OROMA 3
3
1Ti kenok, it Yakuri mendek ti, we aret leenogo piyareegerak mbakop? Ndi, inagabolo mbanggwi ti, we aret mbanggwi mbakop? 2Lek o. It eeko logowak nduk leenogo piyareegerak nogo ti, wone ambik wonage me, yokkira o. Ambi, Ala nen, ”An noone it porogo logowak,” mba'nuk, unde eeppiyareegerak. 3Eeppiyareegerak kagak, it ando nen liirogon eeka'lek kenok ti, nonggop mbakop? Liirogon eeka'lek kenok, at Ala nen it eeppiyoorak kooneegerak nogo liippunuk, eeppiyaagin lek mbakop? 4Lek o. Eeppiyaagin aret o!
”Kat yemenggendak perak,
abet aret kombaruwak nduk, yumunggun o.
Ndi, kowak loonogo kawone amburu mbanggwi paga kat nen ari ti,
abet aret kombarugun o,”
yinuk, liiru mbanak ti kwak, aakumi abok pilit wone yogo menggaarak kwe, Ala perak, abet mban ari menggerak o.
5Nit maluk eekwi paga nen, ”Kat Ala obeelom mban menggendak yelok keegwi me, nit nonggop nduk kat kanini nen maluk ee'ninake agandik?” yinuk, aakumi nen yogo mengga kwak, ”Ala yi liira'lek eeppinanege menggerak kogo,” yinuk, togop yoriyak op mbakop? 6Lek o. Nit maluk eekwi niigak kwe, onggo maluk ee'ninake lek kenok, nonggop togon yi aakumi ndi aakumi owak leeninaburak mbakop?
7”An pilit wone ari minggirak paga nen, kat Ala abet mban ari menggendak kenom eeppagage neenok, aakumi nen tiyappagagwi me, nonggop nduk kat maluk eeke yo'nege agandik?” yinuk, yoriyak op mbakop? 8”Nit maluk eekwi paga nen, obeelom mendek kenom eeruwak nduk, maluk eeruwok o,” yuurak op mbakop? It aakumi ando nen, ”An togop eeriyak,” yaga'lek neegak noba lenggenggwi me, Ala nen onggo maluk aganabigin aret mbake agarik o.
Yi aakumi ndi aakumi obeelom eekulik maluk mban eeko menggaarak wone
9Togop me, nit Yakuri mban iya, ndi, it aakumi endekem konenggulik mendek perak, meek mbakop? Mondok lek o.
10”Aap ambit ambi obeelom eeke menggerak wonage abu lek o.
11Aap ambi iniki warak wonage abu lek o.
Ambiret ambi nen togon Ala iniki mbake menggerak ndak-ndak,
Eerikit o, yinuk, abu mbakeelik o.
12Aakumi abok aret Ala inambokan mbo punuk,
we ugun iniki mba'nuk eerit nugu logonet,
ambi obeelom eekwi lek abok maluk mban eerit nugu menggaarak.
13It aakumi kanggaatak inobari ndi wuko mengga kwak,
it inambe obari togop aret ndi wurit nugwi,
it inambe paga nen pilit wone yogwe,
waalo muru age irip paga yombak inooketak kanggo mengga kwak,
inoone paga nen togop aret aakumi inoorit nugwi,
14inoone paga nen wone abu maluk andiigwi mban aakumi mberirogo logonet, pulunogo piinet nugwi,
15ineenggi irip paga aakumi mbet-mbet inoorit nugwi,
16-17aakumi inom lambunik obeelom logorak, Nineebi o, yinuk,
yi awi ndi awi nugu logonet, ugun yale-pale eerogo mappiinet nugwi,
eerit nogo logonet,
18Ala nagabiti, iya! yinuk, abu mbaka'lek aret wonogwe o,” yinuk, liiru mbanak ti kokwak, nit Yakuri mendek inom, aakumi endekem konenggulik mendek inom, abok aret maluk eeriyak mban ee'ninake menggerak me nduk yokkiragi o. 19Ti kenok, Ala nen, ”Yogop ee'nu, ndogop ee'nu,” yinuk, lengganogo Muta yoreegerak wone nogo abok aret it wone ti wappunuk eeko menggaarak ti mban inake lek o. Ata, yi aap ndi aap abok aret inoone lek agago piinok, maluk onggo eeppiyaawak nduk, wone lengganogo yoreegerak kogo ogoorik o. 20Ala nen wone lengganogo Muta yoreegerak wone nogo eekwi paga aakumi obeelom aganabuwak nduk yoreegerak lek o. Ata, ”An maluk eeke minggirak aret kagi,” yinuk, yelok kogo logowak nduk yoreegerak me wone lengganogo Muta yoreegerak eekwi paga Ala nen, ”Kat aap obeelom aret o,” yinuk, yigin lek aret o.
