مَتّی 19
19
تَعلیم عَن الزَّواج وَ الطَّلاگ
1وَکت إلْلي عیسیٰ خَلَّص مِن هَذا الْحَچي، خَرَج مِن مَنطَقة الْجَلیل وَ راح ذاک صُوب نَهَر أُردُن إلَیٰ مَنطَقَة یَهودیَّه. 2جُموع چِثیره تِبعَته وَ هُوَّ أهناک شِفاهُم.
3فِرقَة الْفَریسیین إیَّوا یِمَّه خاطِر یِمتَحنونه. وَ هُمّا سِألُوا: «هَلْ یِجوز الْزِلمه لِأي سَبَب یِطَلِّگ مَرته؟» 4عیسیٰ بي الْجَواب گال: «مو گارین إلْلي الْخالق مِن الْبِدایه ”خَلَقهُم زِلمه وَ مَراء“، 5وَ گال ”بي هِل سَبَب، الْزِلمه یِعزِل مِن أبوه وَ أمّه، وَ یِلصَگ بي مَرته وَ هُمّا الْأثنَین ایصیرون جَسَد واحَد“؟ 6حَسَب هَي، مِن ذاک الزَّمان بَعَد ماهُم أثنَین، بَل إیکونون جَسَد واحَد. چا کِل شي إلْلي الْإلَه جَمَعَه، الْإنسان ما یِگدَر یِطَشرَه.» 7گالُوا لِه: «چا لِیش مُوسیٰ أمَر إلْلي الْزِلمه یِنْطي مَرته وَرقَت طَلاگ وَ یِترِکها؟» 8عیسیٰ گال ألهُم: «مُوسیٰ بي سَبَب قَساوة گُلوبکُم سِمَح ألکُم إلْلي إتطَّلگون نِسوانکُم، أمَّن بي الْبِدایَه ما چان هِیچ. 9أگِلکُم، کِلمَن غِیر بي سَبَب الْفِساد یِطَلِّگ مَرته وَ یِتزَوَّج غِیر مَراء، یِرتِکِب زِنیٰ.»
10تِلامیذه گالُوا لِعیسیٰ: «لُو مَسئولیَة الْزِلمه مُقابیل مَرته هِیچي، چا أحسَن إلْلي أي زِلمه لا یِتزَوِّج!» 11عیسیٰ گال: «مو الْکِل یِگدَر یِقبَل هَذا الْکَلام، بِس ذاکول إلْلي مِنْعُطي ألهُم. 12لِأن بَعَضهُم خِصیان، چِن هِیچ وُلدُوا مِن بَطِن أمَّهاتهُم؛ وَ بَعَض بي إید النَّاس إنخُصَوا؛ وَ بَعَض لِخاطِر مَلَکوت السَّماء یُخصون نَفِسهُم. کِلمَن یِگدَر یِقبِل هَذا الْشي، خِلّي یِعمِل هِیچ.»
عیسیٰ وَ الْأطفال
13بَعدِین النَّاس یابُوا الْأطفال عِند عیسیٰ خاطِر یِحُط إیده عَلِیهُم وَ یِندِعي. أمَّن التِّلامیذ عاتِبُوا النَّاس. 14عیسیٰ گال: «خِلّوا الْأطفال إیّون عِندي وَ لا تِمِنعونهُم، لِأن مَلَکوت السَّماء لِهِیچ أشخاص.» 15چا حَط إیده عَلِیهُم وَ راح مِنَّاک.
شاب الْغَني
16فِرِد یُوم إیّه زِلمه یِم عیسیٰ وَ سِأَل: «یا مُعَلِّم، شِسَوّي مِن أعمال طیبه خاطِر أملِک حَیَاة الْأبَدیَّه؟» 17عیسیٰ جاوُبه: «لِیش عَن عَمَل الْطَیب تِسأَل مِنّي؟ بِس اکو فِرِد طَیِب. لُو أترید تِدخُل الْحَیَاة، أعمِل الْأحکام.» 18وَ ذاک الْزِلمه سِأَل: «یا أحکام؟» عیسیٰ گال: «”لا تِقتِل، لا تِزني، لا تْبوگ، لا تِشهِد چِذِب، 19أُکرُم أبُوک وَ أمَّک،“ وَ ”حِب جارَک مِثِل ما أتحِب نَفسَک.“ 20وَ ذاک الشَّاب گال: «عامِل کِل هِل أحکام؛ بَعَد شِیعوزني؟» 21عیسیٰ گال: «لُو أترید أن تِکمَل، روح وَ شي إلْلي عِندَک بیعَه وَ أنْطيه لِلْفُقَراء لِأن راح إتکون عِندَک خِزانه بي السَّماء. بَعدِین تَعال وَ أتبَعني.» 22الشَّاب وَکت إلْلي سِمَع هَي، حِزَّن وَ راح مِنَّاک، لِأن چان عِندَه أموال چِثیره.
