NAPPIYAREEGERAK 18
18
O Korindut logonet eereegerak wone
1Ti eeke nagagirik, at Pawulut nogo o Atena teppunuk, o Korindut nagagerak. 2O Korindut nage nagagirik, time logonet, aap Yakuri mendek ambi endage Akwila, o Pondut nda'nagagerak nogo, akweeluk endage Peritikila imbirak aap Kelawuriyut nen, ”It Yakuri mendek o Oroma yime logorak lek o,” yinuk, wone lengganogo yoragagerak paga, awo ngget iluk o Italiya teppunuk, o Korindut wogo nogogwaarik, time wonogo logonet, 3mbogoyum o wuriyak penggaakwi me, Pawulut iya nage nagagirik, at kunduk inom penggaakwi nogo eenu me, inom logonet, penggaako nogogwaarak. 4Eeko logonet, at Pawulut nogo kulinik-kalinik hari Sabtu it Yakuri tamban eekwi paga it tamban eeko menggam it Yakuri inom, it Yunani mendek inom, it iniki abet mbaruwak nduk, Ala wone piinogo yorage nagagerak.
5Eekwi me, Timotiyut inom, Tilat inom, o Makeroniya nen wogo nogogwaarik, inom logonet, at Pawulut nen, ”Lek o. Ala leenogo mippereegerak nogo, Yetut aret o,” yinuk, it Yakuri nogo, Ala wone mban nggwiirit-nggwaarit yorage nagagerak. 6Yorage me, it nogo inom ogoorak logonet, miyuk-meya eerogo pogo mbareegwa, ”Kit lek eerogo pinagarak ti, an nobalombok lek o. Kit kinobalombok eekkolamonggotak paga lek eerogo pinagagin o. An yogondak nen it aap endekem mendek yoranet nege logogin o,” yinuk, ineraaket nen mbogoyum liirubu lengganak nogo yumbunogo inoba nappereegerak. 7O time mbo punuk, aap Ala agabiti warak endage Titiyut Yutut ame it Yakuri tamban eeko menggam koorok me ka wagagerak. 8It Yakuri tamban eeko menggam unde menggerak Keritiput nogo inom, at inom menggaarak inom, iniki ninogoba Yetut oba panggombunuk abet mbareegwaarak. Ndi, it Korindut mendek ambik at Pawulut nen yoragagerak nogo konembunuk, abet mbako mbareegwa, yiime wuppiyareegerak.
9-10Ne ambi paga nogo iniki paga ninogoba Yetut nen at Pawulut abinggaanggo paga yoge logonet, ”An nimbirak wonage me, aakumi nen koorugun lek o. Yime an napuri ambik wonogwe me, kat kagabiti nen puk logogun o. Yorage logot o,” yinuk, 11yoreegerak me, oonegen lagi nage, wambi wage, eeke kagak, tut 18 penengge kagak, Ala wone mamunirage nagagerak.
12Ala wone mamunirage wonage me, at Nggaliyo aakumi Akaya mendek inowe endagembogut ngguberenor mi'ndak wonage kagak, it Yakuri mendek abok inom mi'nogo nogogwaarik, Pawulut eebe wonok, wone amburu mbanggo menggam pi nogogwaarak. 13Pi nogo nogogwaarik, ”At aap yi, Ala alut eeko logorak wone lengganak nogo kagak, alik eeko logowak nduk, aakumi iniki nggaganabit nege kenok, wonok wogo o.”
Yorogo mbareegwa, 14at Pawulut nogo yoraakit nduk eeke kagak, at Nggaliyo nen it Yakuri nogo yorage logonet, ”At abu maluk naalop-kaalop ee'netak nen, kit aap Yakuri yogwe naruk liirogon konenikit lak kwe, 15wone lengganak mbuulogwe-mbaalogwe eeko monggotak nogo paga wone wakwi me, an nen wone amburu mbanogo yokkiroorak neebi o. Kit kinalik mban koonubagip nduk, 16wundi nanip o,” yinuk, wone amburu mbanggo menggam time nen mugugo wumbiyareegerak. 17Wumbiige mbareegi, it nen it Yakuri tamban eeko menggam unde menggerak at Totenet nogo pigogo, wone amburu mbanggo menggam ta'nogo nen yawi wakwi iigak, at Nggaliyo nen, ”Inobalombok,” mba'nuk, puk agagerak.
At Pawulut iyok paga o Andiyokiya wagagerak wone
18At Pawulut time logonet, nogo ambik yege nagagirik, ti'nuk, at oreewi Yetut apuri time lambembiinok, it Akwila akweeluk Peritikila imbirak inom o Tiriya wunda nawok nduk eeke logonet, at Pawulut nen ambi eeriyak Ala enggaanom yoreegerak nogo ndak-ndak aret eeke nagagirik, o Kenggereya taati eeruwak mbaneegerak. 19Eeruwak mbangge nagagirik, o Epetut wunda wogogwaarak. At Pawulut nen Peritikila Akwila imbirak time piinok, at alik it Yakuri tamban eeko menggam unggwi nage nagagirik, Ala wone piinogo yoragagerak. 20Yorage mbareegi, ”Ninom yime ambinom logowok o,” yoreegwaarak kwe, ”Lek,” ari nagagirik, 21”At Ala nen, Woroorak, mbake kenok, peebi kiya woraagin o,” yinuk, keyage wappiinok, o Epetut time nen yiiro paga wagagerak.
