ရှင်လုကာ 14
14
အခန်း (၁၄)
နိမို့ပွလ်ဟှတ်ဓူပက်ခေါမ်
1ဥပုသ်နှိုပ်နှိုပ်ဟှတ်တောလ် ကိုယ်တော်ယေရှု ဖာရိရှဲခေါင်းဆောင်ပွလ်ဟှတ် အိမ်းမာလ် အမီဘုအေဟိုင်အဈတ်ဟိုဝေါလ် အင်မ်ဓိလ်နောလ်မယ်တိလှီ့ ဖာရိရှဲလှီ့လား ကျမ်းဆလော်လှီ့နား ကိုယ်တော်ယေရှု အမှော်ဆူဟိုင်ရိုးအနီးကပ် စောင်ထေ့နား အာမ်ဓေါ့်။ 2အင်မ်ဟိုဝေါလ် ခေါင်လှီ့ဒုလ့်ကာလ်ကိ ဖိန်တိခေါင်ပွလ်ဟှတ် ကိုယ်တော်ယေရှုမော်ဝေါလ် အတုလ်လူး။ 3ကိုယ်တော်နား ဖာရိရှဲလှီ့လား ကျမ်းဆလော်လှီ့အောလ် “ဥပုသ်နှိုပ်ပါလ် စာန်းယတိပွလ်ဟှတ်ဓူပက်ခေါမ် ပညတ်တော်ဓေါလ် အညီယာ၊ ညီယော်ဝြာ” တိရို အဟိ့။ 4အင်မ်ဘော်နားခါ အင်မ်လှီ့နား အီခါဟောင်ဘွာလ်ယော်ဟ။ အင်မ်ခန်းနောလ် ကိုယ်တော်နား အင်မ်နိမို့ အကွတ်တောလ်ထိထေ့နား အဓူပက်ဟိုဝေါလ် အင်မ်ခေါင်ရောဂါ အခိလ်ဘွာလ်ခန်းနောလ် အတိဘွာလ်။
5အင်မ်ဟိုဝေါလ် ကိုယ်တော်ယေရှုနား အင်မ်လှီ့အောလ် “နာမ်စိုးခါဆီးဆတ်၊ ဆာခါဆီးဆတ် သွီတွင်းဒုလ့်ကာလ် ဂိုးဟိုဝေါလ် ဥပုသ်နှိုပ်ပါလ်ခါဆီးဆတ် ချက်ချင်းကုံး နာမ်တင်ဘွာလ်ဝိုက်ဆီးယော်ဝြာ” တိရို အဟိ့။ 6အင်မ်ဘော်နားခါ အင်မ်လှီ့နား အီခါဟောင်ဘွာလ်ခွတ်ယော်ဟ။
ကိုယ်တော်နား နှိမ့်ချခေါမ်မယ်ဟိုင်အဆောင်ခေါမ်
7အင်မ်ပါလ်နောလ် ဖိတ်ကြားခေါမ်ခံလောဒ့်တိ ခိန်လှီ့နား အေဟိုင်တွက် အရေးပါတိဓိလ်နောလ် ငွာဟိုင်ရွေးချယ်တိလှီ့ ကိုယ်တော်နား အမှူးဟိုဝေါလ် အင်မ်ခေါင်လှီ့အောလ် ပုံဥပမာပုဒ်ဟှတ် အမိန့်ခေါမ်စေး 8“ပွလ်ဟှတ်ဟှတ်နား နာင် မင်္ဂလာဆောင်ပွဲရိုး အဖိတ်ဟိုဝေါလ် အရေးပါတိဓိလ်နောလ် ငွာကော့။ ဟိဘော်ဆိုင်ရိုး နောက်ဟိုဝေါလ်စေး နာင်ထောက်ကာလ် အရေးပါတိ ဖိတ်ချင်အဖိတ်ကိုက်။ 9အင်မ်ခေါင် အခိုက်လူးနားစေး နာင်ဖိတ်တိလူးထေ့နား နာင်ငေါလ် ‘နာင်ငွာ့နောက်ဓိလ် နီခေါင်တွက် ဖန်ပက်မိုဝြား’ တိရို အဟောင်နားစေး နာင် ယှောက်ကယ်လောဒ့်ထေ့နား အရေးပါယဆုံးတိဓိလ်နောလ် နာငွာယေလောဒ့်အိုက်။ 10အင်မ်ဘော်နားခါ နာင်မင်္ဂလာဆောင်ပွဲရိုး နာဈာတ်ဟိုဝေါလ် အရေးပါယဆုံးတိဓိလ်နောလ် နာငွာဟိုဝေါလ်စေး