23بَعدِین عیسیٰ گال لِتِلامیذه: «بِالْحَق، أگِلکُم، دِشَّة الْأغنیَاء بي مَلَکوت السَّماء وایِد صَعبه. 24بَعَد هَم أگول إلْلي دِشَّة الْیِمَل مِن مِزگ الْأبره أسهَل مِن دِشَّة شَخص الْغَني بي مَلَکوت الْإلَه.» 25التِّلامیذ وایِد إتْحَیِّرُوا مِن هَذا الْکَلام وَ سِألُوا: «چا یاهو یِگدَر یِنجَح؟» 26عیسیٰ نَظَر عَلِیهُم وَ گال: «هَذا مو مُمکِن لِلْإنسان، أمَّن کِل شي مُمکِن لِلْإلَه.»
27پِطرُس بي الْجَواب گال: «هَسّه إحنَا عِفنا کِل شي وَ تِبَعناک. إش راح إنْحَصُّل؟» 28عیسیٰ گال ألهُم: «بِالْحَق، أگِلکُم، بي دنیا الْیِدیده، وَکت إلْلي ابن الْإنسان یِگعِد عَلَیٰ عَرش مَجده، أنتُم هَم إلْلي تِبَعتوني، راح تِگِعدون عَلَیٰ أثنَعَش کُرسي وَ راح تِحُکمون عَلَیٰ أثنَعَش عَشیرَة بَني إسرائیل. 29وَ کِلمَن لِخاطِر أسمي تارِک بِیته لُو أخوه لُو أخْته لُو أبوه لُو أمَّه لُو أولاده وَ لُو کِل أمْلاکه، راح یِلگه مِیَة أضعاف وَ راح یِحَصُّل حَیَاة الْأبَدیَّه. 30أمَّن وایِد مِن الْأوَّلین راح ایصیرون آخِر وَ الْآخِرین أوَّل!
Цяпер абрана:
مَتّی 19: ACM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company
مَتّی 19
19
تَعلیم عَن الزَّواج وَ الطَّلاگ
1وَکت إلْلي عیسیٰ خَلَّص مِن هَذا الْحَچي، خَرَج مِن مَنطَقة الْجَلیل وَ راح ذاک صُوب نَهَر أُردُن إلَیٰ مَنطَقَة یَهودیَّه. 2جُموع چِثیره تِبعَته وَ هُوَّ أهناک شِفاهُم.
3فِرقَة الْفَریسیین إیَّوا یِمَّه خاطِر یِمتَحنونه. وَ هُمّا سِألُوا: «هَلْ یِجوز الْزِلمه لِأي سَبَب یِطَلِّگ مَرته؟» 4عیسیٰ بي الْجَواب گال: «مو گارین إلْلي الْخالق مِن الْبِدایه ”خَلَقهُم زِلمه وَ مَراء“، 5وَ گال ”بي هِل سَبَب، الْزِلمه یِعزِل مِن أبوه وَ أمّه، وَ یِلصَگ بي مَرته وَ هُمّا الْأثنَین ایصیرون جَسَد واحَد“؟ 6حَسَب هَي، مِن ذاک الزَّمان بَعَد ماهُم أثنَین، بَل إیکونون جَسَد واحَد. چا کِل شي إلْلي الْإلَه جَمَعَه، الْإنسان ما یِگدَر یِطَشرَه.» 7گالُوا لِه: «چا لِیش مُوسیٰ أمَر إلْلي الْزِلمه یِنْطي مَرته وَرقَت طَلاگ وَ یِترِکها؟» 8عیسیٰ گال ألهُم: «مُوسیٰ بي سَبَب قَساوة گُلوبکُم سِمَح ألکُم إلْلي إتطَّلگون نِسوانکُم، أمَّن بي الْبِدایَه ما چان هِیچ. 9أگِلکُم، کِلمَن غِیر بي سَبَب الْفِساد یِطَلِّگ مَرته وَ یِتزَوَّج غِیر مَراء، یِرتِکِب زِنیٰ.»
