Ijemiisi 5
5
Ọnyẹkẹhị, sị eyi pe ẹngụ awụ nịnị!
1Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị. 2#Imt 6.19Ogu awụ nịnị o si du. Ikere ọ sị ịta awụ nịnị rị. 3Igooru ọnịrị ọmọ ọnị ụ nyị hi ẹtẹ nịnị, e si kú ụrẹ. Ẹnị ẹ vaa sị zụ̀ ka ịsị ụ mẹ nịnị, o yi zoza. Ụrẹ ene e kú, vị ana sị mẹẹ anka ẹngụ awụ nịnị mè vee du anka ịra òo rere rị ịsa avọọ. Ẹhẹ aa vaa tá, ama ẹwụ nịnị ọ raà hàrà ogu tẹ. 4#Ọda 24.14,15Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu. 5Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị. 6Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.
Nyị isuuru nịnị!
7Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị. 8Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ. 9Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi. 10Ẹwụ nịnị ẹyịnyara amị, wê re ọnịsẹ nịnị anaā kà ịrẹyị ịnị ịrẹha Ohomorihi; sị ẹngụ isuuru ẹnẹ nyị ịjị ẹyaa rị ụya zama a re! 11#Ijov 1.21,22; 2.10; Ahẹ 103.8Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.
Asị ụ rẹ hị́ eku
12 #
Imt 5.34-37
Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.
Waa mẹ̀ aduwa ịnị ẹdọwụ
13Àa nyị ọza anaa rị ụya ịnị ẹngụ awụ nịnị, ọza ọnọọ ọ̀ mẹ̀ aduwa hi Ohomorihi. Àa nyị ọza ọnị ịnẹ anị ee hine, ọza ọnọọ ọ̀ọ jị ahẹ ga Ohomorihi. 14#Ịmk 6.13Àa nyị ọza ẹnẹ ẹngụ aa zị ịnị ẹngụ awụ nịnị, ọza ọnọọ ọ̀ hị́ azọkụ ịragụ Ohomorihi, dị ẹ va aduwaa yọ, dị ẹ̀ sị angwẹ sisi ọ ịrẹsụ ịnị ịrẹha Ananyị yị. 15Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị. 16Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ. 17#1 Ohi 17.1; 18.1Wéé re Erija? Ọza anka ẹ́yị ọnị rẹ vị nị. Ộ sị ayị ọnya mẹ̀ aduwa ka asị orihi zụ̀. Ịzẹyịza, orihi ẹ yị zụ̀ pooro mẹ ịrayị ẹẹta tụra ụhwẹ ịhịnọnyị ịnị ẹtẹ ọnọọ. 18#1 Ohi 18.42-45Ịrẹma anị dị ọ̀ rẹ mẹ̀ aduwa ka orihi ọ̀ zụ̀ nị, dị orihi zụ̀, dị avaba ịsa re nyị nị.
Ịrẹyị ọdịrẹma ini iwe ọnọnị
19Ẹwụ nịnị ẹyịnyara amị, àa nyị ọza ịnị awụ nịnị ana há hụrị oze ịzẹyịza Ohomorihi, dị ọza ịnya za a vavẹ nị, 20#Ụhị 10.12; 1 Ipi 4.8yẹ ka ọza ana mẹ ka ọnịvị ọ̀ và hụụnị oze oni o zi nyeeyi, ọ vaa dọ ọ há hụụnị isu. Ọ rẹ vaa mẹ ka Ohomorihi ọ̀ vagu ịvị ọrụrụ-ọrụrụ.
Цяпер абрана:
Ijemiisi 5: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Ijemiisi 5
5
Ọnyẹkẹhị, sị eyi pe ẹngụ awụ nịnị!
