Ліст да Галатаў Раздзел 1
Раздзел 1
1 #
Дзеі 2:24
Паўла, Апостал не ад людзей і не праз чалавека, але праз Ісуса Хрыста і Бога Айца, Які ўваскрасіў Яго з мёртвых,
2і ўсе браты, што са мною, цэрквам Галатыі:
3ласка вам і супакой ад Бога Айца нашага і ад Госпада нашага Ісуса Хрыста,
4 #
Мц. 20:28; Лк. 1:74; Ян. 15:19 Які аддаў Самога Сябе за грахі нашы, каб вырваць нас з сучаснага веку ліхога па волі Бога і Айца нашага,
5 #
Плп. 4:20
Якому слава на векі вечныя. Амін.
6 #
Паўт. Зак. 10:17
Дзіўлюся я, што гэтак хутка перакінуліся вы ад таго, які паклікаў вас да ласкі Хрыстовай, да іншага евангелля,
7 #
Дзеі 15:1; 2Кар. 2:17 якое не ёсць іншае, але, напэўна, знайшліся нейкія, што баламуцяць вас ды хочуць перавярнуць Евангелле Хрыстова.
8 #
2Кар. 11:4
Але калі б нават мы або анёл з неба дабравесціў вам нешта іншае, чым тое, што мы дабравесцілі вам, хай будзе анатэма!
9 #
1Кар. 15:1
Як мы вам казалі раней, і цяпер зноў вам кажу: калі б хто дабравесціў вам звыш таго, што атрымалі вы, хай будзе анатэма!
10 #
1Кар. 10:33; 1Тэс. 2:4 Людзям я цяпер дагаджаю ці Богу? Ці я імкнуся людзям падабацца? Калі б я людзям падабаўся, не быў бы паслугачом Хрыстовым!
11 #
1Кар. 15:1; Адкр. 14:6 Паведамляю вам, браты, што Евангелле, якое я абвяшчаў, не ёсць з волі чалавека,
12 #
Дзеі 9:1; 1Кар. 15:1; Эф. 3:3 бо я яго не ад чалавека атрымаў або навучыўся яму, але праз аб’яўленне Ісуса Хрыста.
13 #
Дзеі 8:3
Чулі вы, пэўна, аб паводзінах маіх калісьці ў юдэйстве, як звыш меры пераследаваў я Царкву Божую і знішчаў яе,
14 #
Мц. 15:2; Мк. 7:3 і вылучаўся ў юдэйстве між многімі аднагодкамі ў родзе сваім, з’яўляючыся найбольш руплівым аб бацькоўскіх традыцыях сваіх.
15Калі ж спадабалася Богу, Які выбраў мяне яшчэ ва ўлонні маці маёй і паклікаў ласкай Сваёй,
16 #
Мц. 11:27
каб аб’явіць ува мне Сына Свайго, каб я дабравесціў пра Яго сярод паганаў, не стаў я радзіцца з целам і крывёю
17 #
Дзеі 9:19
і не пайшоў у Ерузалім да сваіх папярэднікаў Апосталаў, але выправіўся ў Арабію і адтуль зноў вярнуўся ў Дамаск.
18 #
Дзеі 9:26
Толькі пасля трох гадоў прыйшоў я ў Ерузалім убачыць Пётру і прабыў у яго пятнаццаць дзён.
19 #
Мц. 13:55
З іншых Апосталаў не бачыў ніводнага, апрача Якуба, брата Госпадава.
20 #
Рым. 9:1; 2Кар. 11:31 А ў тым, што пішу вам, вось, перад Богам не хлушу.
21 #
Дзеі 9:30
Потым пайшоў я ў ваколіцы Сірыі і Цыліцыі.
22З твару быў я невядомы цэрквам Юдэі, якія ў Хрысце,
23а толькі чулі пра мяне, што той, які калісьці пераследаваў іх, цяпер дабравесціць веру, якую раней нішчыў,
24і за мяне славілі Бога.
Цяпер абрана:
Ліст да Галатаў Раздзел 1: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017