Anigaratiya 3
3
Ọda ọnịrị Ẹdọha
1Ho! Ẹwụ nịnị Anigaratiya, wáa vị ọnụra nịnị, oo! Ẹnẹ aa mẹẹ hi wu nịnị? Wáá tamayị ka áa kà a wụ nịnị saka-saka, a mẹmẹ kanyị Ijeesu za ọchị apavahị? 2Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ? 3Ọnụra ụ wáá vị nịnị nị? Wáa sị ụkata Ụhwẹ Ọnịnị nyima nịnị. Sị ẹ vavẹ du u kuku ee sì ka wa sị ụkata ẹngụ awụ nịnị mẹẹ ne tù ẹtẹ nịnị? 4Avaba ịsa ọnị ụ sị eyi awụ nịnị re, a vị kẹnẹ-kẹnẹ ọ vịị? Me yi ro ka kẹnẹ-kẹnẹ ẹ vị nị. 5Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ? 6#Oyn 15.6; Iro 4.3Sị Ábụrahamị zama a re, “ọ́ọ sị ayị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza nị.” 7#Iro 4.16Agụvị avọọ, yẹ nịnị ka ọdọwụ nịnị ẹ vị ezi Abụrahamị booro nị. 8#Oyn 12.3O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.” 9Ábụrahamị mẹ̀ sị ayị tụra Ohomorihi, di Ohomorihi mẹ ka ò zé yọ, avọọ ọ mẹ̀ rẹ vaa mẹ ka ò zé yị avaba aza ana àa sị ayị tụra a bẹẹ nị. 10#Ọda 27.26Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.” 11#Iha 2.4Ya sị yẹ ka ẹ yị nyị ọza ana nyẹngụ vavọọ saasa ọda, dị ọ̀ rị ịhị ini eyi Ohomorihi. Yáa yẹ agụvị ka, “Aza ana vị ọnịzẹyịza (ini eyi Ohomorihi) vaa yàra, agụvị ka ẹ́ẹ sị ayị tụra a.” 12#Ire 18.5Àa vị ịrẹyị ọda Aniju yọ, ẹ yị nyị ka ọza ọ̀ nyị ẹdọwụ. Ama “ọza ana àa yịị mẹ̀ ịsa ọnị ọda kà, ọ vaa yàra agụvị ọda ẹnẹẹ nị.” 13#Ọda 21.23Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.” 14Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị. 15Ẹwụ nịnị ẹyịnyara amị, jẹẹ ma sị ịsa ẹhẹ ọnọnị juwe ịrẹyị ọnọnị, oo! Aza ẹnị ẹẹva ẹ̀ẹ dọ ka ẹnị aa mẹ̀ ịsa ọnya, dị ẹ raà hị́ eku tụ́ ọọ nị, ẹ yị nyị ọza ana kụkụ nyẹngụ du ọọ, à vị ka dị ọ̀ dà tụ́ ọọ. 16Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti. 17#Kụra 12.40Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze. 18#Iro 4.14Ohomorihi ọ̀ọ sị ẹyịza anị yị aza agụvị ka ẹ́ẹ saasa ọda, ọnị ọ vị ka ẹ yị kụkụ vị agụvị oto anị. Ama agụvị oto oni Ohomorihi wo, ọ sị sị ẹyịza ọnọọ yị Abụrahamị nị.
Sị ẹ vẹ dị Ohomorihi sị ọda vẹ?
19Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị. 20Ọza ịnyara àa mẹ ịrẹyị, ẹ yị nyị ka òo sì ọza ana aa yà ịnị akakana; Ohomorihi ọnịnya ọ zẹẹ Abụrahamị ịzẹzẹ nị. 21Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi. 22Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu. 23Ịjị ọza ọọ̀ yị vịdị re oze sị ayị tụra Ijeesu, ụvọ ọda ọ sị kara yị, di o gu oze hi yi, di yẹ̀ yị nyẹngụ sị ayị tụra Ijeesu nị, pooro ne tù ụmẹ oni i ve si re oze sị ayị tụra Ijeesu. 24Ọda vị anaa sị oze zụ̀ yị pooro dị Ijeesu vavẹ, agụvị dị ya zụ vị ọnịrẹyịzẹyịza, agụvị ka yáa sị ayị tụraa. 25Ụ́mẹ ẹdọwụ mẹ̀ vẹ aanị, yẹ yị kụkụ yà ịnị ụvọ ọda ana vịdị aa sị oze zụ ọza. 26Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị. 27Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire. 28Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya. 29#Iro 4.13Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.
Цяпер абрана:
Anigaratiya 3: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.
