HECHOS 26
26
Emeshimese Agripaa Pablo mimije shajja-ajjacapoa
1Majoya aje Festo mimijeyoajo emeshimese Agripaa jama acapoa ba'a: —Pablo, jjeya mimicue mi jjanahuequijjijo ecuanaja queaja'a eshajja-ajjajji.—
Jamajjeya eme jeasohuacapoa Pablohua majo anica jeca anijji onijje emimijji. Jama mimime poa ba'a: 2—Emeshimese queapame Agripa, eya mi cojjaneijo jiquio jjeya queapame nequi emimijji miquea eshajja-ajjajji. Jjeya eya queaja'a mimisapoani judiocuaa e niñebacanijo. 3E'e judío etiiquianaja esohui etehuecuana miquea ebanei, oja ejjashahuabaquijjicuana pea-ai. Ma esohuicuanajotiiya eya niñebacani cuaa. Jamajjeya eya che jiquio mimije shajja-ajjaneicue.
4—Ojjaña judiocuaa eya achajja ba'epoquinaje onijje bacapoquiapoa eya Jerusalén meshijo nequi esho'yahua. 5Judiocuanaja eba pea-ai eya fariseo dejjatiiya nequipoquinaje. Jamajjeya eya fariseo dejja epo, jama ejo huohuisa-amajjeya cahuohuicahua. Fariseo dejjacuaa Moisesja etehuecuana Eyacuiñajjija esohui shahuabaneicapoquianitii oya jayojja eba'epoquijji. 6Jjeya judiocuaaya eya napameesa-acani emanomee'yojji eyaya Eyacuiñajjija esohui ma yahuajonei ecuanaja etiiquiaa huohuicoocapoa esohuiya eya huohuiañajojoya ojjañatii emano'yo jaacuana quijje shequicaje'yo. 7Jacobja bacuaejja 12 huisomeja osecuacuaa, israelitacuaaya ma esohuiya shahuabacanitii ma Eyacuiñajjiya quijje ajeyocaje'yo ojjañacuana. Jamajojoya aje Eyacuiñajji bihuicapoquianitii cuaa. Ojo chacochacopoquianitii cuana mecajje, epojjajo pea-ai. Ma esohuijotiiya eya judiocuaa manomee'yosa-acani, emeshimese Agripa, mahuisotii esohuijoya. 8Ma esohui jama poani ba'a: Ojjañatii emano'yo jaacuana quijje shequicaje'yo. ¿Yajjajo acuae quiaa Eyacuiñajjija ojjaña emano'yo jaacuana quijje eshequimee'yojjitii pojjeama poso aña?
9—Eya pea-aiya aje yahuajo queaquehua jjashahuabaquiapoa Jesosaja epeejjicuanajo. Eyaya jeanobiameepoquiapoa cuana queahuiso. Eyaya Jesosa Nazaretcuiñajji dejja cajaaneiapoa pea-ai. 10Jamaya eyaya apoquiapoa oja epeejjicuana Jerusalén meshijo nequiya Eyacuiñajjija equi-aijo chacochacopoquiani etii poanicuanaja esohuijo. Majoya eyaya Jesosaja epeejjicuana jeanobiameepoquiapoa ejjajeanobiaquijji equiyasijje. Jesosaja epeejjicuana quecuaca'yajo queapame acani cuaa eyaya jama bapoa. 11Eyaya judiocuanaja equi-aicuana ejjachichaquijjijo nequiya oja epeejjicuana cuiamajamajameepoquiapoa macuana Jesosajo ejjashahuabapajeaqui'yojji nisho. Eya ebionei queamasenee nequipoquiapoa oja epeejjicuananijje, jamajjeya queahuesha pea meshicuanajo ba'eca sa-ajjaneipoquiapoa Jesosaja epeejjicuana majo ani jeanobiameepea-aijji.