1Ẹwụ nịnị ọnyẹkẹhị, sị ụtọ pe ẹtẹ nịnị! Tụ́ ụvọ kú ịrẹsụ, dị ụ waa jị òrèrè nịnị agụvị ụya ana aa vẹ ịrẹsụ awụ nịnị. 2#Imt 6.19Ogu awụ nịnị o si du. Ikere ọ sị ịta awụ nịnị rị. 3Igooru ọnịrị ọmọ ọnị ụ nyị hi ẹtẹ nịnị, e si kú ụrẹ. Ẹnị ẹ vaa sị zụ̀ ka ịsị ụ mẹ nịnị, o yi zoza. Ụrẹ ene e kú, vị ana sị mẹẹ anka ẹngụ awụ nịnị mè vee du anka ịra òo rere rị ịsa avọọ. Ẹhẹ aa vaa tá, ama ẹwụ nịnị ọ raà hàrà ogu tẹ. 4#Ọda 24.14,15Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu. 5Ama ẹwụ nịnị ọ́ọ ta dẹngụ, ụ maa kụ́ ịsaa rị, anka uye ana aa pá naa wụ; ama wẹ yị yẹ ka aa vaa wụ̀ wụ nịnị. 6Aza ẹnẹ ẹ̀ yị nyị ịsị ẹ mẹ̀, wâ jị ịvị yị wa, wâ wụ̀ wa, ẹnịnị e yi tụ́ ohi.
Nyị isuuru nịnị!
7Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị. 8Ẹwụ nịnị ọ̀ rẹ vavọọ nyị isuuru, dị ụ wa nyị ayị ọnya, agụvị ka Ananyị yị aa vaa vaa vẹ. 9Ẹwụ nịnị ẹyịnyara amị, asị ụ rẹ̀ kụ́ ẹngụụ ịrẹka zị nịnị! Re, ọmọkarẹyị ayị ọ sị gụrị eehi. 10Ẹwụ nịnị ẹyịnyara amị, wê re ọnịsẹ nịnị anaā kà ịrẹyị ịnị ịrẹha Ohomorihi; sị ẹngụ isuuru ẹnẹ nyị ịjị ẹyaa rị ụya zama a re! 11#Ijov 1.21,22; 2.10; Ahẹ 103.8Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.
Asị ụ rẹ hị́ eku
12 #
Imt 5.34-37
Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.
Waa mẹ̀ aduwa ịnị ẹdọwụ
13Àa nyị ọza anaa rị ụya ịnị ẹngụ awụ nịnị, ọza ọnọọ ọ̀ mẹ̀ aduwa hi Ohomorihi. Àa nyị ọza ọnị ịnẹ anị ee hine, ọza ọnọọ ọ̀ọ jị ahẹ ga Ohomorihi. 14#Ịmk 6.13Àa nyị ọza ẹnẹ ẹngụ aa zị ịnị ẹngụ awụ nịnị, ọza ọnọọ ọ̀ hị́ azọkụ ịragụ Ohomorihi, dị ẹ va aduwaa yọ, dị ẹ̀ sị angwẹ sisi ọ ịrẹsụ ịnị ịrẹha Ananyị yị. 15Aduwa ana àa mẹ ini oze ka aa sị ayị tụra ịrẹha Ananyị yị, vaa mẹ ọnịkụ ọnọọ ụkụ anị, Ananyị yị vaa sị ọọ kwẹẹtẹ. Àa vị ọ mẹ ịvị nị, Ohomorihi vaa vaagu ọ ịnị anị. 16Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ. 17#1 Ohi 17.1; 18.1Wéé re Erija? Ọza anka ẹ́yị ọnị rẹ vị nị. Ộ sị ayị ọnya mẹ̀ aduwa ka asị orihi zụ̀. Ịzẹyịza, orihi ẹ yị zụ̀ pooro mẹ ịrayị ẹẹta tụra ụhwẹ ịhịnọnyị ịnị ẹtẹ ọnọọ. 18#1 Ohi 18.42-45Ịrẹma anị dị ọ̀ rẹ mẹ̀ aduwa ka orihi ọ̀ zụ̀ nị, dị orihi zụ̀, dị avaba ịsa re nyị nị.
Ịrẹyị ọdịrẹma ini iwe ọnọnị
19Ẹwụ nịnị ẹyịnyara amị, àa nyị ọza ịnị awụ nịnị ana há hụrị oze ịzẹyịza Ohomorihi, dị ọza ịnya za a vavẹ nị, 20#Ụhị 10.12; 1 Ipi 4.8yẹ ka ọza ana mẹ ka ọnịvị ọ̀ và hụụnị oze oni o zi nyeeyi, ọ vaa dọ ọ há hụụnị isu. Ọ rẹ vaa mẹ ka Ohomorihi ọ̀ vagu ịvị ọrụrụ-ọrụrụ.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.