Anigaratiya 3
3
Ọda ọnịrị Ẹdọha
1Ho! Ẹwụ nịnị Anigaratiya, wáa vị ọnụra nịnị, oo! Ẹnẹ aa mẹẹ hi wu nịnị? Wáá tamayị ka áa kà a wụ nịnị saka-saka, a mẹmẹ kanyị Ijeesu za ọchị apavahị? 2Mee sì ka wa kà ịsa ọnya yị mị nịnị: Agụvị ka wáa saasa ọda Aniju nịnị, ụ wáá sị dọ Ụhwẹ Ọnịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ? 3Ọnụra ụ wáá vị nịnị nị? Wáa sị ụkata Ụhwẹ Ọnịnị nyima nịnị. Sị ẹ vavẹ du u kuku ee sì ka wa sị ụkata ẹngụ awụ nịnị mẹẹ ne tù ẹtẹ nịnị? 4Avaba ịsa ọnị ụ sị eyi awụ nịnị re, a vị kẹnẹ-kẹnẹ ọ vịị? Me yi ro ka kẹnẹ-kẹnẹ ẹ vị nị. 5Ụ wáá ka agụvị ka wáa saasa ọda nịnị, Óhomorihi aa sịị sị Ụhwẹ Ọnịnị wụ nịnị, dị ọ raa mẹ̀ ụkọrọ ohyozirenu ịnị akakana awụ nịnị nị, à vị agụvị ka ụ mẹ̀ wụ́ enube ọyịza, wáa dọ wụ́ yọ? 6#Oyn 15.6; Iro 4.3Sị Ábụrahamị zama a re, “ọ́ọ sị ayị tụra Ohomorihi, dị Ohomorihi zaa ịrịka tụ́ ịnị ọnịrẹyịzẹyịza nị.” 7#Iro 4.16Agụvị avọọ, yẹ nịnị ka ọdọwụ nịnị ẹ vị ezi Abụrahamị booro nị. 8#Oyn 12.3O si kù oni Iwe Ohomorihi kà a tịtẹ ka agụvị ka aza ẹnẹ ẹ̀ yị vị Aniju ẹ́ẹ dọ wụ́, Ohomorihi vaa sị jị ịhị yị wa nị. Agụvị avọọ dị Iwe Ohomorihi jintu kà enube ọyịza yị Abụrahamị tịtẹ nị ka, “Agụvị awụ Óhomorihi vaa mẹ ka ò zé yị avaba anẹhẹ nị.” 9Ábụrahamị mẹ̀ sị ayị tụra Ohomorihi, di Ohomorihi mẹ ka ò zé yọ, avọọ ọ mẹ̀ rẹ vaa mẹ ka ò zé yị avaba aza ana àa sị ayị tụra a bẹẹ nị. 10#Ọda 27.26Ama avaba aza ana àa saasa ọda Aniju vị ana yị rị ịvị ini eyi Ohomorihi; agụvị ka Iwe Ohomorihi ọ́ọ kà a ka, “Ọza ẹnẹ ẹ̀ yị mā mẹ avaba ịsa ana a chẹrẹ tụ́ ini iwe ọda bemi-bemi, ẹ sị ịvị rị ini eyi Ohomorihi.” 11#Iha 2.4Ya sị yẹ ka ẹ yị nyị ọza ana nyẹngụ vavọọ saasa ọda, dị ọ̀ rị ịhị ini eyi Ohomorihi. Yáa yẹ agụvị ka, “Aza ana vị ọnịzẹyịza (ini eyi Ohomorihi) vaa yàra, agụvị ka ẹ́ẹ sị ayị tụra a.” 12#Ire 18.5Àa vị ịrẹyị ọda Aniju yọ, ẹ yị nyị ka ọza ọ̀ nyị ẹdọwụ. Ama “ọza ana àa yịị mẹ̀ ịsa ọnị ọda kà, ọ vaa yàra agụvị ọda ẹnẹẹ nị.” 13#Ọda 21.23Ama Ikirisiti ọ́ọ dọ yị há hụụnị ịvị ọnị ọda ka yáa rị. Ikirisiti ọ raà dọ ụya ayị rị, ọ mẹ̀ sị ịvị ọnọọ yị ẹngụ anị, anka Íwe Ohomorihi mẹ̀ kà a ka, “Ọza ana àa sị gẹ ọchị, ọ sị ịvị rị ini eyi Ohomorihi.” 14Ijeesu Ikirisiti ộ vavọọ mẹ, agụvị dị Ohomorihi ọ̀ zụ mẹ ka ò zé yị anarịmadọwụ nịnị, anka ọ mẹ̀ mẹ ka ò zé yị Abụrahamị; agụvị dị ẹyị ana sị ayị tụra Ijeesu Ikirisiti, ọ̀ zụ dụ Ụhwẹ Ọnịnị oni Ohomorihi kà a ka ayị zụ nyị ka ọnị ọyị vaa sịị yị. 15Ẹwụ nịnị ẹyịnyara amị, jẹẹ ma sị ịsa ẹhẹ ọnọnị juwe ịrẹyị ọnọnị, oo! Aza ẹnị ẹẹva ẹ̀ẹ dọ ka ẹnị aa mẹ̀ ịsa ọnya, dị ẹ raà hị́ eku tụ́ ọọ nị, ẹ yị nyị ọza ana kụkụ nyẹngụ du ọọ, à vị ka dị ọ̀ dà tụ́ ọọ. 16Avọọ Óhomorihi mẹ̀ kà a ka ayị zụ nyị ka ọnị ọyị vaa mẹ̀ ịsa ọrụrụ-ọrụrụ yị Abụrahamị ọnịrị ozi anị nị. Iwe Ohomorihi ọyị kà a ka: “yị ezi ewu nịnị”, anka aza ọrụrụ, ama ọ ka: “yị ozi ewu,” ọnị ọ vị ka ọza ịnya ọ vị nị, ana vị Ikirisiti. 17#Kụra 12.40Ịsị maa kà yị: O si kù oni Ohomorihi wo oto yị Abụrahamị. Ịrayị akava tụra ohurẹẹwụ (430) ọ sị mẹ kwooze, dị Ohomorihi va sị ọda yị Aniju nịnị. Ọda ọnọọ ọ yị nyẹngụ du oto oni Ohomorihi vịdị reè wo, dị ọ̀ kụ́ ịsa oni o wo oto anị kwooze. 18#Iro 4.14Ohomorihi ọ̀ọ sị ẹyịza anị yị aza agụvị ka ẹ́ẹ saasa ọda, ọnị ọ vị ka ẹ yị kụkụ vị agụvị oto anị. Ama agụvị oto oni Ohomorihi wo, ọ sị sị ẹyịza ọnọọ yị Abụrahamị nị.
