Vaefeso 5
5
Uduva Mukhatë a Weru
1Uvii mwikhwanëëyi Muungu, mwino ang'ënya nëvëanjëtwe. 2Muduve mu uyanjo, mwino Kiristo mweeso nëagamuyanja nyee, kangë agiduya gusoko anyu, dahwa nanë ikumbëko kunë Muungu, në rina munyunku në uja.
3Gweeso ulehadi utahanyiwe kunë nyee mbanduvë, mbesa uvaya mbesa nkumbu në mbë, mwino ivanoneye në veeriwe. 4Kangë mënyaa namba nkhani ya ufutu namba wikungumi, asaa ëtinoneye ëgweeso bahu ürümba. 5Gusoko ukhani uruu muumanyie tutë, mwino gutie mulehadi mbesa muvaya mbesa munya nkumbu, wasuu nëuguküryaa sanamu#5:5 Sanamu: Intu nëratendiwe gwa nyinkori aa intu rëngëja ëgweeso rëtina ufanga. nëuguhanga usai mu utemi wamwa Kiristo na Muungu. 6Muntu atamukhongee gwa nkhani në itina ryana, gusoko a asaa ikuwo ra Muungu rëuvahangaa vana va mahutye. 7Uvii mutatendee mwina ukhuvëi na vasaa. 8Gusoko khae nyenye naa mwëë kiti, ëgweeso itungwee mwaye mwëë veru fana Müküü, duvi mwino vana va weru, 9gusoko nkhari a weru uu ëë mufana uja woong'e na utenda në ënoneye na tutë. 10Manyi ntuni në ëgumuyanjisyaa Müküü. 11Mutakhuvëe muntendo nëyitinoneye ya kiti në itiuduyaa nkhari, ëgweeso ikenei 12gusoko nëëgutendwaa kunë veeso gwa gëmpihë, unë mënyaa gwa uyarighiitya. 13Gweeso oong'e nëakenewe ëgumanyisiwaa na weru, gusoko mu intu nërëmanyëkie uu weru. 14Uvii uguhanya,
“Fëtya, veve nëugutindia,
Ufëtye, mwa akuyi,
Na Kiristo mweesonoo ugugumwëëkëa.”
15Uvii raraavi ino mwino mugeenenda, ti mwino antu nëvëtina ihaa, ëgweeso mwino antu nëvina ihaa, 16sa muurëtumëa vija iyoma, gusoko matiku ayaa uu mavë. 17Gusoko ësëë mutatendee mwaafutu, ëgweeso mumanye u ntuni mafënji a Müküü. 18Kangë mutaghae gwa muvinyo, nëuna ntendo mbë, ëgweeso mwijuywe Mwahu. 19Ikhanëi gwa nkhani ya saburi, mëëmbo nanë nduri në njija ya munkhoo, sa muumwëmbëa na umükürya Müküü munkhoo yanyu. 20Murumbi Muungu Tata matiku oong'e gwa mantu oong'e, mu rina rakwe Müküü witu Yesu Kiristo.
Akhema Nanë Aghosya
21Mu muntu amukeere muuyakwe gusoko a ümükürya Kiristo. 22Nyee akhema, vategheeyi aghosya vanyu mwino umutegheeya Müküü witu. 23Gusoko mughosya unë itwe ra mukhemaakwe, mwino Kiristo unë itwe ra kanisa, mweesonoo unë mutyoi wa mwëërë. 24Gweeso mwino chuu kanisa rëumutegheeyaa Kiristo, vii uvii akhema noo vëategheeye aghosya vawe gwa mu ihanyo.
25Nyee aghosya ayanji akhemaanyu, mwino Kiristo nëagarëyanja kanisa. Mweeso agiduya gusoko a ryëeso, 26soko arëerye na urëteerya gwa majë mu ukhani, 27adahe gihangëa kanisa në ryeru, nërëtikweti ihada në rivë mbesa gahondo mbesa gëkaku intu nërëë mwino rasëë, ëgweeso rëtendeke ryeru rëtikweti uvë. 28Vii uvii ivanoneye aghosya noo uvayanja akhema vawe mwino mëërë awe aghonjo. Nëumuyanjëte mukhemaakwe ugiyanjaa mweeso mughonjo. 29Gusoko gutie muntu nëwusidie mwëërë wakwe mba gahada, ëgweeso uguwulësyaa na uwughondanëëya, mwino Kiristo noo në ugurëtendëaa kanisa. 30Gusoko gwë nongo ya mwëërë wakwe. 31Gusoko ësëë muntu ugumureka tata wakwe nanë yiu wakwe, ugukhuvëa itambëëmwe na mukhemaakwe na vasaa vavëë vëutendeka mwëërë rumwe. 32Gëmpihë gasëë uu gëkuu, ëgweeso nene ngurighitya sayu amwa Kiristo na kanisa. 33Gweeso muu muntu amuyanje mukhema wakwe mwino nkhoo akwe mweeso mughonjo, mukhema noo inoneye umukeera mughosyaakwe.
Цяпер абрана:
Vaefeso 5: RNT
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Kirimi New Testament © Bible Society of Tanzania, 2008.
