Ijemiisi 2
2
Asị ụ nyị ọza remeyi
1Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o! 2Àa kà a ka àa nyị ọza ana kụ́ ịta chomi-chomi hi ẹngụ, dị ọ rẹ sị ochirigege igooru tụ ụvọ nị. Dị a rẹ nyị onosiye ana kụ́ ụsẹmụsẹ hi ẹngụ nị. Dị ẹ vẹ aha ọnị ụ kụ́ gụ nịnị nị. 3Ama dị ahịka ọnyẹkẹhị ọnọnị ụ hị́ ẹngụ ẹtẹ anị nị, dị ụ wụsẹ ka: Aarịhịnị Nda, va yaayịtẹ ịzẹnị, ama dị ụ kà a yị onosiye ọnọnị ka ọ̀ jẹẹ ịzọọ, ẹ̀ yị vị avọọ, dị ụ ka ọ̀ na yaayịtẹ ini eteesu. 4Wàa vavọọ aa mẹ, wee re ka we si nyima ee re aza ẹnyị eyii hu ọsa ịnị ẹngụ awụ nịnị avọọ? Yẹ ka ịsa oni u wee ro nịnị o yi zoza oo! 5Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị. 6Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị? 7Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị? 8#Ire 19.18Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ. 9Ama wàaa nyị ọzaa remeyi nịnị, wa sị ịvị mẹ nịnị; ọda ọ sị wụ nịnị za, agụvị ka wa sị jịnẹ ọda nịnị. 10Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị. 11#Kụra 20.14; Ọda 5.18; Kụra 20.13; Ọda 5.17Ohomorihi ana kà a ka: Asị ụ sẹ̀ ịrẹka, ọnị ọ rẹ kà a ka: Asị ụ wụ̀ ọza nị. Wẹ̀ yị daka sẹ̀ ịrẹka, ama dị ụ wụ̀ ọza nị, wa raà jịnẹ ọda Ohomorihi. 12Agụvị avọọ dị ụ wa tamayị ịnị avaba ịrẹyị ọnị ụ waa kà, ọnịrị ebira ọnị ụ waa mẹ, ka Ohomorihi vaa mẹ̀ ọkarẹyị yị wụ anka ọda Ohomorihi ana nyẹngụ dọ yị tịtẹ. 13Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.
Mẹ ebira ana sị zụ̀ ka waa sị ayị tụra Ijeesu nịnị
14Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ? 15À kà a ka áa nyị ẹnẹbẹnị, àa vị onyeyiza ọnya ene è yi re ịta kú ẹngụ, dị è yi re re ịsa rị nị, 16ama dị ọza ịnyara awụ nịnị yị kà a yọ kẹnẹ ka: Ngwa o! Wa na ka u vee re itaa kú ẹngụ ajịnị ọnịrị ịsọyịrị, ama di ẹ̀ yị nyị ịsị ọ sị yọ ịnị ịsa ene ee sì nị, áá nyị ọgụvọ ịsị u ro ka ọ́ọ vị? 17Avọọ gẹdẹ-gẹdẹ ọ mẹ̀ rẹ yà nị; ọza ọ̀ọ ka ọnị ọ́ọ sị ayị tụra Ohomorihi, dị ẹ̀ yị sị vị ebira mẹ nị, ẹngụ ẹdọwụ ẹnẹẹ vị oku oyisu. 18Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀. 19Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa. 20Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị? 21#Oyn 22.1-14Wáá kụkụ tamayị Abụrahamị ana vị ohiku ayị? Sị ẹ mẹ ka Ohomorihi ọ̀ jị ịhị yọ? Wáá yẹ ka agụvị ebira ọnị ọ mẹ yọ, ọ̀ mẹ̀ sị ozi anị Ayiziiki tụ́ ịrẹsụ ụta, dị ọ sị mẹ̀ ịsọvọ yị Ohomorihi nị. 22Wee re ka Ábụrahamị mẹ̀ sị ayị tụra Ohomorihi, ọ rẹ sị vị ebira mẹ? 23#Oyn 15.6; 2 Ịtọ 20.7; Ayị 41.8Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị. 24Wée re nịnị ka ịsa ọnị ọza mẹ, Óhomorihi sịị̄ jị ịhị yọ nị, ẹ́ yị vị agụvị ẹdọwụ anị kẹnẹ. 25#Ijos 2.1-21Wáá rẹ tamayị Ịrahabị nịnị ana vị ọsẹrẹka avọọ? Sị ẹ vẹ dị Ohomorihi jị ịhị yọ? Aanịka ẹ yị vị agụvị ebira ọnị ọ mẹ? O mè re ọnụtụ Aniju nịnị, di o sì wa ọzọga nị; dị ọ mẹ ọgụvọ yị wa ka è zwe zị oze ọsa, dị asị a wụ̀ wa nị. 26Wâ yẹ nịnị ka, ẹ̀ yị kụkụ nyị ụhwẹ ịnị ẹngụ ọza, vị ọza ọnọọ sú avọọ nị. Avọọ gẹdẹ-gẹdẹ ọza ọ̀ọ ka ọnị ọ́ọ sị ayị tụra Ohomorihi kẹnẹ, dị ọ̀ yị sị vị ebira mẹ nị, vị ẹdọwụ anị sị mẹẹ anka oku ene sú avọọ nị.
