ROMANOS 10
10
1Ecue dohuecuana jjo'icuana, eyaya basaneineiaña ojjaña enijjejaajji israelitacuana oja nahue'yo ba'eca. Eya majotiiya mimipoquiani queahuiso Eyacuiñajjinijje ojjañatii oja nahue'yo epojjijo. 2Ecuea eba enijjejaajjicuana e'ejojonei Eyacuiñajjija ejjashahuabaquijjijo ba'epoquisapoani. Ojaya echacojji asa-acani cuaa. Jamaya a-ajjacani enijjejaajjicuaa jamatii queaja'a jjashahuabaquijjima nequiya. 3Enijjejaajjicuanaja queaquehuatii poani achajjajo Eyacuiñajjiya dejjacuana, eponacuana mimishima'yo bacani. Jamajjeya ojayanei ejjashahuabaquijjijo queapame epoaje'yo poso jjabaquicani israelitacuana. Eyacuiñajjija ejjashahuabaquijji mimishima'yo o Eyacuiñajjija ebajjijo ca jjashahuabaqui'yosapo-ajjatii poani. 4Bacue, Quitohua ese ojjañatii Moisesja tehuecuana jayojja eba'etiitiipoquijji pomeepajeaca'yapoa ese mimishima'yo Eyacuiñajjija ebajjijo. Jamajojoya aje jjeya Eyacuiñajjiya ojjaña joya Quitojo jjashahuabaqui'yani huisotiicuana oja mimishima'yo bacanitii.
Ojjañajaajjicuana enahue'yo pocajji
5Moisesya huohuicapoa cuana joya oja tehuecuana jayojjatii ba'esaneipoanicuana oja mimishima'yo ebajji jama ba'a: “Joya ojjañaneitii oja tehuecuana jayojja eba'etiitiipoquijji poanicuana comaya Eyacuiñajjiya oya bacaje mimishima'nei.” 6Eyacuiñajjija ejjashahuabaquijji dejjacuana, eponacuana mimishima'yo ebajji ca pea poani. Oja ejjashahuabaquijji jama poani ba'a: Ojjaña joya Eyacuiñajjija esohuijo jjashahuabaqui'yani huisotiicuana ohuaya bacani oja mimishima'yo. Jamajjeya jama poca-ajja ba'a: “¿Ae shai Eyahuasijje poquije'yo?” Jiquio esohui jama poanijje ba'a: Eseyaya Quito nequioquemeeje. 7Jama popea-aica-ajja ba'a: “¿Ae shai meshiquipahuasijje nobiquije emano'yocuana ani baa?” Jiquio esohui jama poanijje ba'a: Eseya cuamaya Quito sa-ajjaa poquica-ajja. Oya Quito emano'yotii pojjeama ani, oya eshequi'yo nequi. 8Eyacuiñajjija esohui etehue oya esohuiya poani jama ba'a: “Oja esohui mimishima'yo epojji miquiaaya baña chipinei jaa. Jiquio esohui mimishima'yo epojjijo miquianaya mimimimiani enabajo, oya esohuijoya miquianaya jjashahuabaquiani equijijjijje” jamaya Moisesya esohui tehuecapoa. Jiquio ecuaa huohuiaña esohui oya esohuiyatii poani, Jesosajo e'ejojonei jjashahuabaquica'yojji. 9Jamajjeya ojjaña joya oja enabaa huohuicani huisotii Jesosa e'ejojonei Emeshimesenei poani, comacuanaya Eyacuiñajjiya nahuecaje'yo. Oja equijijjijo Jesosa emano'yo jaa shequimeeca'yapoa jjashahuabaquijji poani, comacuanaya Eyacuiñajjiya nahuecaje'yo. 10Bacue, eseya e'ejojonei eseja equijijjijjetii jjashahuabaqui'yani Jesosajo. Jama poajoya Eyacuiñajjiya eseya mimishima'yo bacani oja nahue'yo. Majoya jjashahuabaqui'yomajje esohui queapame Jesosa Quitojo eseja enabaa huohuipoquiaje cuana. Jama pomajjeya eseya oja nahue'yo poani.
