Ліст да Галатаў Раздзел 5
Раздзел 5
1 #
Ян. 8:32
Дык стойце ў свабодзе, якой вызваліў нас Хрыстос, і не патрапляйце зноў пад ярмо няволі.
2Вось, я, Паўла, кажу вам, што, калі вы дасцеся абрэзацца, Хрыстос не прынясе вам ніякай карысці.
3 #
Рым. 2:25
Яшчэ сведчу, што кожны чалавек абрэзаны павінен выконваць увесь закон.
4 #
2Пёт. 3:17; Рым. 3:24; Гал. 1:6; Клс. 1:23; Геб. 12:15 Вы, што шукаеце ў законе апраўдання, ад Хрыста аддзеленыя і ад ласкі адпалі.
5 #
Рым. 5:5; Геб. 11:1 Мы ж духам ад веры маем надзею апраўдання.
6 #
Рым. 2:26; 1Кар. 7:19; Клс. 1:4 Бо ў Хрысце Ісусе ані абразанне, ані неабразанне не маюць сілы, а толькі вера, што дзейнічае праз любоў.
7Вы беглі добра, і хто ж перашкодзіў вам быць паслухмянымі праўдзе?
8Перакананне гэта не ад Таго, Які вас кліча.
9 #
Мц. 13:13; 1Кар. 5:6 Трохі кіслі ўсё цеста квасіць.
10Я ўпэўнены ў вас у Госпадзе, што інакш гэтага не разумееце; а хто бунтуе вас, той панясе асуджэнне, хто б ён ні быў.
11 #
Рым. 9:33
Калі ж я, браты, і далей прапаведую абразанне, дык чаму я цярплю пераслед? Тады знікла б згаршэнне крыжа.
12О каб былі адсечаны тыя, якія вас бунтуюць!
13Бо вы, браты, пакліканы да свабоды; толькі каб свабоду вы не давалі як падставу для пажадлівасці цела, але любоўю духа служыце адзін аднаму.
14 #
Святар. 19:18; Мц. 5:43; Мк. 12:31 Бо ўвесь закон адным выразам спаўняецца, вось гэтым: «Любі блізкага свайго, як самога сябе».
15Калі ж адзін аднаго кусаеце і з’ядаеце, глядзіце, каб вы адзін аднаго не загубілі.
16 #
Рым. 6:12
Кажу вам: кіруйцеся духам, ды не падпадайце пад пажадлівасць цела.
17 #
1Пёт. 2:11; Рым. 7:15 Цела бо цягне супраць духа, а дух – супраць цела; яны супрацівяцца адно аднаму, каб не тое, што хочаце, вы рабілі.
18Калі будзеце кіравацца духам, вы не пад законам.
19 #
Рым. 1:26
Вядомыя ж учынкі цела, вось яны: чужаложства, распуста, нячыстасць, разбэшчанасць,
20 #
1Кар. 3:3; 2Кар. 12:20; Адкр. 21:8 балванапаклонства, чараванне, варожасць, сварлівасць, нянавісць, забойствы, гнеў, звадкі, нязгода, герэзіі,
21забойствы, п’янства, гулянкі і ім падобнае. Аб гэтым я і папярэджваў вас, і папярэджваю, што тыя, якія такое чыняць, Валадарства Божага не атрымаюць.
22 #
Ян. 15:2
Плод жа духа – любоў, радасць, супакой, доўгацярплівасць, ласкавасць, дабрыня, вера,
23 #
Рым. 13:13; 1Цім. 1:9 сціпласць, стрыманасць. Супраць такіх няма закону.
24 #
Рым. 6:6; Эф. 4:22 Тыя ж, што належаць Хрысту Ісусу, укрыжавалі цела з заганамі і пажадлівасцямі.
25 #
Рым. 8:4
Калі жывём Духам, дык Духам і ходзім.
26 #
Плп. 2:3
Давайце не імкнуцца да пустой славы, дражнячы адзін аднаго, зайздросцячы адзін аднаму.
Цяпер абрана:
Ліст да Галатаў Раздзел 5: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017