12—Eya Jesosaja epeejjicuana jama ejeanobiameejjijo poquiapoa Damasco meshiyasijje papenijji Eyacuiñajjija equi-aijo chacochacopoquiani etii poanija tehuejji oja huoojea Jesosaja epeejjicuana cuama ani jjequiya. 13Majoya ejeojjijje poquijeya eyaya eshequi biacojjajja nequijo queasajajanee acaje cuaquijijiya eyaya bapoa, eshequi queasajajapishana jama pojjeama. Eya ma enijje poqui pea-ai nequiyasijjeyee queasajajanee jeaja'ajeacapoa. 14Jamajjeya ecuana ojjaña jaabichajeananaquiapoa meshiyasijje. Majoya eyaya meshijo jaa shajja-ajjapoa enijje mimije hebreo esohuijo. Jama poa enijje ba'a: “Saulo, Saulo, ¿yajjajo eya queaneenee pomeeaña miyaya? Miya pea-aiya queanee jjapomeequiani.” 15O jama poani shajja-ajjamajje eya jama poa ba'a: “¿A'ya miya, Emeshimesenei?”
—Ohuaya eya saja-acapoa Emeshimeseneiya jama ba'a: “Eya ca iña Jesosa jiquio miyaya queaneenee pomeeañaya. 16Jjeya nequisohua'yocue, eya mijo jjanequija'aquinaje mi jjeya ejo echacochacopoqui'yojji. Miyaya huohuiquije cuana ojjaña jiquio esohui miya banaje huisotiiya ejo, ma quijje eya mi huohuije esohuicuana pea-aiya huohuiquije cuana. 17Jamajjeya quijje eyaya miya huoojeaje queahuisocuana sohuihuohuipoquiaa. Eyaya miya nahuepoquiaje minijjejaajji judiocuanajo, judío pojjeamacuanajo pea-ai. 18Eyaya miya huoojeaje judío pojjeamacuanaque esohui macuanaja queaja'a ebajji ejo, jiquio ecua dejja cojjama' ani jjabaqui'yani jama ona queaja'a epojjijo. Judío pojjeamacuana quea-aapotii jayojja eba'epoquijji pojjeamajo eyaya miya huoojeaje. Majoya queaja'a ba'ecapoquije'yo cuana, ma ecua ebionei eshahua Satanasya oya queamimishi pomeecapoa jama pojjeama poaje'yo macuanaya. E Eyacuiñajjijo ca jjashahuabaquije'yo cuana. Jama poajoya oja mimishi chama'yo ecuijea'yo baje eyaya Eyacuiñajjiya. Eyaya ojjaña joya ejo jjashahuabaquica'yonajecuana nequimeeje'yo ecue babacacuananijje ojee Eyajo.” Jamaya poa Eyacuiñajji enijje.
19—Jamajjeya emeshimese Agripa, ma eyajje poe ejo jjanequija'aquiapoaja esohuijo eya jjashajja-ajjaquipoquianitii. 20Eyaya ebionei Damasco meshijo ba'ecacuana sohuihuohuicooapoa. Majoya quijje Jerusalencuiñajjicuana pea-ai huohuiquiapoa oya esohuiya. Ojjaña provincia Judea meshijo ba'ecacuana, judío pojjeamacuana pea-ai huohuinequiapoa oya pea jjashahuabaquime epo'yojji Eyacuiñajjijo oja nahue'yo epojjijo. Majoya Eyacuiñajjija esohuijo jjashahuabaquije'yo bamajje eyaya huohuiapoa macuanaya ojaya peacuana queapame acapoquijji oja nahue'yocuana e'ejojonei poani peacuanaja ebajji. 21Ma esohuitiiya eya huohuinajejojoya judiocuaa eya iñaca'acanaje Eyacuiñajjija equi-aiquibojo nequi ecuia'yojji nisho. 22Jamatii eya queaca'a nequipoquiani Eyacuiñajjijo, jjeyanei pea-ai. Eyaya ojjañacuana esho'i, etiicuana pea-ai huohuipoquiañatii esohui Eyacuiñajjija. Ecuea pea esohui ajjima'neinei. Ma yahuajonei esohuihuohuijji poacuaa, Moisesya pea-ai huohuicapoa esohuiya eyaya apoquiañatii oya esohuitiiya, ma quijje Eyacuiñajjiya acaje esohuiya. 23Ma dejjacuaaya tehuecapoa Eyacuiñajjija huoojea ese nahue'yojji epojji manoca'yojji poa. Majoya oya mano'yomajje ebionei dejja eshequi'yojji poaje emanobeca'yojjitii pojjeama epojji. Eyacuiñajjija esohui queapame ojo ejjanahuemeequi'yojji judiocuana ebionei huohuicoocajji poanaje. Majoya ojjaña peajaajjicuana judío pojjeama huohuipea-aicajji poanaje— jamaya Pablo miminequiapoa.