နာင်ဖိတ်တိခေါင်နား အမှူးဟိုဝေါလ်စေး လူးထေ့နား ‘လူးဝြား ခီပွီယား၊ နီထက်ကာလ် အရေးပါဆုံးတိဓိလ်နောလ် ငွာလူးဝြာ’ တိရို အဟောင်ဟိုဝေါလ် အစွာခိလ်လှီ့မော်ဝေါလ် ဂုဏ်ယူဟိုင်ရိုး အထောလ်နိုက်။ 11ဟိဘော်ဟိုင်ရိုးနောက်ဟိုဝေါလ်စေး ပုန်းဟို့နားပုန်းဟို့ ချီးမြှောက်ကယ်တိစေး ဖုလော်ရှင်နား နိမ့်ချခေါမ် ခံလောဒ့်ထေ့နား ပုန်းဟို့နိမ့်ချအယ်တိစေး ဖုလော်ရှင်ချီးမြှောက်ခေါမ် ခံလောဒ့်အိုက်” တိရို အမိန့်။
12အင်မ်ပါလ်နောလ် ကိုယ်တော်နား အပုန်းဟို့ဖိတ်တိအောလ် “နာင်နား အေအောတ့်ပွဲရိုး နာဖိတ်ဟိုဝေါလ် နာင် ခီပွီလှီ့၊ အိမ်းခလော်ပွီလှီ့၊ ယှီယောင်လှီ့လား ဘိုးတိ အိမ်းစင်ကာပွီလှီ့ ဖိတ်ကော့။ နာင်နား နီဘော် နာစိုင်းနားစေး အင်မ်လှီ့နား နာင် ဖိတ်ထေ့နား အာမ်ကျွေးဘွာလ်ဝိုက်။ 13အင်မ်အစား နာင်နား ဧည့်ခံပွဲ နာကျင်းပဟိုဝေါလ် စါက်ကယ်တိလှီ့၊ အင်္ဂါစုံယတိလှီ့၊ သန်စွမ်းယတိလှီ့၊ မိတ်မှူးယတိလှီ့ ဖိတ်ဘွတ်။ 14အင်မ်ဘော် နာစိုင်းနားစေး နာခူလ်ပွန်ရိုက်။ ဟိဘော်ဟိုင်ရိုးနောက်ဟိုဝေါလ်စေး နာင်ငေါလ် အီခါပေးဘွာလ်ခွတ်ယတိလှီ့ နာဖိတ်ခန်းနောလ် ဖြောင့်မတ်တိခေါင်လှီ့ ဘာလ့်နောက်ကာလ်ကိဆောက်င်ဟင်လူးဘွာလ်ခေါမ်ချိန်ငေါလ် ဖုလော်ရှင်နား နာင်ငေါလ် ဆုလာဒ်လှီ့အပက်တိုက်ခန်းနောလ်ထောလ်” တိရို အမိန့်။
အမီးဘုအေပွဲလန်တိ ပုံဥပမာ
(ရှင်မဿဲ ၂၂:၁-၁၀)
15ကိုယ်တော်ဓေါလ် အတူဝေါလ် စားပွဲဟှတ်တောလ် ငွာထေ့နား အေအူးတိ ခိန်းလှီ့ဒုလ့်ကာလ်ကိ ပွလ်ဟှတ်နား “ဖုလော်ရှင်သာသနာတော်ဒုလ့်ကာလ် အမီဘုအေအူးခွင့်လောဒ်တိလှီ့စေး တပြင်းကုံး ခူလ်ပွန်တိလှီ့အောလ် အာမ်ထောလ်” တိရို အဟောင်။
16အင်မ်ပါလ် ကိုယ်တော်နား အင်မ်ခေါင်ငေါလ် ပုံဥပမာပုဒ်ဟှတ် အမိန့်ခေါမ်စေး “နှိုပ်ဟှတ်တောလ် ခေါင်ပွလ်ဟှတ်နား အေအောတ်ပွဲ အကျင်းပဟိုဝေါလ် ခိန်းလှီ့ပူးနူးအဖိတ်။ 17ဧည့်ခံပွဲတွက် ကိမ်ကိမ်အဆင်သင့်အထောလ်ဟိုဝေါလ် အဖိတ်ခေါမ်ခိန်းလှီ့စငေါလ် အစေခံပွလ်ဟှတ် တိထေ့နား ‘ကိမ်ကိမ်အဆင်သင့်အထောလ်ပါလ်။ ကြွလူးဟိလ့်ယောင်ငေါလ်’ တိရို အဟောင်ဝေဆောက်။