Цяпер абрана:
Ijemiisi 2: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Ijemiisi 2
2
Asị ụ nyị ọza remeyi
1Ẹwụ nịnị ẹyịnyara amị, anka ọza ana sị ayị tụra Ijeesu Ikirisiti Ananyị yị ana nyị ụbanyị hu keekere, asị ụ zẹẹ ka wa nyị ọza remeyi nịnị o! 2Àa kà a ka àa nyị ọza ana kụ́ ịta chomi-chomi hi ẹngụ, dị ọ rẹ sị ochirigege igooru tụ ụvọ nị. Dị a rẹ nyị onosiye ana kụ́ ụsẹmụsẹ hi ẹngụ nị. Dị ẹ vẹ aha ọnị ụ kụ́ gụ nịnị nị. 3Ama dị ahịka ọnyẹkẹhị ọnọnị ụ hị́ ẹngụ ẹtẹ anị nị, dị ụ wụsẹ ka: Aarịhịnị Nda, va yaayịtẹ ịzẹnị, ama dị ụ kà a yị onosiye ọnọnị ka ọ̀ jẹẹ ịzọọ, ẹ̀ yị vị avọọ, dị ụ ka ọ̀ na yaayịtẹ ini eteesu. 4Wàa vavọọ aa mẹ, wee re ka we si nyima ee re aza ẹnyị eyii hu ọsa ịnị ẹngụ awụ nịnị avọọ? Yẹ ka ịsa oni u wee ro nịnị o yi zoza oo! 5Ẹwụ nịnị ẹyịnyara amị oni mi sì, batọ nịnị oo! Wáá yẹ ka onosiye ene hi ịnị ẹhẹ ọnọnị Óhomorihi nyị ka ẹ̀ sị ayị tụraa, dị ẹ̀ nyị ụbanyị obooro nị, dị ẹ̀ rẹ nyị tụ́ ịnị ịjọva anị? Ohomorihi ộ kà a ka ẹ́ yị zụ nyị ka ọnị ọ yị vaa sịị yị aza ene sì ịrẹyị anị. 6Ama ẹwụ nịnị aa sị oweyii re onosiye. Wáá tamayị ka ọzọbanyị nịnị ẹẹ̄ mẹ ehunaa wụ nịnị nị? Wáá yẹ ka ẹnị ẹ rẹẹ za wụ nịnịị nọ ikootu nị? 7Wáá rẹ tamayị ka ẹnị ẹẹ̄ kà ịrẹyị odivii hi ịrẹha Ijeesu ana aa sịị hị́ wụ nịnị nị? 8#Ire 19.18Wàa sị eyi pe ọda oni Ohomorihi ohinọyị ayị mẹ, anka a mẹ̀ chẹrẹ ẹ tụ́ ini iwe Ohomorihi óo zoza. Ọda ọnọọ ộ kà a ka: Sì ịrẹyị ọnọhụva awụ anka u mè sì ịrẹyị ẹngụ awụ. 9Ama wàaa nyị ọzaa remeyi nịnị, wa sị ịvị mẹ nịnị; ọda ọ sị wụ nịnị za, agụvị ka wa sị jịnẹ ọda nịnị. 10Ọza ọ̀ọ daka sị eyi pe avaba ọda Ohomorihi, dị ọ jịnẹ ọnya kẹnẹ nị, avaba ọda Ohomorihi bemi ọ jịnẹ avọọ nị. 11#Kụra 20.14; Ọda 5.18; Kụra 20.13; Ọda 5.17Ohomorihi ana kà a ka: Asị ụ sẹ̀ ịrẹka, ọnị ọ rẹ kà a ka: Asị ụ wụ̀ ọza nị. Wẹ̀ yị daka sẹ̀ ịrẹka, ama dị ụ wụ̀ ọza nị, wa raà jịnẹ ọda Ohomorihi. 12Agụvị avọọ dị ụ wa tamayị ịnị avaba ịrẹyị ọnị ụ waa kà, ọnịrị ebira ọnị ụ waa mẹ, ka Ohomorihi vaa mẹ̀ ọkarẹyị yị wụ anka ọda Ohomorihi ana nyẹngụ dọ yị tịtẹ. 13Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.
