HECHOS 8
8
Saulohua Jesosaja epeejjicuana jeanobiameecapoquiapoa queahuiso
1-2Saulo majotii pea-aiya nequiapoa. Dejja etiicuaa Esteban jajahuejjajeacaje'yo meiya ohuaya bacapoa etiicuaa queapame eacaje poso oya poa.
Majoya aje beca judío dejjacuaa Eyacuiñajjijo queaja'a poaniya Esteban mojeaquicapoa. Queayenonee panequiapoa cuana ojo. Ma epojjajotiiya aje Jesosaja epeejjicuana Jerusalén meshijo ba'eca jeanobiameecoocapoa cuaa o queacamajanee epojji. Jamajjeya ojjaña Jesosaja epeejjicuana provincia Judea meshijo ba'e pea provincia Samaria meshiyasijje jjaba'echejjecuajiquicananapoa jeanobia yajjajo. Jesosaja babaca huisotii dejjacuana ca poquijjima poa. Jerusalén meshijotii ca omacuana nequiapoa so'o. 3Saulohua ca Jesosaja epeejjicuana sa-ajjatiitiicanequiapoa ejeanobiajeameejji. Ohuaya Jesosaja epeejjicuana chama'yo amee'yosa-acapoa. Jamajjeya ohuaya pea equiyasijje sa-ajja pea equiyasijje sa-ajja acanequiapoa a'a cuama Jesosaja epeejjicuana yani baa ejeacuayajeajji. Majoya Jesosaja epeejjicuana dejja, eponacuana pea-ai bamajje ohuaya jjequiyiyejeacuayajeacapoa esecueyasijje jeanobiameeya edojojji.
Samaria meshijo nequiya esohui huohuicapoa cuaa
4Majoya aje Jesosaja epeejjicuaa ma Jerusalén meshijo ba'e quehuapoquicuaji'yocuaaya esohui huohuiquicapoquiapoa cua o quehuapoquicuaji'yonaje meshicuanahuasijje. 5Felipe bajjani dejja equehuapoquicuaji'yo Jerusalén meshijo nequi poquiapoa Samaria meshiyasijje. Majoya ohuaya esohui Eyacuiñajjija huoojeajo huohuiquicapoa ma meshijo ba'ecacuana. 6Ma meshijoya queahuisocuana jjachichaquicapoa. Felipeja esohui shajja-ajjaneineicapoa cuaa ohua dejjaja ajjima'neineicuana acaje bamajje. 7Queahuisocuana ma meshijo ba'e eshahuamase yamijji poani ohuaya eshahuamase yamima'yo pomeecapoa. Eshahuamasecuana oja yamijo nequi taaasajajeapoa cuayananaquije'yo. Felipeya jeo'yoajjacuana jeomeepea-aica'yapoa. Jeojjishahuama'yocuana pea-ai ohuaya jeojjishahuajji pomeeca'yapoa. 8Jamajojoya aje ojjaña ma meshijo ba'ecacuana queabihuinee pocapoa ojo.
Simón bajjani dejja eyamiquecua ma meshijo nequiapoa
9Ma meshijoya aje oe dejja Simón bajjani nequipea-aiapoa eyamiquecua. Ohuaya macuiñajjicuana dasiacapoquiapoa. Jamajojoya aje Samariacuiñajjicuaa oya bacapoquiapoa queaca'anee poani. Simón pea-ai oyanei queaca'anee poani poso jjabaquipoquiapoa. 10Jamajjeya ojjaña majo ba'ecacuaa esho'ineicuaa, etiicuaa pea-ai oja esohui shajja-ajjaneicapoa. Jama poa cuana Simonjo ba'a: —Jiquio dejja Eyacuiñajji queaca'aneetii jayojja pea-ai poani.— 11Queahuisocuana oja esohuijo jjashajja-ajjaquipoquiapoa Simonya queashequiajahuiso dasiacapoquiapoajojoya. Ohuaya dejjaja ajjima'neineicuana jayojja acapoquiapoa e'ejojonei pojjeama. 12Majoya aje macuiñajjicuana queahuiso Felipeja esohuijo ma ohua huohuicapoa esohui Jesosa Quitojo, oya Eyacuiñajjija huoojea o nahue'yojji epojji esohuijoya, jjashahuabaquica'yapoa. Eyacuiñajji ojjañacuana huoojeapoquiajjitii poani esohuijo pea-ai jjashahuabaqui'yomajje jjaiñajeanobiameequicapoa dejjacuana, eponacuana pea-ai enaojjohuasijje. 13Simón dejja pea-aiya aje jjaiñajeanobiameequiapoa Jesosajo jjashahuabaqui'yomajje. Majoya oya Felipenijjetii nequipoqui'yapoa cua o poquije meshiyasijje. Simonya ma dejjaja ajjima'neineicuana Felipeya acaje baneicapoquiapoa.