11Eyacuiñajjija esohui yahuajonei etehue jaa jama poani ba'a: “Ojjaña joya e'ejojonei ojo jjashahuabaqui'yanicuana jama emimijji pojjeama poaje ba'a: ¡De! jjeya eya queabicho jamatii jjashahuabaqui'yonaje.” 12Bacue, jiquio esohui eyaya aña ojjañajaajjicuanaja bacajji. Eyacuiñajjiya ojjañajaajjicuana oya jayojja pea-ai bacani. Oya judiocuanaja, judío pojjeamacuanaja Emeshimesenei pea-ai poani, ojjañajaajjicuana huoojeapoquiajjitii poani. Jamajjeya ojjaña joya o huohuiajjaneijji poanicuana Eyacuiñajjiya o queapame ba'epoquijji quiacapoquije. 13Jamajjeya Eyacuiñajjija esohui yahuajonei etehue jaa jama poani ba'a: “Ojjaña joya Emeshimesenei Jesosa oja bajjani ja'anei ajji poanicuana ojjañajo o nahue'yojji epojjijo e'ejojonei oya nahuecaje'yo.” 14¡Bacue! ¿Achajja shai Emeshimesenei Jesosa oja bajjani ja'anei acaje joya ojo jjashahuabaqui'yojjima ba'ecacuaa? ¿Achajja shai ojo e'ejojonei jjashahuabaquije'yo cuana oja esohui shajja-ajjapojjima'neitii ba'e? ¿Achajja shai oja esohui shajja-ajjacaje cuaa peaja oya oja esohui queapame huohuiquijjimajo? ¡Achajjapishana! 15¿Achajja shai oja esohui queapame huohuiquicaje cuaa peacuanaja oya huoojeajjima? ¡Achajjapishana! Eyacuiñajjija esohui jama poani ba'a: “¡Achepamenee Eyacuiñajjija esohui queapame Quitojo yejji poanicuanaja epoejji!”
16Jamatii israelitacuana queahuiso Eyacuiñajjija esohui queapame Jesosajo jjashajja-ajjaquisapo-ajjanei poani. Yahuajonei esohuihuohuijji Isaías dejjaa esohui jama tehueme acapoa ba'a: “Emeshimesenei, beshahuanei ojjañatii miquea esohuijo jjashahuabaqui'yoajja ba'ecapoquiani jiquio ecuaa huohuiaña esohuijoya” jama tehuemeya acapoa. 17Jamajjeya eseyaya baña ebionei Eyacuiñajjija esohui queapamenee Quitojo shajja-ajjacajji. Majoya jjashahuabaquije'yo cuana ojo peaa oja esohui huohuicajje.
18Eyaya quiana jjeya huohuiajjaje. ¿A'a israelitacuanaja Eyacuiñajjija esohui shajja-ajjajjima so'o? ¡Chojja de! Ojaya eshajja-ajjajeyo. Jamajojoya aje jama tehueme acapoa yahuajonei ba'a:
“Ojjaña meshicuanahuasijje huohuiquicapoa cuaa.
Ma queahueshanee jaajjicuanahuasijje pea-ai poquiapoa cuana ona sohuihuohuiquiya.”
19Eyaya quiana huohuiajjaje o'oya. ¿A'a israelitacuanaja bajjima poa yajja poanijje shai Eyacuiñajjija esohui? Chojja, ojaya ebatii poa queaja'a. Yahuajonei Moisesya tehuecapoa ma Eyacuiñajjiya huohuicapoa cuana esohui. Jama aca poa ba'a:
“Eyaya peajaajji babacaje'yo ma yahuajo ecue babaca poacuana pojjeama, pea.
Ecue babaca'yocuana eyaya queapamenee apoquiaje.
Majoya israelitacuana queaquene poaje
eyaya ma peajaajjicuana queapame apoquiaña bamajje.
Majoya israelitacuaa eya shahuabasa-acaje o'oya”
jamaya poa Eyacuiñajji. 20Esohuihuohuijji Isaías bajjaniya meteama huohuicanequiapoa cuana Eyacuiñajjija esohui ma ohua huohuicapoa judío pojjeamacuanajo ba'a:
“Ma e sapo-ajja poanajecuaa judío pojjeamacuaaya eya baca'yonaje.
Enijje mimijjimatii ba'ejo eya jamatii jjabameequinaje macuanajoya.”
21Isaiasya esohui tehuepea-aicapoa ma Eyacuiñajjiya jama huohuime acapoa israelitacuanajo ba'a: “Ojjaña pojjajo eyaya iyaamajamajapoquiajjanaje cuana enijje ejjapeequi'yojji nisho. Jamatii eya cajaatii acapoquinaje cuaa, ecuea esohui pea-ai shajja-ajjasapo-ajjatii poanaje” jamaya poa Eyacuiñajji judiocuanajo.
