مَتّی 8
8
شَفاء زِلمه جُذامي
1وکت إلْلي عیسیٰ نِزَل مِن الْیِبَل، مَجموعه چِبیره راحُوا وُراه. 2بي هَذا الْوَکِت إیّه یِمّه زِلمه جُذامي وَ رِکَع لَه وَ گال: «یا سِیِّدي، لُو إترید تِگدَر تِشفیني.» 3عیسیٰ مِد إیده، لِمَسه وَ گال: «أرید؛ أشفیٰ!» بي لَحظَتها، إتشافیٰ مِن الْجُذام. 4وَ بَعدِین عیسیٰ گال لَه: «دیر بالَک، لا تْخَبُّر أحَد مِن هَذا الْشي، بَل روح لِلْمَعبَد وَ راوي نِفسَک لِلْکاهِن وَ قَدِّم ضَحیَّه إلْلي موسیٰ أمَر بيها بي الْشَریعه، خاطِر إتکون شَهاده لِلنَّاس.»
إیمان قائد الْرومي
5وَکت إلْلي عیسیٰ دَخَل کَفَرناحوم، إیّه یِمَّه واحَد إلْلي چان قائِد رومي وَ بي إدْخالا 6گال لَه: «یا سِیِّدي، خادمي صایِر فَلَج وَ طایِح بي الْبَیت وَ وایِد گاعِد یِتوَجَّع.» 7عیسیٰ گال: «أنا أیّي وَ راح أشفيه.» 8الْقائِد جاوُب: «یا سِیِّدي، ما أسْتَحِق تِیّي لِبِیتي. بِس گول کِلمه وَ خادمي راح یِشفیٰ. 9أدري أنتَ تِگدَر إتْسوي هَذا الْشي لِأن أنا زِلمه تَحت الْأمر وَ مِثلَک عِندي قُدره. لو أگول لِواحَد مِن جُنودي روح، یِروح، لو أگول لِلْآخَر تَعال، ایّی، لو أگول لِعَبدي أعمِل هَذا الْشي، یِعمِل. 10وَکت إلْلي عیسیٰ سِمَع کَلامه، إتْحَیَّر وَ گال لِلْأشخاص إلْلي چانُوا یِمشون وَراه: «بِالْحَق، أگِلکُم، هِیچ إیمان حَتَّیٰ بِین بَني إسرائیل هَم مو شایف. 11وَ أگِلکُم بي یُوم الْأخیر چِثیرین راح إیّون مِن الشَّرق وَ الْغَرب وَ یِگِعدون مَعَ إبراهیم وَ إسْحاق وَ یَعقُوب عَلَیٰ فِرِد سُفره بي مَلَکوت السَّماء، 12أمَّن ذاکول إلْلي چان قَرار یِوَرثون الْمَلکوت، راح یِنذَّبون بي الظَّلام، مَکان إلْلي راح إیکون بِچي وَ عَصر الضِّروس.» 13وَ گال لِلْقائِد: «روح! حَسَب إیمانَک، شي إلْلي طَلَبته راح یِنْعُطي ألَک.» بي لَحظَتها إتْشافه خادمه.
شَفاء أُم مَرَت پِطرُس وَ چِثیرین آخَر
14بَعدِین عیسیٰ راح لِبَیت پِطرُس وَ مِن دَخَل، شاف أُم مَرَت پِطرُس بي الْأفراش وَ إمْسَخنه. 15عیسیٰ لِمِس إیدها وَ إنْگَطعَت إسْخونَتها. چا گامَت وَ ضَیِفَت عیسیٰ.
16بي وَکت الْغُروب، النَّاس یابُوا چِثیرین مِن مِتلَبِّسین أرواح الْشَیطانیّه یِم عیسیٰ وَ هُوَّ بي کَلامه طَلَّع الْأرواح وَ شِفیٰ کِل الْمَرضیٰ. 17هَذا الْکِل صار خاطِر تِتْحَقِّق نُبُوَّة إشعیَاء النَّبي إلْلي گال:
«هُوَ أخَذ ضَعَفنا
وَ حِمَل أمراضنا.»