Agripaa Pablo saja-acapoa
24Majoya aje Pablo etii poanicuanaja queaja'a o ebajjijo esohui mimianijotii emeshimese etii poani Festo taaapoa jama ba'a: —De, Pablo miya eniñepoqui'yo jayojja mimiani. Esohuicuana etehue queahuisonee añajo miya eniñepoqui'yo jayojja poani.—
25Pablohua oya jama acapoa ba'a: —Chojja de, eya eniñepoqui'yo jayojja pojjeama poani, emeshimese Festo. Jiquio eya huohuiaña esohui caca queapamenee e'ejojonei. 26Jiquiojo ani emeshimese Agripaja eba pea-ai jiquio esohuicuana, jamajjeya eya queabihui meteama mimiani o ani cojjaneijo nequi. Ecuea eba, ojaya eba pea-ai jiquio esohui eya mimiani e'ejojonei poani. Eyacuiñajjija huoojea Jesosa e'ejojonei jiquio meshijo nequihuapoa. Oya emano'yo jaa shequi'yapoa. Ecuea ca huohuijjima ma queahuisohua acani quehuajje. 27Emeshimese Agripa, ma yahuajonei tehuecapoa oja sohuihuohuijji poacuaa Eyacuiñajjija esohui, ¿a'a e'ejojonei poanitii miyaya baña? Ecuea ebanei miyaya oja esohui e'ejojoneitii poani baña.—
28Majoya aje Agripaa oya jama saja-ame acapoa ba'a: —¿A'a jjeyanei miyaya eya jjashahuabameequi'yosa-aña oja nahue'yo epojji?—
29Pablohua oya jama poajo acapoa ba'a: —Jjeyanei, quijjepishana pea-ai queapame ojo ejjashahuabaqui'yojji. Jamajjeya eya Eyacuiñajjinijje mimije mijo mi e jayojja pea-ai Jesosaja epeejji epojjijo. Mi oeneijotii pojjeama eya mimiani, jiquiojo anica e shajja-ajjajji poanicuanajo pea-ai mimiani e jayojja pea-ai miquiana epojjijo. Miquiana jiquio ecua eya cadenaja jeyo ani quiajja epojji pojjeamajo eya mimipoquiani.— Jamaya poa Pablo.