Mẹ ebira ana sị zụ̀ ka waa sị ayị tụra Ijeesu nịnị
14Ẹwụ nịnị ẹyịnyara amị, ọza ọ̀ọ ka ọnị ọ́ọ sị ayị tụra Ohomorihi, dị ọ̀ yị sị vị ebira mẹ nị, ọgụ ịsị ẹ yà ịnị anị? Wéé ro ka Ohomorihi vaa dọ ọ há agụvị ka ộ sị ayị tụra Ohomorihi kẹnẹ? 15À kà a ka áa nyị ẹnẹbẹnị, àa vị onyeyiza ọnya ene è yi re ịta kú ẹngụ, dị è yi re re ịsa rị nị, 16ama dị ọza ịnyara awụ nịnị yị kà a yọ kẹnẹ ka: Ngwa o! Wa na ka u vee re itaa kú ẹngụ ajịnị ọnịrị ịsọyịrị, ama di ẹ̀ yị nyị ịsị ọ sị yọ ịnị ịsa ene ee sì nị, áá nyị ọgụvọ ịsị u ro ka ọ́ọ vị? 17Avọọ gẹdẹ-gẹdẹ ọ mẹ̀ rẹ yà nị; ọza ọ̀ọ ka ọnị ọ́ọ sị ayị tụra Ohomorihi, dị ẹ̀ yị sị vị ebira mẹ nị, ẹngụ ẹdọwụ ẹnẹẹ vị oku oyisu. 18Aza ẹnyị ẹ zụ nyị ahankata ka: Ọza ịnya ộ dọ Ohomorihi wụ́ kẹnẹ, dị ọsa ọnị aa mẹ̀ ịsa ana vọrọ nị. Ohi amị ọ vị ka: Ọ́za mẹmẹ nyẹngụ dọ Ohomorihi wụ́ kẹnẹ dị ẹ yị sị vị ebira mẹ? Ẹma nyẹngụ sị zụ wụ ka maa sị ayị tụra Ohomorihi ini oze ebira ọnị maa mẹ̀. 19Wâ dọ wụ́ ka Ohomorihi vị ọnya, óo zoza. Ama ụhwẹ echu nịnị ẹnị ẹ rẹ vavọọ dọ bẹẹ, dị ẹ hyakụ hụ agụvị avọọ aa da ẹgahị papapa, e mee hí angwa. 20Ịrẹyọyẹ awụ óo weyi oo! Ụ́ wáá ka à rẹ kụkụ kà a wụ ka ọza ọ̀ọ ka ọnị ọ́ọ dọ Ohomorihi wụ́, dị ọ̀ yị sị vị ebira mẹ nị, ka osusu samị-samị ọ vị nị? 21#Oyn 22.1-14Wáá kụkụ tamayị Abụrahamị ana vị ohiku ayị? Sị ẹ mẹ ka Ohomorihi ọ̀ jị ịhị yọ? Wáá yẹ ka agụvị ebira ọnị ọ mẹ yọ, ọ̀ mẹ̀ sị ozi anị Ayiziiki tụ́ ịrẹsụ ụta, dị ọ sị mẹ̀ ịsọvọ yị Ohomorihi nị. 22Wee re ka Ábụrahamị mẹ̀ sị ayị tụra Ohomorihi, ọ rẹ sị vị ebira mẹ? 23#Oyn 15.6; 2 Ịtọ 20.7; Ayị 41.8Avọọ ịrẹyị ana chẹrẹ tụ́ ini Iwe Ohomorihi, mẹ̀ sẹ nị. Ịrẹyị ọnọọ ka: Abụrahamị ộ sị ayị tụra Ohomorihi, agụvị avọọ dị Ohomorihi za ịrịka tụ́ ịnị ọnịrẹyịzẹyịza nị; dị a kụkụ aa hị́ ọ ọta Ohomorihi nị. 24Wée re nịnị ka ịsa ọnị ọza mẹ, Óhomorihi sịị̄ jị ịhị yọ nị, ẹ́ yị vị agụvị ẹdọwụ anị kẹnẹ. 25#Ijos 2.1-21Wáá rẹ tamayị Ịrahabị nịnị ana vị ọsẹrẹka avọọ? Sị ẹ vẹ dị Ohomorihi jị ịhị yọ? Aanịka ẹ yị vị agụvị ebira ọnị ọ mẹ? O mè re ọnụtụ Aniju nịnị, di o sì wa ọzọga nị; dị ọ mẹ ọgụvọ yị wa ka è zwe zị oze ọsa, dị asị a wụ̀ wa nị. 26Wâ yẹ nịnị ka, ẹ̀ yị kụkụ nyị ụhwẹ ịnị ẹngụ ọza, vị ọza ọnọọ sú avọọ nị. Avọọ gẹdẹ-gẹdẹ ọza ọ̀ọ ka ọnị ọ́ọ sị ayị tụra Ohomorihi kẹnẹ, dị ọ̀ yị sị vị ebira mẹ nị, vị ẹdọwụ anị sị mẹẹ anka oku ene sú avọọ nị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.