मरकुस ओलखात
ओलखात
यीशुन जीवणान बाराम देखाड़नारान नोवाला नेम माय चार पुस्तेका माय रेन एक पुस्तेक हे मरकुस ने लिखेल हाजाली खुबेर हे, न्या चार पुस्तेकाह हाजाली खुबेर कियेल हे, ज्यी चार हाजाली खुबेर यीशुन जीवणान बाराम केत्युह।
यीशुन मोरनेन पासाण ज्यी चार हाजाली खुबेर एकान पासाण एक मत्ती, मरकुस, लुका, योहान ज्या लिखेल हेते, एने न्या चार माय रेन मरकुस ने हाजाली खुबेर आखाह रेन आतली पुस्तेक हे, मरकुस ने हाजाली खुबेर आखा रेन पेल लेखायेल हे, एने यीशुन जेल्मान कोमीत कोमी 65 रेन ते 70 सालान पासाण रोम हेयरा माय रेन लेखायेल हे काय मसी मोंडलीन बुरहो वोड़ावणेन केरता, एने ईमोत आवणे जुवे तानकेरता ज्यी हाजाली खुबेर लेखायेल हे।
एने इही केतेह काय ज्यो मरकुस कुण हे? प्रेरित पौलुसान एने बरनबास ने जो जुवान हाती योहान मरकुस हे, जो तान पेल्ली मिश्नरी यात्रा माय जाणेन टेम मा आरदे वाटी रेन सोड़ीन नाह जायेल ईतो, मरकुस ओहलो किरेल तान केरता तान जीवाह दुको पोचनो प्रेरितान काम 13:13 पासाण जोच मरकुस बरनबासा हिऱ्यो मील जायेल ईतो, प्रेरितान काम 15:37-39, 1 पतरस 5:13 ने गेत मरकुस पतरसान आरहीन हाती ईतो, जाणकारान मान्नो हे काय मरकुस यीशुन जीवणो एने सेवान काम डोला केरीन दिखेल नाह ईतो, तीबी पतरसान पुरावान आदारा पोर तो ज्यी हाजाली खुबेर लिखेल हे, ज्यो मरकुसान हाजाली खोबरीन आदार हे।
मरकुस हाजाली खुबेर ने पुस्तेक माय मुख्य दुय वातुन बाराम हे, यीशुन चेला किहीक बोणनु, एने आखरी टेम ने बाराम यीशुन हिकवोण।
रूपरेखा
1. बपतीस्मा केरनार योहान एने यीशुन बपतीस्मा। 1:1-13
2. यीशुन द्वारे गेलील ईलाकाम यीशु किरेल चोमेत्कार। 1:14–9:50
3. गेलील माय रेन यरूशलेम वोर यीशुन यात्रा एने मोंदिर माय जाणो। 10:1–12:44
4. यीशुन द्वारे बविष्यान बाराम आपेल हिकवोण। 13:1-37
5. यीशुन मोरने एने जीव उठणो एने मोटलो उकुम। 14:1–16:1-20
Цяпер абрана:
मरकुस ओलखात: Nii2025
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025