30Majoya aje emeshimese Agripa nequisohuapoa. Pea emeshimese Festo bajjani nequisohuapea-aiapoa ojee Berenicenijje. Ojjaña majo eanioque anica nequisohuapea-aicapoa. 31Majo ani cuayaqui'yomajje jama mimime pocapoa cuana oopana ba'a: —Joya dejja queamimishi pojjima'nei o eseja manomee'yojji. Oya ca ejjajeanobiaquijji equijo animeeca-ajja. ¿Ajeo majo ani?—
32Emeshimese Agripaa Festo acapoa jama ba'a: —Joya dejjaja Roma emeshimese Cesar nequiyasijje epoquijji huohuiajjajjimajojjemo eseyaya oya jjeyanei huoojeacuaya'yome.—
Цяпер абрана:
HECHOS 26: ESE
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006
HECHOS 26
26
Emeshimese Agripaa Pablo mimije shajja-ajjacapoa
1Majoya aje Festo mimijeyoajo emeshimese Agripaa jama acapoa ba'a: —Pablo, jjeya mimicue mi jjanahuequijjijo ecuanaja queaja'a eshajja-ajjajji.—
Jamajjeya eme jeasohuacapoa Pablohua majo anica jeca anijji onijje emimijji. Jama mimime poa ba'a: 2—Emeshimese queapame Agripa, eya mi cojjaneijo jiquio jjeya queapame nequi emimijji miquea eshajja-ajjajji. Jjeya eya queaja'a mimisapoani judiocuaa e niñebacanijo. 3E'e judío etiiquianaja esohui etehuecuana miquea ebanei, oja ejjashahuabaquijjicuana pea-ai. Ma esohuicuanajotiiya eya niñebacani cuaa. Jamajjeya eya che jiquio mimije shajja-ajjaneicue.
4—Ojjaña judiocuaa eya achajja ba'epoquinaje onijje bacapoquiapoa eya Jerusalén meshijo nequi esho'yahua. 5Judiocuanaja eba pea-ai eya fariseo dejjatiiya nequipoquinaje. Jamajjeya eya fariseo dejja epo, jama ejo huohuisa-amajjeya cahuohuicahua. Fariseo dejjacuaa Moisesja etehuecuana Eyacuiñajjija esohui shahuabaneicapoquianitii oya jayojja eba'epoquijji. 6Jjeya judiocuaaya eya napameesa-acani emanomee'yojji eyaya Eyacuiñajjija esohui ma yahuajonei ecuanaja etiiquiaa huohuicoocapoa esohuiya eya huohuiañajojoya ojjañatii emano'yo jaacuana quijje shequicaje'yo. 7Jacobja bacuaejja 12 huisomeja osecuacuaa, israelitacuaaya ma esohuiya shahuabacanitii ma Eyacuiñajjiya quijje ajeyocaje'yo ojjañacuana. Jamajojoya aje Eyacuiñajji bihuicapoquianitii cuaa. Ojo chacochacopoquianitii cuana mecajje, epojjajo pea-ai. Ma esohuijotiiya eya judiocuaa manomee'yosa-acani, emeshimese Agripa, mahuisotii esohuijoya. 8Ma esohui jama poani ba'a: Ojjañatii emano'yo jaacuana quijje shequicaje'yo. ¿Yajjajo acuae quiaa Eyacuiñajjija ojjaña emano'yo jaacuana quijje eshequimee'yojjitii pojjeama poso aña?
9—Eya pea-aiya aje yahuajo queaquehua jjashahuabaquiapoa Jesosaja epeejjicuanajo. Eyaya jeanobiameepoquiapoa cuana queahuiso. Eyaya Jesosa Nazaretcuiñajji dejja cajaaneiapoa pea-ai. 10Jamaya eyaya apoquiapoa oja epeejjicuana Jerusalén meshijo nequiya Eyacuiñajjija equi-aijo chacochacopoquiani etii poanicuanaja esohuijo. Majoya eyaya Jesosaja epeejjicuana jeanobiameepoquiapoa ejjajeanobiaquijji equiyasijje. Jesosaja epeejjicuana quecuaca'yajo queapame acani cuaa eyaya jama bapoa. 11Eyaya judiocuanaja equi-aicuana ejjachichaquijjijo nequiya oja epeejjicuana cuiamajamajameepoquiapoa macuana Jesosajo ejjashahuabapajeaqui'yojji nisho. Eya ebionei queamasenee nequipoquiapoa oja epeejjicuananijje, jamajjeya queahuesha pea meshicuanajo ba'eca sa-ajjaneipoquiapoa Jesosaja epeejjicuana majo ani jeanobiameepea-aijji.
