Ліст да Калосцаў Раздзел 1
Раздзел 1
1Паўла, з волі Божай Апостал Ісуса Хрыста, і Цімафей, брат,
2тым святым і веруючым братам у Хрысце, што ў Калосах: ласка вам і супакой ад Бога, Айца нашага, і Госпада Ісуса Хрыста.
3 #
Плп. 1:3
Дзякуем Богу Айцу Госпада нашага Ісуса Хрыста, заўсёды молячыся за вас
4 #
Эф. 1:15; Флм. 5 і чуючы пра веру вашу ў Хрыста Ісуса і пра любоў, якую маеце да ўсіх святых,
5 #
1Пёт. 1:4
дзеля надзеі, якая прыгатавана для вас у небе, аб якой чулі вы раней у слове праўды Евангелля,
6 #
Мк. 4:8; Эф. 3:2 якая дайшла да вас, як і па ўсім свеце разышлася, і дае плады, і расце, як і ў вас ад таго дня, у які вы пачулі ды пазналі ласку Божую ў праўдзе,
7 #
1Кар. 4:1; Клс. 4:12 як вы і навучыліся ад Эпафраса, супрацоўніка нашага найдаражэйшага, вернага для вас паслугача Хрыста,
8які таксама паведаміў нам пра вашу любоў у Духу.
9 #
Рым. 12:2; Эф. 1:8; Клс. 2:2 Таму і мы ад таго дня, у які гэта пачулі, не перастаём за вас маліцца і прасіць, каб вы напоўніліся пазнаннем волі Яго ва ўсякай мудрасці і духоўным разуменні
10 #
Ян. 15:16
і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,
11 #
Геб. 10:34
дужэючы ўсякай сілаю паводле магутнасці славы Яго ва ўсякай цярплівасці і велікадушнасці, з радасцю,
12 #
Эф. 1:11
дзякуючы Айцу, Які ўчыніў нас дастойнымі ўдзельнічаць у лёсе святых у свеце,
13Які вырваў нас з улады цемры і перанёс у Валадарства Сына ўлюбёнага Свайго,
14 #
Рым. 3:24; Эф. 1:7 у Якім атрымалі мы адкупленне праз кроў Яго і дараванне грахоў,
15 #
2Кар. 4:4; Геб. 1:3; Адкр. 3:14 Які ёсць вобраз нябачнага Бога, Першынец усяго стварэння,
16бо Ім заснавана ўсё, што ёсць у небе і на зямлі, бачнае і нябачнае, ці то троны, ці то валадарствы, ці начальствы, ці ўлады. Усё праз Яго і для Яго створана,
17 #
Ян. 1:1
і Ён ёсць перад усім, і ўсё ў Ім заключаецца.
18 #
Адкр. 1:5
І Ён – Галава цела Царквы; Ён – Пачатак, Першынец з мёртвых, каб ва ўсім Ён трымаў першынство,
19 #
Ян. 1:16
бо спадабалася, каб у Ім прабывала ўсякая паўната,
20 #
Лк. 2:14
каб праз Яго ўсё пагадзіць з Сабою, ці што на зямлі, ці што ў нябёсах ёсць, робячы супакой Крывёю крыжа Яго.
21 #
Рым. 5:10; Эф. 2:1 І вас, што былі калісьці чужымі і ворагамі праз схільнасць да ліхіх учынкаў,
22 #
2Кар. 5:18; Эф. 1:4 цяпер пагадзіў у целе смерцю цела Свайго, каб паставіць вас перад Сабою святымі, беззаганнымі і бездакорнымі,
23 #
Ян. 15:6
калі толькі застанецеся моцнымі верай, стойкімі і непарушнымі ў надзеі Евангелля, якое вы чулі, якое абвяшчаецца ўсяму стварэнню, якое пад небам, якога я, Паўла, стаўся паслугачом.
24 #
2Цім. 2:10
Цяпер радуюся я з цярпенняў маіх за вас і дапаўняю тое, чаго нестае з пакут Хрыстовых, у сваім целе за Цела Яго, якім ёсць Царква,
25 #
1Кар. 4:1; Эф. 3:2 якой я стаўся слугой за пастановай Божай, дадзенай мне адносна вас, каб я споўніў слова Божае,
26 #
Мц. 13:11
таямніцу, схаваную ад вякоў і пакаленняў, а цяпер выяўленую Яго святым,
27 #
Эф. 1:18
якім захацеў Бог выявіць, якое багацце славы гэтай таямніцы сярод паганаў. Гэта ёсць Хрыстос у вас, надзея хвалы.
28 #
Мц. 5:48
Яго абвяшчаем мы, выяўляючы кожнаму чалавеку ва ўсякай мудрасці, каб прадставіць кожнага чалавека дасканалым у Хрысце Ісусе.
29Дзеля гэтага я і працую, змагаючыся пры Яго садзеянні, якім Ён ува мне дзейнічае магутна.
Цяпер абрана:
Ліст да Калосцаў Раздзел 1: ББЧ
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© МХРБ «Біблейскае таварыства ў Рэспубліцы Беларусь», 2017