10تِلامیذه گالُوا لِعیسیٰ: «لُو مَسئولیَة الْزِلمه مُقابیل مَرته هِیچي، چا أحسَن إلْلي أي زِلمه لا یِتزَوِّج!» 11عیسیٰ گال: «مو الْکِل یِگدَر یِقبَل هَذا الْکَلام، بِس ذاکول إلْلي مِنْعُطي ألهُم. 12لِأن بَعَضهُم خِصیان، چِن هِیچ وُلدُوا مِن بَطِن أمَّهاتهُم؛ وَ بَعَض بي إید النَّاس إنخُصَوا؛ وَ بَعَض لِخاطِر مَلَکوت السَّماء یُخصون نَفِسهُم. کِلمَن یِگدَر یِقبِل هَذا الْشي، خِلّي یِعمِل هِیچ.»
عیسیٰ وَ الْأطفال
13بَعدِین النَّاس یابُوا الْأطفال عِند عیسیٰ خاطِر یِحُط إیده عَلِیهُم وَ یِندِعي. أمَّن التِّلامیذ عاتِبُوا النَّاس. 14عیسیٰ گال: «خِلّوا الْأطفال إیّون عِندي وَ لا تِمِنعونهُم، لِأن مَلَکوت السَّماء لِهِیچ أشخاص.» 15چا حَط إیده عَلِیهُم وَ راح مِنَّاک.
شاب الْغَني
16فِرِد یُوم إیّه زِلمه یِم عیسیٰ وَ سِأَل: «یا مُعَلِّم، شِسَوّي مِن أعمال طیبه خاطِر أملِک حَیَاة الْأبَدیَّه؟» 17عیسیٰ جاوُبه: «لِیش عَن عَمَل الْطَیب تِسأَل مِنّي؟ بِس اکو فِرِد طَیِب. لُو أترید تِدخُل الْحَیَاة، أعمِل الْأحکام.» 18وَ ذاک الْزِلمه سِأَل: «یا أحکام؟» عیسیٰ گال: «”لا تِقتِل، لا تِزني، لا تْبوگ، لا تِشهِد چِذِب، 19أُکرُم أبُوک وَ أمَّک،“ وَ ”حِب جارَک مِثِل ما أتحِب نَفسَک.“ 20وَ ذاک الشَّاب گال: «عامِل کِل هِل أحکام؛ بَعَد شِیعوزني؟» 21عیسیٰ گال: «لُو أترید أن تِکمَل، روح وَ شي إلْلي عِندَک بیعَه وَ أنْطيه لِلْفُقَراء لِأن راح إتکون عِندَک خِزانه بي السَّماء. بَعدِین تَعال وَ أتبَعني.» 22الشَّاب وَکت إلْلي سِمَع هَي، حِزَّن وَ راح مِنَّاک، لِأن چان عِندَه أموال چِثیره.
23بَعدِین عیسیٰ گال لِتِلامیذه: «بِالْحَق، أگِلکُم، دِشَّة الْأغنیَاء بي مَلَکوت السَّماء وایِد صَعبه. 24بَعَد هَم أگول إلْلي دِشَّة الْیِمَل مِن مِزگ الْأبره أسهَل مِن دِشَّة شَخص الْغَني بي مَلَکوت الْإلَه.» 25التِّلامیذ وایِد إتْحَیِّرُوا مِن هَذا الْکَلام وَ سِألُوا: «چا یاهو یِگدَر یِنجَح؟» 26عیسیٰ نَظَر عَلِیهُم وَ گال: «هَذا مو مُمکِن لِلْإنسان، أمَّن کِل شي مُمکِن لِلْإلَه.»
27پِطرُس بي الْجَواب گال: «هَسّه إحنَا عِفنا کِل شي وَ تِبَعناک. إش راح إنْحَصُّل؟» 28عیسیٰ گال ألهُم: «بِالْحَق، أگِلکُم، بي دنیا الْیِدیده، وَکت إلْلي ابن الْإنسان یِگعِد عَلَیٰ عَرش مَجده، أنتُم هَم إلْلي تِبَعتوني، راح تِگِعدون عَلَیٰ أثنَعَش کُرسي وَ راح تِحُکمون عَلَیٰ أثنَعَش عَشیرَة بَني إسرائیل. 29وَ کِلمَن لِخاطِر أسمي تارِک بِیته لُو أخوه لُو أخْته لُو أبوه لُو أمَّه لُو أولاده وَ لُو کِل أمْلاکه، راح یِلگه مِیَة أضعاف وَ راح یِحَصُّل حَیَاة الْأبَدیَّه. 30أمَّن وایِد مِن الْأوَّلین راح ایصیرون آخِر وَ الْآخِرین أوَّل!
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company