Iironga 22
22
ONTOPORUA 22.
Ehipopiro rja Paulus miipaci jaajuda
1“Jarumentu ne aamuameme, nootate, puakeneni nena shoka andi popi miipaci jeni kehipopiro rjandje.”
2Sho j’uvu ta popi na jo meraka rjaahebrei, oja muena ciru ciru.
3Nde ta ti: “Ngaje omujuda, nda varerue mu Tarsus tshomu Kilikia, ndere onda putuka motshirando shika, ngaje nda rongua keempadi da Gamaliel#22:3 Tara ontoporua 5:34 ndi tshiue eemkaro dotshiri nompango hookuku, nda ri ofure pokurongera ompango ngashi nane nanena amushe amu ningi.
4Ngaje nda tidire ondjira ndjika#22:4 Ondjira ndji ha tidirue okutja uukriste sigo okeso sho nda mangere ngaje nd’edirire aarumentu naakiintu mondrongo.
5Ndere omupristeri omunene, ontari homuhokorori guandje, aakuruntu uo ajeshe, mba ja perendje eentumuafo, sho nda hire kaakuetu joku Damaskus, oku za hoka ndi farere aamangua ku Jerusalem kegeero.
6Opua ningi, sho nda ha ko, ngija kanda ri kokure na Damaskus, petango rjobandamutse, onda adiminua naanzija kuujerere uunene uokeguru.
7Ond’ishata pevi, ngaje nd’uvu eui rja popi nangaje: “Saulus, otshike to tidatidandje?”
8Ngaje onda jamukura: “Muene ongueere?” Nde he ta ti: “Ongaje Jesus omunatsaret, ngu to tidatida.”
9Mba ja ri nangaje oja tara uujerere, ndere eui rja ngu a popire nangaje kaje ri uvire.
10Ngaje onda ti: ‘Muene nandi ninge tshee?’ Muene okua rombuerendje a ti: “Cikama u he ku Damaskus. Oko to ka rombuerua atshishe sho u nokuninga.”
11Ndere ngaje sho nda togua kotshite tshuujerere, onda kuatua kaakuetu keke, nde ja ku Damaskus.
12Ananias omurumentu omujuki komukaro guompango, a simanekua kaajuda ajeshe, mba ja ri ko,
13okue ja kungaje, ta cikama ponto handje ta ti: “Saulus mumuameme, taatara”#22:13 Okutja: Kara itshee u uete ko. Nde mostunde tuu ndjika ngaje onda mono ko itsheue.
14He ta ti: “Karunga kootate okue ku uca ngueje u tshiue eharo rje, u tare Omujuki#22:14 Okutja Jesus Kristus ta tiua “Omujuki.” ngueje u uve eui rje ndi rja zi mokana ke.
15Ou nokuninga omuhokorori gue u hokororere aantu ajeshe shoka ua mona na shi ua uva.
16Nena nduno ua shukumana ko tshee? Cikama ngueje u tshatshue, eendjo dohe di koshue po, nge u’icana edina rje.’
17Opua ningi, sho nda garukire ku Jerusalem, nda garikanene motempeli, onda s’onkunkumucika.
18Onde mu mona, nde ta ti kungaje: ’Enderera, za mo nzija mu Jerusalem, oshoka itaa ka tuumba ehokororo rjohe rjokuokororandje.’
19Ndere ngaje onda ti: ‘Muene jo jene oje tshi tshi nokuri ngashi nd’edirire mondrongo, ngaje nda dengicire neengora moosinagoga ajeshe mba je ku iteera.
20Ombinzi ha Stefanus, h’omuhokorori guohe, sho ha tirashirue, nangaje oko nda ri, kua nda panda nda rangera eenguo da mboka je mu dipaga!
21He okua rombuerandje: ‘Inda ko, oshoka nda ara ndi ku tume kaapagani jokokure.”
22Oje mu puakena sigo okohapu ndjika. Nena oj’igida muure ja ti: “Na kucue po pevi omuntu a tja ngaaka. Inatsh’opara a kare nomuenjo.”
23Sho j’igida muure, ja tshiki eenguuo dauo, ja fundire evi pombanda.
24Omukuruntu guaakuiita okua popi je mu fare monguru haakuiita, je mu denge, jo je mu epeke, opo a tshiue naua sho tshe ja igidica.#22:24 Mecimbo ndi rjonare aakuatua oja ciminikua orundji nomadengo nomeepeko j’orore naua uuhinaji mbu ja ninga.
25Ano sho je mu manga a dengue neengora, Paulus okua rombuere ondjai ndji ha cikama mpoka: “Omu nepitiko rjokudenga omuroma nanto ina pangurua?”
26Ondjai sho he di uvu, oha hi komukuruntu guaakuiita nde tahi di mu rombuere ha ti: “Ngueje oua ara okuninga tshee? Omuntu nguno omuroma.”
27Nena omukuruntu guaakuiita okue ja nde ta ti ku he: “Rombuerandje, ngueje omuroma?” Nde ta ti: “Eno.”
28Omukuruntu guaakuiita okua jamukura: “Ngaje onda randa uukuatshirongo mbuka niimariva ojindji.” Paulus okua ti: “Ngaje omuroma hera nda varua.”
29Nena ajeshe mba ja ara oku mu epeka, oje mu eca. Omukuruntu guaakuiita okua tira, sho a huvu nokutja he omuntu omuroma, na shi e mu mangica.
30Ndere sho a hara kutshiua naanaa nokutja aajuda oje mu tamenekere morua tshike, okue mu mangurura mesiku rja nofu, nde t’icana aapristeri notshigongi atshishe tshaakuruntu. Nde ta tura Paulus miipaci jauo.
Omission Heklesia Ekatolika, 1951. Namibian Catholic Bishops Conference.