14Majoya aje quijjepishana Jesosaja babaca dejjacuaa Jerusalén meshijotii nequiya shajja-ajjacapoa queahuiso Samariacuiñajjicuana Eyacuiñajjija esohuijo jjashahuabaquica'yonaje. Jamajjeya Jesosaja babaca dejjacuaa Pedro, Juan pea-ai huoojeacapoa cuamaya Samariacuiñajjicuana Jesosaja epeejji eyacua poani baa. 15Majoya Samaria meshi bañaquimajje mimiñaquiapoa cuana Eyacuiñajjinijje Samariacuiñajjicuanajo o Edojjoshahuapame yamijji epojjijo. 16Jama mimimeya poa Jesosaja babacacuana Eyacuiñajjinijje Edojjoshahuapame oja yamidojjohuasijje nequi'yohua poejjimapoajojoya. Yahuajopishana Samariacuiñajjicuana iñajeanobiacapoa cuaa enaojjohuasijje Emeshimesenei Jesosaja bajjanijo. Mahuisoya acapoa macuanaya. 17Jamajjeya Juanya, Pedrohua pea-ai Samariacuiñajjicuanaja eyamibiajje oja eme huanacapoa macuiñajjicuana Edojjoshahuapame yamijji epojji. Ohua eme jama huaname acajeahuajo Edojjoshahuapame nobiquinanapoa oja eyamidojjohuasijje nequi'yohua.
18Majoya aje Simonya Jesosaja babacacuaa oja eme Samariacuiñajjicuanaja eyamibiajje huanacaje oya Edojjoshahuapame yamijji epojji bamajje Jesosaja babacacuana bejjo quia-ajjacapoa. 19Jama acapoa ohuaya ba'a: —Eya pea-ai queaca'a pomeecue peacuana Edojjoshahuapame yamijji pea-ai epomeejji jiquio bejjo sosejje. Majoya cua eya eme huanaje dejjacuanaja eyamibiajje maya Edojjoshahuapame yamijji poaje.—
20Ohua jama acajje Pedrohua queaqueneya oya saja-acapoa jama ba'a: —Miquea bejjo ca oe minijjetii dojo'yocue Cuaqui-aiyasijje. Eyacuiñajjija quia Edojjoshahuapame miyaya ejjesheje poso aña bejjo sosejje. ¡Jamaya queaquehuanee! 21Miquea jiquio echacojji Eyacuiñajjijo eapea-aijji pojjeama jiquio ecua ecuaa aña jama miya queamimishi poaniyajjejojoya. Eyacuiñajjiya miya bacani eyamiquipajje queaquijijjipame pojjeama. 22Jiquio miquea ejjashahuabaquijji queaquehua ca oe pajea'yocue, pea jjashahuabaquime po'yocue. Eyacuiñajjinijje oe mimicue a'a ohuaya miquea mimishi queatainee cuijeacaje'yo ebajji. 23Eyaya miya baña queamiquemimishica'anee poani. Miya queaca'a posapoani peaja ebajji ecuana jama popea-aisapoani. Miya mique mimishija ejeyo'yo jayojja nequi, jjapajeameequi'yoajja poani mique mimishi.—
24Pedrohua esohui jama acajje Simón jama poa onijje ba'a: —Emeshimeseneinijje oe che mimicue ejo ma e miquiaa anaje jama eya Cuaqui-aiyasijje poqui'yojjima epojjijo— jamaya poa.
25Majoya aje Pedrohua, Juanya pea-ai ojaya eba'ejjijo, Eyacuiñajjija esohui pea-ai macuiñajjicuana huohuijeyomajje poqui'yapoa Jerusalén meshiyasijje huacuaya. Samariacuiñajjicuana oja meshicuanajo ba'eca sohuihuohuicajebe'yapoa oja babaca dejjacuaa.