ثَمَن مُتابَعَة عیسیٰ
18فِرِد یُوم عیسیٰ مِن شاف جَمعیَّه حَوالِیه، أَمَر تِلامیذه: «خِل إنروح ذاک صُوب بَحیرَة الْجَلیل.» 19بي ذاک الْوَکِت إیّه واحَد مِن مُعَلِّمین التُّورات وَ گال لِعیسیٰ: «یا مُعَلِّم، وَین ما إتْروح، راح أتِبعَک.» 20عیسیٰ گِلَّه: «الْواویه عِندهُم یِحُور وَ طُیور السَّماء عِندهِن عیش، أمَّن ابن الْإنسان، ما عِندَه مَکان یِحُط رَأسه.» 21واحَد آخر مِن تِلامیذ عیسیٰ گِلَّه: «یا سِیِّدي، أوَّل رَخُّصْني خِل أروح وَ أدفِن أبوي.» 22أمَّن عیسیٰ گِلَّه: «إتْبَعني وَ خِلّي الْمُوتیٰ، تِدفِن أمواتها.»
تَهدِئَة عاصِفَة الْبَحَر
23بَعدِین عیسیٰ راح یرکَب الْبَلَم وَ تِلامیذه هَم تِبعُوه وَ هُمّا راحُوا. 24فِرِد مَرَّه صارَت عاصِفه قَویّه، بي شِکل إلْلي چان جِریب الْروي یِغَرِّگ الْبَلَم. أمَّن عیسیٰ چان نایِم. 25چا تِلامیذه راحُوا یِمَّه وَ نِدهُوه وَ گالُوا: «یا سِیِّدنا، ما ضال شي اللی نِغرَگ؛ نِجّینا!» 26عیسیٰ گال: «یا قَلیلین الْإیمان، لِیش خایفین؟» وَ گام وَ عاتَب الْهَوا وَ الرّوي وَ صار هُدوء کامِل. 27ذاکول إتْحَیِّرُوا وَ واحَد چان یِسأَل مِن الْآخَر: «هَذا شِنهي مِن شَخُص؟ حَتَّیٰ الْهَوا وَ الرّوي یِطیعَنه!»
شَفاء أثنَین زِلِم مِتلَبسین روح شَیطانیّه
28وَکت إلْلي وُصلَوا لِفِرِد مَنطَقه مِن مَدینَة الْجَدَریّین، إلْلي چانَت ذاک صُوب بَحیرَة الْجَلیل، تِلاگُوا وَیَّاه أثنَین زِلِم مِتلَبسین روح شَیطانیّه إلْلي چانُوا یِطُلعون مِن الْمَگبَره. هِلْگَد چانُوا وُحوش إلْلي ما أحَد چان یِگدَر یِتعَدَّه مِن ذاک الطَّریق. 29وَ هُمّا صاحُوا: «یا ابن الْإلَه، شِنهو شُغلَک وَیَّانا؟ یَاي خاطِر گَبُل وَکت الْأمقَرَّر إتْعَذِّبنا؟» 30إشْوَیه أبعَد مِنهُم چان قَطیع چِبیر مِن الْخَنازیر إلْلي چانَن یِرعَن. 31چا أرواح الْشَیطانیّه بي إدْخالا طُلبُوا مِن عیسیٰ: «لُو تِطْلَعنا، دِشِّشنا بي الْخَنازیر.» 32گال ألهِن: «روحَن!» أرواح الْشَیطانیّه طُلعَن وَ دِشَّن بي الْخَنازیر وَ کِل الْقَطیع مِن سِرساحَة الْحِدّه حَوِّلُوا بي الْبَحَر وَ ماتُوا. 33رُعاء الْخَنازیر شِردَوا وَ راحُوا لِلْمَدینه وَ سُولِفُوا لِلنَّاس کِل هِذِن الْوَقایِع، بي الْأخَص هَي الَّذي زِلِم إلْلي چانُوا مِتلَبسین أرواح الْشَیطانیّه إشلون إتْخَلِصوا. 34وَ بَعدِین کِل نَاس الْمَدینه لِخاطِر شُوفِة عیسیٰ طَلعَوا وَ مِن شافُوا دَخِّلُوا عَلِیه إلْلي یِترِک مَنطَقَتهُم.