Iniki abet mbakwi paga aakumi obeelom eerogo piyareegerak wone
21Ala nen aakumi obeelom agago piige ti, Ala nen Muta yoreegerak wone nogo inom, it maan Ala wone yorogo nogogwaarak nabi-nabi nen yereegwaarak wone nogo inom, liiru mbanak nogo ndak-ndak kin agagerak me, Muta wone lengganak nogo eekwi paga lek o. 22Ata, Yakuri mendek inom, endekem konenggulik mendek inom, abok aret iniki Yetut Keritut oba panggombunuk, abet mbakwi kenok mban, obeelom agago piige menggerak. 23Nit abok aret maluk mban eerit nogo logonet, Ala nen nit aap obeelom tiyanak logorak ninombareegerak nogo ndak-ndak aga'lek aret ogoorik o. 24Aga'lek aret wonogwe kwe, Ala iniki kunik nen onggo lek we aret eeppinanege logonet, at Yetut Keritut nen ninonggo mbambunuk piinogo pinaneegerak nogo paga obeelom agago pinaneegerak wonogwe. 25Maan aa'nduk it aakumi maluk eekwi iigak, Ala iniki yanggonak logonet teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, nit niniki nen at Yetut abet mbakwi niinok, at aniya wundemenggerak paga nit maluk eekwi lek ee'ninake logowak nduk, Ala nen, ”Yetut waruwak o,” yinuk, punogo pereegerak o. 26Togop eereegerak paga, at nen irip kunduk eeppinanege, ndi, nit aakumi niniki Yetut oba panggombunuk mbakwi niinok, obeelom agago pinanege, eeke kaawak nduk aret eereegerak me nduk, yokkiragi o.
27Togop aret me, alom ngge paga wogoppako ogotik? Alom lek kagak, nano paga panggombunuk wogoppako ogotik? Kit eeko monggotak paga panggombunuk wogoppatiyak op mbakop? Lek o. Niniki abet mbakwi paga mban obeelom eeppinanege me, ti paga panggombunuk, ale'nggen mbariyak op o. 28At Ala nen, ”Yogop ee'nu, ndogop ee'nu,” yoreegerak waganggo monggoorak paga obeelom eerogo pinanigin ti, lek o. Ata, abet mbakwi paga mban obeelom eerogo pinanigin kogo ogoorik o. 29At Ala ti, it endekem konenggulik mendek inogoba lek it Yakuri mban inogoba me nduk, yogo ogotik? Lek o. Endekem mendek kunduk inogoba aret o. 30At Ala ti, ambit aret me, inagabolo mbanak mendek inom, mbanak lek mendek inom, iniki nen abet mbakwi paga mban obeelom agago piyaagin o. 31Togop kenok ti, nit abet mbakwi ti paga nen Muta wone lengganak nogo taganogo pugwi mbakop? Lek o. Wone ti aret omaawi eeko ogoorik o.