Felipe mimiapoa etiope dejja etii poaninijje
26Majoya aje quijje oe Eyacuiñajjija angelya Felipe jama acapoa ba'a: —Felipe, jja-aquicue eeno poeanimiji ejeojji jaajje epoquijji. Ma Jerusalén jaa ejeojjijje Gaza meshiyasijje epoquijji majjeya poquicue. Ma ejeojji se-ejjama' meshijabohuasijjeyee ejjayejjequijji jaajje poquicue— jamaya acapoa. 27Jamajjeya Felipe ma ejeojjijjetii poquiapoa jja-aquimajje. Majoya ohuaya ejeojjijje poquijeya oe dejja Etiopiacuiñajji bacañaquiapoa. Ma dejja etii poa. Oya Etiopía emeshimese epona Candace bajjanija bejjojaahuanajji pea-ai poa. Ma dejja Jerusalén meshiyasijje epoqui poa Eyacuiñajji bihuiaa. 28Ohuaya ejeojjijje oja meshijjepojjijo aniya poqui'yaniya Eyacuiñajjija esohui ma yahuajonei Isaías esohuihuohuijji poa dejjaa tehuecapoa esohuiya acajebe'yapoa.
29Majoya aje Edojjoshahuapameya Felipe jama acapoa ba'a: —Poquicue, jjanequichipiquicue joya meshijjepojji poquianiyasijje.—
30Jamajjeya Felipeya ma dejjajo jjanequichipicuajiquimajje shajja-ajjacapoa Isaiasja tehue esohui acani. Felipeya oya jama huohuiajjame acapoa ba'a: —¿A'a miquea eba yajja poanijje shai joya miya aqui esohui?—
31Etiope dejjaa saja-acapoa oya jama ba'a: —Chojja, ¿achajjajo acuae eyaya peaja huohuijjimajo queaja'a bame? Chama' dejja jiquio esohui e huohuijji epojji.—
Majoya ohuaya Felipe oque eanisohuaquijji opejjeneijo eanijji huohuiajjacapoa. 32Ma ohua acapoquiani esohui etehue jama poa ba'a:
“Oya dojocanaje cuaa ma ecua dejjaa oveja enaa jehui'yojji dojocani jama.
Jiquio ecua ovejacuana sasiajjimanei nequi
dejjaa oja ña dedecanijo jama pea-ai oya nequinaje mimijjimanei.
33Onaaya oya peajja jayojja queamimishi poso bacanaje.
Esohui o nahuejji yajji ajjima'nei poanaje cuanaja.
Oya ca bacuama'nei, osecuama'neitii poaje
oya equecua'yo poajejjejojoya.
Oya chama'yotii poaje jiquio meshijo”
esohui jamaya acapoa.
34Ma esohui amajje ma etiope dejja etiiya Felipe huohuiajjacapoa jama ba'a: —Ocuae mo che huohuiajja, ¿ache dejjajo shai jiquio esohui tehuecapoa? ¿A'a Isaiasya tehuecapoa ojoneitii, a'a pea dejjajo pojja'a?—
35Jamajjeya Felipeya queaja'a ma esohuiya ebionei huohuicapoa ajeo tehuecapoa. Yahuajonei Isaías esohuihuohuijji poa dejjaa jamaya tehuecapoa Jesosajo. Ohuaya esohui queapame Jesosajo huohuipea-aicapoa. 36-37Majoya aje quijje ejeojjijje jjayejjequijeya bae ena ani bacapoa. Jamajjeya ma dejja etii poaniya Felipe jama acapoa ba'a: —Bacue, jiquiojo ena ani. ¿A'a che eya jjaiñajeanobiameequicajji jiquio ani enajo?— 38Jamajjeya ohuaya oja meshijjepojji jaañameequicapoa. Majoya oya, Felipe pea-ai jaaoquequiapoa ena aniyasijje. Majotii nequiya Felipeya oya iñajeanobiacapoa enaojjohuasijje. 39Enaojjojo nequi oya nequisohuaqui'yajo Edojjoshahuapameya Felipe dojocuajica'yapoa oenei. Oya jjachamacuajiquinanapoa. Jamajjeya oya etiope dejja etii poanija ebabeca'yojji pojjeamatii poa. Jamatii etiope dejja etii poani queabihuinee poqui'yapoa oja meshiyasijje. 40Majoya aje quijjepishana Felipe bacapoa cuaa Azoto meshijo nequi. Ohuaya esohui queapame Quitojo ma meshijo ba'ecacuana huohuicapoquiapoa Cesarea meshiyasijjeyee.
Цяпер абрана:
HECHOS 8: ESE
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006
HECHOS 8
8
Saulohua Jesosaja epeejjicuana jeanobiameecapoquiapoa queahuiso
1-2Saulo majotii pea-aiya nequiapoa. Dejja etiicuaa Esteban jajahuejjajeacaje'yo meiya ohuaya bacapoa etiicuaa queapame eacaje poso oya poa.
Majoya aje beca judío dejjacuaa Eyacuiñajjijo queaja'a poaniya Esteban mojeaquicapoa. Queayenonee panequiapoa cuana ojo. Ma epojjajotiiya aje Jesosaja epeejjicuana Jerusalén meshijo ba'eca jeanobiameecoocapoa cuaa o queacamajanee epojji. Jamajjeya ojjaña Jesosaja epeejjicuana provincia Judea meshijo ba'e pea provincia Samaria meshiyasijje jjaba'echejjecuajiquicananapoa jeanobia yajjajo. Jesosaja babaca huisotii dejjacuana ca poquijjima poa. Jerusalén meshijotii ca omacuana nequiapoa so'o. 3Saulohua ca Jesosaja epeejjicuana sa-ajjatiitiicanequiapoa ejeanobiajeameejji. Ohuaya Jesosaja epeejjicuana chama'yo amee'yosa-acapoa. Jamajjeya ohuaya pea equiyasijje sa-ajja pea equiyasijje sa-ajja acanequiapoa a'a cuama Jesosaja epeejjicuana yani baa ejeacuayajeajji. Majoya Jesosaja epeejjicuana dejja, eponacuana pea-ai bamajje ohuaya jjequiyiyejeacuayajeacapoa esecueyasijje jeanobiameeya edojojji.
Samaria meshijo nequiya esohui huohuicapoa cuaa
4Majoya aje Jesosaja epeejjicuaa ma Jerusalén meshijo ba'e quehuapoquicuaji'yocuaaya esohui huohuiquicapoquiapoa cua o quehuapoquicuaji'yonaje meshicuanahuasijje. 5Felipe bajjani dejja equehuapoquicuaji'yo Jerusalén meshijo nequi poquiapoa Samaria meshiyasijje. Majoya ohuaya esohui Eyacuiñajjija huoojeajo huohuiquicapoa ma meshijo ba'ecacuana. 6Ma meshijoya queahuisocuana jjachichaquicapoa. Felipeja esohui shajja-ajjaneineicapoa cuaa ohua dejjaja ajjima'neineicuana acaje bamajje. 7Queahuisocuana ma meshijo ba'e eshahuamase yamijji poani ohuaya eshahuamase yamima'yo pomeecapoa. Eshahuamasecuana oja yamijo nequi taaasajajeapoa cuayananaquije'yo. Felipeya jeo'yoajjacuana jeomeepea-aica'yapoa. Jeojjishahuama'yocuana pea-ai ohuaya jeojjishahuajji pomeeca'yapoa. 8Jamajojoya aje ojjaña ma meshijo ba'ecacuana queabihuinee pocapoa ojo.
Simón bajjani dejja eyamiquecua ma meshijo nequiapoa
9Ma meshijoya aje oe dejja Simón bajjani nequipea-aiapoa eyamiquecua. Ohuaya macuiñajjicuana dasiacapoquiapoa. Jamajojoya aje Samariacuiñajjicuaa oya bacapoquiapoa queaca'anee poani. Simón pea-ai oyanei queaca'anee poani poso jjabaquipoquiapoa. 10Jamajjeya ojjaña majo ba'ecacuaa esho'ineicuaa, etiicuaa pea-ai oja esohui shajja-ajjaneicapoa. Jama poa cuana Simonjo ba'a: —Jiquio dejja Eyacuiñajji queaca'aneetii jayojja pea-ai poani.— 11Queahuisocuana oja esohuijo jjashajja-ajjaquipoquiapoa Simonya queashequiajahuiso dasiacapoquiapoajojoya. Ohuaya dejjaja ajjima'neineicuana jayojja acapoquiapoa e'ejojonei pojjeama. 12Majoya aje macuiñajjicuana queahuiso Felipeja esohuijo ma ohua huohuicapoa esohui Jesosa Quitojo, oya Eyacuiñajjija huoojea o nahue'yojji epojji esohuijoya, jjashahuabaquica'yapoa. Eyacuiñajji ojjañacuana huoojeapoquiajjitii poani esohuijo pea-ai jjashahuabaqui'yomajje jjaiñajeanobiameequicapoa dejjacuana, eponacuana pea-ai enaojjohuasijje. 13Simón dejja pea-aiya aje jjaiñajeanobiameequiapoa Jesosajo jjashahuabaqui'yomajje. Majoya oya Felipenijjetii nequipoqui'yapoa cua o poquije meshiyasijje. Simonya ma dejjaja ajjima'neineicuana Felipeya acaje baneicapoquiapoa.