12—Eya Jesosaja epeejjicuana jama ejeanobiameejjijo poquiapoa Damasco meshiyasijje papenijji Eyacuiñajjija equi-aijo chacochacopoquiani etii poanija tehuejji oja huoojea Jesosaja epeejjicuana cuama ani jjequiya. 13Majoya ejeojjijje poquijeya eyaya eshequi biacojjajja nequijo queasajajanee acaje cuaquijijiya eyaya bapoa, eshequi queasajajapishana jama pojjeama. Eya ma enijje poqui pea-ai nequiyasijjeyee queasajajanee jeaja'ajeacapoa. 14Jamajjeya ecuana ojjaña jaabichajeananaquiapoa meshiyasijje. Majoya eyaya meshijo jaa shajja-ajjapoa enijje mimije hebreo esohuijo. Jama poa enijje ba'a: “Saulo, Saulo, ¿yajjajo eya queaneenee pomeeaña miyaya? Miya pea-aiya queanee jjapomeequiani.” 15O jama poani shajja-ajjamajje eya jama poa ba'a: “¿A'ya miya, Emeshimesenei?”
—Ohuaya eya saja-acapoa Emeshimeseneiya jama ba'a: “Eya ca iña Jesosa jiquio miyaya queaneenee pomeeañaya. 16Jjeya nequisohua'yocue, eya mijo jjanequija'aquinaje mi jjeya ejo echacochacopoqui'yojji. Miyaya huohuiquije cuana ojjaña jiquio esohui miya banaje huisotiiya ejo, ma quijje eya mi huohuije esohuicuana pea-aiya huohuiquije cuana. 17Jamajjeya quijje eyaya miya huoojeaje queahuisocuana sohuihuohuipoquiaa. Eyaya miya nahuepoquiaje minijjejaajji judiocuanajo, judío pojjeamacuanajo pea-ai. 18Eyaya miya huoojeaje judío pojjeamacuanaque esohui macuanaja queaja'a ebajji ejo, jiquio ecua dejja cojjama' ani jjabaqui'yani jama ona queaja'a epojjijo. Judío pojjeamacuana quea-aapotii jayojja eba'epoquijji pojjeamajo eyaya miya huoojeaje. Majoya queaja'a ba'ecapoquije'yo cuana, ma ecua ebionei eshahua Satanasya oya queamimishi pomeecapoa jama pojjeama poaje'yo macuanaya. E Eyacuiñajjijo ca jjashahuabaquije'yo cuana. Jama poajoya oja mimishi chama'yo ecuijea'yo baje eyaya Eyacuiñajjiya. Eyaya ojjaña joya ejo jjashahuabaquica'yonajecuana nequimeeje'yo ecue babacacuananijje ojee Eyajo.” Jamaya poa Eyacuiñajji enijje.
19—Jamajjeya emeshimese Agripa, ma eyajje poe ejo jjanequija'aquiapoaja esohuijo eya jjashajja-ajjaquipoquianitii. 20Eyaya ebionei Damasco meshijo ba'ecacuana sohuihuohuicooapoa. Majoya quijje Jerusalencuiñajjicuana pea-ai huohuiquiapoa oya esohuiya. Ojjaña provincia Judea meshijo ba'ecacuana, judío pojjeamacuana pea-ai huohuinequiapoa oya pea jjashahuabaquime epo'yojji Eyacuiñajjijo oja nahue'yo epojjijo. Majoya Eyacuiñajjija esohuijo jjashahuabaquije'yo bamajje eyaya huohuiapoa macuanaya ojaya peacuana queapame acapoquijji oja nahue'yocuana e'ejojonei poani peacuanaja ebajji. 21Ma esohuitiiya eya huohuinajejojoya judiocuaa eya iñaca'acanaje Eyacuiñajjija equi-aiquibojo nequi ecuia'yojji nisho. 22Jamatii eya queaca'a nequipoquiani Eyacuiñajjijo, jjeyanei pea-ai. Eyaya ojjañacuana esho'i, etiicuana pea-ai huohuipoquiañatii esohui Eyacuiñajjija. Ecuea pea esohui ajjima'neinei. Ma yahuajonei esohuihuohuijji poacuaa, Moisesya pea-ai huohuicapoa esohuiya eyaya apoquiañatii oya esohuitiiya, ma quijje Eyacuiñajjiya acaje esohuiya. 23Ma dejjacuaaya tehuecapoa Eyacuiñajjija huoojea ese nahue'yojji epojji manoca'yojji poa. Majoya oya mano'yomajje ebionei dejja eshequi'yojji poaje emanobeca'yojjitii pojjeama epojji. Eyacuiñajjija esohui queapame ojo ejjanahuemeequi'yojji judiocuana ebionei huohuicoocajji poanaje. Majoya ojjaña peajaajjicuana judío pojjeama huohuipea-aicajji poanaje— jamaya Pablo miminequiapoa.