Цяпер абрана:
ROMANOS 10: ESE
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006
ROMANOS 10
10
1Ecue dohuecuana jjo'icuana, eyaya basaneineiaña ojjaña enijjejaajji israelitacuana oja nahue'yo ba'eca. Eya majotiiya mimipoquiani queahuiso Eyacuiñajjinijje ojjañatii oja nahue'yo epojjijo. 2Ecuea eba enijjejaajjicuana e'ejojonei Eyacuiñajjija ejjashahuabaquijjijo ba'epoquisapoani. Ojaya echacojji asa-acani cuaa. Jamaya a-ajjacani enijjejaajjicuaa jamatii queaja'a jjashahuabaquijjima nequiya. 3Enijjejaajjicuanaja queaquehuatii poani achajjajo Eyacuiñajjiya dejjacuana, eponacuana mimishima'yo bacani. Jamajjeya ojayanei ejjashahuabaquijjijo queapame epoaje'yo poso jjabaquicani israelitacuana. Eyacuiñajjija ejjashahuabaquijji mimishima'yo o Eyacuiñajjija ebajjijo ca jjashahuabaqui'yosapo-ajjatii poani. 4Bacue, Quitohua ese ojjañatii Moisesja tehuecuana jayojja eba'etiitiipoquijji pomeepajeaca'yapoa ese mimishima'yo Eyacuiñajjija ebajjijo. Jamajojoya aje jjeya Eyacuiñajjiya ojjaña joya Quitojo jjashahuabaqui'yani huisotiicuana oja mimishima'yo bacanitii.
Ojjañajaajjicuana enahue'yo pocajji
5Moisesya huohuicapoa cuana joya oja tehuecuana jayojjatii ba'esaneipoanicuana oja mimishima'yo ebajji jama ba'a: “Joya ojjañaneitii oja tehuecuana jayojja eba'etiitiipoquijji poanicuana comaya Eyacuiñajjiya oya bacaje mimishima'nei.” 6Eyacuiñajjija ejjashahuabaquijji dejjacuana, eponacuana mimishima'yo ebajji ca pea poani. Oja ejjashahuabaquijji jama poani ba'a: Ojjaña joya Eyacuiñajjija esohuijo jjashahuabaqui'yani huisotiicuana ohuaya bacani oja mimishima'yo. Jamajjeya jama poca-ajja ba'a: “¿Ae shai Eyahuasijje poquije'yo?” Jiquio esohui jama poanijje ba'a: Eseyaya Quito nequioquemeeje. 7Jama popea-aica-ajja ba'a: “¿Ae shai meshiquipahuasijje nobiquije emano'yocuana ani baa?” Jiquio esohui jama poanijje ba'a: Eseya cuamaya Quito sa-ajjaa poquica-ajja. Oya Quito emano'yotii pojjeama ani, oya eshequi'yo nequi. 8Eyacuiñajjija esohui etehue oya esohuiya poani jama ba'a: “Oja esohui mimishima'yo epojji miquiaaya baña chipinei jaa. Jiquio esohui mimishima'yo epojjijo miquianaya mimimimiani enabajo, oya esohuijoya miquianaya jjashahuabaquiani equijijjijje” jamaya Moisesya esohui tehuecapoa. Jiquio ecuaa huohuiaña esohui oya esohuiyatii poani, Jesosajo e'ejojonei jjashahuabaquica'yojji. 9Jamajjeya ojjaña joya oja enabaa huohuicani huisotii Jesosa e'ejojonei Emeshimesenei poani, comacuanaya Eyacuiñajjiya nahuecaje'yo. Oja equijijjijo Jesosa emano'yo jaa shequimeeca'yapoa jjashahuabaquijji poani, comacuanaya Eyacuiñajjiya nahuecaje'yo. 10Bacue, eseya e'ejojonei eseja equijijjijjetii jjashahuabaqui'yani Jesosajo. Jama poajoya Eyacuiñajjiya eseya mimishima'yo bacani oja nahue'yo. Majoya jjashahuabaqui'yomajje esohui queapame Jesosa Quitojo eseja enabaa huohuipoquiaje cuana. Jama pomajjeya eseya oja nahue'yo poani.