14Majoya aje quijjepishana Jesosaja babaca dejjacuaa Jerusalén meshijotii nequiya shajja-ajjacapoa queahuiso Samariacuiñajjicuana Eyacuiñajjija esohuijo jjashahuabaquica'yonaje. Jamajjeya Jesosaja babaca dejjacuaa Pedro, Juan pea-ai huoojeacapoa cuamaya Samariacuiñajjicuana Jesosaja epeejji eyacua poani baa. 15Majoya Samaria meshi bañaquimajje mimiñaquiapoa cuana Eyacuiñajjinijje Samariacuiñajjicuanajo o Edojjoshahuapame yamijji epojjijo. 16Jama mimimeya poa Jesosaja babacacuana Eyacuiñajjinijje Edojjoshahuapame oja yamidojjohuasijje nequi'yohua poejjimapoajojoya. Yahuajopishana Samariacuiñajjicuana iñajeanobiacapoa cuaa enaojjohuasijje Emeshimesenei Jesosaja bajjanijo. Mahuisoya acapoa macuanaya. 17Jamajjeya Juanya, Pedrohua pea-ai Samariacuiñajjicuanaja eyamibiajje oja eme huanacapoa macuiñajjicuana Edojjoshahuapame yamijji epojji. Ohua eme jama huaname acajeahuajo Edojjoshahuapame nobiquinanapoa oja eyamidojjohuasijje nequi'yohua.
18Majoya aje Simonya Jesosaja babacacuaa oja eme Samariacuiñajjicuanaja eyamibiajje huanacaje oya Edojjoshahuapame yamijji epojji bamajje Jesosaja babacacuana bejjo quia-ajjacapoa. 19Jama acapoa ohuaya ba'a: —Eya pea-ai queaca'a pomeecue peacuana Edojjoshahuapame yamijji pea-ai epomeejji jiquio bejjo sosejje. Majoya cua eya eme huanaje dejjacuanaja eyamibiajje maya Edojjoshahuapame yamijji poaje.—
20Ohua jama acajje Pedrohua queaqueneya oya saja-acapoa jama ba'a: —Miquea bejjo ca oe minijjetii dojo'yocue Cuaqui-aiyasijje. Eyacuiñajjija quia Edojjoshahuapame miyaya ejjesheje poso aña bejjo sosejje. ¡Jamaya queaquehuanee! 21Miquea jiquio echacojji Eyacuiñajjijo eapea-aijji pojjeama jiquio ecua ecuaa aña jama miya queamimishi poaniyajjejojoya. Eyacuiñajjiya miya bacani eyamiquipajje queaquijijjipame pojjeama. 22Jiquio miquea ejjashahuabaquijji queaquehua ca oe pajea'yocue, pea jjashahuabaquime po'yocue. Eyacuiñajjinijje oe mimicue a'a ohuaya miquea mimishi queatainee cuijeacaje'yo ebajji. 23Eyaya miya baña queamiquemimishica'anee poani. Miya queaca'a posapoani peaja ebajji ecuana jama popea-aisapoani. Miya mique mimishija ejeyo'yo jayojja nequi, jjapajeameequi'yoajja poani mique mimishi.—
24Pedrohua esohui jama acajje Simón jama poa onijje ba'a: —Emeshimeseneinijje oe che mimicue ejo ma e miquiaa anaje jama eya Cuaqui-aiyasijje poqui'yojjima epojjijo— jamaya poa.
25Majoya aje Pedrohua, Juanya pea-ai ojaya eba'ejjijo, Eyacuiñajjija esohui pea-ai macuiñajjicuana huohuijeyomajje poqui'yapoa Jerusalén meshiyasijje huacuaya. Samariacuiñajjicuana oja meshicuanajo ba'eca sohuihuohuicajebe'yapoa oja babaca dejjacuaa.
