Ліст да Эфесцаў Раздзел 6
Раздзел 6
1 #
Клс. 3:20 Дзеці, слухайце бацькоў вашых у Госпадзе, бо гэта справядліва.
2 #
Вых. 20:12; Паўт. Зак. 5:16 #
Мц. 15:4; Мк. 7:10 Паважай бацьку твайго і маці; гэта першае прыказанне з абяцаннем:
3 каб добра было табе і каб быў ты даўгавечным на зямлі.
4І вы, бацькі, не раздражняйце дзяцей вашых, але ўзгадоўвайце іх у навуцы і напамінанні Госпадавым.
5 #
1Пёт. 2:18; Клс. 3:22; 1Цім. 6:1; Ціт. 2:9 Нявольнікі, са страхам і трымценнем у прастаце сэрца падпарадкоўвайцеся цялесным гаспадарам вашым, як Хрысту,
6 #
1Кар. 7:22; Клс. 3:22 не на вачах толькі служачы, каб людзям падабацца, але як паслугачы Хрыстовы, выконваючы волю Божую ад душы,
7з добрай волі паслугуючы, як Госпаду, а не людзям,
8 #
Рым. 2:6; 2Кар. 5:10; Клс. 3:24 ведаючы, што кожны, хто б зрабіў дабро, той і ад Госпада атрымае, ці ён нявольнік, ці вольны.
9 #
Паўт. Зак. 10:17; Рым. 2:11; Клс. 4:1 І вы, гаспадары, тое самае рабіце ім, змяншаючы пагрозы, ведаючы, што іх і ваш Госпад ёсць у небе і што Ён не ўзіраецца на асобу.
10 #
Эф. 3:16
Урэшце, браты, умацуйцеся ў Госпадзе і ў сіле магутнасці Яго.
11 #
Рым. 13:12; 2Кар. 6:7; 1Тэс. 5:8 Апраніцеся ва ўсю зброю Божую, каб змаглі ўстаяць супраць хітрыкаў д’ябла.
12 #
Лк. 22:31; Рым. 8:38 Бо наша змаганне не супраць цела і крыві, але супраць начальстваў, супраць уладаў, супраць цемры гэтага веку, супраць духаў нягоднасці ў нябёсах.
13 #
1Пёт. 5:8; 2Кар. 10:4 Дзеля таго вазьміце ўсю зброю Божую, каб маглі ў дзень ліхі супрацьстаць і, выканаўшы ўсё, выстаяць.
14 #
Іс. 11:5; 59:17; Лк. 12:35 Дык стойце, падперазаўшы сцёгны вашы праўдаю, і надзеўшы панцыр справядлівасці,
15 #
Іс. 52:7; Рым. 10:15; Эф. 2:17 і абуўшы ногі ў гатоўнасць абвяшчаць Евангелле супакою;
16 #
1Пёт. 5:9; 1Ян. 5:4 на ўсякую [нагоду] вазьміце шчыт веры, якім зможаце патушыць усе вогненныя стрэлы ліхога;
17 #
Іс. 59:17; Мц. 4:1; 1Тэс. 5:8; Геб. 4:12; Адкр. 1:16 і вазьміце шалом збаўлення разам з мечам Духа, якім ёсць Слова Божае,
18 #
Мц. 26:41; Лк. 18:1 ва ўсякі час молячыся ўсякаю малітваю і просьбаю ў Духу, аб гэтым самым чувайце з усёй трываласцю і просьбаю за ўсіх святых
19і за мяне, каб дадзены быў мне дар слова на адкрыванне вуснаў маіх, каб пераканаўча выяўляў таямніцы Евангелля,
20дзеля якога я прызначаны пасланцам у путах, каб у ім адважыўся гаварыць так, як мне належыць гаварыць.
21Каб жа і вы ведалі пра мяне, што раблю, пра ўсё гэта паведаміць вам Тыхік, найдаражэйшы брат і верны слуга у Госпадзе,
22якога я паслаў да вас на тое, каб вы ведалі, што ў нас робіцца, і каб ён суцешыў сэрцы вашы.
23Супакой братам і любоў з вераю ад Бога Айца і Госпада Ісуса Хрыста.
24Ласка з усімі, якія любяць Госпада нашага Ісуса Хрыста ў незнішчальнасці. Амін.
Цяпер абрана:
Ліст да Эфесцаў Раздзел 6: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017