Agripaa Pablo saja-acapoa
24Majoya aje Pablo etii poanicuanaja queaja'a o ebajjijo esohui mimianijotii emeshimese etii poani Festo taaapoa jama ba'a: —De, Pablo miya eniñepoqui'yo jayojja mimiani. Esohuicuana etehue queahuisonee añajo miya eniñepoqui'yo jayojja poani.—
25Pablohua oya jama acapoa ba'a: —Chojja de, eya eniñepoqui'yo jayojja pojjeama poani, emeshimese Festo. Jiquio eya huohuiaña esohui caca queapamenee e'ejojonei. 26Jiquiojo ani emeshimese Agripaja eba pea-ai jiquio esohuicuana, jamajjeya eya queabihui meteama mimiani o ani cojjaneijo nequi. Ecuea eba, ojaya eba pea-ai jiquio esohui eya mimiani e'ejojonei poani. Eyacuiñajjija huoojea Jesosa e'ejojonei jiquio meshijo nequihuapoa. Oya emano'yo jaa shequi'yapoa. Ecuea ca huohuijjima ma queahuisohua acani quehuajje. 27Emeshimese Agripa, ma yahuajonei tehuecapoa oja sohuihuohuijji poacuaa Eyacuiñajjija esohui, ¿a'a e'ejojonei poanitii miyaya baña? Ecuea ebanei miyaya oja esohui e'ejojoneitii poani baña.—
28Majoya aje Agripaa oya jama saja-ame acapoa ba'a: —¿A'a jjeyanei miyaya eya jjashahuabameequi'yosa-aña oja nahue'yo epojji?—
29Pablohua oya jama poajo acapoa ba'a: —Jjeyanei, quijjepishana pea-ai queapame ojo ejjashahuabaqui'yojji. Jamajjeya eya Eyacuiñajjinijje mimije mijo mi e jayojja pea-ai Jesosaja epeejji epojjijo. Mi oeneijotii pojjeama eya mimiani, jiquiojo anica e shajja-ajjajji poanicuanajo pea-ai mimiani e jayojja pea-ai miquiana epojjijo. Miquiana jiquio ecua eya cadenaja jeyo ani quiajja epojji pojjeamajo eya mimipoquiani.— Jamaya poa Pablo.
30Majoya aje emeshimese Agripa nequisohuapoa. Pea emeshimese Festo bajjani nequisohuapea-aiapoa ojee Berenicenijje. Ojjaña majo eanioque anica nequisohuapea-aicapoa. 31Majo ani cuayaqui'yomajje jama mimime pocapoa cuana oopana ba'a: —Joya dejja queamimishi pojjima'nei o eseja manomee'yojji. Oya ca ejjajeanobiaquijji equijo animeeca-ajja. ¿Ajeo majo ani?—
32Emeshimese Agripaa Festo acapoa jama ba'a: —Joya dejjaja Roma emeshimese Cesar nequiyasijje epoquijji huohuiajjajjimajojjemo eseyaya oya jjeyanei huoojeacuaya'yome.—
Цяпер абрана:
:
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Copyright Mision Nuevas Tribus, 2006