Moa Tïïc Nyïïatwieli 1
1
Luubö Mana Buuk Kiper Ööny Jwïëc Jwøk Na En Kur Keere
1Ï na Thïëpöla, yi wëëlö mana kwøŋa göör, a caana japa täk Jecu ki tïïc ki pwöc moe bëët, 2gøøc dïcäŋa lwøri na kïthi maal, køør mana kööm nyïïatwieli moe ki ri Jwïëc Jwøk na en kur keere, jøøa näk ee jierø. 3'Ba køør gïïa leth na jwøre, eni dëëre anyoodhe jïge ni eni kwøw ki yïth nyuuthe mo thööth. Ni eni ree wø nyoodhe nyoodhø jïge ki yïth nïra näk pïëraŋween, ni eni wø cäänö kiper buc Jwøk. 4'Ba eni kanya bëëde ki geni, gena köömme, ni kööe, ni «Käru aay yi Jerucalem, 'ba koorru gïna buuk Wära, kaawat mana wïnynyu gø baŋa, 5kiper Jøøn alöö ki pïï na nyuudhi, 'ba ki køør nïne mo nøk uuno lwøk ki Jwïëc Jwøk na en kur keere.»
Kanya Døø Jecu Maal
6'Ba køør manøgø nø, kanya cooŋge rege kanya ciel, ena pëënyge, ni köge, ni «?Kwäärö, beeye kany duuï buc nyec baŋ jø Icriel yie ennø?»
7'Ba ena köö jïge, ni «Paa kare kiperu ki man ŋäyu nïne ki kwöra wäŋŋi na caan Jwøki ki teege. 8'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.» 9'Ba na nø caan gïnögø, ni ge poot neeta gø, ena put tïŋ maal, ni puti ya pööle gëëŋ.
10'Ba kanya pootge ni ge raŋŋa maal kanya aae, jiy ariiø aput cuŋŋö buutge, mo dëëtge da abïïe mo tar. 11Ni köge, ni «?U na jø Galili, aŋø ni cuŋŋu nou raŋŋa maal en? Jecu man en, na käl buutu en ni kïthi maal, ocäŋ duuö na enøgønø thuwø kaawat man neennu gø ni aa maal enø.»
Kanya Jier Mathaya
12Køøre gena duu yi Jerucalem ni ge ööi ki bäät kïnna cwøl ni Kïn Ølip, na kare cään ki Jerucalem, mo bäye caala wääth man wø caath dhaanhe ki cäŋ jwömö.#1:12 Wääth man wø caath ki cäŋ jwömö jïtö ki kiïlömethër aciel ki wïïe mo thiinh. 13'Ba na duuge, gena ci maal yi øtø kanya bëëtge yie. Ni beeye Piter ki Jøøn ki Jeemeth ki Andaru, ki Pilip, ki Tøma, ki Barthølömu, ki Mathiew, ki Jeemeth wär Alpia, ki Cayman na näk Dhelat, ki Juudac o Jeemeth. 14'Ba jøøgø bëët røkge acïpge køør lam ki cwïny aciel, ki mään bëët, ki Meeri mii Jecu ki nyïïmenni.
15'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge, 16«Nyïïmera, wëël Jwøk manynya gø nee thur kare, kaa mana kwøŋi ya Jwïëc Jwøki na en kur keere caan ki dhi Deebit, ni caan kaper Juudac na näk dïnyuudhi jï jøøa mak Jecu. 17Kiper ena kwøŋ kwaan dëëtø, ni eni jïre da kare ri tïïc man.»
18'Ba Juudac aŋëëö ki pwödhö ki japa joode dëër gïna raac na tïïe. Ni ö eni ni päth bäät ŋute, ni cööt yie, ni ö cïïre ni øcge wøk. 19'Ba luummögø aŋäc jø Jerucalemmi bëët, ni beeye na cwølge pwöthögø ki dhi poge na Akeldema, ni tiere beeye pwöth remø.
20Ni kö Piterri, no «Ogöörö yi wëël Dut Pwøc,
«ni ‹Wëëk wï paare dïdö,
ni bäŋe dhaanhø aciel mo bëëdö yie,›#Dut Pwøc 69:25
ni ‹Beerra man ö kar tïïe ni lwøri ya ŋat mørri.›#Dut Pwøc 109:8
21Kiper manøgø nø, ø doo lwötö ki dhaanhø aciel røk jøøa bëëdö ki øøni yïth nïra caath Kwäärö ma Jecu dïïø, 22ni tägi ka ri lwøk na nyuudhi mar Jøøn, këël dïcäŋa käl Jecu dïïø ni aa maal. Dhaanhø aciel dï jøøgø doo dwätö ki øøni na aciel nee tïme na lïŋi kiper duun Jecu wøk ki yi thøø na neene.»
23Ni ö geni ni kïthge jiy ariiø nyïm, ni beeye Jocep na cwøl ni Barcaba ni wø cwøl ni Jacta, ki Mathaya. 24Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii, 25kiper nee jïte ki kare ri tïïc man en, nee tïme na nyïïatwiel na kar Juudac na gaa wøk na joot mare nyïme.» 26Ni ö geni ni tïmge ki ŋïïce, ni päth wï Mathaya. Ni put dwätö ki nyïïatwieli na näk apaar kurciel.