18ခိန်းလှီ့ ပွလ်ဟှတ်ပါလ် နောလ်ပွလ်ဟှတ်နား အကြောင်းယီယီ ဓေါင်ထေ့နား အာမ်ခိုအယ်။ စိပ်စိပ်ဆုံးပွလ်ဟှတ်နားစေး ‘လိုင်ကွက်ဟှတ် ကေလှည့်ခေါမ် ကေဆူးဝေလောဒ့်အိုက်။ ကေးခွင့်လွှတ်ပက်တား’ တိရို အဟောင်။
19အထာပွလ်ဟှတ်နား ‘ဆာရှဉ်းပိုးဟိုရ် ကေလှည့်ခန်းနောလ် အင်မ်လှီ့ အီဟို့ဘောင် အလုပ်အာမ်လုပ်ခွတ်နောက်ခေါမ် ကေဆူးဝေလောဒ့်အိုက်။ ခွင့်လွှတ်ပက်တား’ တိရို အဟောင်။
20အထာပွလ်ဟှတ်နားခါ ‘တုအောလ်ယောင် အိမ်းထောင်ကေအယ်ခန်းနောလ် လူးခွတ်ယော် ကေးခွင့်လွှတ်ပက်သား’ တိရို အဟောင်ဘွာလ်တီ။
21အင်မ်အစေခံနား ဈာတ်ဘွာလ်ထေ့နား အင်မ်အကြောင်းလှီ့ အသခင်ငေါလ် အဆိုက်ယေဘွာလ်ဟိုဝေါလ် အသခင် အလုန်ဆဆုထေ့နား ‘အရင်ငေါလ်ဈာတ်။ လုဒုလ့်ကာလ်မယ်တိ လာမ်းမလှီ့လား လာမ်းစောလှီ့အောလ်ကိ စါက်ကယ်တိလှီ့၊ ကွတ်ခူစုံယတိလှီ့၊ သန်စွမ်းယတိလှီ့၊ မိတ်မှူးယတိလှီ့ ကိမ်ကိမ် ဟောင်လူးဘွတ်’ တိရို အတိ။
22အင်မ်အစေခံ အခိုက်လူးဘွာလ်ဟိုဝေါလ် ‘သခင်ငါး၊ သခင်ဟောင်ဘော် ကေစိုင်းပါလ်။ အင်မ်ဘော်နားခါ နီဓိလ်နောလ် ခေါင်ပူနူးတွက် အဓိလ်အမယ်ဟာမ်း’ တိရို အဟောင်။
23အသခင်နားခါ ‘အင်မ်ဘော်နောက်ဟိုဝေါလ်စေး လုပြင်ငေါလ်ကိလာမ်းမလှီ့လား လာမ်းစောလှီ့အောလ်ဈာတ်ထေ့နား ကေးအိမ်း(မ်)မာလ် ခေါင်လုဟနောလ် ပွန်ပွန်ဟောင်လူးဘွတ်။ 24ကေးနား ကေဟောင်ဝိုက်။ ကေးနား စိပ်စိပ်ကေဖိတ်ခေါမ် ခေါင်လှီ့ အာမ်ခိုက်လူးနားခါ ကေးခိန်းနောက်ခေါမ် ပွဲရိုးမယ်တိ အီဘောင်အေအောတ်ကုံးခါ အင်မ်လှီ့နားဒပ့်ခွင့်ပေးကော့’ တိရို အစေခံမာလ်အဟောင်” တိရို အမိန့်။
တပည့်တော်နောက်ခေါမ်
(ရှင်မဿဲ ၁၀:၃၇-၃၈)
25နှိုပ်ဟှတောလ် ခေါင်ထုလှီ့နား ကိုယ်တော်ဓေါလ်ဟှတောလ် ဂျေရုဆလင်လုအောလ် အာမ်ရုန်းလူးဟိုဝေါလ် ကိုယ်တော် အင်မ်လှီ့လာမ်းမာလ် မောင်ထေ့နား အင်မ်လှီ့အောလ် 26“ပွလ်ဟှတ်ဟှတ် ကေးစငေါလ်အလူးခေါမ်ခါဆီးဆတ် ပုန်းဟို့ နူးလားပေါလ်၊ ပီးဟာလားစိုးနောင်၊ သာနောင်ခွါအပြင် ပုန်းဟို့ဆောက်င်ထက်ကာလ် ကေးပိုဝေနားအခစ်ယနားစေး အင်မ်နောက်ခေါမ် ကေးတပည့်တော်ရိုးထောလ်ခွတ်ယော်။ 27နာင်မီး ကေးကြောင့်ငေါလ် ဆိတ်လှီ့ခံထေ့နား နာမ်ဘာလ့်ခွတ်ယနားစေး ကေးတပည့်အောလ် ထောလ်ခွတ်ယော်စူး။