Цяпер абрана:
OROMA 3: WNO
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
OROMA 3
3
1Ti kenok, it Yakuri mendek ti, we aret leenogo piyareegerak mbakop? Ndi, inagabolo mbanggwi ti, we aret mbanggwi mbakop? 2Lek o. It eeko logowak nduk leenogo piyareegerak nogo ti, wone ambik wonage me, yokkira o. Ambi, Ala nen, ”An noone it porogo logowak,” mba'nuk, unde eeppiyareegerak. 3Eeppiyareegerak kagak, it ando nen liirogon eeka'lek kenok ti, nonggop mbakop? Liirogon eeka'lek kenok, at Ala nen it eeppiyoorak kooneegerak nogo liippunuk, eeppiyaagin lek mbakop? 4Lek o. Eeppiyaagin aret o!
”Kat yemenggendak perak,
abet aret kombaruwak nduk, yumunggun o.
Ndi, kowak loonogo kawone amburu mbanggwi paga kat nen ari ti,
abet aret kombarugun o,”
yinuk, liiru mbanak ti kwak, aakumi abok pilit wone yogo menggaarak kwe, Ala perak, abet mban ari menggerak o.
5Nit maluk eekwi paga nen, ”Kat Ala obeelom mban menggendak yelok keegwi me, nit nonggop nduk kat kanini nen maluk ee'ninake agandik?” yinuk, aakumi nen yogo mengga kwak, ”Ala yi liira'lek eeppinanege menggerak kogo,” yinuk, togop yoriyak op mbakop? 6Lek o. Nit maluk eekwi niigak kwe, onggo maluk ee'ninake lek kenok, nonggop togon yi aakumi ndi aakumi owak leeninaburak mbakop?
7”An pilit wone ari minggirak paga nen, kat Ala abet mban ari menggendak kenom eeppagage neenok, aakumi nen tiyappagagwi me, nonggop nduk kat maluk eeke yo'nege agandik?” yinuk, yoriyak op mbakop? 8”Nit maluk eekwi paga nen, obeelom mendek kenom eeruwak nduk, maluk eeruwok o,” yuurak op mbakop? It aakumi ando nen, ”An togop eeriyak,” yaga'lek neegak noba lenggenggwi me, Ala nen onggo maluk aganabigin aret mbake agarik o.
Yi aakumi ndi aakumi obeelom eekulik maluk mban eeko menggaarak wone
9Togop me, nit Yakuri mban iya, ndi, it aakumi endekem konenggulik mendek perak, meek mbakop? Mondok lek o.
10”Aap ambit ambi obeelom eeke menggerak wonage abu lek o.
11Aap ambi iniki warak wonage abu lek o.
Ambiret ambi nen togon Ala iniki mbake menggerak ndak-ndak,
Eerikit o, yinuk, abu mbakeelik o.
12Aakumi abok aret Ala inambokan mbo punuk,
we ugun iniki mba'nuk eerit nugu logonet,
ambi obeelom eekwi lek abok maluk mban eerit nugu menggaarak.
13It aakumi kanggaatak inobari ndi wuko mengga kwak,
it inambe obari togop aret ndi wurit nugwi,
it inambe paga nen pilit wone yogwe,
waalo muru age irip paga yombak inooketak kanggo mengga kwak,
inoone paga nen togop aret aakumi inoorit nugwi,
14inoone paga nen wone abu maluk andiigwi mban aakumi mberirogo logonet, pulunogo piinet nugwi,
15ineenggi irip paga aakumi mbet-mbet inoorit nugwi,
16-17aakumi inom lambunik obeelom logorak, Nineebi o, yinuk,
yi awi ndi awi nugu logonet, ugun yale-pale eerogo mappiinet nugwi,
eerit nogo logonet,
18Ala nagabiti, iya! yinuk, abu mbaka'lek aret wonogwe o,” yinuk, liiru mbanak ti kokwak, nit Yakuri mendek inom, aakumi endekem konenggulik mendek inom, abok aret maluk eeriyak mban ee'ninake menggerak me nduk yokkiragi o. 19Ti kenok, Ala nen, ”Yogop ee'nu, ndogop ee'nu,” yinuk, lengganogo Muta yoreegerak wone nogo abok aret it wone ti wappunuk eeko menggaarak ti mban inake lek o. Ata, yi aap ndi aap abok aret inoone lek agago piinok, maluk onggo eeppiyaawak nduk, wone lengganogo yoreegerak kogo ogoorik o. 20Ala nen wone lengganogo Muta yoreegerak wone nogo eekwi paga aakumi obeelom aganabuwak nduk yoreegerak lek o. Ata, ”An maluk eeke minggirak aret kagi,” yinuk, yelok kogo logowak nduk yoreegerak me wone lengganogo Muta yoreegerak eekwi paga Ala nen, ”Kat aap obeelom aret o,” yinuk, yigin lek aret o.