11Eyacuiñajjija esohui yahuajonei etehue jaa jama poani ba'a: “Ojjaña joya e'ejojonei ojo jjashahuabaqui'yanicuana jama emimijji pojjeama poaje ba'a: ¡De! jjeya eya queabicho jamatii jjashahuabaqui'yonaje.” 12Bacue, jiquio esohui eyaya aña ojjañajaajjicuanaja bacajji. Eyacuiñajjiya ojjañajaajjicuana oya jayojja pea-ai bacani. Oya judiocuanaja, judío pojjeamacuanaja Emeshimesenei pea-ai poani, ojjañajaajjicuana huoojeapoquiajjitii poani. Jamajjeya ojjaña joya o huohuiajjaneijji poanicuana Eyacuiñajjiya o queapame ba'epoquijji quiacapoquije. 13Jamajjeya Eyacuiñajjija esohui yahuajonei etehue jaa jama poani ba'a: “Ojjaña joya Emeshimesenei Jesosa oja bajjani ja'anei ajji poanicuana ojjañajo o nahue'yojji epojjijo e'ejojonei oya nahuecaje'yo.” 14¡Bacue! ¿Achajja shai Emeshimesenei Jesosa oja bajjani ja'anei acaje joya ojo jjashahuabaqui'yojjima ba'ecacuaa? ¿Achajja shai ojo e'ejojonei jjashahuabaquije'yo cuana oja esohui shajja-ajjapojjima'neitii ba'e? ¿Achajja shai oja esohui shajja-ajjacaje cuaa peaja oya oja esohui queapame huohuiquijjimajo? ¡Achajjapishana! 15¿Achajja shai oja esohui queapame huohuiquicaje cuaa peacuanaja oya huoojeajjima? ¡Achajjapishana! Eyacuiñajjija esohui jama poani ba'a: “¡Achepamenee Eyacuiñajjija esohui queapame Quitojo yejji poanicuanaja epoejji!”
16Jamatii israelitacuana queahuiso Eyacuiñajjija esohui queapame Jesosajo jjashajja-ajjaquisapo-ajjanei poani. Yahuajonei esohuihuohuijji Isaías dejjaa esohui jama tehueme acapoa ba'a: “Emeshimesenei, beshahuanei ojjañatii miquea esohuijo jjashahuabaqui'yoajja ba'ecapoquiani jiquio ecuaa huohuiaña esohuijoya” jama tehuemeya acapoa. 17Jamajjeya eseyaya baña ebionei Eyacuiñajjija esohui queapamenee Quitojo shajja-ajjacajji. Majoya jjashahuabaquije'yo cuana ojo peaa oja esohui huohuicajje.
18Eyaya quiana jjeya huohuiajjaje. ¿A'a israelitacuanaja Eyacuiñajjija esohui shajja-ajjajjima so'o? ¡Chojja de! Ojaya eshajja-ajjajeyo. Jamajojoya aje jama tehueme acapoa yahuajonei ba'a:
“Ojjaña meshicuanahuasijje huohuiquicapoa cuaa.
Ma queahueshanee jaajjicuanahuasijje pea-ai poquiapoa cuana ona sohuihuohuiquiya.”
19Eyaya quiana huohuiajjaje o'oya. ¿A'a israelitacuanaja bajjima poa yajja poanijje shai Eyacuiñajjija esohui? Chojja, ojaya ebatii poa queaja'a. Yahuajonei Moisesya tehuecapoa ma Eyacuiñajjiya huohuicapoa cuana esohui. Jama aca poa ba'a:
“Eyaya peajaajji babacaje'yo ma yahuajo ecue babaca poacuana pojjeama, pea.
Ecue babaca'yocuana eyaya queapamenee apoquiaje.
Majoya israelitacuana queaquene poaje
eyaya ma peajaajjicuana queapame apoquiaña bamajje.
Majoya israelitacuaa eya shahuabasa-acaje o'oya”
jamaya poa Eyacuiñajji. 20Esohuihuohuijji Isaías bajjaniya meteama huohuicanequiapoa cuana Eyacuiñajjija esohui ma ohua huohuicapoa judío pojjeamacuanajo ba'a:
“Ma e sapo-ajja poanajecuaa judío pojjeamacuaaya eya baca'yonaje.
Enijje mimijjimatii ba'ejo eya jamatii jjabameequinaje macuanajoya.”
21Isaiasya esohui tehuepea-aicapoa ma Eyacuiñajjiya jama huohuime acapoa israelitacuanajo ba'a: “Ojjaña pojjajo eyaya iyaamajamajapoquiajjanaje cuana enijje ejjapeequi'yojji nisho. Jamatii eya cajaatii acapoquinaje cuaa, ecuea esohui pea-ai shajja-ajjasapo-ajjatii poanaje” jamaya poa Eyacuiñajji judiocuanajo.
Цяпер абрана:
:
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006