Цяпер абрана:
مَتّی 8: ACM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company
مَتّی 8
8
شَفاء زِلمه جُذامي
1وکت إلْلي عیسیٰ نِزَل مِن الْیِبَل، مَجموعه چِبیره راحُوا وُراه. 2بي هَذا الْوَکِت إیّه یِمّه زِلمه جُذامي وَ رِکَع لَه وَ گال: «یا سِیِّدي، لُو إترید تِگدَر تِشفیني.» 3عیسیٰ مِد إیده، لِمَسه وَ گال: «أرید؛ أشفیٰ!» بي لَحظَتها، إتشافیٰ مِن الْجُذام. 4وَ بَعدِین عیسیٰ گال لَه: «دیر بالَک، لا تْخَبُّر أحَد مِن هَذا الْشي، بَل روح لِلْمَعبَد وَ راوي نِفسَک لِلْکاهِن وَ قَدِّم ضَحیَّه إلْلي موسیٰ أمَر بيها بي الْشَریعه، خاطِر إتکون شَهاده لِلنَّاس.»
إیمان قائد الْرومي
5وَکت إلْلي عیسیٰ دَخَل کَفَرناحوم، إیّه یِمَّه واحَد إلْلي چان قائِد رومي وَ بي إدْخالا 6گال لَه: «یا سِیِّدي، خادمي صایِر فَلَج وَ طایِح بي الْبَیت وَ وایِد گاعِد یِتوَجَّع.» 7عیسیٰ گال: «أنا أیّي وَ راح أشفيه.» 8الْقائِد جاوُب: «یا سِیِّدي، ما أسْتَحِق تِیّي لِبِیتي. بِس گول کِلمه وَ خادمي راح یِشفیٰ. 9أدري أنتَ تِگدَر إتْسوي هَذا الْشي لِأن أنا زِلمه تَحت الْأمر وَ مِثلَک عِندي قُدره. لو أگول لِواحَد مِن جُنودي روح، یِروح، لو أگول لِلْآخَر تَعال، ایّی، لو أگول لِعَبدي أعمِل هَذا الْشي، یِعمِل. 10وَکت إلْلي عیسیٰ سِمَع کَلامه، إتْحَیَّر وَ گال لِلْأشخاص إلْلي چانُوا یِمشون وَراه: «بِالْحَق، أگِلکُم، هِیچ إیمان حَتَّیٰ بِین بَني إسرائیل هَم مو شایف. 11وَ أگِلکُم بي یُوم الْأخیر چِثیرین راح إیّون مِن الشَّرق وَ الْغَرب وَ یِگِعدون مَعَ إبراهیم وَ إسْحاق وَ یَعقُوب عَلَیٰ فِرِد سُفره بي مَلَکوت السَّماء، 12أمَّن ذاکول إلْلي چان قَرار یِوَرثون الْمَلکوت، راح یِنذَّبون بي الظَّلام، مَکان إلْلي راح إیکون بِچي وَ عَصر الضِّروس.» 13وَ گال لِلْقائِد: «روح! حَسَب إیمانَک، شي إلْلي طَلَبته راح یِنْعُطي ألَک.» بي لَحظَتها إتْشافه خادمه.
شَفاء أُم مَرَت پِطرُس وَ چِثیرین آخَر
14بَعدِین عیسیٰ راح لِبَیت پِطرُس وَ مِن دَخَل، شاف أُم مَرَت پِطرُس بي الْأفراش وَ إمْسَخنه. 15عیسیٰ لِمِس إیدها وَ إنْگَطعَت إسْخونَتها. چا گامَت وَ ضَیِفَت عیسیٰ.
16بي وَکت الْغُروب، النَّاس یابُوا چِثیرین مِن مِتلَبِّسین أرواح الْشَیطانیّه یِم عیسیٰ وَ هُوَّ بي کَلامه طَلَّع الْأرواح وَ شِفیٰ کِل الْمَرضیٰ. 17هَذا الْکِل صار خاطِر تِتْحَقِّق نُبُوَّة إشعیَاء النَّبي إلْلي گال:
«هُوَ أخَذ ضَعَفنا
وَ حِمَل أمراضنا.»