Vaefeso 5
5
Uduva Mukhatë a Weru
1Uvii mwikhwanëëyi Muungu, mwino ang'ënya nëvëanjëtwe. 2Muduve mu uyanjo, mwino Kiristo mweeso nëagamuyanja nyee, kangë agiduya gusoko anyu, dahwa nanë ikumbëko kunë Muungu, në rina munyunku në uja.
3Gweeso ulehadi utahanyiwe kunë nyee mbanduvë, mbesa uvaya mbesa nkumbu në mbë, mwino ivanoneye në veeriwe. 4Kangë mënyaa namba nkhani ya ufutu namba wikungumi, asaa ëtinoneye ëgweeso bahu ürümba. 5Gusoko ukhani uruu muumanyie tutë, mwino gutie mulehadi mbesa muvaya mbesa munya nkumbu, wasuu nëuguküryaa sanamu#5:5 Sanamu: Intu nëratendiwe gwa nyinkori aa intu rëngëja ëgweeso rëtina ufanga. nëuguhanga usai mu utemi wamwa Kiristo na Muungu. 6Muntu atamukhongee gwa nkhani në itina ryana, gusoko a asaa ikuwo ra Muungu rëuvahangaa vana va mahutye. 7Uvii mutatendee mwina ukhuvëi na vasaa. 8Gusoko khae nyenye naa mwëë kiti, ëgweeso itungwee mwaye mwëë veru fana Müküü, duvi mwino vana va weru, 9gusoko nkhari a weru uu ëë mufana uja woong'e na utenda në ënoneye na tutë. 10Manyi ntuni në ëgumuyanjisyaa Müküü. 11Mutakhuvëe muntendo nëyitinoneye ya kiti në itiuduyaa nkhari, ëgweeso ikenei 12gusoko nëëgutendwaa kunë veeso gwa gëmpihë, unë mënyaa gwa uyarighiitya. 13Gweeso oong'e nëakenewe ëgumanyisiwaa na weru, gusoko mu intu nërëmanyëkie uu weru. 14Uvii uguhanya,
“Fëtya, veve nëugutindia,
Ufëtye, mwa akuyi,
Na Kiristo mweesonoo ugugumwëëkëa.”
15Uvii raraavi ino mwino mugeenenda, ti mwino antu nëvëtina ihaa, ëgweeso mwino antu nëvina ihaa, 16sa muurëtumëa vija iyoma, gusoko matiku ayaa uu mavë. 17Gusoko ësëë mutatendee mwaafutu, ëgweeso mumanye u ntuni mafënji a Müküü. 18Kangë mutaghae gwa muvinyo, nëuna ntendo mbë, ëgweeso mwijuywe Mwahu. 19Ikhanëi gwa nkhani ya saburi, mëëmbo nanë nduri në njija ya munkhoo, sa muumwëmbëa na umükürya Müküü munkhoo yanyu. 20Murumbi Muungu Tata matiku oong'e gwa mantu oong'e, mu rina rakwe Müküü witu Yesu Kiristo.
Akhema Nanë Aghosya
21Mu muntu amukeere muuyakwe gusoko a ümükürya Kiristo. 22Nyee akhema, vategheeyi aghosya vanyu mwino umutegheeya Müküü witu. 23Gusoko mughosya unë itwe ra mukhemaakwe, mwino Kiristo unë itwe ra kanisa, mweesonoo unë mutyoi wa mwëërë. 24Gweeso mwino chuu kanisa rëumutegheeyaa Kiristo, vii uvii akhema noo vëategheeye aghosya vawe gwa mu ihanyo.
25Nyee aghosya ayanji akhemaanyu, mwino Kiristo nëagarëyanja kanisa. Mweeso agiduya gusoko a ryëeso, 26soko arëerye na urëteerya gwa majë mu ukhani, 27adahe gihangëa kanisa në ryeru, nërëtikweti ihada në rivë mbesa gahondo mbesa gëkaku intu nërëë mwino rasëë, ëgweeso rëtendeke ryeru rëtikweti uvë. 28Vii uvii ivanoneye aghosya noo uvayanja akhema vawe mwino mëërë awe aghonjo. Nëumuyanjëte mukhemaakwe ugiyanjaa mweeso mughonjo. 29Gusoko gutie muntu nëwusidie mwëërë wakwe mba gahada, ëgweeso uguwulësyaa na uwughondanëëya, mwino Kiristo noo në ugurëtendëaa kanisa. 30Gusoko gwë nongo ya mwëërë wakwe. 31Gusoko ësëë muntu ugumureka tata wakwe nanë yiu wakwe, ugukhuvëa itambëëmwe na mukhemaakwe na vasaa vavëë vëutendeka mwëërë rumwe. 32Gëmpihë gasëë uu gëkuu, ëgweeso nene ngurighitya sayu amwa Kiristo na kanisa. 33Gweeso muu muntu amuyanje mukhema wakwe mwino nkhoo akwe mweeso mughonjo, mukhema noo inoneye umukeera mughosyaakwe.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Kirimi New Testament © Bible Society of Tanzania, 2008.