Felipe mimiapoa etiope dejja etii poaninijje
26Majoya aje quijje oe Eyacuiñajjija angelya Felipe jama acapoa ba'a: —Felipe, jja-aquicue eeno poeanimiji ejeojji jaajje epoquijji. Ma Jerusalén jaa ejeojjijje Gaza meshiyasijje epoquijji majjeya poquicue. Ma ejeojji se-ejjama' meshijabohuasijjeyee ejjayejjequijji jaajje poquicue— jamaya acapoa. 27Jamajjeya Felipe ma ejeojjijjetii poquiapoa jja-aquimajje. Majoya ohuaya ejeojjijje poquijeya oe dejja Etiopiacuiñajji bacañaquiapoa. Ma dejja etii poa. Oya Etiopía emeshimese epona Candace bajjanija bejjojaahuanajji pea-ai poa. Ma dejja Jerusalén meshiyasijje epoqui poa Eyacuiñajji bihuiaa. 28Ohuaya ejeojjijje oja meshijjepojjijo aniya poqui'yaniya Eyacuiñajjija esohui ma yahuajonei Isaías esohuihuohuijji poa dejjaa tehuecapoa esohuiya acajebe'yapoa.
29Majoya aje Edojjoshahuapameya Felipe jama acapoa ba'a: —Poquicue, jjanequichipiquicue joya meshijjepojji poquianiyasijje.—
30Jamajjeya Felipeya ma dejjajo jjanequichipicuajiquimajje shajja-ajjacapoa Isaiasja tehue esohui acani. Felipeya oya jama huohuiajjame acapoa ba'a: —¿A'a miquea eba yajja poanijje shai joya miya aqui esohui?—
31Etiope dejjaa saja-acapoa oya jama ba'a: —Chojja, ¿achajjajo acuae eyaya peaja huohuijjimajo queaja'a bame? Chama' dejja jiquio esohui e huohuijji epojji.—
Majoya ohuaya Felipe oque eanisohuaquijji opejjeneijo eanijji huohuiajjacapoa. 32Ma ohua acapoquiani esohui etehue jama poa ba'a:
“Oya dojocanaje cuaa ma ecua dejjaa oveja enaa jehui'yojji dojocani jama.
Jiquio ecua ovejacuana sasiajjimanei nequi
dejjaa oja ña dedecanijo jama pea-ai oya nequinaje mimijjimanei.
33Onaaya oya peajja jayojja queamimishi poso bacanaje.
Esohui o nahuejji yajji ajjima'nei poanaje cuanaja.
Oya ca bacuama'nei, osecuama'neitii poaje
oya equecua'yo poajejjejojoya.
Oya chama'yotii poaje jiquio meshijo”
esohui jamaya acapoa.
34Ma esohui amajje ma etiope dejja etiiya Felipe huohuiajjacapoa jama ba'a: —Ocuae mo che huohuiajja, ¿ache dejjajo shai jiquio esohui tehuecapoa? ¿A'a Isaiasya tehuecapoa ojoneitii, a'a pea dejjajo pojja'a?—
35Jamajjeya Felipeya queaja'a ma esohuiya ebionei huohuicapoa ajeo tehuecapoa. Yahuajonei Isaías esohuihuohuijji poa dejjaa jamaya tehuecapoa Jesosajo. Ohuaya esohui queapame Jesosajo huohuipea-aicapoa. 36-37Majoya aje quijje ejeojjijje jjayejjequijeya bae ena ani bacapoa. Jamajjeya ma dejja etii poaniya Felipe jama acapoa ba'a: —Bacue, jiquiojo ena ani. ¿A'a che eya jjaiñajeanobiameequicajji jiquio ani enajo?— 38Jamajjeya ohuaya oja meshijjepojji jaañameequicapoa. Majoya oya, Felipe pea-ai jaaoquequiapoa ena aniyasijje. Majotii nequiya Felipeya oya iñajeanobiacapoa enaojjohuasijje. 39Enaojjojo nequi oya nequisohuaqui'yajo Edojjoshahuapameya Felipe dojocuajica'yapoa oenei. Oya jjachamacuajiquinanapoa. Jamajjeya oya etiope dejja etii poanija ebabeca'yojji pojjeamatii poa. Jamatii etiope dejja etii poani queabihuinee poqui'yapoa oja meshiyasijje. 40Majoya aje quijjepishana Felipe bacapoa cuaa Azoto meshijo nequi. Ohuaya esohui queapame Quitojo ma meshijo ba'ecacuana huohuicapoquiapoa Cesarea meshiyasijjeyee.
Цяпер абрана:
:
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006