ثَمَن مُتابَعَة عیسیٰ
18فِرِد یُوم عیسیٰ مِن شاف جَمعیَّه حَوالِیه، أَمَر تِلامیذه: «خِل إنروح ذاک صُوب بَحیرَة الْجَلیل.» 19بي ذاک الْوَکِت إیّه واحَد مِن مُعَلِّمین التُّورات وَ گال لِعیسیٰ: «یا مُعَلِّم، وَین ما إتْروح، راح أتِبعَک.» 20عیسیٰ گِلَّه: «الْواویه عِندهُم یِحُور وَ طُیور السَّماء عِندهِن عیش، أمَّن ابن الْإنسان، ما عِندَه مَکان یِحُط رَأسه.» 21واحَد آخر مِن تِلامیذ عیسیٰ گِلَّه: «یا سِیِّدي، أوَّل رَخُّصْني خِل أروح وَ أدفِن أبوي.» 22أمَّن عیسیٰ گِلَّه: «إتْبَعني وَ خِلّي الْمُوتیٰ، تِدفِن أمواتها.»
تَهدِئَة عاصِفَة الْبَحَر
23بَعدِین عیسیٰ راح یرکَب الْبَلَم وَ تِلامیذه هَم تِبعُوه وَ هُمّا راحُوا. 24فِرِد مَرَّه صارَت عاصِفه قَویّه، بي شِکل إلْلي چان جِریب الْروي یِغَرِّگ الْبَلَم. أمَّن عیسیٰ چان نایِم. 25چا تِلامیذه راحُوا یِمَّه وَ نِدهُوه وَ گالُوا: «یا سِیِّدنا، ما ضال شي اللی نِغرَگ؛ نِجّینا!» 26عیسیٰ گال: «یا قَلیلین الْإیمان، لِیش خایفین؟» وَ گام وَ عاتَب الْهَوا وَ الرّوي وَ صار هُدوء کامِل. 27ذاکول إتْحَیِّرُوا وَ واحَد چان یِسأَل مِن الْآخَر: «هَذا شِنهي مِن شَخُص؟ حَتَّیٰ الْهَوا وَ الرّوي یِطیعَنه!»
شَفاء أثنَین زِلِم مِتلَبسین روح شَیطانیّه
28وَکت إلْلي وُصلَوا لِفِرِد مَنطَقه مِن مَدینَة الْجَدَریّین، إلْلي چانَت ذاک صُوب بَحیرَة الْجَلیل، تِلاگُوا وَیَّاه أثنَین زِلِم مِتلَبسین روح شَیطانیّه إلْلي چانُوا یِطُلعون مِن الْمَگبَره. هِلْگَد چانُوا وُحوش إلْلي ما أحَد چان یِگدَر یِتعَدَّه مِن ذاک الطَّریق. 29وَ هُمّا صاحُوا: «یا ابن الْإلَه، شِنهو شُغلَک وَیَّانا؟ یَاي خاطِر گَبُل وَکت الْأمقَرَّر إتْعَذِّبنا؟» 30إشْوَیه أبعَد مِنهُم چان قَطیع چِبیر مِن الْخَنازیر إلْلي چانَن یِرعَن. 31چا أرواح الْشَیطانیّه بي إدْخالا طُلبُوا مِن عیسیٰ: «لُو تِطْلَعنا، دِشِّشنا بي الْخَنازیر.» 32گال ألهِن: «روحَن!» أرواح الْشَیطانیّه طُلعَن وَ دِشَّن بي الْخَنازیر وَ کِل الْقَطیع مِن سِرساحَة الْحِدّه حَوِّلُوا بي الْبَحَر وَ ماتُوا. 33رُعاء الْخَنازیر شِردَوا وَ راحُوا لِلْمَدینه وَ سُولِفُوا لِلنَّاس کِل هِذِن الْوَقایِع، بي الْأخَص هَي الَّذي زِلِم إلْلي چانُوا مِتلَبسین أرواح الْشَیطانیّه إشلون إتْخَلِصوا. 34وَ بَعدِین کِل نَاس الْمَدینه لِخاطِر شُوفِة عیسیٰ طَلعَوا وَ مِن شافُوا دَخِّلُوا عَلِیه إلْلي یِترِک مَنطَقَتهُم.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company