Sị ẹ vẹ dị Ohomorihi sị ọda vẹ?
19Sị ẹ vavẹ di a nyị ọda? Â nyị ọda, agụvị dị à yẹ ị́vị meme divi ini eyi Ohomorihi. Ọda ẹnẹẹ ẹ́ẹ jẹẹ chee di ozi Abụrahamị ọnọọ ọ̀ vavẹ, ene wo oto ọnọọ yị. Ohomorihi ọ́ọ sị ọda tụ́ anggẹẹrị nịnị vẹ, di a rẹ nyị ọza ana yà ịnị akakana aza ọnịrị Ohomorihi nị. 20Ọza ịnyara àa mẹ ịrẹyị, ẹ yị nyị ka òo sì ọza ana aa yà ịnị akakana; Ohomorihi ọnịnya ọ zẹẹ Abụrahamị ịzẹzẹ nị. 21Vị ọsọnị wáá vị ka vị ọda Ohomorihi ọnịrị oto anị aa za ẹngụ oze nị? Asị Ohomorihi zẹẹ! Àa yaanị mẹ ọda ana nyẹngụ mẹ ka ọza ọ̀ yàra, ọ yaanị rẹ zụ mẹ ka ọza ọ̀ vị ọnịrẹyịzẹyịza ini eyi Ohomorihi. 22Ama Iwe Ohomorihi ọ sị ọọ kà ka ụvọ ịvị ọ sị avaba ẹhẹ kara. Aza ana sị ayị tụra Ijeesu kẹnẹ, ẹ vaa dọ ẹyịza ọnọọ oni Ohomorihi raà kà a ka ẹ yị nyị ka ọnị ọyị vaa sịị yị aza ana sị ayị tụra Ijeesu. 23Ịjị ọza ọọ̀ yị vịdị re oze sị ayị tụra Ijeesu, ụvọ ọda ọ sị kara yị, di o gu oze hi yi, di yẹ̀ yị nyẹngụ sị ayị tụra Ijeesu nị, pooro ne tù ụmẹ oni i ve si re oze sị ayị tụra Ijeesu. 24Ọda vị anaa sị oze zụ̀ yị pooro dị Ijeesu vavẹ, agụvị dị ya zụ vị ọnịrẹyịzẹyịza, agụvị ka yáa sị ayị tụraa. 25Ụ́mẹ ẹdọwụ mẹ̀ vẹ aanị, yẹ yị kụkụ yà ịnị ụvọ ọda ana vịdị aa sị oze zụ ọza. 26Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị. 27Avaba ọza ọnị ọnịrị Ijeesu ọ̀ọ vị ọnya ini oze ọyịhwenyi, ẹ raà sị ebira Ikirisiti mẹ awuru chire. 28Agụvị avọọ, ẹ yị kụkụ nyị irenyi yị Aniju ọnịrị ọdọwụ ẹnẹ ẹ̀yị vị Aniju; àa vị ọrịhị, àa vị ozi; àa vị ọnọrụ, àa vị ọnẹẹ; agụvị ka ẹyịrị Ijeesu Ikirisiti kụkụ vị ọnya. 29#Iro 4.13Agụvị ka avaba ayị kụkụ vị Íikirisiti, ọnị ọ vị ka ezi Abụrahamị i kụkụ vị nị. Ẹyị rẹ vaa dọ avaba ẹyịza oni Ohomorihi kà a ka ayị zụ nyị ka ọnị ọyị vaa sị yị Abụrahamị.
Цяпер абрана:
:
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.