Iniki abet mbakwi paga aakumi obeelom eerogo piyareegerak wone
21Ala nen aakumi obeelom agago piige ti, Ala nen Muta yoreegerak wone nogo inom, it maan Ala wone yorogo nogogwaarak nabi-nabi nen yereegwaarak wone nogo inom, liiru mbanak nogo ndak-ndak kin agagerak me, Muta wone lengganak nogo eekwi paga lek o. 22Ata, Yakuri mendek inom, endekem konenggulik mendek inom, abok aret iniki Yetut Keritut oba panggombunuk, abet mbakwi kenok mban, obeelom agago piige menggerak. 23Nit abok aret maluk mban eerit nogo logonet, Ala nen nit aap obeelom tiyanak logorak ninombareegerak nogo ndak-ndak aga'lek aret ogoorik o. 24Aga'lek aret wonogwe kwe, Ala iniki kunik nen onggo lek we aret eeppinanege logonet, at Yetut Keritut nen ninonggo mbambunuk piinogo pinaneegerak nogo paga obeelom agago pinaneegerak wonogwe. 25Maan aa'nduk it aakumi maluk eekwi iigak, Ala iniki yanggonak logonet teppiyareegerak kwe, yogondak perak, maluk eekwi niinok, irip kunduk eeke menggerak nineenu aruwak nduk, nit niniki nen at Yetut abet mbakwi niinok, at aniya wundemenggerak paga nit maluk eekwi lek ee'ninake logowak nduk, Ala nen, ”Yetut waruwak o,” yinuk, punogo pereegerak o. 26Togop eereegerak paga, at nen irip kunduk eeppinanege, ndi, nit aakumi niniki Yetut oba panggombunuk mbakwi niinok, obeelom agago pinanege, eeke kaawak nduk aret eereegerak me nduk, yokkiragi o.
27Togop aret me, alom ngge paga wogoppako ogotik? Alom lek kagak, nano paga panggombunuk wogoppako ogotik? Kit eeko monggotak paga panggombunuk wogoppatiyak op mbakop? Lek o. Niniki abet mbakwi paga mban obeelom eeppinanege me, ti paga panggombunuk, ale'nggen mbariyak op o. 28At Ala nen, ”Yogop ee'nu, ndogop ee'nu,” yoreegerak waganggo monggoorak paga obeelom eerogo pinanigin ti, lek o. Ata, abet mbakwi paga mban obeelom eerogo pinanigin kogo ogoorik o. 29At Ala ti, it endekem konenggulik mendek inogoba lek it Yakuri mban inogoba me nduk, yogo ogotik? Lek o. Endekem mendek kunduk inogoba aret o. 30At Ala ti, ambit aret me, inagabolo mbanak mendek inom, mbanak lek mendek inom, iniki nen abet mbakwi paga mban obeelom agago piyaagin o. 31Togop kenok ti, nit abet mbakwi ti paga nen Muta wone lengganak nogo taganogo pugwi mbakop? Lek o. Wone ti aret omaawi eeko ogoorik o.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце