Ліст да Калосцаў Раздзел 4
Раздзел 4
1 #
Эф. 6:9
Гаспадары, аддавайце нявольнікам справядліва і па праве, ведаючы, што і вы маеце Госпада ў нябёсах.
2 #
Лк. 18:1
Трывайце ў малітве, чувайце ў ёй з падзякаю,
3 #
Эф. 6:19
молячыся поруч і за нас, каб Бог адчыніў нам дзверы слова, каб выказаць таямніцу Хрыстову, дзеля якой я стаўся вязнем,
4каб выявіць яе, як мне належыць гаварыць.
5Адносна тых, што звонку, паступайце мудра, здабываючы час.
6 #
Мк. 9:50
Слова ваша хай будзе заўсёды ласкавае, прыпраўленае соллю, каб вы ведалі, як што каму належыць адказаць.
7 #
Дзеі 20:4; Эф. 6:21; 2Цім. 4:12 Пра мяне ўсё вам раскажа Тыхік, найдаражэйшы брат, і верны паслугач, і супрацоўнік у Госпадзе,
8 #
Эф. 6:22
якога я паслаў да вас для таго, каб вы даведаліся, як нашы справы, і ўсцешыліся сэрцамі вашымі,
9разам з Анісімам, улюбёным і верным братам, які з вашых; усё, што тут робіцца, яны раскажуць вам.
10 #
2Цім. 4:11
Вітае вас Арыстарх, вязень разам са мной, і Марк, сваяк Барнабы, – адносна якога вы ўжо атрымалі даручэнні: калі прыбудзе да вас, прыміце яго, –
11і Ісус, называны Юстам, які з абрэзаных; толькі яны адны – супрацоўнікі для Валадарства Божага, якія былі мне пацехаю.
12 #
Мц. 5:48
Вітае вас Эпафрас, які з вашых, паслугач Хрыста Ісуса, заўсёды руплівы ў малітвах за вас, каб устаялі вы дасканалымі і напоўніліся ўсякай воляй Божай.
13Сведчу вам адносна яго, што ён мае вялікую рупнасць аб вас і аб тых, якія ў Лаадыцэі і Герапалісе.
14 #
2Цім. 4:10; Флм. 23 Вітае вас Лука, лекар найдаражэйшы, і Дэмас.
15 #
Рым. 16:3; 1Кар. 16:19 Прывітайце братоў, якія ёсць у Лаадыцэі, і Німфана, і царкву ў яго доме.
16 #
1Тэс. 5:27
І калі гэты ліст будзе прачытаны ў вас, зрабіце, каб і ў царкве Лаадыцэйскай быў ён прачытаны, а той, што з Лаадыцэі, прачытайце і вы.
17 #
2Цім. 4:5
І скажыце Архіпу: «Глядзі, каб выканаў паслугу, якую атрымаў ад Госпада».
18Прывітанне маёю рукой, Паўлавай. Памятайце пра кайданы мае. Ласка з вамі. Амін.
Цяпер абрана:
Ліст да Калосцаў Раздзел 4: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017