Цяпер абрана:
Moa Tïïc Nyïïatwieli 1: AnyuB
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia
Moa Tïïc Nyïïatwieli 1
1
Luubö Mana Buuk Kiper Ööny Jwïëc Jwøk Na En Kur Keere
1Ï na Thïëpöla, yi wëëlö mana kwøŋa göör, a caana japa täk Jecu ki tïïc ki pwöc moe bëët, 2gøøc dïcäŋa lwøri na kïthi maal, køør mana kööm nyïïatwieli moe ki ri Jwïëc Jwøk na en kur keere, jøøa näk ee jierø. 3'Ba køør gïïa leth na jwøre, eni dëëre anyoodhe jïge ni eni kwøw ki yïth nyuuthe mo thööth. Ni eni ree wø nyoodhe nyoodhø jïge ki yïth nïra näk pïëraŋween, ni eni wø cäänö kiper buc Jwøk. 4'Ba eni kanya bëëde ki geni, gena köömme, ni kööe, ni «Käru aay yi Jerucalem, 'ba koorru gïna buuk Wära, kaawat mana wïnynyu gø baŋa, 5kiper Jøøn alöö ki pïï na nyuudhi, 'ba ki køør nïne mo nøk uuno lwøk ki Jwïëc Jwøk na en kur keere.»
Kanya Døø Jecu Maal
6'Ba køør manøgø nø, kanya cooŋge rege kanya ciel, ena pëënyge, ni köge, ni «?Kwäärö, beeye kany duuï buc nyec baŋ jø Icriel yie ennø?»
7'Ba ena köö jïge, ni «Paa kare kiperu ki man ŋäyu nïne ki kwöra wäŋŋi na caan Jwøki ki teege. 8'Ba uuno jïti ki teek kanyo ö Jwïëc Jwøki na en kur keere bäätu, ni tïmu ni uuna lïŋŋe 'moa yi Jerucalem, ki yi Judia bäre, ki Cameria, këël yi piny bäre.» 9'Ba na nø caan gïnögø, ni ge poot neeta gø, ena put tïŋ maal, ni puti ya pööle gëëŋ.
10'Ba kanya pootge ni ge raŋŋa maal kanya aae, jiy ariiø aput cuŋŋö buutge, mo dëëtge da abïïe mo tar. 11Ni köge, ni «?U na jø Galili, aŋø ni cuŋŋu nou raŋŋa maal en? Jecu man en, na käl buutu en ni kïthi maal, ocäŋ duuö na enøgønø thuwø kaawat man neennu gø ni aa maal enø.»
Kanya Jier Mathaya
12Køøre gena duu yi Jerucalem ni ge ööi ki bäät kïnna cwøl ni Kïn Ølip, na kare cään ki Jerucalem, mo bäye caala wääth man wø caath dhaanhe ki cäŋ jwömö.#1:12 Wääth man wø caath ki cäŋ jwömö jïtö ki kiïlömethër aciel ki wïïe mo thiinh. 13'Ba na duuge, gena ci maal yi øtø kanya bëëtge yie. Ni beeye Piter ki Jøøn ki Jeemeth ki Andaru, ki Pilip, ki Tøma, ki Barthølömu, ki Mathiew, ki Jeemeth wär Alpia, ki Cayman na näk Dhelat, ki Juudac o Jeemeth. 14'Ba jøøgø bëët røkge acïpge køør lam ki cwïny aciel, ki mään bëët, ki Meeri mii Jecu ki nyïïmenni.
15'Ba yïth nïrögø Piter ree athïïŋe dï nyïïmëëe moa näk bääk Jecu. 'Ba acooŋa bäre jïtö ki kar jiy ma dïpa aciel ki pïërariiø. Ni kö Piterri jïge, 16«Nyïïmera, wëël Jwøk manynya gø nee thur kare, kaa mana kwøŋi ya Jwïëc Jwøki na en kur keere caan ki dhi Deebit, ni caan kaper Juudac na näk dïnyuudhi jï jøøa mak Jecu. 17Kiper ena kwøŋ kwaan dëëtø, ni eni jïre da kare ri tïïc man.»
18'Ba Juudac aŋëëö ki pwödhö ki japa joode dëër gïna raac na tïïe. Ni ö eni ni päth bäät ŋute, ni cööt yie, ni ö cïïre ni øcge wøk. 19'Ba luummögø aŋäc jø Jerucalemmi bëët, ni beeye na cwølge pwöthögø ki dhi poge na Akeldema, ni tiere beeye pwöth remø.
20Ni kö Piterri, no «Ogöörö yi wëël Dut Pwøc,
«ni ‹Wëëk wï paare dïdö,
ni bäŋe dhaanhø aciel mo bëëdö yie,›#Dut Pwøc 69:25
ni ‹Beerra man ö kar tïïe ni lwøri ya ŋat mørri.›#Dut Pwøc 109:8
21Kiper manøgø nø, ø doo lwötö ki dhaanhø aciel røk jøøa bëëdö ki øøni yïth nïra caath Kwäärö ma Jecu dïïø, 22ni tägi ka ri lwøk na nyuudhi mar Jøøn, këël dïcäŋa käl Jecu dïïø ni aa maal. Dhaanhø aciel dï jøøgø doo dwätö ki øøni na aciel nee tïme na lïŋi kiper duun Jecu wøk ki yi thøø na neene.»
23Ni ö geni ni kïthge jiy ariiø nyïm, ni beeye Jocep na cwøl ni Barcaba ni wø cwøl ni Jacta, ki Mathaya. 24Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii, 25kiper nee jïte ki kare ri tïïc man en, nee tïme na nyïïatwiel na kar Juudac na gaa wøk na joot mare nyïme.» 26Ni ö geni ni tïmge ki ŋïïce, ni päth wï Mathaya. Ni put dwätö ki nyïïatwieli na näk apaar kurciel.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© The Bible Society of Ethiopia