22O Kayitareya wage nagagirik nogome nen, at Pawulut o Yerutalem wambi nage nagagirik, it Yetut apuri time keyage wappiinok, o Andiyokiya lagi wagagerak. 23Time wonagagirik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut wone waganggwi nogo iniki nu'lek logowak nduk, yoranet nege nagagerak.
At Apolot nen o Epetut inom, o Korindut inom eereegerak wone
24Aap Yakuri mendek ambi endage Apolot, awi alom me Alekanderiya nogo, at Ala wone irip-unggut abok eenu logonet, oone amburu lombok yorage menggerak me, o Epetut nagagerak. 25Nage nagagirik, ninogoba Yetut wone yogwi iinok, liirogon waganeegerak me, Yetut eeke nagagerak wone abet aret mamunirage, iniki aganggen kerek togon yorage, eeke nagagerak kwe, we Yaya yiime wuppiige nagagerak wone nogo mban eenu me yorage nagagerak. 26At agabiti lek logonet, it Yakuri tamban eeko menggam nogome wone yorage nagagerak. Yorage me, it Peritikila Akwila imbirak inaruk konembogo nogogwaarik, wonok, iname nogo nogogwaarik, Ala eeke menggerak wone nogo liirogon mbinuk-mbenak eerogo yoreegwaarak. 27At nogo nen o Akaya wunda naakit nduk, eeke mbareegi, it Yetut apuri time nen it Yetut wone waganeegwaarak nogo at keyage warogo wawak nduk, liiru mbanogo nappiyareegwaarak. Nappiigo mbareegwa, wonok, ene paga wunda nage nagagirik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak. 28It Yakuri inom nggwok me wone wako logonet, at Apolot nen Ala wone mbanak paga, ”Ala nen leenogo mippereegerak ti, Yetut aret o,” yinuk, onggo yoriyak lek mondok lok kunik yorage nagagerak.
Цяпер абрана:
NAPPIYAREEGERAK 18: WNO
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
NAPPIYAREEGERAK 18
18
O Korindut logonet eereegerak wone
1Ti eeke nagagirik, at Pawulut nogo o Atena teppunuk, o Korindut nagagerak. 2O Korindut nage nagagirik, time logonet, aap Yakuri mendek ambi endage Akwila, o Pondut nda'nagagerak nogo, akweeluk endage Peritikila imbirak aap Kelawuriyut nen, ”It Yakuri mendek o Oroma yime logorak lek o,” yinuk, wone lengganogo yoragagerak paga, awo ngget iluk o Italiya teppunuk, o Korindut wogo nogogwaarik, time wonogo logonet, 3mbogoyum o wuriyak penggaakwi me, Pawulut iya nage nagagirik, at kunduk inom penggaakwi nogo eenu me, inom logonet, penggaako nogogwaarak. 4Eeko logonet, at Pawulut nogo kulinik-kalinik hari Sabtu it Yakuri tamban eekwi paga it tamban eeko menggam it Yakuri inom, it Yunani mendek inom, it iniki abet mbaruwak nduk, Ala wone piinogo yorage nagagerak.
5Eekwi me, Timotiyut inom, Tilat inom, o Makeroniya nen wogo nogogwaarik, inom logonet, at Pawulut nen, ”Lek o. Ala leenogo mippereegerak nogo, Yetut aret o,” yinuk, it Yakuri nogo, Ala wone mban nggwiirit-nggwaarit yorage nagagerak. 6Yorage me, it nogo inom ogoorak logonet, miyuk-meya eerogo pogo mbareegwa, ”Kit lek eerogo pinagarak ti, an nobalombok lek o. Kit kinobalombok eekkolamonggotak paga lek eerogo pinagagin o. An yogondak nen it aap endekem mendek yoranet nege logogin o,” yinuk, ineraaket nen mbogoyum liirubu lengganak nogo yumbunogo inoba nappereegerak. 7O time mbo punuk, aap Ala agabiti warak endage Titiyut Yutut ame it Yakuri tamban eeko menggam koorok me ka wagagerak. 8It Yakuri tamban eeko menggam unde menggerak Keritiput nogo inom, at inom menggaarak inom, iniki ninogoba Yetut oba panggombunuk abet mbareegwaarak. Ndi, it Korindut mendek ambik at Pawulut nen yoragagerak nogo konembunuk, abet mbako mbareegwa, yiime wuppiyareegerak.
