန်ရှာနီရေလူတိကို အရှက်ရစီခရေ။ ယေတာလဲ အရာလူထုပရိတ်သတ်တိအားလုံးကကျကေ ကိုယ်တော်ပြုတော်မူခရေ အံ့ဖွယ်အမှုကိစ္စတိကို ဝမ်းသာကတ်တေ။
မုန်ညင်းစိနဲ့တဆီးပုံဥပမာ
(ရှင်မဿဲ ၁၃:၃၁-၃၂။ ရှင်မာကု ၄:၃၀-၃၂)
18ယင်းနောက် ကိုယ်တော်က “ဘုရားရှင်ရဲ့သာသနာဟာ အဇာနဲ့တူရောင်။ ယင်းဟာကို အဇာနဲ့ နှိုင်းပြရဖို့ရောင်ဆိုကေ 19ယင်းဟာက မုန်ညင်းစိနဲ့တူရေ#13:19 ဂျူးလူမျိုးတိအတွက် မုန်ညင်းစိဆိုဟာက ကောင်းငယ်တဲ့ အရာတစ်ခုခုကို ရည်ညွှန်းပါရေ။ ယကေလဲ ဂျူးလူမျိုးတိရဲ့နိုင်ငံမာ မုန်ညင်းစိ အပင်ပေါက်လာတဲ့အခါ ၉ ပေလောက် ကြီးကတ်ပါရေ။။ လူတစ်ယောက်ဟာ အစိကို ယူလာပနာ ဥယျာဉ်ထဲမာ စိုက်ထားရေ။ ယင်းအစိဟာ အကိုင်းအလက်တိနဲ့ ပြည့်စုံရေအပင် ဖြိုက်လာပနာ ငှက်တိ အသိုက်ဆောက်လို့ နီနိုင်ရေ”#13:19 ဒေစာပိုဒ်က ကိုယ်တော်ကို ယုံကြည်ပြီးကေ နှိမ့်ချတဲ့စိတ်နှလုံးဟိတဲ့လူက တပည့်တော်တိအများကြီး တိုးပွားအောင်လုပ်နိုင်ဟာကို ဆိုလိုပါရေ။ လို့မိန့်တော်မူရေ။
20နောက်ထပ် ကိုယ်တော်က “ဘုရားရှင်ရဲ့သာသနာတော်ကို အရာအဇာနဲ့ ထပ်ပနာနှိုင်းပြရဖို့ရောင်ဆိုကေ 21ယင်းဟာဟာ တဆီးနဲ့ တူရေ။ မမါ့တစ်ယောက်ဟာ တဆီးစကေချေကို ယူလာပနာ ဂျုံမှုန့် သုံးပုံစာထဲမာ ရောထည့်လိုက်ခါ မုန့်တိကိုဖောင်းပွလားစီရေ” လို့မိန့်တော်မူရေ။
ကျဉ်းမြောင်းရေတံခါး
(ရှင်မဿဲ ၇:၁၃-၁၄၊ ၂၁-၂၃)
22ယပြီးဟာနဲ့ ကိုယ်တော်ဟာ လမ်းခရီး တစ်လျှောက်မာဟိရေ မြို့ရွာတိက လူပရိတ်သတ်တိကို ဟောပြောသွန်သင်ပနာ ဂျေရုဆလင်မြို့ကိုကြွတော်မူရေ။ 23လူတစ်ယောက်က ကိုယ်တော်ကို “အရှင်၊ လူအနည်းချေရာ ကယ်တင်ခံရဖို့လား” လို့မီးလျှောက်လိုက်တေ။ 24ယင်းခါ ကိုယ်တော်က “မတ်ရို့ဟာ တံခါးပေါက် အကျဉ်းချေကို ဝင်လို့ရအောင် အစွမ်းကုန် ကြိုးစားကတ်။ မတ်ရို့ကိုငါပြောမေ။ ယင်းတံခါးပေါက်ကို လူတိအများကြီး ဝင်ဖို့ကြိုးစားကတ်ကေလည်း ဝင်လို့ရကတ်ဖို့မဟုတ်။ 25အိမ်ရှင်က ထလာပနာတံခါး ပိတ်လိုက်ကေ မတ်ရို့ ဟာ အပြင်မာမတ်တပ်ရပ်ပနာ ‘အရှင်၊ တံခါး ဖွင့်ပီးပါ’ လို့ပြောကတ်ရလိမ့်မယ်။ ယေတာလဲ အိမ်ရှင်က ‘မတ်ရို့ အဇာအရပ်ကလာမှန်းတောင် ငါမသိ’ လို့ပြန်ပြောလိမ့်မယ်။ 26ယင်းခါ အသင်ရို့က ‘ကျွန်နော်ရို့ဟာ အရှင်နဲ့တတူတူ စားသောက်ဖူးပါရေ။ အရှင်ဟာ ကျွန်နော်ရို့နီထိုင်ရေ မြို့တိရွာတိရဲ့လမ်းတိမာလည်း ကျွန်တော်ရို့ကို ဟောပြောသွန်သင်ဖူးခပါရေ’ လို့ပြောပြကေလည်း 27သူက ‘မတ်ရို့ကို ငါပြောမေ။ မတ်ရို့ အဇာအရပ်ကလာရေလို့တောင်ငါမသိ။ ဆိုးမိုက်ရေလူတိ၊ ငါ့ပါးကထွက်လားကတ်’ လို့ပြောလိမ့်မယ်။ 28ယင်းအခါမာ အာဗြဟံ#13:28 အာဗြဟံ အာဗြဟံရဲ့ မူရင်းနာမေက အာဗြံဖြိုက်ပနာ လူမျိုးအပေါင်းတိရဲ့ အဖိုးအဖီးဖြိုက်တေ။၊ ဣဇက်၊ ယာကုပ်နဲ့ အရာပရောဖက်တိကို ဘုရားရှင်ရဲ့သာသနာတော်ထဲမာ တွိ့ရပြီးကေ မတ်ရို့ကျကေ အပြင်ကို နှင်ထုတ်ခံရဟာကြောင့် မတ်ရို့ဟာ ဝမ်းနည်းပနာ အံကြိတ်ပြီးကေငိုကတ်ရလိမ့်မယ်။ 29အရှေ့၊ အနောက်၊ တောင်၊ မြောက် အရပ်တိုင်းက လူတိဟာ ဘုရားရှင်ရဲ့သာသနာတော်ထဲမာ အတူတူထိုင်ပနာ အကောင်းဆုံးအရာတိကို စားသောက်ကတ်ရလိမ့်မယ်။ 30အဂုချိန်မာ နောက်ဆုံးကိုရောက်နီရေ လူတိဟာ ရှေ့ဆုံးကိုရောက်ကတ်ပနာ အဂုအချိန်မာ ရှေ့ဆုံးကိုရောက်နီတဲ့လူတိဟာ နောက်ဆုံးကို ရောက်ကတ်လိမ့်မယ်” လို့မိန့်တော်မူရေ။
ကိုယ်တော်ယေရှုနဲ့ဟေရုဒ်
(ရှင်မဿဲ ၂၃:၃၇-၃၉)
31ယင်းအချိန်ခါ ကိုယ်တော်ယေရှုပါးကို ဖာရိရှဲတချို့ ရောက်လာကတ်ပနာ “အုပ်ချုပ်သူဟေရုဒ်ဟာ အသင့်ကို သတ်ဖို့လိုက်ရှာနီဟာကြောင့် ဒေအရပ်ကနီ အဝီးတနီရာကို ထွက်လားပါ” လို့လျှောက်ကတ်တေ။ 32ယင်းခါ ကိုယ်တော်က သူရို့ကို “ယင်းကောက်ကျစ်ယုတ်ညံ့ရေ မြီခွီးနဲ့တူတဲ့အကောင်ကို လားပြောလိုက်။ ငါဟာ ဒေနိန့် နဲ့ နက်ဖန်ခါ မကောင်းဆိုးဝါးတိကို နှင်ထုတ်ပနာ နီမကောင်းရေလူတိကို ကျန်းမာအောင်လုပ်ဖို့သိမ်း။ သုံးရက်မြောက်တေနိန့်မာ ငါ့တာဝန်တိကို ပြီးမြောက်စီဖို့။ 33ယေတာလဲ ပရောဖက်တိဟာ ဂျေရုဆလင်မြို့ကလွဲပနာ အရာအရပ်မာ မသီရဟာကြောင့် ငါဟာ ဒေနိန့်၊ နက်ဖန် ပြီးကေ သန်ဘက်နိန့်အထိ ဂျေရုဆလင်မြို့ထဲမာ ငါဆက်လားနီရဖို့သိမ်း” လို့မိန့်တော်မူရေ။
ဂျေရုဆလင်မြို့အတွက် ကြီကွဲငိုကြွီးတော်မူခြင်း
34ယပြီးကေ ကိုယ်တော်က “အို ဂျေရုဆလင်မြို့သားတိ၊ ဂျေရုဆလင်မြို့သားတိ၊ ငါဟာ အသင်ရို့အတွက် အလွန်တရာဝမ်းနည်းပူဆွေးရရေ။ အသင်ရို့မြို့သူမြို့သားတိဟာ ပရောဖက်တိကို အကြိမ်ကြိမ်သတ်ခကတ်တေ။ အသင်ရို့ပါးကို ဘုရားရှင်ကစီလွှတ်တေ စေတမန်တိကို ကျောက်ခဲနဲ့ပေါက်ခရေ။ ကြက်မဟာ သူ့ကြက်ချေတိကို အတောင်အောက်မာ အုပ်ပနာ စောင့်ရှောက်ထားဟာပိုင်မျိုး ငါဟာလည်း အသင့်ရဲ့ မြို့သူမြို့သားတိကို ရင်အုပ်မကွာစောင့်ရှောက်ချင်လို့ အကြိမ်ကြိမ်ကြိုးစားခတာလဲ အသင်ရို့ဟာ ခွင့်မပြုကတ်။ 35ယင်းကြောင့် အသင်ရို့ရဲ့ ဗိမာန်တော်ဟာ စွန့်ပစ်ခြင်းကို ခံရလိမ့်မယ်။ အသင်ရို့ဟာ ‘ဘုရားရှင်ရဲ့အခွင့်အာဏာနဲ့ ကြွလာရေလူဟာ မင်္ဂလာဟိပါရေ’ လို့မပြောမချင်း အဂုကစပနာ မတ်ရို့ငါ့ကို နောက်တစ်ခေါက် မြင်တွိ့ကတ်ရဖို့မဟုတ်ရာ” လို့မိန့်တော်မူလိုက်တေ။
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Yangbye (တောင်ပိုင်းရခိုင်) Bible by Beyond Translation is licensed under Creative Commons Attribution-ShareAlike 4.0 License.