28နာင်မီးဒုလ့်ကာလ်ကိ ပွလ်ဟှတ်နား မျှော်စင်ပွလ်ဟှတ်အဆောက်ကိုက်နောက်ဟိုဝေါလ်စေး မျှော်စင်ကာရ်ဟနောလ် ဆောက်ဟိုင်တွက် ဒေါင်းဂိုလောဒ့်ကိုက် လိုခ့်ယော်နောက်ခေါမ် စိပ်စိပ်ငွာထေ့နား ကုန်ကျစရိတ်တွက်ကော် မယ်ဟိုင်ဆီးယော်။ 29အင်မ်ဘော်တွက်ကော် အုတ်မြစ်ခေါထေ့နား ကာရ်ဟနောလ် အဆောက်ခွတ်ယနားစေး မှူးတိခေါင်လှီ့နားခါ အင်မ်ခေါင် 30‘နီခေါင်နား အစဟိုဝေါလ် ဆောက်ဟိလ့်နားခါ ကာရ်ဟနောလ် ဆောက်ခွတ်ယော်’ တိရို အာမ်ကဲ့ရဲ့အိုက်။
31အင်မ်အပြင် စစ်ဆော်ဆောင်ဟှတ်တောဝေတိ ဆောင်ဖလောင်ပါးဟှတ် အစွာစစ်ဆော်ဆောင်(င်)နှိတောဝေတိ ဆောင်ဖလောင်နား အတိုက်ခိုက် လူးနားစေး အင်မ်နား အပုန်းဟို့စစ်ဆော် ဆောင်ဟှတ်ဓေါလ် စစ်ဆော်ဆောင်နှိ နိုင်ခွတ်ကိုက်၊ နိုင်ခွတ်ယော်နောက်ခေါမ် စိပ်စိပ်ငွာထေ့နား အဆုံးဖြတ်လောဒ့်အိုက်။ 32အပုံငေါလ် အင်မ်ဆောင်ဖလောင်နား နိုင်ဟနောလ်တိုက်ခွတ်ယခေါမ် အစဉ်းစားပါ့ဟိုဝေါလ်စေး စစ်ဆော်ဆောင်နှိတောဝေတိဆောင်ဖလောင် အလှမ်းမာလ်အမယ်ဟာမ်းဟိုဝေါလ်ကထု အပုန်းဟို့သံတမန်ခေါမ် စစ်ပြေငြိမ်းချမ်းဟိုင်တွက် အလာယေဆောက်လောဒ့်အိုက်။ 33အင်မ်ဘော်ယောင် နာင်မီးခါ နာမ်ပိုင်ခေါမ်လှီ့ကိမ်ကိမ် နာမ်စွန့်လွတ်ခွတ်ယ ဟိုဝေါလ်စေး ကေးတပည့်ရိုး ထောလ်ခွတ်ယော်စု” တိရို အမိန့်။
တန်ဖိုးမယ်ယတိမီစီ
(ရှင်မဿဲ ၅:၁၃။ ရှင်မာကု ၉:၅၀)
34အထာကွန်ဟှတ် ကိုယ်တောာ်နား “မီစီခေါမ် အသုံးဝင်။ အင်မ်ဘော်နားခါ အငါးမယ်တိယနားစေး ငါးဘွာလ်ဟနောလ် အိဘော်ခါစိုင်းခွတ်ယော်။ 35အင်မ်မီစီ မြေဆီလွှာတွက်ကာလ်ခါ၊ မြေဩဇာ တွက်ကာလ်ခါ အသုံးဝင်တီးယော်။ အင်မ်ဘော်ခန်းနောလ် အင်မ်မီစီ အပြင်ငေါလ် အာမ်ဓေါတိတိုက်။
နှိုမယ်တိလှီ့အား အာရုံစိုက်ထေ့နား ငေဘွတ်စူး” တိရို အမိန့်။
Цяпер абрана:
ရှင်လုကာ 14: CSJ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 14
14
အခန်း (၁၄)
နိမို့ပွလ်ဟှတ်ဓူပက်ခေါမ်
1ဥပုသ်နှိုပ်နှိုပ်ဟှတ်တောလ် ကိုယ်တော်ယေရှု ဖာရိရှဲခေါင်းဆောင်ပွလ်ဟှတ် အိမ်းမာလ် အမီဘုအေဟိုင်အဈတ်ဟိုဝေါလ် အင်မ်ဓိလ်နောလ်မယ်တိလှီ့ ဖာရိရှဲလှီ့လား ကျမ်းဆလော်လှီ့နား ကိုယ်တော်ယေရှု အမှော်ဆူဟိုင်ရိုးအနီးကပ် စောင်ထေ့နား အာမ်ဓေါ့်။ 2အင်မ်ဟိုဝေါလ် ခေါင်လှီ့ဒုလ့်ကာလ်ကိ ဖိန်တိခေါင်ပွလ်ဟှတ် ကိုယ်တော်ယေရှုမော်ဝေါလ် အတုလ်လူး။ 3ကိုယ်တော်နား ဖာရိရှဲလှီ့လား ကျမ်းဆလော်လှီ့အောလ် “ဥပုသ်နှိုပ်ပါလ် စာန်းယတိပွလ်ဟှတ်ဓူပက်ခေါမ် ပညတ်တော်ဓေါလ် အညီယာ၊ ညီယော်ဝြာ” တိရို အဟိ့။ 4အင်မ်ဘော်နားခါ အင်မ်လှီ့နား အီခါဟောင်ဘွာလ်ယော်ဟ။ အင်မ်ခန်းနောလ် ကိုယ်တော်နား အင်မ်နိမို့ အကွတ်တောလ်ထိထေ့နား အဓူပက်ဟိုဝေါလ် အင်မ်ခေါင်ရောဂါ အခိလ်ဘွာလ်ခန်းနောလ် အတိဘွာလ်။
5အင်မ်ဟိုဝေါလ် ကိုယ်တော်ယေရှုနား အင်မ်လှီ့အောလ် “နာမ်စိုးခါဆီးဆတ်၊ ဆာခါဆီးဆတ် သွီတွင်းဒုလ့်ကာလ် ဂိုးဟိုဝေါလ် ဥပုသ်နှိုပ်ပါလ်ခါဆီးဆတ် ချက်ချင်းကုံး နာမ်တင်ဘွာလ်ဝိုက်ဆီးယော်ဝြာ” တိရို အဟိ့။ 6အင်မ်ဘော်နားခါ အင်မ်လှီ့နား အီခါဟောင်ဘွာလ်ခွတ်ယော်ဟ။
ကိုယ်တော်နား နှိမ့်ချခေါမ်မယ်ဟိုင်အဆောင်ခေါမ်
7အင်မ်ပါလ်နောလ် ဖိတ်ကြားခေါမ်ခံလောဒ့်တိ ခိန်လှီ့နား အေဟိုင်တွက် အရေးပါတိဓိလ်နောလ် ငွာဟိုင်ရွေးချယ်တိလှီ့ ကိုယ်တော်နား အမှူးဟိုဝေါလ် အင်မ်ခေါင်လှီ့အောလ် ပုံဥပမာပုဒ်ဟှတ် အမိန့်ခေါမ်စေး 8“ပွလ်ဟှတ်ဟှတ်နား နာင် မင်္ဂလာဆောင်ပွဲရိုး အဖိတ်ဟိုဝေါလ် အရေးပါတိဓိလ်နောလ် ငွာကော့။ ဟိဘော်ဆိုင်ရိုး နောက်ဟိုဝေါလ်စေး နာင်ထောက်ကာလ် အရေးပါတိ ဖိတ်ချင်အဖိတ်ကိုက်။ 9အင်မ်ခေါင် အခိုက်လူးနားစေး နာင်ဖိတ်တိလူးထေ့နား နာင်ငေါလ် ‘နာင်ငွာ့နောက်ဓိလ် နီခေါင်တွက် ဖန်ပက်မိုဝြား’ တိရို အဟောင်နားစေး နာင် ယှောက်ကယ်လောဒ့်ထေ့နား အရေးပါယဆုံးတိဓိလ်နောလ် နာငွာယေလောဒ့်အိုက်။ 10အင်မ်ဘော်နားခါ နာင်မင်္ဂလာဆောင်ပွဲရိုး နာဈာတ်ဟိုဝေါလ် အရေးပါယဆုံးတိဓိလ်နောလ် နာငွာဟိုဝေါလ်စေး နာင်ဖိတ်တိခေါင်နား အမှူးဟိုဝေါလ်စေး လူးထေ့နား ‘လူးဝြား ခီပွီယား၊ နီထက်ကာလ် အရေးပါဆုံးတိဓိလ်နောလ် ငွာလူးဝြာ’ တိရို အဟောင်ဟိုဝေါလ် အစွာခိလ်လှီ့မော်ဝေါလ် ဂုဏ်ယူဟိုင်ရိုး အထောလ်နိုက်။ 11ဟိဘော်ဟိုင်ရိုးနောက်ဟိုဝေါလ်စေး ပုန်းဟို့နားပုန်းဟို့ ချီးမြှောက်ကယ်တိစေး ဖုလော်ရှင်နား နိမ့်ချခေါမ် ခံလောဒ့်ထေ့နား ပုန်းဟို့နိမ့်ချအယ်တိစေး ဖုလော်ရှင်ချီးမြှောက်ခေါမ် ခံလောဒ့်အိုက်” တိရို အမိန့်။
12အင်မ်ပါလ်နောလ် ကိုယ်တော်နား အပုန်းဟို့ဖိတ်တိအောလ် “နာင်နား အေအောတ့်ပွဲရိုး နာဖိတ်ဟိုဝေါလ် နာင် ခီပွီလှီ့၊ အိမ်းခလော်ပွီလှီ့၊ ယှီယောင်လှီ့လား ဘိုးတိ အိမ်းစင်ကာပွီလှီ့ ဖိတ်ကော့။ နာင်နား နီဘော် နာစိုင်းနားစေး အင်မ်လှီ့နား နာင် ဖိတ်ထေ့နား အာမ်ကျွေးဘွာလ်ဝိုက်။ 13အင်မ်အစား နာင်နား ဧည့်ခံပွဲ နာကျင်းပဟိုဝေါလ် စါက်ကယ်တိလှီ့၊ အင်္ဂါစုံယတိလှီ့၊ သန်စွမ်းယတိလှီ့၊ မိတ်မှူးယတိလှီ့ ဖိတ်ဘွတ်။ 14အင်မ်ဘော် နာစိုင်းနားစေး နာခူလ်ပွန်ရိုက်။ ဟိဘော်ဟိုင်ရိုးနောက်ဟိုဝေါလ်စေး နာင်ငေါလ် အီခါပေးဘွာလ်ခွတ်ယတိလှီ့ နာဖိတ်ခန်းနောလ် ဖြောင့်မတ်တိခေါင်လှီ့ ဘာလ့်နောက်ကာလ်ကိဆောက်င်ဟင်လူးဘွာလ်ခေါမ်ချိန်ငေါလ် ဖုလော်ရှင်နား နာင်ငေါလ် ဆုလာဒ်လှီ့အပက်တိုက်ခန်းနောလ်ထောလ်” တိရို အမိန့်။
အမီးဘုအေပွဲလန်တိ ပုံဥပမာ
(ရှင်မဿဲ ၂၂:၁-၁၀)
15ကိုယ်တော်ဓေါလ် အတူဝေါလ် စားပွဲဟှတ်တောလ် ငွာထေ့နား အေအူးတိ ခိန်းလှီ့ဒုလ့်ကာလ်ကိ ပွလ်ဟှတ်နား “ဖုလော်ရှင်သာသနာတော်ဒုလ့်ကာလ် အမီဘုအေအူးခွင့်လောဒ်တိလှီ့စေး တပြင်းကုံး ခူလ်ပွန်တိလှီ့အောလ် အာမ်ထောလ်” တိရို အဟောင်။
16အင်မ်ပါလ် ကိုယ်တော်နား အင်မ်ခေါင်ငေါလ် ပုံဥပမာပုဒ်ဟှတ် အမိန့်ခေါမ်စေး “နှိုပ်ဟှတ်တောလ် ခေါင်ပွလ်ဟှတ်နား အေအောတ်ပွဲ အကျင်းပဟိုဝေါလ် ခိန်းလှီ့ပူးနူးအဖိတ်။ 17ဧည့်ခံပွဲတွက် ကိမ်ကိမ်အဆင်သင့်အထောလ်ဟိုဝေါလ် အဖိတ်ခေါမ်ခိန်းလှီ့စငေါလ် အစေခံပွလ်ဟှတ် တိထေ့နား ‘ကိမ်ကိမ်အဆင်သင့်အထောလ်ပါလ်။ ကြွလူးဟိလ့်ယောင်ငေါလ်’ တိရို အဟောင်ဝေဆောက်။
18ခိန်းလှီ့ ပွလ်ဟှတ်ပါလ် နောလ်ပွလ်ဟှတ်နား အကြောင်းယီယီ ဓေါင်ထေ့နား အာမ်ခိုအယ်။ စိပ်စိပ်ဆုံးပွလ်ဟှတ်နားစေး ‘လိုင်ကွက်ဟှတ် ကေလှည့်ခေါမ် ကေဆူးဝေလောဒ့်အိုက်။ ကေးခွင့်လွှတ်ပက်တား’ တိရို အဟောင်။
19အထာပွလ်ဟှတ်နား ‘ဆာရှဉ်းပိုးဟိုရ် ကေလှည့်ခန်းနောလ် အင်မ်လှီ့ အီဟို့ဘောင် အလုပ်အာမ်လုပ်ခွတ်နောက်ခေါမ် ကေဆူးဝေလောဒ့်အိုက်။ ခွင့်လွှတ်ပက်တား’ တိရို အဟောင်။
20အထာပွလ်ဟှတ်နားခါ ‘တုအောလ်ယောင် အိမ်းထောင်ကေအယ်ခန်းနောလ် လူးခွတ်ယော် ကေးခွင့်လွှတ်ပက်သား’ တိရို အဟောင်ဘွာလ်တီ။
21အင်မ်အစေခံနား ဈာတ်ဘွာလ်ထေ့နား အင်မ်အကြောင်းလှီ့ အသခင်ငေါလ် အဆိုက်ယေဘွာလ်ဟိုဝေါလ် အသခင် အလုန်ဆဆုထေ့နား ‘အရင်ငေါလ်ဈာတ်။ လုဒုလ့်ကာလ်မယ်တိ လာမ်းမလှီ့လား လာမ်းစောလှီ့အောလ်ကိ စါက်ကယ်တိလှီ့၊ ကွတ်ခူစုံယတိလှီ့၊ သန်စွမ်းယတိလှီ့၊ မိတ်မှူးယတိလှီ့ ကိမ်ကိမ် ဟောင်လူးဘွတ်’ တိရို အတိ။
22အင်မ်အစေခံ အခိုက်လူးဘွာလ်ဟိုဝေါလ် ‘သခင်ငါး၊ သခင်ဟောင်ဘော် ကေစိုင်းပါလ်။ အင်မ်ဘော်နားခါ နီဓိလ်နောလ် ခေါင်ပူနူးတွက် အဓိလ်အမယ်ဟာမ်း’ တိရို အဟောင်။
23အသခင်နားခါ ‘အင်မ်ဘော်နောက်ဟိုဝေါလ်စေး လုပြင်ငေါလ်ကိလာမ်းမလှီ့လား လာမ်းစောလှီ့အောလ်ဈာတ်ထေ့နား ကေးအိမ်း(မ်)မာလ် ခေါင်လုဟနောလ် ပွန်ပွန်ဟောင်လူးဘွတ်။ 24ကေးနား ကေဟောင်ဝိုက်။ ကေးနား စိပ်စိပ်ကေဖိတ်ခေါမ် ခေါင်လှီ့ အာမ်ခိုက်လူးနားခါ ကေးခိန်းနောက်ခေါမ် ပွဲရိုးမယ်တိ အီဘောင်အေအောတ်ကုံးခါ အင်မ်လှီ့နားဒပ့်ခွင့်ပေးကော့’ တိရို အစေခံမာလ်အဟောင်” တိရို အမိန့်။
တပည့်တော်နောက်ခေါမ်
(ရှင်မဿဲ ၁၀:၃၇-၃၈)
25နှိုပ်ဟှတောလ် ခေါင်ထုလှီ့နား ကိုယ်တော်ဓေါလ်ဟှတောလ် ဂျေရုဆလင်လုအောလ် အာမ်ရုန်းလူးဟိုဝေါလ် ကိုယ်တော် အင်မ်လှီ့လာမ်းမာလ် မောင်ထေ့နား အင်မ်လှီ့အောလ် 26“ပွလ်ဟှတ်ဟှတ် ကေးစငေါလ်အလူးခေါမ်ခါဆီးဆတ် ပုန်းဟို့ နူးလားပေါလ်၊ ပီးဟာလားစိုးနောင်၊ သာနောင်ခွါအပြင် ပုန်းဟို့ဆောက်င်ထက်ကာလ် ကေးပိုဝေနားအခစ်ယနားစေး အင်မ်နောက်ခေါမ် ကေးတပည့်တော်ရိုးထောလ်ခွတ်ယော်။ 27နာင်မီး ကေးကြောင့်ငေါလ် ဆိတ်လှီ့ခံထေ့နား နာမ်ဘာလ့်ခွတ်ယနားစေး ကေးတပည့်အောလ် ထောလ်ခွတ်ယော်စူး။
28နာင်မီးဒုလ့်ကာလ်ကိ ပွလ်ဟှတ်နား မျှော်စင်ပွလ်ဟှတ်အဆောက်ကိုက်နောက်ဟိုဝေါလ်စေး မျှော်စင်ကာရ်ဟနောလ် ဆောက်ဟိုင်တွက် ဒေါင်းဂိုလောဒ့်ကိုက် လိုခ့်ယော်နောက်ခေါမ် စိပ်စိပ်ငွာထေ့နား ကုန်ကျစရိတ်တွက်ကော် မယ်ဟိုင်ဆီးယော်။ 29အင်မ်ဘော်တွက်ကော် အုတ်မြစ်ခေါထေ့နား ကာရ်ဟနောလ် အဆောက်ခွတ်ယနားစေး မှူးတိခေါင်လှီ့နားခါ အင်မ်ခေါင် 30‘နီခေါင်နား အစဟိုဝေါလ် ဆောက်ဟိလ့်နားခါ ကာရ်ဟနောလ် ဆောက်ခွတ်ယော်’ တိရို အာမ်ကဲ့ရဲ့အိုက်။
31အင်မ်အပြင် စစ်ဆော်ဆောင်ဟှတ်တောဝေတိ ဆောင်ဖလောင်ပါးဟှတ် အစွာစစ်ဆော်ဆောင်(င်)နှိတောဝေတိ ဆောင်ဖလောင်နား အတိုက်ခိုက် လူးနားစေး အင်မ်နား အပုန်းဟို့စစ်ဆော် ဆောင်ဟှတ်ဓေါလ် စစ်ဆော်ဆောင်နှိ နိုင်ခွတ်ကိုက်၊ နိုင်ခွတ်ယော်နောက်ခေါမ် စိပ်စိပ်ငွာထေ့နား အဆုံးဖြတ်လောဒ့်အိုက်။ 32အပုံငေါလ် အင်မ်ဆောင်ဖလောင်နား နိုင်ဟနောလ်တိုက်ခွတ်ယခေါမ် အစဉ်းစားပါ့ဟိုဝေါလ်စေး စစ်ဆော်ဆောင်နှိတောဝေတိဆောင်ဖလောင် အလှမ်းမာလ်အမယ်ဟာမ်းဟိုဝေါလ်ကထု အပုန်းဟို့သံတမန်ခေါမ် စစ်ပြေငြိမ်းချမ်းဟိုင်တွက် အလာယေဆောက်လောဒ့်အိုက်။ 33အင်မ်ဘော်ယောင် နာင်မီးခါ နာမ်ပိုင်ခေါမ်လှီ့ကိမ်ကိမ် နာမ်စွန့်လွတ်ခွတ်ယ ဟိုဝေါလ်စေး ကေးတပည့်ရိုး ထောလ်ခွတ်ယော်စု” တိရို အမိန့်။
တန်ဖိုးမယ်ယတိမီစီ
(ရှင်မဿဲ ၅:၁၃။ ရှင်မာကု ၉:၅၀)
34အထာကွန်ဟှတ် ကိုယ်တောာ်နား “မီစီခေါမ် အသုံးဝင်။ အင်မ်ဘော်နားခါ အငါးမယ်တိယနားစေး ငါးဘွာလ်ဟနောလ် အိဘော်ခါစိုင်းခွတ်ယော်။ 35အင်မ်မီစီ မြေဆီလွှာတွက်ကာလ်ခါ၊ မြေဩဇာ တွက်ကာလ်ခါ အသုံးဝင်တီးယော်။ အင်မ်ဘော်ခန်းနောလ် အင်မ်မီစီ အပြင်ငေါလ် အာမ်ဓေါတိတိုက်။
နှိုမယ်တိလှီ့အား အာရုံစိုက်ထေ့နား ငေဘွတ်စူး” တိရို အမိန့်။
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chin Songlai (ဆောင်လိုင်) Bible by Beyond Translation is licensed under Creative Commons Attribution-ShareAlike 4.0 License.