9-10Ne ambi paga nogo iniki paga ninogoba Yetut nen at Pawulut abinggaanggo paga yoge logonet, ”An nimbirak wonage me, aakumi nen koorugun lek o. Yime an napuri ambik wonogwe me, kat kagabiti nen puk logogun o. Yorage logot o,” yinuk, 11yoreegerak me, oonegen lagi nage, wambi wage, eeke kagak, tut 18 penengge kagak, Ala wone mamunirage nagagerak.
12Ala wone mamunirage wonage me, at Nggaliyo aakumi Akaya mendek inowe endagembogut ngguberenor mi'ndak wonage kagak, it Yakuri mendek abok inom mi'nogo nogogwaarik, Pawulut eebe wonok, wone amburu mbanggo menggam pi nogogwaarak. 13Pi nogo nogogwaarik, ”At aap yi, Ala alut eeko logorak wone lengganak nogo kagak, alik eeko logowak nduk, aakumi iniki nggaganabit nege kenok, wonok wogo o.”
Yorogo mbareegwa, 14at Pawulut nogo yoraakit nduk eeke kagak, at Nggaliyo nen it Yakuri nogo yorage logonet, ”At abu maluk naalop-kaalop ee'netak nen, kit aap Yakuri yogwe naruk liirogon konenikit lak kwe, 15wone lengganak mbuulogwe-mbaalogwe eeko monggotak nogo paga wone wakwi me, an nen wone amburu mbanogo yokkiroorak neebi o. Kit kinalik mban koonubagip nduk, 16wundi nanip o,” yinuk, wone amburu mbanggo menggam time nen mugugo wumbiyareegerak. 17Wumbiige mbareegi, it nen it Yakuri tamban eeko menggam unde menggerak at Totenet nogo pigogo, wone amburu mbanggo menggam ta'nogo nen yawi wakwi iigak, at Nggaliyo nen, ”Inobalombok,” mba'nuk, puk agagerak.
At Pawulut iyok paga o Andiyokiya wagagerak wone
18At Pawulut time logonet, nogo ambik yege nagagirik, ti'nuk, at oreewi Yetut apuri time lambembiinok, it Akwila akweeluk Peritikila imbirak inom o Tiriya wunda nawok nduk eeke logonet, at Pawulut nen ambi eeriyak Ala enggaanom yoreegerak nogo ndak-ndak aret eeke nagagirik, o Kenggereya taati eeruwak mbaneegerak. 19Eeruwak mbangge nagagirik, o Epetut wunda wogogwaarak. At Pawulut nen Peritikila Akwila imbirak time piinok, at alik it Yakuri tamban eeko menggam unggwi nage nagagirik, Ala wone piinogo yoragagerak. 20Yorage mbareegi, ”Ninom yime ambinom logowok o,” yoreegwaarak kwe, ”Lek,” ari nagagirik, 21”At Ala nen, Woroorak, mbake kenok, peebi kiya woraagin o,” yinuk, keyage wappiinok, o Epetut time nen yiiro paga wagagerak.
22O Kayitareya wage nagagirik nogome nen, at Pawulut o Yerutalem wambi nage nagagirik, it Yetut apuri time keyage wappiinok, o Andiyokiya lagi wagagerak. 23Time wonagagirik, ti'nuk, peebi o time lambembunuk, yi awi ndi awi o Nggalatiya inom, o Perigiya inom, yanggwagak nege logonet, Yetut wone waganggwi nogo iniki nu'lek logowak nduk, yoranet nege nagagerak.
At Apolot nen o Epetut inom, o Korindut inom eereegerak wone
24Aap Yakuri mendek ambi endage Apolot, awi alom me Alekanderiya nogo, at Ala wone irip-unggut abok eenu logonet, oone amburu lombok yorage menggerak me, o Epetut nagagerak. 25Nage nagagirik, ninogoba Yetut wone yogwi iinok, liirogon waganeegerak me, Yetut eeke nagagerak wone abet aret mamunirage, iniki aganggen kerek togon yorage, eeke nagagerak kwe, we Yaya yiime wuppiige nagagerak wone nogo mban eenu me yorage nagagerak. 26At agabiti lek logonet, it Yakuri tamban eeko menggam nogome wone yorage nagagerak. Yorage me, it Peritikila Akwila imbirak inaruk konembogo nogogwaarik, wonok, iname nogo nogogwaarik, Ala eeke menggerak wone nogo liirogon mbinuk-mbenak eerogo yoreegwaarak. 27At nogo nen o Akaya wunda naakit nduk, eeke mbareegi, it Yetut apuri time nen it Yetut wone waganeegwaarak nogo at keyage warogo wawak nduk, liiru mbanogo nappiyareegwaarak. Nappiigo mbareegwa, wonok, ene paga wunda nage nagagirik, Ala inabuwa nen eeppiyareegerak paga abet mbareegwaarak nogo inom logonet, mondok iya lombok yeenggwaarage nagagerak. 28It Yakuri inom nggwok me wone wako logonet, at Apolot nen Ala wone mbanak paga, ”Ala nen leenogo mippereegerak ti, Yetut aret o,” yinuk, onggo yoriyak lek mondok lok kunik yorage nagagerak.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце