Ліст да Рымлянаў Раздзел 15
Раздзел 15
1 #
Гал. 6:1; 1Тэс. 5:14 Мы, дужэйшыя, павінны цярпліва зносіць недахопы слабых, а не сабе дагаджаць.
2Бо кожны з нас хай дагаджае бліжняму на дабро дзеля збудавання.
3 #
Пс. 69:10
Так і Хрыстос не дагаджаў Сабе, але як напісана: «Знявагі Цябе зневажаючых зваліліся на Мяне».
4 #
1Кар. 10:11; 2Цім. 3:16 Бо ўсё, што было калісьці напісана, у павучанне нам напісана, каб мы праз цярплівасць і пацяшэнне з Пісання мелі надзею.
5 #
1Кар. 1:10
А Бог, Які дае цярплівасць і пацеху, хай дасць вам быць між сабой адной думкі на ўзор Ісуса Хрыста,
6каб вы аднадушна ў адзін голас славілі Бога і Айца Госпада нашага Ісуса Хрыста.
7Дзеля таго прымайце адзін аднаго, як і Хрыстос прыняў нас у славу Божую.
8 #
Мц. 15:24; Дзеі 3:26; 2Кар. 1:20 Кажу бо, што Хрыстос стаўся паслугачом абрэзання дзеля праўды Божай дзеля таго, каб выканаць абяцанае бацькам,
9 #
2Сам. 22:50; Пс. 18:50; Ян. 10:16 ды каб пагане славілі Бога за міласэрнасць, як напісана: «Дзеля таго будуць славіць Цябе між паганамі і спяваць імені Твайму».
10 #
Паўт. Зак. 32:43
І далей сказана: «Весяліцеся, пагане, з народам Яго!»
11 #
Пс. 117:1
І зноў: «Хваліце Госпада, усе пагане, і слаўце Яго, усе народы».
12 #
Іс. 11:10
А Ісая таксама гаворыць: «Будзе корань Ясэя і Той, Хто паўстане, валадарыць над паганамі: у Ім пагане будуць мець надзею».
13А Бог надзеі хай напоўніць вас усякаю радасцю і супакоем у веры, каб праз моц Духа Святога вы ўзбагаціліся надзеяй.
14 #
2Пёт. 1:12; 1Кар. 1:5 Браты мае, што да вас, я перакананы, што вы поўныя дабраты, напоўненыя ўсякім веданнем, так што можаце адзін аднаго настаўляць.
15Я, можа, вам засмела пісаў, браты, у лісце, часткова як бы вам прыводзячы на памяць ласку, якая мне дадзена Богам,
16 #
Дзеі 9:15; Эф. 3:8 каб быў я паслугачом Хрыста Ісуса для паганаў, святарна абвяшчаючы добрую вестку Божую, каб ахвяра паганаў, асвечаная Духам Святым, была прынята.
17 #
Геб. 2:17
Я маю чым пахваліцца перад Хрыстом Ісусам адносна Бога;
18 #
Дзеі 15:12; 2Кар. 3:5; Гал. 2:8 не адважуся, аднак, гаварыць пра штосьці такое, чаго не ўчыніў Хрыстос праз мяне дзеля падпарадкавання паганаў, словам і справамі,
19 #
Дзеі 19:11
моцаю знакаў і цудаў, моцаю Духа Божага, так што ад Ерузаліма і ваколіц аж да Ілірыка пашыраў я добрую вестку Хрыстову.
20 #
1Кар. 3:10; 2Кар. 10:13 Прытым я стараўся прапаведаваць добрую вестку там, дзе не ўспаміналася імя Хрыста, каб не будаваць на чужым падмурку,
21 #
Іс. 52:15
але як напісана: «Тыя, якім аб Ім не было абвешчана, убачаць, і тыя, што не чулі, даведаюцца».
22 #
1Тэс. 2:17
З-за гэтага многае перашкаджала мне прыйсці да вас.
23Цяпер, не маючы больш месца ў гэтых краінах і многа ўжо гадоў жадаючы прыбыць да вас,
24 #
Дзеі 15:3; 1Кар. 16:6 як толькі выпраўлюся ў Гішпанію, прыйду да вас, бо спадзяюся, што, праходзячы міма, пабачу вас, і вы правядзеце мяне туды, калі перш крыху пацешуся вамі.
25Цяпер жа я збіраюся ў Ерузалім паслужыць святым.
26 #
1Кар. 16:1; 2Кар. 8:1 Бо Мацэдонія і Ахая вырашылі зрабіць нейкую перадачу для бедных з ліку святых, што ў Ерузаліме.
27 #
1Кар. 9:11
Спадабалася бо ім, і яны – даўжнікі іх. Бо калі пагане атрымаі ўдзел у іх даброццях духоўных, дык і яны павінны паслужыць ім у цялесных.
28 #
2Кар. 12:14
Калі гэтую справу выканаю і перадам ім плод гэты, праз вас рушу ў Гішпанію.
29А ведаю я, што, прыходзячы да вас, прыйду ў паўнаце дабраславення Евангелля Хрыстова.
30 #
2Кар. 1:11; Эф. 6:18; Клс. 4:12 Дык прашу вас, браты, праз Госпада нашага Ісуса Хрыста і праз любоў Духа, каб са мною разам памаліліся да Бога за мяне,
31 #
2Кар. 8:4; 2Тэс. 3:2; 2Цім. 3:11 каб вызваліцца мне ад няверных, што ёсць у Юдэі, ды каб мая паслуга для Ерузаліма была прыемнай святым,
32 #
Дзеі 18:21; 1Кар. 16:18 каб з волі Божай у радасці прыбыўшы да вас, супачыў з вамі.
33 #
1Кар. 14:33; 2Кар. 13:11; Плп. 4:9; 1Тэс. 5:23; 2Тэс. 3:16; Геб. 13:20 Хай Бог супакою будзе з усімі вамі. Амін.
Цяпер абрана:
Ліст да Рымлянаў Раздзел 15: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017